زي ماحنا ملاحظين الحين ان الكذب انتشر في بعض المنتديات
لكن اللي ابغى اقوله في هذى المنتدى بالذات اللي يكذب ويقول هذا انا رسمته
يعني صراحه بدون مبالغه الواحد مايخجل من نفسه وهوه يكذب؟!
ناس يتعبون ويحاولون يظهرون انفسهم وبالاخير يجي واحد من هالاشكال ويجيب رسمه تحبط البعض .
انا ابي اعرف احاسيسه ومشاعره وشلون يسمح لنفسه انه يقول هذي رسمته ؟!
عموما انا بغيت اكبر هذي النقطه واخليها مهمه ، لان بصراحه هالعمل حقير وينم عن ضعف الشخصيه وفقدها للامل والمثابره
صح انه ربما مايكون عنده موهبه لكن ممكن على الاقل لو يرسم منظر طبيعي او تجسيدي ولو كان متواضع وبالاخير يفتخر انه هو اللي رسمها ، مو يكذب ويقول انا رسمته
يعني فرضا انه كذب ومشت علينا بكم رسمه ، طيب وين فنك الثاني !! يعني هذا اللي تقدر عليه بس ، عطنا المزيد علشان تثبت هويتك والرسام يقدر يرسم الاشياء السريعه يعني بدون تفاصيل باقل من 10 دقائق ، يعني تقدر تثبت نفسك ولو برسمات قليله لكن مو بهالقله الحاده واللي فقط لوقت واحد ، وبالاخير سواءا اعطانا رسمات او ماعطانا سيتضح انه غشاش حقير لان حبل الكذب قصير ، وهذا الكلام موجه للي ينوي يكذب او كذب وانتهى
هذي نقطه ، والنقطه الثانيه الرسمات الخارجيه تشوش على هالمنتدى اللي حق الرسم فقط ، اقترح انه مايكون هنا الا الرسومات الخاصه باعضاء هالمنتدى ، وان كان لازم من انه يحط هالصور الخارجيه فعلى الاقل يكون اسم الموضوع ومضمونه نعرف منهن انه رسومات خارجيه او ماشابه ،
هذا اللي بغيت اقوله والسلام عليكم
!!
Good Talk
