معلومات المتقدم بالاستفسار :
العمر : 30 , الجنس : ذكر
الطول :174 متر
الوزن : 71 كيلوجرام
و الاستفسار كالتالي :
السلام عليكم و رحمه الله وبركاته
أنا اشريت منتج N.O. - Explode 2.0 و أستخدمته حوالي أسبوع بعدها قلت خليني اروح اسوي تحاليل فحص شامل
فسويت مجموعة من التحاليل في مستوصف ( وانا صايم ) : دم - سكر - ضغط - وظائف الكبد - وظائف الكلية - دهون - كوليسترول - الزائدة الدودية
كان التحليل بتاريخ 18-02-2014
الحمد لله كل التحاليل سليمة لكن الطبيب العام قالي عندك " خمائر الكبد" مرتفعة شوي
طلعت 56 طبعا التحليل اسمه SGOT - AST
ومكتوب قدامه Normal Range يعني الحد الطبيعي
ومكتوب M < 40 U / L ( أظنه الحد الطبيعي ) وحده / لتر
W < 33 U / L
فكلمته اني استخدم مكمل غذائي لكمال الأجسام فقال لي نصيحة أتركه لأن قبل كذا جاه واحد يستخدم
مكملات له سنه والخمائر عنده مرتفعه و له 4 سنوات ولا قدر ينزلها
فذاك اليوم ما شربت المنتج رحت النادي عادي وخلصت.
اليوم اللي بعده 19-02-2014 رحت مستشفى وانا صايم بعد قلت له
ابي اسوي تحليل " خمائر الكبد " اخذ عينة دم بعدها رجعت للطبيب العام
النتيجة طلعت قالي الدكتور الخمائر عندك سليمة وهي 59 وحتى لو وصلت 60 مافي مشكلة
AST : 59 U / L --- Range : 17 -59
ALT : 59 U / L --- Range : 9 -66
أستغربت امس كانت 56 واليوم 59 !!
طبعاً ما كلمته اني استخدم مكمل غذائي رياضي فقلت خلني أسأله عن سبب ارتفاع الخمائر بشكل عام قالي
اي شي ممكن يرفعها فقلت له طيب انا استخدم مكمل غذائي رياضي قالي عادي مافي مشكلة .
- هنا احترت هل اكمل ولا ابطل استخدم المنتج مع العلم اني بديت استخدم Whey Protein Gold standard
ووقفت استخدام N.O. - Explode 2.0
قلت بعد شهر بروح احلل نفس التحليل واشوف لو ما ارتفع بيكون السبب من الاكسبلود واذا ارتفع راح اترك جميع
المكملات بشكل نهائي.
مع العلم اني باليوم اشرب اكثر من 2 لتر ماء.
فحبيت استفسر منكم واشوف رأيكم
وياليت اللي يقدر يروح يحلل تحليل " خمائر الكبد " يكتب لنا وش طلع معاه وايش قال له الطبيب .
* وحبيت اعرف كيف اطلع نسبة الدهون في جسمي ؟ هل له تحليل معين ؟ او اروح عند اخصائي تغذية مثلا ؟
أسف ع الاطاله
وشكراً
المشاركة الأصلية كتبت بواسطة jkd1
