Bio Hazard مش معقول؟؟؟؟

[Uncharted]

السلام عليكم

في البدايه احب ابارك للجميع على نزول بايو هازرد حبيبة الملايين

واللي ماحالفه الحظ ومانزلت ان شاء الله يلقاها اقرب فرصه ...

من خلال اللعبة تبين لي انها ليست كالجزء الاول في جميع الاحداث؟؟

هي صحيح تاخذ من الاحداث والمواقف وحتى الحوار لكن بطريقة مطوره

حتى الحوار صار اكثر جديه وملائمة للموقف ..

طريقة المشي ايظا اختلفت ..

صارت جيل او كريس يوم يمشون ياخذون حذرهم وفي نفس الوقت ماسكين المسدس ... كيف؟؟؟؟

يعني باسلوب التجسس .. حركة القناص ..

بدل ماتمشي الشخصية باعتدال .. صارت تمشي متوخية الحذر من هجوم اي زومبي ...

بصراحة هالنقطة زادت من تقنيه اللعبة حيث صارت اكثر واقعية في الحركة ..

الاشياء الجديده ايظا استعمال السكين في حال هجوم زومبي على الرقبة ....

اذا ماطاع الزمبي يفك رقبتك .. تلقائيا بطلع جيل او كريس السكين وبتغرزها في راسه مما يسهل على اللاعب اما التصويب او الهرب ..



صعوبة اللعبة ؟؟؟

اللعبة ماترحم ابدا .. لازم تحاسب على حتى السكين .. مافيهم رحمة الزومبيات ... وبدل مايموت الواحد فيهم بطلقة او طلقتين صار بالعافيه يموت حتى بالشوزن .. البندقيه طلقتين لين يوموت؟؟

والكلاب اكثر شراسه وذكاء من قبل

يعني مابتلقى كلب يدور على نفسه

ياويلك بالويل لو ماتجهزت؟؟؟

هالاشياء كلها تزيد من حلاوه اللعبة وتزيد من عمرها ...

اللعبة قمة في الروووووعه ...

نصيحة ...

لاتفوتك

[aoks]

اهلين فيك


ممكن تحكي لنا وش احلا شي قابلك إلى الان

وكم تقدير اللعبة في نظرك؟

[Uncharted]

aoks مرحبابك وسهلا ...

اشياء كثيره

منها العرض

بصارحه العرض مايتفوت ولو انه مب سينمائي الا انه رووووعه

واشياء كثيييره

تقديري 100%

[aoks]

وش قصدك انه مب عرض سينمائي؟....اصلا اللعبة كلها عرض سينامئي

[Nintendo. Cube]

قصده إنه الشخصيان مب حقيقيين مثلنا نحن البشر , مثل ريزدنت إيفيل 1 على البلاي ستيشن ;-)

[Uncharted]

تسلم ياعزيزي Nintendo. Cube على التوضيح ... فعلا... لم ارى مشهدا سينمائيا حيا كما في ريزيدنت ايفل 1 ... في الغابه حيث كانت العروض من نفس اللعبة تقريبا اي بالكمبيوتر ..

لكن رهييبه جدا ومرعبه ...

اكثر الاشياء جمالا استخدام السكين الصغيره مع الشلق (( المفرقعات)) لقتل الزومبي أو التخلص منه

كذلك حركة الشخصية اصبحت اكثر حرصا وخوفا من السابق

الرسوم ماعليها كلام .. التحكم حلو لكن بتلقى في بداية الامر سلاله في التحكم اي انه سلس وذلك نظرا لقصر وصغر يد الانالوج الخاصة بالكيوب لكن ستعداد عليه في تقدمك في اللعبة ...

اااااخر شي بتخاف عليه هو الصوت لان الصوت يمثل قمه في الروعه وحقيقه ان الصوت من اجمل الاظافات في اللعبه من جميع النواحي

سواء من ناحية ادخال عنصر الخوف او اظافةجو البرق والرعد من خارج القصر او حتى اصوات الشخصيات والخلفيات اثناء تحطمها مثل الزجاج وغيرها .. وكذلك اصوات الوحوش وطريقت قضمها لبطل اللعبة قمه في الرووعه



الاشياء اللي يجب على كل لاعب انه يحسب حسابها زين .. لازم يحسب لها الف حساب اللي هي الذخيره ؟؟؟

مب مثل أول طلقه أو طلقتين يموت الزومبي؟؟

اذا كان بالبندقيه ... الشوزن .. يبالها ظربتين لين يموت فما بالك بالمسدس؟؟

يمكن 4 طلقات بس اذا تقدر تصوب في راسه بيطير ...


الزمبيات لاترحم ابدااااااااااااااااااااااااااا ومافيه مجال للرحمه

لازم تحسب الف حساب للذخيره وكيفية ادخارها ... لانك بتحتاجها وساعتها اذا كنت محافظ بتلقى ذخيره واذا كنت تستهلك عليه العوض


المهم اللعبة بشكل عام حلوه ورهيبه وماعليها كلام ...

انصح عشاق الجيم كيوب باقتنائها قبل النسخة الامريكيه؟؟؟

ليش؟؟؟؟؟؟؟؟؟؟؟؟


لاني متأكد 100% بيكون هناك فرق في النسختين اولهن الدم والصوت والمشاهد المرعبه .....


وسلامي للجميع