ريما:بيتش...اهىء اهىء
يوشي:لا تبكي ياريما انشاء الله حنلاقيها
لويجي يهمس في اذن ماريو بصوت منخفض حتى لاتسمعه ريما:ايش حتسوي ياماريو
ماريو:والله ماادري...ماني قادر افكر في اي حاجة لانه في شي محيرني....فين اختفى باوزر ...الشرطة وصلت بعد دقيقة من الحادث وحاصرت المنطقة اللي ممكن يكون وصلها خلال دقيقة ومع كذه مالقيو لسيارة باوزر اي اثر
لويجي:معاك حق ...الموضوع غريب
واريو:انا راي انه كل واحد يرجع بيته لان الوقت متاخر ونتجمع في الصباح في بيت ماريو عشان نفكر في حل المشكلة
دونكي كونج:كلامك مزبوط....انا رايح مع السلامة
ريما:انا حاروح بيت بيتش ....ممكن احد يوصلني؟
يوشي:تعالي معايا ...البيت في طريقي
ويتفرق الاصدقاء على ان يجتمعوا في الصباح في محاولة للبحث عن بيتش
...........................................................
وفي الايام التالية تكررت السرقات التي يقوم بها باوزر دون ان تنجح الشرطة في القبض عليه او ينجح اصدقاؤنا في العثور على بيتش
ريما:مومعقول ...كل مرة تجي الشرطة وماتلاقيه.....اكيد الموضوع فيه سر
لويجي:اكيد فيه سر لكن السؤال ايش هو؟
ماريو:خلينا نراجع الاحداث من البداية يمكن نتوصل لشي
ماريو يحضر خريطة للمدينة
ماريو:خلينا نحدد الاماكن الي انسرقت على الخريطة......اول شي مطعم بيرفكت دارك وبعدين فندق جولدن آي وبعدين البنك الننتندو والسيجا المتحد....لاحظوا كل الاماكن تقريبا في حي واحد وهاذا يعني انه مخبأ باوزر في هذا الحي لكن هاذي المعلومة لوحدها ماتكفي
ريما:انا عندي فكرة .....خلينا نحسب المسافة اللي ممكن تمشيها سيارة باوزر في دقيقة وحدة اذا كانت ماشية باعلى سرعة.....اممممممم المسافة=السرعة Xالزمن=ميةXواحد على ستين=واحد وستة من عشرة متر=2كيلو متر
2كيلو متر من عند المطعم يعني محل السباكة اللي في اخر الشارع
2كيلو متر من عند الفندق يعني بقالة كراش
2كيلو متر من عند البنك يعني مطعم درابفر
ارسم يا ماريو على الخريطة دائرة مركزها المطعم وينتهي نصف قطرها عند محل السباكة وسوي نفس الشي عند البنك و الفندق
ماريو:ماني فاهم اي حاجة بس خلينا نشوف اللي عندك
ريما:في منطقة محصورة بين الثلاث الدوائر هذي المنطقة اللي فيها مخباء باوزر
ماريو:المنطقة اللي قلتي عليها فيها ثلاثة بيوت واجهتهم على الشارع العام و واحدمنهم له واجهة على شارع جانبي.....اي واحد فيهم؟
ريما:اكيد اللي على الشارع الجانبي
ماريو:انت عبقرية يا ريما فين تعلمتي كل هذا
ريما:الله يخلي دكتور الفيزياء اللي وجع راسنا بقوانين الحركة
لويجي:مدام عرفنا المخباء يالله نروح نجيب بيتش
ريما: الشغلة مو بهذي البساطة ...لازم نتفق على خطة
ماريو:انا عندي خطة .....تعالوا كلكم اسمعوني........وش وش وش وش
ووضع اصدقاؤنا خطة لانقاذ بيتش ولم يبق سوى التنفيذ
............................................................
باوزر:كذا الشغل ولا بلاش
احد اعوانه:ياليت سوينا كذا من زمان ......واحلى شي انه ماريو مو قادر يسوي شي
باوزر:صدقت............هاهاهاهاهاهاهاهاهاهاهه
بيتش:مين اللي قالك انه ماريو ماحيسوي شي ....انا متاكدة انه عنده خطة عشان يرجعك السجن
باوزر:انا متاكد انه عنده خطة بس ماحيقدر ينفذها طول ماانتي عندي و...........
ويييييييييييييييييييييييييي
باوزر:صفارات الشرطة........كيف عرفوا مخبانا
....باوزر استسلم احسلك المكان كله محاصر
احد رجال باوزر ينظر من الشباك ويلاحظ ان الشرطة لا تحاصر المبنى من الشارع الخلفي فيقول:يالله يازعيم نهرب من الشارع الخلفي .....اظاهر انه الشرطة ما انتبهت لمدخل الجانبي
باوزر و رجاله يجمعون النقود ويحملون بيتش ويندفعون الى الباب الخلفي
باوزر:يالله بسرعة قبل ما يقتحموا البيت ويكتشفوا اننا هربنا
ومين قالك اننا مااكتشفناك
صرخ باوزر بغضب:ماريوووووو
وينقض ماريو ورفاقه على باوزر ورجاله بينما يحاول الرجل الذي يمسك ببيتش الهروب اثناء انشغال الجميع بالمعركة و.........
على فين؟
وتنقض ريماعلى الرجل وتركله في وجهه بينم يضربه يوشي على راسه من الخلف فسقط الرجل على الارض وافلت بيتش
فاسرعت ريما نحو بيتش وحلت وثاقها واندفعتا تعدوان نحو سيارة ماريو في حين ارتفع صوت صفارات الشرطة الحقيقية وهي قادمة بعد ان بلغها ان هناك قتال في هذا الشارع
وفي نفس اللحظة كان ماريو يمسك بذيا باوزر وهو يدور حول نفسه استعدادا لالقائه على الارض وهو بقول:لازم تفهم انه عمرك ماحتفوز علي
ويسقط باوزر على الارض مقلوبا في نفس اللحظة التي اقتحمت فيها الشرطة الشارع والقت القبض على باقي افراد العصابة
اتجه رئيس الشرطة الى ماريو وقال له:شكرا يا ماريو ...انت فعلا حليت لنا مشكلة كبيرة ....
ماريو:لا شكر على واجب
............................................................
ريما:الحمد لله على السلامة يابيتش
بيتش:الله يسلمك....بس انا عندي سؤال....ايش الصفارات اللي سمعتها في مخبأ باوزر ومين الشرطة اللي كانت موجودة
يوشي:الصفارات كانت صفارة سيارة شرطة مسجلة على شريط و شغلنا المسجل جنب ميكروفون عشان كذا صار الصوت عالي اما الشرطة فهم احنا طبعا بس لابسين زي شرطة
بيتش:اما خطة رهيبة.......
دونكي كونج:المهم انها نجحت في انقاذك
لويجي:اعتقد انه لازم نحتفل بنجاة بيتش
يوشي:طبعا ..طبعا......بس المشكلة حيكون العشاء على حساب مين
واريو:انت طبعا
ويضحك الجميع في سعادة
ريما:اعتقد انه لازم ارجع الحين .......مع السلامة
ماريو:مع السلامة ....بس لاتطولي علينا....خلينا نشوفك
ريما:انشاء الله وضغطت ريما زر ساعتها ........كل شيء يختفي من حولها....ظلام.......
ريما:اما كانت مغامرة
ليلى:انت قاعدة تكلمي نفسك....مافي احد في المكان غيرك
ريما:معليش ....كنت افكر بصوت عالي
ليلى:الدكتور يسال عليك وقال انه حيكسر راسك لانك خرجتي من غير اذن
ريما:يالهوي
وانطلقت تعدو نحو قاعة المحاضرات
.............النهاية.......
ارجو ان تعجبكم القصة ..واذا كانت هناك اي ملاحظات ارجو اخباري بذلك............ماري
