ضب يشكي ظروفه في شعر
احم احم :
الضب قدم للوزاره شكيه _ يقول انا مظلوم وسط الصحاري
الحيونات تعيش عيشه هنيه _ وانا مع الكبسات تحت الكباري
مسكين مالي واسطه خارجيه _ الواسطه عند الظبا والحباري
اشكي من الازمه ظروفي قويه _ خصوص وقت الصيف والجسم عاري
محمية الغزلان دون الحويه _ وانا مقطع وسط رز البخاري
انا لحالي عيشتي جاهليه _ انصاد لو اني ببنك العقاري
في سوق منفوحه يحرج علي _ مكتوب اسمي بالسجل التجاري
احتج واقدم للامه قضيه _ ممنوع صيدي بالسلاح الناري
اعيش انا والحبارى سويه _ مافي فرق بين هيس وهواري
اليا طلعت ابتمشى شويه _ اليا الدداسن كوم تضرب بواري
الصيد يتمشى جري واهنيه _ في محمية الغزلان وام القماري
وانا مسلسل طاش يضحك علي _ وين التقدم والاسلوب الحضاري
كيف الورل مرتاح وانا خويه _ يلعب معي باليل ياعضم ساري
ان كان مالحقت علي المنيه _ ان عاش راسي تاكلونه اجباري
ياناس روحوا لصيف ابها البهيه _ حفر العتش مافيه غير الغباري
وختامها حطو حراسه سريه _ من مركز التدريب حق الطواري
":" 
