الفرق بين النسخة الأصلية و النسخة الكوبي

[Golden_Sun]

حبيت أوضح الأمر لأن فيه أناس لا يعرفون التفرقه بينهم ( الكوبي و الأصلي ) ؟

أولا يكون لون العلبة عالجنب رمادي فاتح ( الجنب اليسار ) مكتوب GAME BOY ADVANCE و يكون باللون الرمادي الفاتح وليش الغامق كما في الكوبي .

ثانيا : يكون مغلف بطريقة محكمة و ليش مغلف من طرف و الطرف الأخر ليس مغلف كما في الكوبي .

ثالثا : بعض الألعاب تحتوي على أغراض غير الشريط الموجود في اللعبة مثلا لعبة Golden sun تحتوي على خريطة بجانب الشريط المرفق بالعلبة .

رابعا : عندا تفتح العلبة و ترى الشريط من الخلف يكون مكتوب عليه بالخط الصغير
Nintendo
MODEL NO. و يكون أكو رقم الموديل موجود بالجانب .
PAT.PEND. MADE IN JAPAN ( هذه الجملة غير موجوده في النسخة الكوبي )

و شكرا على قرائتكم للموضوع ....

فقط حبيت أوضح للجميع هذه النقطة !

[لعيب الجيم كيوب]

و الاصلي بعد يجي معاه كاتالوج (دفتر تعليمات) و دعايات

[M7MOOOD]

ممكن سؤال ؟؟؟

شنو الفرق بين اللعبة الأصلية و اللعبة الغير أصلية !!

الرجاء تقولولي كل صغيرة و كبيرة .. و شكرا .

[Golden_Sun]

تقريبا ما كو فرق بس في بعض ألعاب ال RPG اللي يكون ال save في أي وقت أو في أي مكان في اللعبة مثل لعبة Golden Sun أو مثلا Breath Of Fire تكون ما تشتغل من البداية ( لأن أذا علقت في بداية اللعبة يعني راح تعلق في أماكن عده من اللعبة أما أذا ما علقت فا خلاص مافي مشاكل ) أو أحيانا ما تخزن مثل لعبة Pokemon Card اللي عالكلر لازم تشتريها أصلية علشان تخزن .

فا لازم قبل لا تشتريها يكون الجهاز معاك تجرب اللعبة أو إن مثلا إذا رحت البيت و ما إشتغلت ترجعه لصاحب المحل .

لحد الأن ما شفت أحد إشتكى من هالأمر غيري :6 .

لما شريت Breath Of Fire ما أشتغلت اللعبة فا غيرته و عندي أنا 3 ألعاب كوبي ولا وحده تعاني من مشاكل ( كوبي متقن :0) )

[Golden_Sun]

و نسيت شي مهم أهوا أن الأصلي الكاتالوج يكون كامل ( عندي لعبة Golden Sun أصلية عدد أوراق الكاتالوج الأصلي 60صفحة أما الكوبي فا عمل أختصار شديد للكاتالوج و صار 16 صفحة) .

و أحيانا يكون مرفق من اللعبة بوستر ( مثل Sonic ) أو خريطة ( مثل Golden sun ) يكون مو موجود في الكوبي .

[ez2dj]

لحد الأن ما شفت أحد إشتكى من هالأمر غيري .

هذي انا مشكلتي الكبيرة :غضب: ..اول ما اشترت BRITH OF FIRE

طلعت اللعبة خربانة قمت كسرت اللعبة من الغيض :غضب:

بعدين خذت نفس اللعبة وجربتها عند المحل هي و MARIO 2

وشفت اللعبتين شغالة ...يوم رجعت العبها لقيت BRITH OF FIRE تعلق

:غضب: ..وبعد MARIO 2 ما فيها صوت (مع اني جربت اللعبة قبل لا

اشتريها ولا انتبهت على الصوت ) تخيل ماريو بدون صوت :غضب:

تتعتقد في أحد أنحس مني

[megaman]

ســــــــــــلام عليكم ...


بغيت اضيف حاجة على كلامكم ... وهو انه مو شرط اذا اشتريت اللعبة كوبي وما علقت بالبداية ... فهذا يعني انها ما راح تعلق بعدين ... انا اعرف واحد اشترى اكثر من شريط كوبي .. يكون في البداية ما فيه شي ... وبعد فترة يبدا يعلق .. ويصير ما يخزن!!


ومشكور اخوي "قولدن سن" على الموضوع الحلو

[M7MOOOD]

و الله قمت أحتار ... أشتري الجهاز و لا لأ ... لأن حالتي ما تسمح لي بشراء ألعاب أصلية بتاتا ... يعني ألأعابي كلها راح تكون كوبي ?:

[megaman]

يا محمود ... انت حر باختيارك ... لكن ترى فيه فرق كبير بين انك تلعب على البي سي .. او على الادفانس !!

الادفانس احلى بكثير




وشكراً

[M7MOOOD]

كتب العضو (megaman)
يا محمود ... انت حر باختيارك ... لكن ترى فيه فرق كبير بين انك تلعب على البي سي .. او على الادفانس !!

الادفانس احلى بكثير




وشكراً

":

[Golden_Sun]

أقول ترى فيه أنواع من الكوبي كوبي أول و كوبي ثاني و ثالث ( احسنهم الأول ) و شلون تفرق بينهم أممممممممم.
الكوبي الأول ( مشابة للأصلي ) في اللون و في كل شي و مغلف من كافة الجهات ( بس مكتوب عاليسار GAME BOY ADVANCE بالرمادي الغامق مو الفاتح نفس الأصلي .

أما عن الباجي فيبينون من شكلهم ( رايحين فيها ) وينهم مايو اللي بدون صوت .

أنا عندي ألعاب كوبي ولا وحده علقت للحين إلا بريث أوف فاير ( هاللعبة بالذات وايد ناس أشتكو منها ) لازم تجربها قبل لا تشتريها كوبي .

و حبيت أقول أن كوبي عن كوبي يفرق .

فحاول تشوف محل له سمعه طيبة ( أنا في الكويت ما أشتري إلا من Game Center في مجمع الرحاب لأن دايما ينزل كل شي أول بأول و الكوبي ماله وايد زين وتمام ( حق الأجهزة Ps 2 و GBA ) .

و أول مره أسمع عن ماريو كوبي بدون صوت ؟؟؟؟؟؟؟؟؟
يمكن الكوبي هذا رايح فيها لدرجه أن ما فيه صوت :6

و محمود توكل على الله و أشترها تراه وايد حلو ( لدرجه أني شيشت كل اللي أعرفهم أن يشترون الجهاز ) ( محد نجح شركة نيتندو لبيع GBA غيري ) :6 :0)
والصوت في الأدفانس وايد أوضح من ال Pc .