ما هي افضل لعبة من بين هذي الألعاب

[NINTENDO Lover]

معليش نسيت احط التصويت
لو سمحتو صوتوا ولو قدرتوا اذكروا مميزات هذه اللعبة

[GLADIATOR__mx]

ماريو بارتي2

لأن فيها حرق أعصاب وخصوصا إذا قعد على حظك واحد وخسرك كل النقاط اللي تعبت علشان تجمعها

[SALEH.R2000]

ماريو بارتي 3
اتوقع

[anju]

ماريو بارتي 3


مايحتاج تحط بوكمون ستاديوم لأنه بايخ وممل

[SALEH.R2000]

بوكيمون استوديوم اشويه عليه بايخ وما ان صح احد يشتريه

[SALEH.R2000]

بوكيمون استوديوم اشويه عليه بايخ وما انصح احد يشتريه

[abb]

ماريو بارتي أكيد واحد من الاجزاء الثلاثه لان اللي عندي الجرء الثاني بس للاسف

[FAS]

اتوقع انه بيكون ماريو بارتي 3 لانه في 70 لعبه جديده و شخصيتين ايضا

اتوقع انه بيكون افضل لكن بينزل متأخر الا اذا كنت تبغي تنتظر

________

انصحك بسماش بروس او ماريو بارتي 2

من ناحيتي افضل سماش بروس لكن ما اقصد ان ماريو بارتي 2 مب شيء

و تقدر تلعب في شاشه وحده بدون انقسام و هذا الشيء موجود في ماريو بارتي2

و و اللعبه حلوه لما تتجمعون انت و ربعك ...تلعبون اربعه

اللعبه رهيبه انصحك فيها

لكن شوف ايش هي اللعبه الي تدخل قلبك اكثر و خذها

لا تهتم بكلامي او كلام الاعضاء...احنا مجرد ناس و لنا اراء ...شوف الي يعجبك و خذه

[NINTENDO Lover]

مشكور يا شباب وخاصة أنت يا فاس
صراحةأنا احترت اكثر من الأول
بس خلاص .. أنا قررت أني أخذ سماش بروس وبعدين وقت ما يطلع ماريو بارتي 3 اشتريه .. لأنه حرام أخذ ماريو بارتي 2 وبعد كم شهر راح يطلع الجزء الثاني ..
ولا أيش رأيكم ؟؟؟
على العموم ... مشكورين وما قصرتوا

[FAS]

العفو يا اخوي

انا اعتبر ان رايك هو الصح لان مب معقول تشتري القديم و الجديد فيه اكثر من 70 لعبه جديده

على اي حال سماش بروس لعبه بسيطه يعني ممكن ما تعجبك في البدايه

لكن العبها اكثر من مره و راح تشوف انها رهيبه

انا اقول هذا الكلام عشان لما تلعبها اول مره و ما تعجبك ما تقول ان احنا ما عندنا سالفه و تزعل

مع اني عارف انك ما تقول هذا الكلام

[NINTENDO Lover]

أفا عليك يا فاس ، ليش اقولكم عنكم كذا ؟؟؟ نحنا زي ما قلت بشر .. يعني عشان لعبة أقعد أسبسب في الدنيا ؟؟؟
المهم باركلي أنا خلاص اشتريت سوبر سماش بروس .. وصراحة ... اللعبة ما عجبتني في البداية لمن لعبت لوحدي .. لكن لما ناديت أخواني ولعبوا معايا قعدنا نلطش في بعض الى الساعة 4 الفجر هاهاهاها ... صراحة ... عجبتني اللعبة بالمرة

على العموم .. مشكوووورييين يا شباب وما قصرتوا معايا ولا مع أي عضو آخر في المنتدى ... وأشكركم على هذا التعاون الرائع اللي بينكم

[FAS]

العفو يا اخوي

انا عارف انك ما تقول كذا لكن كنت ابغي اعلمك انها ما بتعجبك في البدايه عشان تلعب فيها كثير

على اي حال مبروك عليك و عقبال ماريو بارتي 3

[KNUCKLES]

MARIO PARTY 2

لعبه حلوه ومسليه تقدر تلعب مع 3 من اصحابك

[link_hero_64]

الى كل الي قالو ان بوكمون ستوديوم بايخ .
كلامكم صح في حالة انك ما عندك بوكمون على القيمبوي لانو ما ينفع لحالو.

اما بنسبا للي يمدحون بارتي 3 احب اقولكم قاعده وهي لا تمدح لعبه الين تلعبها .

اما بنسبا لي انا افضل ماريو بارتي 2.