قائمة الأرهاب في المملكه
قائمة الأرهابين في المملكه
صدرت مؤخرا اخر قائمه ارهابيه من وكاله الاستخبارات الامريكيه وتضمنت العديد ممن يعيشون معنا في مجتمعنا ولم نكن نعرف
حقيقتهم (الارهابيه )....... وقد صرح مصدر مسؤل في وكالة المخابرات ان من يدلى على اي ارهابي متخفى سينال مكافأه مجزيه.. والقائمه كالتالي :
العبايات المخصــــــــــــــــــــره
لان كل البنات اللي يلبسون عبايات مخصره .. ويتلثمون .. متخفيين ويسببون انواع المشاكل بين الشباب ..فتكثر المواكب..وتشتعل حمى الترقيم ... ويصير الشباب ماشي (مسطل ) من هول ماشاف ..لدرجة انه لولاء الحيا كان نط على البنت وشالها على كتفه وصرخ على طريقة ((طرزان)) ااااااااه .. وانحاش فيها عن الانظار
البعــــــــــــــــــاريـــن
لان البعارين يقومون (بعمليات انتحاريه )... في الطرق البريه بين المدن .. تكون ماشي فحالك .. وتتفاجئ ببعيـــــــــــــــــــر منسدح في الشارع .. قال يعني يبي ياخذ تان وبعدها حادث مروع ... وهذا عمل انتحاري ((ارهابي ))
شركة الاتصــــــــــــــــالات
لانهم اكثر مصدر (يسرق) رواتب الموظفين المساكين .. بطريقه ( غسيل الاموال ونشرها ) .. وهذا نوع من (الابتزاز الارهابي المقنع )... واللي يرهب اي شخص اول ماتوصله فاتورته .. خصوصا ان كان من النوع (الحبيب) واللي ينام على الموبايل ....
عيال القـــــــــــــــراوي
وهذولا من اخطر الارهابين عموما .. لانهم لابد ان (يؤذوك) في كل زمان ومكان .. ان رحت المسجد سرقوا نعالك وانتوا بكرامه .. وان رحت في عزيمه قراوي وجاء طفل يسلم عليك وقلت له وش اسمك ياشاطر قام تفل عليك ..ان رحت الملعب بعد المباراه بتلاقي (قفاك) كله فصفص .. ان كنت ماشي بسيارتك ومريت من جنبهم ( رجموك ) بكل براعه.. ان كنت فيبيتك كل شوي كورتهم طايره عندك وازعجوك بالرجرس .. ان وقفت سيارتك برا بيتك طلعت ولقيتها (محككه) ومكتوب عليها جمل غريبه ( ابو ناصر .. مواعد ..ولد فلانه .. رايق حبيبي يانظر عيني ).. وهذا ارهاب مستتر ..
الطقـــــــــــــاقــــــــــــــــات
لانهم يرهقون ميزانيه الزواج ... وهذا ارهاب على العريس واهل العروسه .. والاحصائيات تقول ان (زبيده ) (العنود) تاخذ 100 الف .. وطاهره 30 الف .. اما مارى مو من ضمن الارهابين لانها راحت عليها .. وللمعلوميه فالطقاقات صاروا ينافسون جينفر لوبيز وميسي وبرتني سبيرس في الدخل من حفلاتهم ..
الكامـــــــــــــــري والجـــــــــــمــــــــــوس
لان اصحاب الكامريات صاروا يسببون رعب سكاني .. يفحطون وهم بسرعة 160 .... ويمشون في مواكب تصل الى العشرين كامري مع بعض ... واصحاب الجموس يركبون لها اصوات رعد وبرق .. وتظليل كتم ,, ويكتبون ورى عبارات ارهابيه مثل (( شادوا اوف ذا ديث ) او ( ذا كيلر ).. او (سائودي دراكولا ) .. ويمشون في التحليه بطرق انتحاريه .. وهذا ارهاب خطر ..
مطاعــــــــــــــــــــــــــــم البخاااااااري
وهذولا من ضمن الارهابين القدامى .. لانك ان رحت اكلت في مطعم بخاري فلا تستغرب ان لقيت قطيو قاعد جنبك وعليه لون مو طبيعي اسود وبني والعيون الي تولع لمبه ويناظرك بتمعن في دجاجتك .. ولا تستغرب ان جاك في صحن الرز بقايا شعر باكستاني او بخارري او افغاني او هندي مزيت .. ولا تستغرب ان جابيوا لك طبق رز نصفه مأكوول منه ماكله زبون من الزباين .. ولا تتعجب ان جلست في سفره وحده وكل زباين المطعم .. ولا تستغرب ان اعطوك بعد الاكل رقم اي اسعاف لانهم عارفين عواقب اكلهم .. وهذا ارهاب صحي يهدف لزعزعت البطون وسماع اصوات غريبه منها :":
وهذا وقد صرح نائب وكيل (مؤسسة المخابرات) ان العمل جاري على قدم وساق لكشف الارهابين في كل مكان .. ومن لديه معلومه فليقدمها لتحقيق (العداله) في الحرب العالميه ضد الارهاب )
لنعمل جميعا لمكافحة الارهاب
:0) :0)
ههههههههههه
