معلومات المتقدم بالاستفسار :
العمر : 19 , الجنس : ذكر
الطول :174 متر
الوزن : 65 كيلوجرام
نسبة الدهون : 9٪
و الاستفسار كالتالي :
السلام عليكم ورحمة الله وبركاته
شحالكم ياربع عساكم بخير وسهالة يارب
انا بدخل بالموضوع مباشرة لاني ماعرف للمقدمات
انا ماشاء الله جسمي مقسم طبيعيا بدون جيم او نادي
و جسمي كذي من يوم ماكنت صغير ونوع جسمي هو Mesomorph
والمواصفات العامة لجسمي
-رأس كبيرة - اكتاف عريضة و وسط ضيق
-جسم عضلى مع اذرع وافخاد قوية
-دهون قليلة على الجسم
-جذع طويل مع صدر عريض وتناسب جميل بين الكتف والوسط
-تعتبر جيناته الامثل لبناء الاجسام
انا قلت لكم كل هذا عشان تكونن في الصورة وتعرفون طبيعة جسمي
انا صار لي شهرين مشترك في الجيم ومن اول يوم والله جسمي بدا يتغير تغير ملحوظ
بس انا اروح الجيم وماعرف شو اسوي ولما اسأل المدربين كل واحد يقولي كلام وانا احترت الصراحه
وماعرف شو اسوي انا كل اللي اريده اني ازيد تقاسيم جسمي بس ماعرف شو اسوي وشو التمارين المطلوبة وعدد الجلسات والتكرار
ياليت احد يساعدني لاني اروح الجيم واي تمرين يعجبني اسويه وانا ادري ان هذا غلط بس بنفس الوقت شايف جسمي يطور
وانا قلت اذا جسمي بالغلط يطور كيف بيكون اذا كانت تمريني سليم اكيد راح يصير احسن
اتمنى تنصحوني وتقولون لي شو اسوي وشو الغذاء المناسب لتقسيم الجسم
واسف على الاطالة ومشكورين مقدما
