وعليكم السلام
ماكو بالعالم العربي كله طائر رأسه اسود وفيه خط اصفر
في انواع من طائر الحسون رأسه اسود لكن مو كل الرأس , يعني النصف الامامي من المنقار الى العين اسود و الرقبه وفوقها شوي اصفر و الرأس اعلاه اسود والجسم رمادي
يمكن انت شايف حسون
ثاني شي انا ماادري انت في اي دوله لكن اذا كنت تسمع وتشاهد هذا الطائر في هذا الوقت بالسنه فمعناه ان وقت عبور هذا الطائر هو بالشهر هذا ثم يرحل
واذا تشوفه على مدار السنه فمعناه ان موطن الطائر وتكاثره عندكم
ودائم تشوفه على ماصوره المياه يمكن لأن يبحث عن الماء ويعرف اماكن المياه ويشرب من الماصوره لأن الماصوره يمكن لا تغلق جيدا او من الصدأ تجد خرير من المياه فشربها هذا الطائر
واحتمال انك تشوف على كل بيت طائر من هذا النوع وعلى نفس المكان فأحتمال ان هذا الطائر يقوم بأحتلال ماصوره وتكون خاصه فيه مثل باقي الحيوانات والطيور التي ترفض ان يدخل منطقتها اي حيوان او طائر غريب
وانت شعرفك ان على كل سطح بيت في طير ؟ يمكن بس عندك ؟
وانت يعني كل ما جاك واحد قالك تعال فوق السطح بوريك خوش حمام تروح معاه ؟
اما الديك اللي يعوعي , عندنا في الكويت ممنوع اي شخص ان يربى الدجاج في منزله خصوصا اذا معاهم ديج "ديك"
واذا احد ربى ديج و هذا الديج قعد كل فجر يعوعي يكلم الجار اولا ويقوله ترى ديجك ازعجي , يا انك تشيله وتفكني من شره او اخلي واحد من العيال يرميه بأم صجمه ويريح الفريج منه
طبعا مايقوله ارميه هذي من عندي
اول شي يكلم صاحب الديج لأن تعرف جار و ما ودك تشتكي عليه على طول , تكلمه واذا رفض او ماطل تروح تشتكي عليه و على طول يسحبون الديج منه
لأن ممنوع منعا باتا ان يتم تربيه الطيور الداجنه في المنازل , ليش لأن الحكومه دام ظلها ماتبي اي شي يزعج المواطن النائم , يبونه ينام مرتاح و مايزعجه او يكدر نومته احد
هم ودهم ينام بلا قعده لكن الحكومه جزاها الله خير تعلم ان الاعمار بيد الله , لذلك تمنع اي انسان ان يربي طيور في بيته ويزعج جيرانه
والطيور اقصد الدجاج , خصوصا الديك لأن اهو المزعج اما الدجاج ما يعوعون
اما البلابل و الحمام و غيرهم من الطيور اللي ماتزعج احد مسموح بتربيتهم
فأنت كلم جارك وقوله ترى ديجك ازعجي واذا ما قلعته راح ارميه واذبحه او بشتكي عليك
وقوله انا مو خالص من عيالك اللي مزعجين الفريج هالمره تجيب دياجه بعد
.. يستمتع بإنتاج البيض على حساب إزعاجي ><