السلام عليكم ورحمة الله وبركاته
بتكلم عن كيف الواحد ينشئ ريد او قروب للاعبين من سيرفرات متعددة بدون لاينتظر اوقات الذروة
طبعا قد يكون هذا الموضوع معروف عند الكثير لكن انا ماعرفته الا الاسبوع الماضي وحل كثير من المشاكل بالنسبة لي صرت على طول القى قروبات للوورلد بوس الجدد خصوصا اني كنت اتعب على مالقى قروبات للالتات وايضا تلقى قروبات للفارم ريبتوشين او حتى كويست الليجندري او اي شي يخطر ببالك
الخطوة الاولى :ادخل موقع الباتل نت وبتلقى على اليسار شيء اسمه Battletag اضغط عليه وحط لك نيك نيم أيا كان مثلا انا حطيت اسمي وبعد ماضغطت اوك طلعلي الباتل تاق النهائي اللي هو الاسم#كود( اربعة ارقام)
طبعا هذا الباتل تاق اللي هو الرمز البديل للاكاونت في الباتل نت يعني اذا بغيت تضيف احد في قائمة الاصدقاء مايحتاج يعطيك الايميل يعطيك فقط الباتل تاق ويرسل الطلب وبعد كذا تقبل الطلب وتلقاه في قائمة الأصدقاء
الخطوة الثانية :تدخل موقع openraid.eu وتسجل لك عضوية باسم مستعار وايميل مو شرط يكون ايميل الباتل نت وبعد كذا تدخل الموقع وتضيف الباتل تاق لليوزر وبعد ماتدخل بيقول لك اضف شخصياتك في واو تكتب اسم الشخصية والسيرفر وبعد ماتأكد الطلب بيطلب منك انك تدخل اللعبة وتدخل هذه الشخصية وتشيل قطعتين من اللبس يختارهم لك عشوائي وتحطهم بالشنطة وتسجل خروج من الشخصية ثم بعد كذا تضغط اوك في موقع openraid يتأكد انك شلت القطعتين وبكذا تكون سجلت هذه الشخصية وبنفس الطريقة تضيف جميع شخصياتك .
الخطوة الثالثة : تدخل موقع openraid وتضغط على الشات وتبحث عن قروب او رايد للمكان اللي تبيه وتاخذ الباتل تاق للي تبيه يضيفك وتدخل اللعبة وتفتح قائمة الأصدقاء وتضغط اضافة وتلصق الباتل تاق ثم تضغط ارسال وبعد كذا هو يرسل لك دعوة للريد او القروب طبعا خلال القروب او الريد راح تتحول من سيرفرك اللي انت فيه الى سيرفر الليدر .
اتمنى اكون اضفت شيء لهذا المنتدى الجميل ولكم جزيل الشكر
