هذي مذكرات طالبات الثانويه الـ.. في الـ..
يوم الاربعاء الساعه 6:15 صباحا طبعا اول من يفتح باب المدرسه الدافوره شرفوه بالاضافه الي سيلفي2065وبنات باصها..هذي عقدت باص ارامكو انه يجي بدري..تدخل سيلفي الفصل وهي مبتهجه والابتسامه شاقه وجهها مدري ليش؟..بس انه مو زود حب في المدرسه الاحب بوناست المدرسه.وترمي دفاترها على دوافير الفصل وتقول لهم(حبيباتي الدوافير حلو واجباتي لو سمحتو)بالاضافه الى العلوك الي تعطيهم اياها(رشوه)..
تليها ياورد شايله الشنطه وعبايتها تسحب بالارض كانسه الشارع كنس ومابقى ولاقرطاسه ماعلقت بذي العبايه وكل يوم يقول لها البلدي(الله يسوي كثير من مثل انتا)واكيد قبل لاتجي مرت باسكن روبنز وشرت لها ملك شيك الحجم الكبير+جريده الرياضيه..تدخل وترفي الشنطه بوجه سيلفي(لعانه)وسيلفي حبيبه ماتقول شئ بالعكس تقول(وين ايس كريمي عسى مانسيتيه)تقول لها ياورد اييييييه جبته بس لاتهقينا..بعدها تلبط ياورد فوق الكرسي وتحط رجولها فوق الطاوله(وش تسوي مسكينه كل اخوانها عيال ولا بعد عرابجه)وتقعد تشفط بهالملك شيك ليما يوصل النص..
بعد كذا تجي ريم والنفس شينه تبي من يكلمها عشان تنفجر بوجهه(كنها مجروره مع خشمها)وتقعد على طاولة الابله مع العلم انها مافصخت عبايتها والشنطه طبعا فوق راسها(وحده مطنقره وش تبونها تسوي)وتقعد تشرب النسكافيه حقها الي من جوفريز ماتروق الا لين تشربه اكيد وماامداها تشفط شفطه وحده الا والجرس يقول ترررررررررررررررررررررررررررررررررررررن وصوت المشرفه عتريس (الرجاء من الطالبات التوجه الى الطابور)طبعا سيلفي كالعاده تصف اول وحده تدرون ليه(عشان تعرف مين يصير علينا الحصه الاولى)اما ريم وياورد فهم في اخر الطابور وياليتهم واقفين لا قاعدين ومتسندين على الجدار من زود الكسل تبداء الاذاعه الي مالها داعي وتنتهي بالسلام الوطني الي مايقوله غير سيلفي والدوافير..بعدها التفتيش واول المخالفات ريم وياورد اما مخالفات بالبلايز او المراييل يكتبون انذار زي ل يوم(عادي تحصل في احسن العائلات)يتجه الثلاثي الى اماكنهم طبعا اخر صف في الفصل..
نجي للاشكال في الفصل..
سيلفي(سرحانه لاخر درجه تفكر بالروايه الي قرته الليله الي فاتت)
ياورد(مربعه على الكرسي تفكر متى مباراة الهلال..متى مبارات المنتخب)
ريم(مدخله رجولها بدرج الطاوله وراسها على الجدارومطنقره على الاخر وياويل الي يكلمها اويقول لها حرف واحد)
تجي الفسحه وتتهاوش سلفي وريم من يشتر اليوم..
سلفيانا كل يوم اروح اشتري لكم لا وعلى حسابي اليوم دورك)
ريم
ياورد
يرن الجرس ندخل الصف وناكل حب وفصفص..في الحصه الخامسه نهرب من الفصل نسوي مباراة الهلال=ياورد .. والنصر=سلفي وريم تلعب بالقايم بوي حق اخوها نويصر (مالها سنع بالكوره)والحكم نوير الدبه(عاد تحكم على كيفها)يفوز الهلال وتحتج سلفي عند الحكم وتقول(ظلمتي النصر يانوير)..عادة النصراويين كذا..بعد ذلك نلمح ظل المشرفه جاي من بعيد وماتشوف غير غبرتنا طايره نركض وهي ورانا وماتسمع غير طاطاطا طرقع طرقع وهذا الصوت ناتج عن اصتدام ياورد وسلفي بالجدار اما طرقع فهو وقوع ريم من على الدرج واصابتها بكسور خفيفه..بعد كذا تجرنا المشرفه الى المديره عشان نسمع اسطوانه كل يوم(ناقصين 4 علامات سلوك) وكله خرط في خرط..نرجع الفصل ولاكننا سوينا شئ(شين وقوي عين)تبداء حصة الاحياء والابله تدخل من الباب وياورد وسيلفي ينطون من الشباك(يتعلثون بالتشريح)..قال يتقرفون قال..اما ريم فتحط راسها على الدرج وتقيل لها ساعه الا ربع..بعدها فسحة الصلاة تنطلق سلفي تصلي(مطوعه) وياورد تروح تتهاوش مع كم بنت وريم تلحقها عشان تمسكها..بعد ماتخلص الحجه سلفي من الصلاة تشتري ورق عنب وتروح تهدي ياورد وتقول لها(كبري عقلس خليس اكبر منهم)ياورد(هالمره فقعت عين وحده المره الجايه افقع الثنتين..بدايه الحصه السابه يجي نداء الرجاء من الطالبه ياورد التوجه الى الاداره ..تتوجه والشر ينقز من عيونها وتتهاوش مع المديره وتكلم اخوها دحيم وتقول له المديره(سم وابشر طال عمرك)..الله يخلي فيتامين واو..
في الحصه الاخيره ..سيلفي تقراء روايات وريم تقرى مجلة ميكي ..وياورد تقرى الرياضيه..وفي نص الحصه والابله تشرح تصرخ سيلفي وتقول (قلمي الاسود وين راح)هذي عادتها اذا ضاع لها قلم يضيق صدرها ويتعكر مزاجها ولاينفع تجيب لها ثاني لازم هو نفسه..
يرن الجرس ويقول تررررررررن وحنا نقول لولولويش..نزغرط ..وتنقز سلفي وتقول لقييييييييت القلم يالله باي سي يو تومورو (تعرف انجليزي على بالها)وتتقبع عبايتها ويبداء الاستهبال بالباص..من الطرف الاخر ريم وياورد ونجولي ونهى المصرقعه ونوير الحكم يتجهون الى شارع القز عشان يتطنزون على خلق ربي..بعد التطنز تتجه كل واحده الى بيتها واكيد الجمعه عند ريم..نروح العصر عندها ونلعب بالسكوتر حق نويصر اخوها..مسكين هالنويصر..بعدها نقعد على الانتر نت ..بعدين تشوتنا وتقول لنا(كل وحده تروح لبيت اهلها والوعد بكرى في ارامكو داخل dinig hollالي قدام بيت سيلفي..
ويوم الجمعه نناضر مباراة الهلال والنصر عند ياورد..بدون شك الهلال يفوز وتقول سيلفي (ظلم ظلم ظلم الحكم هلالي )ومن زود النذاله في ياورد تقعد تغني عند سلفي(انت الدنيا وكل شجوني ..واغلى شئ في عيوني..ياهلالي)طبعا سيلفي تحترق وتودع ياورد وتروح لبيتها هي وريم..
___________________________________________________________
الا على طاري الطاولات اذا القيت نظره بسيطه على طاولة
ريم راح تلقى كل الغاز ميكي واغاني عبدالمجيد مكتوبه..
اما سيلفي فطالولتها معبيه برقم 2065لانه تعشق هذا الرقم بالاضافه الى جدول الدوري الايطالي وعلم ايطاليا..
اما ياورد فكل لاعبين الهلال والمنتخب راسمتهم بالقلم الخطاط..
لدرجه انه العمال حطو الطاولات قدام غرفت المديره وقالو هذي ماهي حاله كل مانضفناهم توصخو شوفولكم صرفه..
ياورد تقول:يووووووووووووووووه من نظف طاولتي ياانا ياهالعمال..
سيلفي:ليييييييييييييييه والله لا اوريهم.
ريم:ماصدقت على الله احل كل الالغاز الا ويمسحونها مااقول غير مالت على هالوجه..
____________________________________________________
هذي يومياتنا في المدرسه مع تحيات:
سلفي______ريم_______ياورد
___________________________________________________________
