السلالالام
القصه ومافيها
اني في يووم من الايام من قبل سنه تقريباً
كنا في الطايف حنا والاهل نصيف فيذاك
المهم الوالد الله يطول في عمره كانت والله عينه مدري توجعه
شوي وراح المستشفى ورجع للشقه والالين المواقف مليانه
وجا ووقف قدام سياراتين كابريس اس اس كحلي وجمس بني ورقا ابوي للشقه ونام وقام << قام يروي قصة حياته
المهم تذكر انه موقف قدام سيارتين قال يا.....
قال : يا فلان
انا : هاه يبه
قال : رح جب الثياب من السياره ..
انا : عطني المفتاح ..
قال : و سقط السياره في اي موقف
انا : :": :": انخفس قلبي
قال: يالله
انا : طيب
..
وانا اكره ماعلي سياقة الجمس
المهم انزل وجايك على بالي ابشغل واتمشى يوم نزلت
رحت لسياره
طلع لي واحد ينافخ ((راعي الكابريس))
لي ساعه فيذا وملبق مكان سيارتين ويجي راعي الجمس البني شايب حبيب ماقال شي
قلت والله الوال كان تعبان ومدري ايش رح قله هو وانا في حال لايرثى له
وتوني راكب السياره ابحرك وارجع
الا
هالجيب سوزوكي دوريات
قاق قاق
عاد انا تغير طلع لون وجهي اصفر
ليش واقف هنا
قلت الوالد هو اللي واقف هنا ومدري شلون موب انا راعي السياره (( والمشكله مامعي تصريح ولا رخصه )) يعني كنت اتحراه يقول فين الرخصه
بس اشوى ماقال شي بس عطاني مخالفه وقال هيا ارجع
قلت ابشر
وارجع
ويطلع راعي الكابرس
واجي ابلبق مكانه ويجي الشرطي يقول ارجع
وارجع وطلع راعي الجمس
ويروح الشرطي لم سيارته وانا ادعس ابلبق
عاد قمت اسمع اصوات
ايط ايط
افا ااا ياولد انظر المرايه اللي على اليمين الين السياره اللي جمبي رايحه وطي
حكيت فيها حكه قشرى والله ولا عاد يمديني ادق ريوس لاني اذا دقيت رحت فيها
وألبق وانزل علطول للشقه اقعد اتحرى الباب ينطق وجهي طالع اصفر
ويقول ابوي وش فيك :
هاه لا ابد مافيني شي
ويقول ود الثياب للمغسله
قلت وين المغسله قال امش اوريك
وينزل وصار راعي السياره (( كراسيدا )) قاعد يوم شافني انا وابوي قال
وين راعي الجمس الابيض
اشوى ان ابوي ماسمعه ولا كان رحت فيها
بس اشوى مرت على خير وذاك اليوم تونا راجعين وامر جمب الكرسيدا
صار كاتب رقم الشقه مدري هي خمسه واربعين و لا 42
بس والله سكتت على الموضوع
لليوم
بس الان حسيت ان الحركه بايخه لو اني معطيه فلوس وقاضي ومريح بالي
ولا اقعد اخذ ذنب
انا الصراحه مستعد ابحث عنه
وانا ماقلت القصه للضحك انما من باب جديه مع اضافة بعض الصخريه ...
انتهى
يعني تخيل لوانك مكانه وش راح تسوي ؟؟!
