السلام عليكم ورحمة الله وبركااته كيف حال لاجميع ان شاء الله بخير
يااااه على آخر موضوع كتبته يا انه قديييم
المهم جايب لكم قصة وبما اننا بشهر رمضان إن شاء الله بجيب لكم بين كل فترة وفترة قصص وراح انوع بالقصص ان شاء الله
بس قبل كل شي ترا القصص كلها منقوله واغلبها حقيقية المهم نبدي بالقصة
------------------------------------------------------------------------------------------------
كانت فيه بنت وعرسها بعد كم يوم وكانت هذي البنت جميلة وخطبها ولد عمها وعجبته حييل
ويوم جا يوم العرس والام خافت من عيون الناس على جمال بنتها فا جابت ماي مقري عليه
وعطته الحاضرين وخلتهم يقولون ما شاء الله ويذكرون ربهم المهم بعد ما عطتهم راحت
بنتها عشان تدخلها على الحاضرين بس !!
البنت قالت لامها انها مو قاعدة تشوف شي ؟!
الام استنجنت وراحت قالت للناس يذكرون ربهم وقالت لزوجها ان البنت مو قاعدة تشوف شي
ودوها للدكاتره ومشايخ وما فادوهم بأي شي الزوج قرر انه ياخذ زوجته بأي حال لانه اعجبته حييل
بعد ما اخذها وانتهى العرس وكان يوديها لشيوخ ودكاترة بس ما فادوه بأي شي
إلا واحد !
قاله ان زوجتك جتها عين وقال اذا تبي العين تروح لازم اللي عطاها عين يذكر ربه ولا يموت وتروح العين
المهم الرجال خلص زهق وبعد سنين تعودوا على الوضع وعلى يوم البنت قامت من النوم بس كان في شي مختلف .
ردت تشوف !
شلون؟ راح تعرفون المهم يوم دقت على اهلها تبي تبشرهم الا يشيل التلفون اخوها ويوم بشرته انها ردت تشوف قال شي ماكانت ودها تسمعه ابدا .
قاااااااااااال
------------------------------------------------------------------------------------------------
من اهني ان امها اللي عطتها عين واهي ما تدري و يتضح ان العين مو مثل الكلمه المشهوره (يهب يوجهه) ههههه
لا يتضح ان العين تشوف شي يعجبك بس ما تذكر ربك فانتبهوا يمكن تعطي احد عين وانت ما تدري
واهني خلصنا القصه الاولى وان شاء الله نخلص الثانيه والثالثهو الرابعه ولين العاشره ان شاء الله
يله سلام
احم احم