انا لقيت اغلب الاسئله فى قسم الاستفسارات عن مشكله ثبات الوزن اثناء التخسيس وليه الوزن مش بينزل الموضوع سهل جدا وان شى الله هلخص الموضوع بطريقه مختصره ومفهومه باذن الله ) قبل ما تعرف ليه وزنك مش عايز ينزل لزم تتعرف على الاسباب اللى مبتخليش وزنك ينزل وتفهما كويس وتبعد عنها
1_ وهم كبير اسمه حزام التخسيس حزام التخسيس بقى من حكاوى كل الناس والكل بيشتريه وفى الاخر المستفاد هو صاحب المنتج حزام التخسيس عمره ما هيخسسك والناس اللى بتشوفهم فى اعلانات دى ولبسين الحزام دول لعمرهم استخدمو الحزام ولا حتى بيفكرو يلبسوه
2_الكيس البلاستك واضح من الاسم انها حاجه غريبه وهى غريبه فعلا فى اغلبيه الجيمات لما واحد يخش علشان يخسس تلاقى كابتن الجيم يقوله البس كيس علشان تعرق كل ما تعرق اكتر كل ما هتخس اكتر عمر ما كيس هيخسك ولا ليه اى فايده دى مجرد فتوه من فتاوى الجيمات مفيش كيس بيخسس ولا العرق بيخسس
3_لعب الحديد او تمارين كمال الاجسام
_زى تمرين الصدر _ الباى التراى الى اخره
تمارين كمال الاجسام مش هتخسسك زى ما انتا فاكر لا دى نظريه غلط اللى بيخسس التمارين اللى جسمك بيكون شغال فيها كل جسم بيتحرك فيها من صباع رجلك لشعر دماغك بالبلدى كده زى ايه
1_ الدات لفت ( القطانيه)
من اقوى التمارين والاغلبيه بيقوله عليه تمرين ضهر تمرين الدات لفت او القطانيه من اقوى تمارين الجسم بيشغل جسمك كلو التمرين ده لو اتلعب صح يتحس بفرق كبيرررررررر كل جسمك بيشتغل فى التمرين ده وبيحرق سعرات اكتر وبيدى قوه وعصب ويطلق عليه تمرين مركب
تمرين الرجل بالبار
بردو من التمارين المركبه اللى للاسف اغلبيه الناس مش بتلعبه التمرين ده بيشغل كل عضلات الجسم جسمك كلو بيشتغل جرب كده انزل بوزن جسمك من غير اى وزن هتلاقى جسمك كلو شغال فى التمرين ده ومن التمارين اللى مينفعش متتلعبش
التمارين الهوائيه
من افضل التمارين لحرق الدهون وصحه القلب التمارين دى بالبلدى كده اللى بتخلى قلبك دب دب دب هى دى التمارين الهوائيه زى ايه ركوب الدرجات _ المشايه _ العجله اللى فى الجيم _ الجرى بنظام الفواصل
دى كلها اساسيات لزم تكون عرفها قبل ما تخسس هعرفك على شويه افتكسات واخطاء فى عالم التخسيس
1_الرجيم القاسى اكبر غلطه انك تعمل رجيم قاسى ومتكلشى صح ده خطر عليك وعلى صحتك وهتلاقى نفسك وقعت من طولك
2_رجيم الموز_ رجيم الميا _ رجيم البلح _ رجيم مش عارف ايه دى كلها حجات مش صح مفيش حاجه اسمها رجيم كذا وكذا يتاكل كويس وتمشى على نظام متكامل لا متمشيش وضيع وقتك
3_رجيم بيخسس 7 كيلو فى اسبوع ده اسمو عبط وهبل مفيش حاجه اسمها هخس 7 كيلو فى اسبوع والكلام ده ده كلو غلط مجرد تسويق لمنتج مش اكتر
4 _ حوارق الدهون البعض مفكر حوارق الدهون معجزه وهتنزل الوزن وهتخسس وده غلط حوارق الدهون مش معجزه هتخسسك اللى هيخسسك نوع اكلك وتمرينك وعزمتك
5_التغذيه الاغلبيه ميعرفوش ازى ينظمو التغذيه وازى اكل وامتى واكل ايه ومكلش ايه العحلقه المفوده هنا هيا الاكل مشكله ثبات الوزن بتكون فى الاكل ازاى ده مثال بسيط مثلا واحد وزه 90 كيلو عمل نظام غذائى ومشى عليه كويس خسس عشره 10كيلو هنا بقى المشكله فضل ماشى على نفس النظام الغذائى مغيروش هنا بقى الوزن عمره ما هينزل مهما عمل علشان نسبه الاكل فوق احيجات الجسم مثال واحد تانى خسس ونزل مثلا لوزن 80 قام مغير النظام الغذائى وزد فى التمرين هنا الوزن ينزل علشان فى نسبه وتناسب عايز يوصل 75 يبقى لما اوصل لى 75 مفضلش ثابت على نظام الاكل بتاع وزن 80 هى دى المشكله اللى بتخلى الوزن يثبت
دى نصائح علشان تفهم انتا ماشى ازاى
1_ التمارين المركبه شى اساسى وانتا بتخسس زى الاسكوت والدات لفت وتمارين الاحمال
2_التمارين الهوائيه زى الجرى بنظام الفواصل وركوب الدراجات وهكذا
3_الزام مش بيخسس ولا الكيس النيلون اللى اغلبيه الناس بتلفو على وسطها
4_غير فى نظام اكلك حس وزنك
5_ مفيش حاجه اسمها رجيم كذا وكذا
6_ مفيش رجيم بينزل 7 كيلو فى اسبوع
7_ متحرمش نفسك من حاجه بس كل بعقل وحكمه
8_عزيمتك لزم تكون عندك عزيمه انك هتغير من شكل جسم
9_لو وزنك منزلش يبقى فى حاجه غلط عندك اكلك نومك تمرينك مش قد كده بتروح الجيم للكلام مش للتمرين
10_ انسى الميزان الميزان ده اكبر كدبه اهم حاجه شكل جسمك عامل ازاى
11 _ ورقه وقلم واكتب نظام اكلك وتمرينك وغير من كل حاجه فى حياتك
12_ متعقدش نفسك خد الموضوع ببساطه واتعب واتمرن وانتا هتوصل
الموضوع من اجتهادى الشخصى هديه لعضاء المنتدى
المشاركة الأصلية كتبت بواسطة Rashed.S
