السلام عليكم ورحمه الله وبركاته
اسعد الله اوقاتكم بكل خير اعضاء و زوار هذا القسم
كل موضوع اكتبه اما يكون من قصه حصلت او سؤال من احد الاخوه خارج المنتدى و لما اشوف ان الامر مهم اكتبه عشان الكل يستفيد واللي مايدري او ماعنده خبر يكون على علم بعدها
الموضوع يااخواني واخواتي ان امس دخلت LFR و دخل معانا Tank وانا من الناس اللي يحبون يتطمشون على جير الناس و ضغطت على صورته و يمين كلك وقعدت اشوف الجير
كان الجير فاشل بمعنى الكلمه , جير pvp على pve وكان هذا الشخص بسيرفري , لما شفت الوضع جذي قلت يمكن الحين يغيره او ان قاعد يغير وانا دخلت بنص السالفه
المهم دخلنا على البوس كان يفركنا و اهو الشخص هذا هرب من القروب عشان الظاهر ان مايبي يسمع كلمه مني او مناك تزعله , قال انسحب بسرعه احسن
انا ومثل ماانتوا عارفين ماحبيت اخليه , مع العلم اني اعرف الهدف من دخوله بهذا الشكل , لكن قلت يمكن سبب اخر وبسأله اذا فعلا سبب اخر او السبب اللي انا اعرفه و اعلمه بالطريقه الصحيحه شلون يسويها
وفعلا كان للسبب اللي في بالي , وانا يوم كنت بالرايد قلت للشباب عن السبب لأن نصهم لما طلع قالوا احسن يطلع لأنه الجير ماله فاشل , فقلت لهم السبب وقلت اكيد دخل عشان جذي
المهم يااخواني كان السبب ان هذا الشخص دخل رايدات و دائما يحصل جير dps واهو يبي جير tank ولأن الرايد لما يدخله الواحد يدخل على التالنت اللي مسويه وتكون في مكانك الصحيح بالرايد , يعني الرايد يحتاج 2 tank و 5 healer و 18 dps
فأنت بالحاله هذي حطيت نفسك بالنظام الخاص باللوت وان مايطيحلك شي الا يكون حسب وضعك بالقروب , صح او لأ
المهم ان هالشخص لما زهق من جير الdps ويبي جير tank راح و دخل على انه tank عشان يقول للنظام ان اهو تانك ف عطني جير تانك
عرفتوا شلون
الاخ كلمته وقالي مثل الكلام اللي قلته وان يبي جير تانك , فقلتله الطريقه الصحيحه وشلون يحصل جير تانك بدون يحتاج يكون تانك
هذي الصوره تبين لكم اعزائي اللي يبحثون عن جير غير عن الجير اللي على spec اللي هم عليه
شوفوا الصوره , حط الفاره على صورتك ويمين كلك تفتح معاك اللي مبين بالصوره , تروح للloot
مكتوب مثل ماتشوفون ان الاختيار على الوضع الحالي , اللي انا عليه الحين , والناس كذلك كلهم جذي فيقول شخص من اللي دخل معانا ويغير التالنت و يدخل على انه تانك بس عشان ياخذ قطع تانك لأن مثل ماتشوفون ان راح يكون اهو على وضعه الحالي واللي اهو تانك
واهو مايدري ان حتى لو دخل dps يقدر يغير الوضع او قطع اللوت اللي راح ياخذها من الرايدات
اذا انت مثلا druid و وضعك الحالي cat وانت تبي جير رستو او مونكن ماعليك الا تغير الوضع الحالي وتخليه على اي تالنت تبيه
لذلك لما شفت الحبيب التانك اللي نحش تذكرت السالفه و قلت اكتبها لكم هني عشان اللي يدري ينام بدري واللي مايدري يتعلم
وانا احط دائره لعبت مع نفسي اكس اوه و ابشركم فزت على نفسي بكل سهوله بعد
انا الاكس و الشخصيه الثانيه الشريره اوه
والسلام عليكم ورحمه الله وبركاته
