يوميات منحوس الجزء الثاني....

**mom_com3** · 19-02-2002, 11:51 PM

هذا الجزء الاول<< اضغط ..
............التكمله................
وانا عند الاشاره ... شوى اشوف واحد ناشب لي في القزازه ويطقطق<<<< صار الشرطي..
يقول لي : اسفط على جنب ..
وقفت واسأله وش القصه؟
رد على بمخالفه عدم ربط احزام ...
قلت : مشكور وماتقصر...
ويعطيني مخالفه ثانيه علشان اللوحه القدام طايحه
وقلت: باقي شيء ...
كان وده يلكني بمخالفه بس ربك ستر وفتحت الاشاره وانا ما صدقت خبر واكرش ام البنزين ...
وعند الاشاره الي بعدها اشوف دوريه وراي واسمع(( قاق قاق )) وينزل واحد منها ويجيني "الا هو الشرطي الي من شوي"..
ويلطني بمخالفه سرعه وانا اهز راسي وتفتح الاشاره وامشي مهدي والدوريه يضرب وراي اسرع شوي وهو يضرب وازود السرعه وهو يضرب..
الى ما صفقت ام الطبلون .... ويقول لي

(اسفط على جنب ))
وانا وش حليلني اوقف بسرعه والقاه لاطني بمخالفه سرعه وانا مسكين ساكت..
ثم مشيت اشوفه وراي يضرب سويت نفسي فاهم واوقف وشوف المخالفه جايتني تمشي مليون "وقوف في مكان خاطىء"..
انا سويت فيها رجال وضغطي مرتفع وانزل عليه ...
واقول له : خير وش تبي ناشب لي:غضب: ؟؟
وسد فمي بمخالفه تعدي على رجل امن ..وركبت السياره وحسيت اني منحوس من جد ...
ودق علي الجوال الا هو واحد من الربع .. يقول : هاه وينك .. وراك تأخرت؟؟؟
ما امداني اقوله شي الا الشرطي مرسل لي مخالفه لشاني اكلم بالجوال وانا اسوق...
و مشيت ورى الدوريه مهدي الي ما ابعد واخش الحار امشي مليون وعند اللفه اشوفه " ناويني بشر"
وانحاش منه يمين يسار يمين يسار الى ما ضيعته ...
ورحت للشباب والقاهم طالعين ..
واقول لهم : على اساس اننا بنجتمع..
قالوا : اجتمعنا وخلصنا.... احتريناك ماجيت مشينى..
وارجع للبيت حزين كئيب...<<<< اخس يا كئيب..
وعند الحاره كاني لمحت دوريه..
واكرش ام ابو البنزين وافتح باب البيت و "اخش" لك بجلنط يحبه قلبك بغيت اجيب العيد و رمضان....
و ادخل البيت .......
.
.
.
البقيه بعد موجز الاخبار...
.
.
ترقبوا الجزء الثالث " افضل اجزاء القصه"..
.
.
مع تحيات mom_com3..

**squall 911** · 20-02-2002, 12:31 AM

مانك ملاحظ انه الجزء الثاني قصير شوي

**جمال** · 20-02-2002, 04:48 AM

قصير بقوه
بس حلو

**Chandler** · 20-02-2002, 10:10 AM

حلوة...

ههههههههه....انواع القسايم....ما بقى الا قسيمة عدم تسديد فاتورة جوالك

.....

على فكرة....تراها قصيرة....طولها شوي...

**mom_com3** · 20-02-2002, 10:25 AM

معليش شباب وشابات ....
بس بطولها ان شاء الله المره الجايه <<<< اذا قدرت..

**silverpaco_101** · 20-02-2002, 03:22 PM

ههههههههههههههههههه

مستقعد لك هالشرطى

ألا قلى كم مجموع المخالفات

**راعي الكورفيت** · 20-02-2002, 05:30 PM

الجزء الثاني صاير زي ميتل جير قصير وممتع

تبي تعرف أول قصة لي ما هي قصة رجل الثلج

تبي قصة مصرقعة جديدة قصة لغز الجوهرة

أول تصويت من نوعه ما رأيك في....

**sas_com3** · 20-02-2002, 07:18 PM

ايه والله قصيره

بس حلوووه

و لاتنسى تـ sdha

وترى ربعك اللي كنت بتروح لهم السن؟؟؟ والش؟؟؟والس؟؟؟ والباقي عليك

يقولون مره ثانيه لاتصيف

**جيم سنتر** · 20-02-2002, 10:12 PM

منحوس ........ فور ايفر

**راعي الكورفيت** · 21-02-2002, 01:54 AM

كتب العضو (جيم سنتر)
منحوس ........ فور ايفر

توني بقولها

**sas_com3** · 21-02-2002, 02:02 AM

احلى والله الموقع حقك ضبط يوم خليت الخلفيه سودا

<<خاش عرض بقوه

**mom_com3** · 21-02-2002, 07:13 AM

مشكورين شباب على الردوود الحلوه ...
....
يا اس اء اس>>>عجاز اكتبها بالانجليزي..
الشباب ال.. وال.. وال.. ما يستحقون يكونون بري القصه الا ال.. ":"....<<<< فهمت شي...
....
الجزء الثالث اطول واحلى... لا يفوتكم ..
.....

كتب العضو (sas_com3)
احلى والله الموقع حقك ضبط يوم خليت الخلفيه سودا <<خاش عرض بقوه

بقوه مره ... بس وش رايك انا رهيب ولا لا....>>>>> كبر راسي كبر يوووووه ه ه ه ه ه ه ه كبر مره....
...
تراه ما بعد زان "" وانا عارف انه بايخ"".....

**mom_com3** · 23-02-2002, 11:17 AM

for up.... للرفع <<< امحق انجليزي...

**راعي الكورفيت** · 25-02-2002, 03:26 AM

للرفع>>>>>>>ويش معناها>>>>>>أما خبل عن جد

**mom_com3** · 25-02-2002, 04:36 AM

معناها ان الموضوع دحدر لصفحات الي تحت وانا ارفع علشان يبان للناس... ويقرونه...":" .

الموضوع: يوميات منحوس الجزء الثاني....

أدوات الموضوع

يوميات منحوس الجزء الثاني....

ضوابط المشاركة