السلام عليكم,
والله شفت GameFaqs هل الفكره وقلت ليش مااسويها اهني... دام انه في شباب وايد يحبون اللعبه, على الأقل انحاول نستانس بهالمسابقه. واهي لتقوية المعلومات وتبادلها! يعني الذكي حياه وهمن الصطحي حياه!
اوكي... القواعد سهله,
رقم واحد يعني سؤال سهل حيل
2 يعني سؤال سهل
3 يعني سؤال عادي
4 يعني سؤال صعب
5 يعني اصعب شي
انت كل اللي عليك اتسويه اهو انك اتنقي مستوى السؤال اللي تبيني أسئلك ياه ومن اي جزء تبي محور السؤال يكون فيه وانا اسئلك... اذا مستوى خمس وحليت السؤال صح تاخذ خمس نقاط واذا خطئت راح ترجع خمس نقاط ماينس. والسؤال اللي اطرحه راح يكون بس للشخص اللي يطلب المستوى يعني كل واحد وله سؤاله. واللي ياخذ اول 35 نقطه, يكون له الحق انه يسأل الناس بنفس طريقتي! تقدر تستعمل اي شي علشان اتحل السؤال انا راضي, وارجو محد يسأل غيري الا اذا واحد قدر اييب ال 35 نقطه, علشان مايكون فيه خلبصه.
مثال:
العضو أحمد طلب مستوى 3 من الجزء الثاني
انا أساله سؤال عادي من الجزأ الثاني: شنو أسم رايدن الحقيقي؟
اذا جاوب صح راح ياخذ 3 نقاط واذا جاوب غلط راح يرجع 3- يعني جذي لازم اييب 38 نقطه!
نبدأ؟ منو يبي يغامر؟ ^_^
