welcome to O`AKA`S

[RPG_master]

اولا زمان ما كتبت موضوع هنا على العموم الموضوع ماله علاقه بأسمه


لكن هالجمله تعجبني لانه يقولها بلهجه استراليه اعتقد وانا احب هاللهجه

لانها تضحك ورايقه

المهم نبغى نعرف كيف كانت بداياتك مع فاينل فانتسي او العاب الاربي جي عامه..

وين تعرفت على اللعبه من الي اشتراها لك مثلا..

متى اول مره لعبتها..


انا في موقف غريب صار لي ....


قبل سنوات كثير يوم كنت انا بأولى ابتدائي او ثاني انا و اخوي
(خوباج(عضو بالمنتدى)...


كنا بزارين طبعا ونلعب لعبه في السوبر ننتندو على ايام تبادل الاشرطه بين الاصدقاء تخبرون الشريط كان غالي على 250 وحولها


الي حصل اننا كنا نلعب لعبه اخذناها من واحد من الشباب لكن ما اتذكر مين


اللعبه اعجبتنا وكنا نلعبها يوميا وننبسط عليها ...

ومن الي اتذكر باللعبه اشياء بسيطه مره مثل اميره تنام بسرير في فندق

ووحش عقرب غثنا ما عرفنا نفوز عليه وهو ببدايه اللعبه...المهم

مرت الايام وكبرنا


وقبل كم يوم بالظبط خوباج بدأ يلعب فاينل فانتسي 4 وفجأه اكتشفنا ان اللعبه الي كنا نلعبها قبل سنوااااات هي نفسها فاينل فانتسي4


ونحن نتذكر فاضت اعيننا من الدمع>>>ابو النصب


لكن روعه السلسله اعجبتنا حتى واحنا بزارين...

لكن في شي غريب اتذكر ان كان فيها لاعبين?: ما اتذكر بالظبط لكن اعتقد في القتال كان في لاعبين او اني خرفت..


وبالنسبه للبدايه الفعليه لي بالاربي جي عن طريق فاينل فانتسي7

مثل الكثير من الناس

وطبعا ما اشتريتها انا انما جتني هديه من خالي اشتراها من امريكا يوم كان مسافر شهر العسل


صراحه هذي ازين شي سواه خالي لي:0) غيره ما فيه


انا خلصت باقي انتم..

وشكرا

[Majid Ali]

انا الصوت اللي معجبن صراحه
ride the shoopuf

عموما بدايتي بالاربي جي والله ماذكر بس البدايه الحقيقيه لي ( يعني بديت اعرف الار بي جي ) هو بFF6 بعدين بعدين الرابع والخامس وفوق

اما هدايا تجين!!! امحق هدايا، ولم قريشاتك اذا نويت تشري

[RPG_master]

ولم قريشاتك اذا نويت تشري

يا زين ايام اول انواع الهدايا الحين.. :"


طيب ما في احد يتذكر هل كان الجزء الرابع على السوبر ننتندو يلعب فيه اثنين او اني اخرف :0) لاني متأكد اننا كنا نلعب انا واياه بنفس الوقت

[Kubaj]

همبرااااااااااااااااااش


كيف الحال ... اخيرا فزت على العقرب ...


والله اننا تحف يومنا صغار ما كنا نسوي equip ولا نعرف وش البويشن ...

خخخخخخخخخ ونمشي على عماها ..


انا اذكر انه كان فيها لعبه اثنين ...اي والله ما انسى ...


او اني كنت العب على اخوي واقوله يالله العب ...ويصدق هو ":"

[BOY_THING]

هههههه قصه ظريفه

اي واالله يازين ايام اول على ايام السيجا و صخر
و الله كانت ايام حلوه

بدايتي على فاينل .... كانت من مجلة العاب الكمبيوتر .... شفت فاينل فانتسي 7 ماخذه تقدير
100 %:واو:
و فاينل 8 .. 98 % على ما اعتقد
و قلت في نفسي وش ذا اللعبه اكيد راح تصير هبال
و لما فكرت اني اشتريها لقيتها عند اختي

و عجبني اسلوب القتال و القصه فحبيتها

[Cloud 920]

قصة حلوه

اما انا الصراحة اول لعبة فاينل فانتسي اهدتها كانت الجزء الثامن حقيقة كان احسن شي ((بس لما شفت السابع صار احسن منه))

انا شفته في مجلة امريكية ور حت بسرعة اشتريها بصراحة كان قصدي الجزء السابع بس ما فهمت للرقم>>>>ياللعار

و الفشيلة العظمى ان اول ما بدت اللعبة حاولت اوضع اسم بطل اللعبة كلاود >>>شوفوا العقل يعني...


و انا لعبتها من قبل على الجيم بوي اللي من زماااااان بس كان الثالث


تحيتي

[E:man]

والله ما فيه بقصتي شيء مشوق

وانا على ايام النينتندو كان حدي سلاحف النينجا وكابتن ماجد (الا صح كابتن ماجد موب

RPG ?: ) ايوه اول لعبة RPG لي كانت FF9

قريت عنها بمجلة العاب الكمبيوتر وعقبين صرت ادور الاجزاء الثانية والحين كل اجزائها

على PS1 عندي <<<<<<<احلف يا شيخ

وسلامتكم

[Kubaj]

هههههههههه كابتن ماجد اربجي


قويه شوي يا انسه ايمان

[Justine]

البداية من ايام طويييييييييلة

يوم ما كنت بالصف بالاول متوسط و كانت توها نازلة و شكلها الغلاف يهبل ( كلاود ماسك سيف أكبر منه ) و شريتها ب80 ريال وقتها

و لعبت و لعبت ( ما كنت فاهم شي طبعا ) و تركت اللعبة لاني ماني فاهم و لا شي

و بعدها بسنة رجعت و استلمتها و عشقتها و انهيتها بنسبة 100 %

من جد كانت ايام حلوة

الحين انهيت 10 و منتظر ال12

[RPG_master]

او اني كنت العب على اخوي واقوله يالله العب ...ويصدق هو

:! :! افا..اجل كنت تلعب علي وانا مصدق :! :!



والله ما ادري يمكن يكون كلامه صحيح لانه دايما يلعب علي :"

بصراحة كان قصدي الجزء السابع بس ما فهمت للرقم>>>>ياللعار
و الفشيلة العظمى ان اول ما بدت اللعبة حاولت اوضع اسم بطل اللعبة كلاود >>>شوفوا العقل يعني...

ههههههههههه والله انك تحفه

(الا صح كابتن ماجد موب

اقول هيثومه...خلك على جنب

الحين انهيت 10 و منتظر ال12

ماشالله فاقد الامل بال11

[ez2dj]

أما أنا أول لعبة لعبتها كانت action RBG عرفتوها ؟

هي زيلدا ..شفت اللعبة عند ولد عمي وقلت خلني اجربها

(وحلاتي مسحت تخزين اللعبة) عاد تعرفون شو استوى بعدين:":

بس بدايتي الاصلية كانت في MARIO RBG الصراحة كنت أحب شي أسمه ماريو

يوم شفت اللعبة شكلها جديد أنهبلت وقلت الا اشتريها ..وفعلا لعبتها

وأعجبتني وأعجبت الشباب كلهم


اما فاينل فانتسي: شفتها في مجلة اجنبية قلت أشتريها ..يوم رحت

عند المحل حصلت فاينل فانتسي 7 وحصلت فاينل فانتسي تيكاتس

عاد أنا ما اعرف الفرق بينهم قلت خلنا ناخذ اللعبة الثانية لانها

دسك واحد (وعلى بالي انها نفس اللعبة الي شفتها في المجلة) اول

مالعبت اللعبة تعقدت منها وقلت باشتري اللعبة الثانية وانشاء الله

لو كانوا 20 دسك :غضب: ..بس في النهاية حبيت RBG وقدرت اخلص فاينل

فانتسي 7 وتيكاتس



THAT`S ALL

[M7MOOOD]

بيـــــه ... فعلا موضوع رااااائع يا RPG_master .... و هذه قصتي مع فاينل فانتسي و اللي عشقت منها كل ألعاب الآر بي جي

كانت بدايتي من 3 سنوات ... عام 1999 لما ولد خالتي اشترى لأخوه لعبة فاينل فانتسي 8 ياباني بمناسبة عيد ميلاده العاشر ... و كنا بذلك العام تونا شاريت أجهزة البلاي ستيشن ... و أول مرة نشتري أجهزة ألعاب رسوماتها رائعة لحالدرجة ... فكان اهتمامنا الأول هو الرسوم ... المهم أنا رحت بيتهم زيارة و كنا فاظيين فقالي ولد خالتي أن أخوه اشترى له لعبة رسوماتها كأنها حقيقية .. فقلت له ورني ياها فحطالي و أول ما شفت عرض البداية انصدمت و صرت أقول ( الله .. الله .. الله كأنه صج .. عيده عيده ) .. و صرنا نعيد عرض البداية لمدة 7 مرات و كل شوي نتهبل فيه ... و بعد أسبوع رحنا الرحاب مع بعض و شريت شريط توه نازل و كان دسكين ... رحت البيت و حطيت الدسك الأول و كان فاينل فانتسي 5 و شفنا الرسومات و صرنا نتضحك عليها .. و صاروا عيال خالتي يتمسخرون على شريطي هذا علشان رسوماته .. فشلته و حطيت الدسك الثاني و طلع فاينل فانتسي 6 ... و صار لنا نفس اللي صار مع تجربة الجزء اللي قبله ... و بعدين أنا عصبت و احتريت فرحت الرحاب و قلت لصاحب
المحل أبي أرجع هالدسك فقالي ترجيع ماكو .. بس في تبديل ... فقالي ولد خالتي اخذ الجزء اللي أخوي شراه ... بس ضيف فرق دسكين زيادة ... بس أنا كنت وقتها و أيامها بخيـــــل جدا جدا فما رضيت >>>>> طلعت الفضايح
فقلت و الجزء السابع دسكين جان يقولي صاحب المحل لا ثلاث دسكات ... و قعد يحن علي و يقولي اشتري الثامن لأن هو لاعبه و لأن الثامن أحلى ... بس أظن أنه كان يكذب علي و أنه مو لاعبه لأنه بس يبي أني أدفع زيادة و يربح هو مني ... المهم بعد محاضره منه عن الجزء الثامن و قالي أن الأمريكي من 3 أيام نازل و النسخ بسرعة خلصت منه و هذا دليل أن اللعبة حلوه قمت و توكلت على الله و شريت اللعبة .. رحت البيت و بدأت ألعب اللعبة و ما كنت أعرف شلون طريقة لعب الآر بي جي .. فصرت أتجول في المدرسة و المدينة و أشوف الرسوم و أقول ( الله .. حلو .. شهلاته يهببببببل ) .. و بعد جم يوم شريت له الحل الكامل و بديت ألعبها و أوصل في اللعبة .. شوي شوي خلصت الدسك الأول ... شوي شوي الثاني .. و شوي شوي الثالث .. و واااايد واااايد الرابع .. و لما خلصت اللعبة ظاق خلقي لأن ماصار عندي شي ثاني أ‘مله و أسلي نفسي فيه .. فشريت الجزء السابع و كنت آمل أن يكون مثل الثامن .. و لما شريته و لعبته ... تغيرت نظريتي واااايد و هو أن الرسوم لا تهم مادام اللعبة ممتعه و مسلية و القصة رائعة ... و في هاللعبة التقيت بحبي الأول آيرس
:" :" :" :" :" ... و أنا قاعد ألعب بهالجزء نزل الجزء التاسع .. فشريته و أنهيته قبل السابع ( لأن السابع أصعب من التاسع و أخذ مني وقت أكثر ) .. و بعد ما أنهيت الثامن و التاسع و السابع ... قمت و شريت الجزئين الخامس و السادس و على راسهم الرابع >>>>> سبحان الله ... شفتوا شلون دارت الأيام علي و شريت هالجزئين
و بعدين صرت مدمن آر بي جي ... فصرت كل ما أشوف لعبة آر بي جي أشتريها .... عاد تصدقون أن عندي الحين حوالي أكثر من 60 لعبة آر بي جي ... و أنا ما شريت البلاي ستيشن 2 الا علشان فاينل فانتسي 10 ... و الحين بعد ما أنهيت هالجزء صرت أنتظر فاينل فانتسي 12 و 13 و 14 و 15


كأني طولت عليكم ... صح :6

[Sleeping Dragon]

هه
إسمعوا قصتي
كنت برابعة أو أولى متوسط

يوم من الأيام أبوي سافر وكنت توني شاري السوني قلت لأبوي يجيبلي درازن ألعاب على ذوقه لأنه كان رايح ل لندن وكان عندهم مهرجان


ويوم رد جاب 20 لعبة ومن جد فرحت وكان بين الألعاب فف7 وفف تكتيسي(ما أعرف إسمها للحين) و لعبتهم وما أعجبتني تاكتيس ولكن فف7 جبيتها وكنت مسمي اللعبة ابو سيف طبع صغير ما أعرف أي شيء
لعبت اللعبة إلى أن زهقت وتعقدت



ومرت السنون إلى أن جاء يوم كنت في منتدى السوني لقيت المنتدى هذا وكنت سامع عن إسم فلم مثل إسم المنتدى فكتبت موضوع عن الفلم ما رد فيه أحد غير إي مان <----- الموضوع كان فاشل


وبعدين سألت أسئلة كثيرة عن فف إلى أن قررت أشتريها ولكن قبل لا أشتري اللعبة إكتشفت إن كنت لعبتها وبعدين لعبتها من جديد ونهيت كل اجزاءها


كأني كاتب قصة حياتي

[M7MOOOD]

فعلا ذكريات لا تنسى

[Auron]

امبشوشبل امبشوشبل


يا زينه راعي الشوبوف


المهم بدايتي كانت في ف ف 7

القصة وما فيها اني رحت للرياض وتعالجت هناك (خطاكم السوء) وبعد ما جيت كنت يمكن 1 متوسط وكانوا اصحابي يتكلمون عن الباب الي في 7 الي لازم تضرب لوحة في الطاولة مع تيفا وباريت في وقت واحد عشان ينفتح الباب (تذكرتوه؟؟) وقعدت اضحك عليهم من تخاريفهم ,,,,, لكن جا ولد عمي وقال لي عليها وقال لي انها بايخة وكلها كلام وبلاهة وقلت له جيبها باجربها ويوم لعبتها :واو: :واو: كنت اقرا كل كلمة وكاني اطالع فيلم (وقتها كنت مجنون افلام ) وجبت الاطلس وكل كلمة ما اعرفها اترجمها وبصراحة حطيت رجلي فيها وما سرت العب الا فاينل فانتسي واي لعبة مو مكتوب عليها فاينل فانتسي ما احب العبها الا طبعا التحفة ميتل جير وغيرهم ما لعبت في السوني الا بعد ف ف 8 سرت ادور العاب RPG ولعبت ليجند اوف دراجون وكرونوكروس وف ف 6 (بس ما كملتها) ,,, وليومك هذا ما افضل الا RPG وطبعا بعض الالعاب الجانبية



طبعا قصتي مو مفصلة

بس

EVERY STORY MUST HAVE AN ENDING