كمال الاجسام والجلطه

[fesall]

معلومات المتقدم بالاستفسار :
العمر : 35 , الجنس : ذكر

الطول :189 متر
الوزن : 75 كيلوجرام



و الاستفسار كالتالي :
عملت عمليه تكميم من سنه ونصف تقريبا
نزل وزني من 162 الي 69

وبعدها صابتني جلطه بالمخ وشلل نصفي نصي اليمين
وبعد اقل من شهر رجعت الامور كما كانت

ورديت للنادي من اربع شهور
بس استعمل مسيل للدم طول عمري وممنوع علي المكملات اللى اتضخ دم عشان لايحوشني انفجار بالشريان


مع الوجبات لكن بدون دهون للاني ما اقدر عليها
والبروتين ( بروكوملكس و انجايز وي )
وبروتين بار ( big 100 )
وكارب ( فيتارجو )

زاد وزني بس 7 كيلو وماعندي عضل وجلد زايد


وابي نصايحكم لزياده الوزن عضل لي 95 كيلو
وشد الجلد الزائد

وانا رحت لدكتور شد قالي الجلد الزائد اقل من 4 سم مانسوي
الا 7 سم وفوق

[Rashid.S]

الحمدلله على سلامتك

لكن وين السؤال ؟

[fesall]

ابي عضل من ٤ اشهر اللعب تقريبا ٤ ساعات ماكو عضل
بس احس بتعب بعد التمرين


وابي اشد الجلد الزائد بالبطن

[fesall]

ابي اوصل الوزن ٩٥ عضل

[Rashid.S]

بصراحة يا كابتن ما أقدر أفيدك لأن حالتك مرضيه و اللي في حالتك لازم يكون يحذر جدا

صعب انك تزيد 95 عضل صافي بدون مكملات أو شدة عاليه في التمرين
وكلهم راح يزيدون الحمل على القلب وقلبك ما يتحمل .. لازم تلعب برتم بطيء وتحصل التكنيك اللي يفيد العضله بدون ما يوصلك للأجهاد القلبي أو بدون اضافت حمل عالي جدا على العضله وعلى القلب

جرب تلعب عدات 12 - 15 بتركيز عالي جدا كل تدريب خله 4 مجموعات وما حسيت العضله استفادت وتبي زياده ممكن توصلها إلى 5
وخل تغذيتك سليمه والله يوفقك

[fesall]

انا اخذ مكملات ماعندي مشكله
الا المكملات اللي تزيد تدفق الدم

عشان جذي ذكرت انه فيني جلطه

[fesall]

القلب سليم الحمدالله
الجلطه بالمخ

[Rashid.S]

أها .. انت كنت تستخدم أفيدرين .. يما أنك نزلت وزن مهول وجاتك هالجلطه نحب نستفيد ؟

طيب على كذا حاول تشد بالتمرين شوي شوي وان ما لاحظت ان في مشاكل زيد ألين تصل للحد المعقول وأهتم بتغذيتك وان شاء الله تزيد

المكملات خله محصوره على البروتين والأمينو أسيد أفضلك الأكستند و الجلوتامين

[fesall]

لا وقت الجلطه كنت قاطع نادي سنه
بعد الجلطه بشهرين رديت للنادي

حاشني تخفيف عمل وصرت فاضي وكل يوم نادي

[fesall]

الحين الكورس اللي ماخذه زين

- اويل فش
- اوبتن مان حبوب
- كلومبس بروتين ( مرتين )
- فيتارجو ( مرتين )
- انجايزر وي ( قهوه بروتين استعمله مرتين )
- بروتين بار big 100 ( مره او مرتين )

ازيد عليه بعد ولا كافي



شي يتفخ ويكبر العضل

[Rashid.S]

كافي ما تحتاج شيء ان شاء الله