السلام عليكم
انا دحين في النهايه وعملت على كلام أخويسونيك2002 حرفا حافا والي هو:::
أول ما تخش غرفة فالج خش الغرفة الي على اليسار(المطبخ) حتلاقي ثلاجة في النص , قرب منها وأختار الحلقة ( لازم تكون عندك واسمها Ring o... نسيت الصراحة) أستخدمها في الثلاجة عشين تاخد الخنجر , بعدين روح الغرفة الي جنب المطبخ وهي غرفة المخزن
بعد ما تخش دور كويس على ذخيرة و مشروب علاج وكيس فيه حلاوه (مهم هذا الكيس) حتلاقي في واحد من الرفوف , أفتحه حيطيح منه مفتاح مهم اسمه Bethor بعدين روح لباب ثاني في نفس غرفة المخزن غش من هذا الباب وحتلاقي جهاز فيديو وأتفرج على الشريط بس حيكون واضح (غير المرة السابقة) بعدين أخرج من الغرفة ومن المخزن كليا وخش الغرفة المقابلة , بعد العرض خد الشعار المعلق
واسمه Ankh , أخرج من الغرفة وروح غرفة Bethor حتلاقي مولد كهربائي أطفيه وأخرج من الغرفة وكمان من المنطقة كلها عن
طريق باب فالج الي جيت منه , بعدين روح لباب المدخل الفرعي وأتجاوزه وأتجه لرابع غرفة بمحاذات الباب (الي دوبك دخلت منه)
وهي غرفة Key room أدخلها وخد مفتاح Aratron بعد ما تاخد المفتاح أرج لنفس منطقة فالج (الله يحرق فالج هذا) المه من نفس الطريق الي مشيت فيه قبل شويه , بعد ما توصل الى فالج روح الى غرفة Aratron وغشها , بعد العرض حتلاقي صورة لأليسا
( هي سبب كل المصايب في البلدة) وقرص أحمر وبعدين غش الغرفة الي أمامك وهي غرفة أليسا الملعونة (شكلها ملعونة ما أدري)
وأحفظ اللعبة لأن هذا أخر مكان حتحفظ فيه اللعبة , بعدين حتلاقي باب محفور عليه 5 أشكال (المفروض تكون عندك وهي الخنجر
و القرص الأحمر و شعار عطارد والنجمة الإسرائيلية و المفتاح الذهبي ) بعد ماتحط كل هذه الأدوات على الباب وتخش منه حتشوف
عرضين مهمين يمكن انت من خلالهم تفهم القصة أنا الصراحة ما فهمت شيء , وبعدين حتكون المفاجئة . نست أقلك بعد العرض الأول
أنزل من الدرج .... وبالتوفيق .
الأخ ما ذكر عن النجمة الاسرائيليه كيف أجيبها الرجاء ساعدوني لانها أخر ما تبقتلي من الباب عشان أفكه. :"
على فكره في باب على اليمين منه في حروف لازم تحطا أيش هي الحروف الي أحطها .
وشكرا:-) أرجو السرعه في الرد. عشان عندي أختبار رياضيات يوم السبت:"
