سعوديين 2002
سعوديين آخر زمن
مواصفات الشاب السعودي سابقا(يعني قبل سنتين تقريبا):
ثوب مغسول ومكوي >>> احلف .. تشخيصه بالغتره او الشماغ طبعا يرش على نفسه spray عشان ما يتحرك الشماغ .. الياقه واصله للركب الظهر مشدود والصورة بشكل عام رزه.
أمـــــــــــــــــــــــــــــــــــــــــــــــــــــــــا الآن !!!!!!!!!!!!!!!؟؟؟؟؟
تي شيرت (هاواي)ماأدري بصراحه وش اسمه المهم أنه يسحب بالأرض من طوله.. (الباقي) البنطلون الرجل الوحده تكفي 10 اشخاص والطول نصه رايح من عكفة الظهر تقل يركع وهو يمشي.. لاوطايحين لي بالأساور الفضيه والسلاسل اللي كبر حماريين.. ويدورون بنفس الكلام كل مامر من عندهم احد قالوا ( هاي ياو واتسسسسسسسسسس اب؟)
ويمر الواحد من عندهم 10 مرات ما يدرون انه نفسه.
بالله عيكم هـــــــــاذي اشكال بتقاطع المنتجات الأمريكية؟:غضب:
في ناس بقمة الشجاعة خلوهم قدوة لكم أمثال شعبان عبدالرحيم (انا بكره اسرائيل)...... ياالهي لقد قالها >> قل قاااااااا(يعني قسم) تعود هذه الكلمه لهدهد للأمانه المطبعيه بس:
انا بكره اسرائيل **** دي القدس بتهمنا
حبطل السجاير **** وحبدا اشيل حديد
وحنط الحبل نط **** واكل وز وبـــــــــط
اي اي اي ي ي ي
لا ومن زود الكشخه يلبس لي ساعتين وحده بتوقيت السعوديه والثانيه بتوقيت جرنتش وابصم لكم بالعشره انه مايعرف يشوف الساعه كم أصلا.
ماكدونالدز .. بيترزا هت.. دومينز بيتزا.. كوكاكولا.. باسكن روبنز ...الخ
ليش مانترك هالمطاريس لمدة اسبوع على الأٌقل حنا ترى ماتفرق معنا ولا نخسر شي بس هم يخسرون المليارات بأسبوع واحد.
بدل مانشرب كوكاكولا نشرب ستون كولا صدق انه كله مويه وسكر بس عادي تعودوا اقنعو انفسكم ان السكر والمويه أزين من دم الخنزير. وأدري انه المارغاريتا من بيتزا هت والتشيز بيتزا من دومينيز ماتتقاوم بس وش نسوي الشكوى لله جيبو من بيتزا ايطاليا او روما والله يخليلنا المطاعم الصينيه والاجيبو شاورما مب لازم من حقت الصراصير جيبو من ماما نوره ,مطعم النافوره,يامال الشام.
يعني بمعنى اصح كل شي حلو اتركوه
برنقيلز , توكس , مارس ,وماأدري ايش عندكم مرامي ,تسالي,غندور وخرابيط ثانيه.
لا تشترون من اسبرت ,جينفر,بنتون,كلينيك لااااااا وفاتحين لي بالمملكه مارك اند سبنسر مب امريكي يهودي مرررررره وحده يمنون ترى .
ماقلنالكم عاد اشترو من العويس والا المتنبي بس يعني فيه برمود,زارا, مس سيلفرج.
ملاحظه:
انا سعودي واحب السعوديه واعتز وافتخر بالسعوديين
و(سعوديين اخر زمن) كان بس موضوع للتسلية>> لا أحد يفهمني غلط
منقول
;-)
