ماتوقعت FF10 تكون معقده لدرجه أنك تموت من القهر !!!

[nashme]

كيف الحال يا شباب:

المشكله هي و ما فيها أني بعد خمس أيام معركه مع التنين الي يهاجمنا في الطياره.....الحمد لله أني قضيت عليه و تخلصت منه بعد مساعده أخواني الله يعطيهم العافيه ( (arcanine-alshaer1001-Master X)
قتلته بعدجهداًجهيد....بس المشكله الكبيره الي عقدتني و قهرتني من جد أني بعد ما قتلت جاء عرض سينمائي بعد ما فريقي ينزلون من السفينه لينقذون يونا الي كانت بتزوج سيمور....على طول تبدا المعارك بدون ما أسيف العبه (save)....خضت معركتين بعد ماأقبال الرجل ألاَلي أبو رجل و الرجالين الي معاهم سلاحين يبثون النار علينا وتنقص القوه تقريباً 500 بعدها أذبحوني و صارت العبه (game over)... وبذمتكم يا شباب هذا شيء يقهر ولا لا..بعد خمس أيام معركه مع الحقير التنين...بعد ما قتلته تجي بعدها معركه على طول بدون ما أسوي سيف (save)......والله الصراحه مسوخها على هذه الحركه الي مالها داعي...... :غضب:

طيب في طريقه لتسييف العبه قبل لا أخوض المعارك......وأذا كان مافي طريقه للتسييف الا بعد ما أخوض المعارك....في طريقه أقضي على الرجل الاَلي لأنه عنده حركه يطير فيها أعضاء فريقي واحد وارا الثاني....والرجالين الي معاهم سلاح بث النار وشلون أقضي عليهم بدون مايأتي الدور لهم مره الثانيه.......

يا شباب الله يعطيكم العافيه وشلون أحل الطريقه هذه الي عقدتني و أثارت عضبي....لاني الصراحه كنت بكسر الشريط من القهر بس الحمد لله أني هديت نفسي.....

أنتضر منكم الرد الله لا يهينكم.........................أخوكم نشمي

[ODIN]

عادي اللعبه مافي اسهل منها .. وصحيح ذاك المكان مافيه سيف .. لكن عادي ..

شوف خذ قاعده عندك .. طور فريقك طوره طوره .. بذلك راح يكون الفريق اقوى بكثير من المرات السابقه ..

وحاول تختار السيف المناسب .. لكل شخصيه ..

وغير كذا .. اول ما توصل لمكان العرس .. زود طاقه الفريق بالهاي بوشن .. عبي طاقاتهم .. وبس سهله جدا اذا عرفتلها

[DYABLO]

انصحك باستعمال HOSTEGA عشان تكثر أدوارك واذا تعبت من القتال مع التنين اللي بالطائرة اطلب أمر عن طريق ريكو أو تيدوس بالأتعاد عن التنين .... بالطريقة هذي تقدر تزود HP .MP بدون تعب

[alucardracula]

السلام عليكم
أنا ويا أخويي ODIN
اللعبة ما في أسهل من كده أنصحك مثل ما تقدمو الأخوان و زيادة أنك تركب لك SKILL اسمه delay buster و quick hit الديلي بستر هذا يأخر دور الأعداء ممتاز بس بعضهم ما تقدر (القواي بس) أما شغلة كويك هت فهي تقدم دورك و تخليه يجي بسررررعة صدقني أن اللعبة سهلة أنا نهيتها في أربعة أيام بس (صعب التصديق )بس كانت أيام ما نزل قبل الأمتحانات باسبوع تقريبا فحرمت نفسي من كل شي في الدنيا و قلت شرط أنهيه قبل الأمتحانات والحمدلله هذانا ألعب فيه الحين على راحتي.....
نصيحة في كل ألعاب RPG لا تفوت الأماكن الي تقدر تطور فيها الشخصيات و تقويهم في LEVEL
الله يوفقكم

[nashme]

الله يعطيكم العافيه وما تقصرون على ردوودكم الرائعه:

بنسبه كونه سهل عليكم...صعب علي كامبتداء....لأنكم لعبتم أجزاء فاينل فنتاسي كلها....وعندكم خبره أكثر في العبه و خاصهً تطوير قوه الفريق كله.....لأني من أول ما لعبت وانا ما ا عرف التطور فريقي الا بعد ما قطعت شوط كبير في العبه.....

بنسبه لقوه فريقي:
تايدوس 1020 - أرون 2200 - كيماري 2020 - لوكا 1600 - ريكوا 1800 - لولو 1600 .......هل تعتقدون هذه القوه الكافيه لتطوير القوه علشان أعدي المعارك بعد ما أفضي على التنين؟؟؟؟........أو لازم أرجع للمعارك الي في الطياره قبل ما أقابل التنين وأخوض منها أكثر من معركه علشان يزود level لفريقي أكثر وأطورهم حتى يصولون إلى القوه المطلوبه ؟؟؟؟.....

على ما أعتقد أني لازم أطور فريقي أكثر على شان أعدي المعارك بسرعه بدون صعوبه مثل ما تفضلتم..........

على فكره ياشباب المعارك الي بعد التنين أقابل رجل اَلي و رجالين معاهم سلاح ناري الي يبثونه على فريقي.....بخبرتكم مين وين أبداء في قتل أول واحد منهم علشان أتخلص منه حسب القوه حقته......وهل تعتقدون حركه slow لتايدوس مفيده للمعركه هذي........؟؟؟؟؟

متى تأتي لي التسييف (save) بعد كم معركه علشان السيف و فتك....تكفون يا شباب عطوني خبر ما تاتي التسييف بلظبط علشان أتحمس و أخوض المعارك؟؟؟؟؟.........لأن اذا كان التسييف بعد أكثر من معركه مش راح أكمل العبه...........!!!!!

أحتاج منكم الرد ياشباب لأني الصراحه أحس نفسي مش راح أكمل ff10....لأني بكل صدق أني يأست و مليت من الصعوبه الي واجتها في المعارك ....لا تلومني يا شباب لأني مثل ما قلتكم من قبل أني أول مره ألعب RPG في حياتي............

أنتضر منكم الرد.................أخوكم نشمي

[nashme]

للرفع ياشباب................الله لا يهنكم

[Sleeping Dragon]

أكيد لازم تقويهم
وأعتقد بعد عشر معارك تطلع الروح ولكن بعد ما تسيف راح يجيك لغز صعب

[nashme]

أخوي (arcanine) قصدك بعد ما أقضي على التنين الي في طياره تجي بعدها عشر معارك قبل التسييف:واو:......والله رحت فيها.....عز الله اني بوقف مش راح أكمل ff10 .........ياحسافها الي توقعت صار والله حرام أترك FF10 بهذه السهوله:" بعد ما خشيت جو رائع مع القصه .يغربلهم و يغربل معاركهم الي مالها داعي.....لو حطوا التسييف على طول بعد ما أقضي التنيين كان أفضل.......

والله العضيم يا شباب انا أحترت أكمل FF10 ولا لا........تكفون ياشباب ساعدوني قبل لا أترك أفضل لعبه عرفتها في حياتي على شان هذه المشكه الي مال أمها داعي......مشكله التسييف الي لازم أعدي المعارك كلها......حتى أقابل سايمور و يونا في المنصه........شكل والله أني مش راح أقبلهم للأسف..................

علموني ياشباب وش الحل..........................

[Sleeping Dragon]

ردي راح يحبطك ولكن أحسن من إنك لا تلعب فف10
ولكن ليش ما تلعب من جديد وتقويهم ويكون أحسن لك

[DYABLO]

مالك إلا هيفا .. أقصد gameshark ولو انة تخرب عليك المتعة لكن تنفع معك

[المحارب الغامض]

يا رجال ...

الشريط من أصلة بايخ ..

وين قاعدين تقاتل وحوش ... ولا افلام كرتون ...

ميتل غير2 .... وابعد عنك الهم حق فانتسي الخربطة ...

[Wingless Angel]

انت يوم انشوف الا يسيف سيف لان عداد الطاقة يمتلا و كل شي حتى وحوش الاستدعاء

وكما قالوا زود قوة لاعبيك لان في معارك صعبة جاية:0) :0) :0)

وانتمنى ان اكون افتك:# :# :#

[alucardracula]

السلام عليكم
أعرف شعورك أخي nashme أعرف ناس وايد بدو ويا العاشر (حظك يا أخي يفلق الصخر) لأن العاشر نظام LEVEL شوي غريب بس ما عليك مثل ما قلت مسبقا حاول قدر الأمكان تقويهم اصبر على نفسك تكلف شوي صدقني تعبتك ما راح تروح ببلاش .....
لا تحرم نفسك من هاللعبة صدقني أنها تستاهل تعبتك عليها ما أنصحك تستخدم الجيم شارك الا اذا فقدت كل الأمل اذا نهيته بالجيم شارك راح طعم اللعبة كلها وما سويت شي يعني لعبك مو انجاز ...
شد شوي اهتم بتزويد الشخصيات بالطاقة وأهم شي قوي (يونا) لأن الأيونز يقوو معاها
أنا الحين طالع ولا كتبت لك نصايح وايد بس أتمنى من كل الي مقتدرين هنا لا يبخلوا عليك ولا تراهم .......خسارة فيهم الكلام
معليش راح أساعدك أخويي بس لاحقا لا تزعل أوكي؟

[nashme]

الله يعطيكم العافيه و ما تقصرون..............

الحمد الله يا شباب أني عديت المعارك بعد ما رجعت للمعارك الي قبل معركه التنين.....وخليت ريكوا تسرق من الكور الناريه على شان أقوي الدرع حق فريقي كله وهو درع النار الي يساعدني على الرجالين الي معاهم أسلحه ناريه بعد معركه التنين.......والحمد الله بعد ما أضفت لفريقي كله درع النار.....وينخفض الدمج إلى 0 .....وعديت المعارك الحمد لله بدون صعوبه..........ويعطيكم الف عافيه على المساعده والله لا يحرمني منكم....................

أبغى أطلب منكم طلب صغير ممكن تلبونه لي لو سمحتم............أريد الكلمات السريه للعبه فف10 (gameshark).......أحتاجها بس أذا علقت عند شبح أو شيء عقدني........تكفون ياشباب أحتاجها ضروري..................

أنتضر منكم الرد..............أخوكم نشمي

[ستيف بورنسايد]

كتب العضو (nashme)
الله يعطيكم العافيه و ما تقصرون..............

الحمد الله يا شباب أني عديت المعارك بعد ما رجعت للمعارك الي قبل معركه التنين.....وخليت ريكوا تسرق من الكور الناريه على شان أقوي الدرع حق فريقي كله وهو درع النار الي يساعدني على الرجالين الي معاهم أسلحه ناريه بعد معركه التنين.......والحمد الله بعد ما أضفت لفريقي كله درع النار.....وينخفض الدمج إلى 0 .....وعديت المعارك الحمد لله بدون صعوبه..........ويعطيكم الف عافيه على المساعده والله لا يحرمني منكم....................

أبغى أطلب منكم طلب صغير ممكن تلبونه لي لو سمحتم............أريد الكلمات السريه للعبه فف10 (gameshark).......أحتاجها بس أذا علقت عند شبح أو شيء عقدني........تكفون ياشباب أحتاجها ضروري..................

أنتضر منكم الرد..............أخوكم نشمي

نصيحة مني لا تستعمل الجيم شارك