كرشة بارزه وشكل مقزز

[moexdp]

معلومات المتقدم بالاستفسار :
العمر : 26 , الجنس : ذكر

الطول :175 متر
الوزن : 85 كيلوجرام



و الاستفسار كالتالي :
السلام عليكم

الله يعطيكم العافيه ياكباتن انا لي تقريبا 4 أشهر في النادي تماريين لياقه وتخفيف وزن والحمدلله مشيت على وضع ممتاز بدون أي حوارق او بروتينات مجرد تنظيم أكل وأستمرار عليه

بس عندي مشكلة مسببه لي هم وهي الكرشششششششة كبيرة عندي وشكلها مقزز عيت تروح
وبروز الصدر والكابتن عطاني تماريين حديد وكذا لأجل شد الصدر
ابي نصايحكم وش اسوي ؟ هل اكل حوارق ؟ أو وش اسوي بالظبط

[ابو دانا الحربي]

بكل بساطه ... انحف لانه وزنك عالي

مالك الا تصبر وتستمر بالدايت الصحي والرياضه .. ادخال الحديد في برنامجك الرياضي فكره ممتازه .. والاهم من هذا كله المحااااااافظه على تنظيم الاكل الحوارق ماانصحك فيها لان مفعولها مهوب هذاك اللي يسوى ... خلها اذا قربت من وزنك المثالي يعني قريب من 75 كيلو اذا حبيت تستخدمها ..

بالتوفيق ..

[Bright Side]

بكل بساطه التزم بنظام غذائي بشكل صارم .. سوالف لقمه ماتضر ومادري ايش هاذي اتركها !!

مستحيل جدا تكون ماشي ع نظام غذائي صارم وماتشوف نتيجه وخصوصا الكرش .. حتى لو قلنا انك ماتمارس الرياضه .. النظام الغذائي يكفي انك تزيل الكرشش

لكن الكلام هل انت فعلا 100 % ملتزم باكلك ونظامك الغذائي ؟؟؟

[moexdp]

والله العلي العظيم أني ماشي على برنامج غذائي وحتى لي حدود 3 أشهر كل يوم الصباح على الإفطار أشرب ماء دافي + ليمون

بعطيكم النظام اللي انا ماشي عليه

الصباح ( خبز توست أسمر مع جبن شرايح قليل الدسم مع خس او طمام ) الساعة 7.30
الصباح ( 7 تمرات + زبادي قليل الدسم ) الساعة 10.30
الظهر ( تفاحة أو برتقاله أو موزه ) 1.30
الغداء ( سلطة مع دجاج مسلوق أو مشوي ) 4.30
قبل النادي برتقاله
بعد النادي برتقاله او تونة خفيفة ( ماء وملح )
هذا البرنامج اللي آخذه أبي نصايحكم.....

[ابو دانا الحربي]

غير الفواكه إلى سلطات خضراء (احرص على البروكلي والفول الاخضر تقدر تضيف عليهم زيت زيتون) + ال 7 تمرات كنسلها + اعتمد التونه بعد التمرين او خلها سالمون طازج مشوي اصح لك ..

في التمرين اعتمد التمرين بنظام ال HIIT اللي هو امشي دقيقه على السير وبعدها جري ... كل فتره زيد سرعة الجري حتى تاصل الى أقصى سرعه ... وخله بعد جلسة الحديد ..

[moexdp]

طيب هل فيه تمرين معين وممتاز للبطن والخصر ؟ لأن برضوا الخصر عندي فيه بروز ملحوظ ؟

والشيء الثاني ممكن تنظيم لي برنامج غذائي ؟ بسيط ومفيد

[MarwanJeeper]

الموضوع يباله صبر شوي، يعني يبالك 5 شهور غير على الدايت والاكل الصحي. حاول تلعب حديد باوزان عالية. طبعا بيكون دهون بسيطة مستسعبة باخر الشهور وتطول شوي ، استعمل حزام لمنطقة الخصر ينباع بالصدليات ومحلات الرياضة ولفه حول الخصر قبل الذهاب للجم . بعد ما توصل للوزن المثالي استعمل كريم اسمه sherink علشان السيلوليت والدهون المتبقية. بالتوفيق

[كلاااش 1403]

بكل بساطه ... انحف لانه وزنك عالي

مالك الا تصبر وتستمر بالدايت الصحي والرياضه .. ادخال الحديد في برنامجك الرياضي فكره ممتازه .. والاهم من هذا كله المحااااااافظه على تنظيم الاكل الحوارق ماانصحك فيها لان مفعولها مهوب هذاك اللي يسوى ... خلها اذا قربت من وزنك المثالي يعني قريب من 75 كيلو اذا حبيت تستخدمها ..

بالتوفيق ..

واضح من صورة التوقيع انك , تضرب بالسيف وتطعن بالرمح