مغامرات لوسي وRW في ( المدرسة )
احلى مغامرات للوسي وRW في المدرسة ...
شوفوا القصة ..
فيه واحد اسمه RW انسان داج في دراسته ما يتابع الا القناة الثانيه على باله انه مثقف عنجليزي ..
طموح هالانسان انه يكون نظام المدارس مختلط ودايم يفكر اذا تبطح على السرير ويتخيل انه جمبه بنتين على يساره وعلى يمينه وانهن يتهاوشن عليه ويغارون من بعض عليه
وهو مرة منبطح ويتابع هوايته ( يناظر القناة الثانيه) سمع في الاخبار ان المدرسه احترقت وان البنات ماتن وطقته العبره مسيكين .. وقال في نفسه الحين بدال مايخلونهن لحالهن ورا مايخلونا معهن عشان حنا ننقذهن ونكون معهن اما البنات
دبش مايعرفن يتصرفن ... يعني بين قوسين كلن ينقذ خويته ولا صار اللي صار
المهم ذا المسيكين جالس يتذكرهن ويدعي لهن ويناظر القناة الثانيه الاخبار .. وسمع
انهم اقالوا المرشد وحطوا الرئاسه حقت البنات مع المعارف حقت العيال الولد*RW * قام ويناقز على السرير ومن الوناسه يسوي حركه يرقا للسطح وينزل على المواصير حقت المجاري متاثر ببرنامج ( 911 ) اللي على القناة الثانيه
ذاك اليوم ماجاه نوم ويناقز وخربها وراح واشترى شورما بـ 3 ريال ومعها ببسي .. مع انه بالعاده يشتري مطبق بريالين ويشرب مويه من برادة المسجد .. _( يقاله الحين انه مسوي احتفال ) خلص بلع وراح للحلاق وخذ ياتنعيم وقصات وغسيل بستم وحلق شعر اباطه اللي كنهن نخل يابسات ونظفوا وجهه لمعوه الين تلمع وجهه تقول مرايه .. بعدها مر المكتبه اللي جمبهم وشراله قلم خطاط عريض حق سبوره ورسم الشنب وحبك السكسوكه وحدد الحواجب بالقلم وضبط وضعه .
المهم راح للبيت انسدح على السرير يقول متى يجي بكرا يتحرى يقابل البنات ويدعي ربه يقول وفكر لبعيد وجاب كتاب تعليم كارتيه ( هالكتاب اذا فرشوه عيال جيرانهم راح يقراه واذا نزل يضاربهم نسا كل اللي قراه ورفّسوه الين تطلع عافيته )
المهم قام وناظر الجدول لقاه
رياضيات - جولوجيا- رياضه - فسحه - احياء - توحيد - كيمياء - طلعه
( ياعمري على العلمي )
جلس يفكر انه دخل المدرسه الساعه 5 <-- مستعجل يبي يحجز له بنت ... ولقا هالبنات مجتمعات والعيال مابعد جو لانه هو الوحيد اللي يفهم انجليزي ويناظر الاخبار ودرا ان البنات يبي يجون معهم ..
وجلس يحوس بينهن ويدور الاحلى ( طبعا جالس يتخيل ) وانه راح صف في الطابور حق فصله وكانت فيه وحده قدامه موت بالنسبه له اسمها
لوسي .
قال هيه انتي تصدقين ان فصلنا احسن فصل وان ماصتي احسن مدرسه في الماصه ( تلعثم الولد )
قالت له لوسي وانت بعد احسن واحد شفته .. انهبل !!! المهم سوو الاذاعه ورقوا فوق للفصول وجرها الين جلسها على ماصة .... خويه وقال ان قالك قومي قولي لا .. من حظه ان ....غاب هاليوم
المهم اول حصه رياضيات .. طبعا هو مايجيب دفاتر ولا شي ماجاب الا الرياضه حقت وزارة المعارف ويتمنى ان لونها يعجب لوسي
المهم طلعت لوسي دفترها تبي تكتب اسم الموضوع والتاريخ .. ويجي وياخذ الدفتر منها وجلست تناظره بعيون حاقده : : وهو ارتعب قال ابكتب عنك انتي ارتاحي انا وش شغلتي هنا مسوي يبي يكسب رضاها .. وتقوم وتاخذ منه الدفتر وتقول لوسي ..ماطلبتك تساعدني ياملقووف
ضاق صدر RW وخلصت حصة الرياضيات وماصدق على الله لانه دايم يتشائم بها ... جت حصة الجولوجيا
دخل المدرس وكتب الموضوع وقامت لوسي دخلت دفتر الرياضيات وطلعت الجولوجيا جا يبي يسوي نفس الحركه ويكتب عنها وتذكر نظراتها الحاقدة
قال في نفسه .. خليني ساكت لا اخرب العلاقة .. المهم المدرس بدا يشرح وبدا يسال الطلاب والطالبات طبعا الطلاب مفهين كلن يناظر اللي جمبه ... المهم المدرس سال ؟؟؟؟ ( لوسي) وش اكثر الجبال فيها صخور بازلت ..( RW ) جا يبي يساعدها بس هو فهم خطا بازلت يحسبها ازفلت توهم مزفلتين شوارعهم وحاطين باقي الزفلت فوق جبل)
المهم دنق RW تحت الماصه يبي يغششها وقالها الجبل اللي عند بيتنا متاكد انا .. جاوبي وما عليك ؟؟؟؟ صدقت لوسي وقامت جاوبت وقالت الجبل اللي عند بيت RW وجلس المدرس يضحك وقام يهزاها وسكتت ..
لوسي حقدت على RW غير الحقد الاول
خلصت حصة الجولوجيا وجت الرياضه وRW قام يشخص وطق رياضة وزراة المعارف وقال للوسي : وش رايك فيني لو خيروك بيني وبيني وبين وائل كعفوري من تاخذين؟؟!! لوسي ماردت عليه المهم لوسي بدلت ولبست لبس الرياضة حق فريق RW وقام RW وشافها وكانت لبسه لوسي صندل شافه RW وقام واخذ الصندل من رجلينها ويرميه في الحمام ويسحب السيفون عليهن عشان ماترجع تاخذهن .. ويجي ياخذ ( الزنوبة )
( حقته اللي جاي بيها ) ويلبسها للوسي ويعّقد الحبال على رجولها عشرطعشر عقده عشان ماتعرف تفكها
لوسي شافت العقد وش كثرها وانها مهيب قادرة تفكها .. قالت خلني اسكت بدال ما احاول واتفشل.. وسكتت
المهم نزلوا صار RW كابتن وصار سيمور كلبتن الفريق الثاني المهم قال RW انا اول اختيار واختار لوسي واختاروا ووزرعوا اللعب ... المهم RW مسك لوسي وقال انتي راس حربه وش رايك ؟؟ لوسي بلمت ماتدري وش راس حربة المهم RW يصلح لها وهي ان جت الكرة تشوت وطاحت .. بعدها جت هجمه مرتده بقيادة RW ويرفع الكوره وكانت لوسي لاهيه تفكر وتجي الكوره وتصقع في راسها وتجيب هدف ويجي يرككككككككض
واحلا انتي قويه وانتي محترفه ومادرى الا وذاك الكف جايه يمشي مليون
RW تحطم وطلع بداعي الاصابه واول هزيمه له وهو كابتن تجي بسبتها .. المهم جلس يتعبر
وتررررررن خلصت الرياضه ولبسوا وراح يشتري لها سن توب وتويكس من المقصف وعطاها وقال هذا عشان المجهود اللي سويتيه كنتي مبدعه ودي تعلميني وشلون وتدربيني
المهم لوسي صدقت وابتسمت له RW ضاااع مايدري وش يسوي من الفرحه
وقانت لوسي وعطته بحقه الزنوبة ... على خشته ...
RW من اللي صار انقطع خياله وصحا .. وخاف وضاق صدره ومن الضيقه نام
وقام الصبح من بكرا وراح للمدرسه ومالقا الاشلة اخوياه وحمد ربه وقال اشوا ان مافيه بنات
ووش رايكم
