اخواتي محبات الاكل وكارهات الطبخ(مثل حضرتي لاني ام الزولات كلها:6 وابوها بعد)<< مع احترامي للزول عصمان حارس عماره جيراننا
اخواتي ألمني طلب اختكم الزرقاء من كثر ما انشق حلقها تبغى تشيزكيك ولأني اكتشفت ان كل عضوات المنتدى من نمونتي زوله كلهم لذلك حبيت اسوي خير واساعد على نشر هذا الطبع الجميل الي مايحبه اي رجل لان الي بتتطبع فيه من يوم تتزوج بثاني اسبوع بتلحق بيت ?: اهلها لان طبخها مثل وجهها:6 وبالكاد تستوي معاها طبخه لافتقادها اصول الصنعه الي هي كيف تصنعين اطباق سهله وسريعه ولذيذه بنفس الوقت تختصرين الوقت واهم شي تختصرينه هو الجهد لانك مثلي عجازه
فاليك اختي العجازه اول طبق من اطباق يارا السهله الممتنعه للعجازات الراغبات بالتعمير في بيت ازواجهن لاطول مده ممكنه حتى انتها صلاحيتهن :6 وانتها المعروض بالسوق من قطع الغيار لهن وبعدها بتعطي كل وحده منكم زوجها ركبه وتقول له : روح حبيبي ماعاد تصلح لي لان الدعوى الحين خبراااا:6 ااااااانه
ياساتر يارب?:
المهم اعطيكم اول طبق وهو التشيز كيك بالفراوله ........ولا لحظه
خلوني اشخص شوي :6
باعطيكم التشيز كيك بالستروبيري( strawberry )
المقادير:
علبه ونص بسكويت اولكر ( تجي العلبه هذي حوالي بطول15 سم وعلى شكل مستطيلات وهو بسكويت شاي ) وممكن الاستعاضه عن هذا النوع باي بسكويت مناسب
1ونص اصبع زبده (الزبده الي تكون اصغر مقاس تقريبا وزنها حوالي 113 جرام <<مو شطاره مني مكتوب عليها كذا وزنها)
6حبات جبن كيري (جبن على شكل مربعات حوالي 4 في 4 سم والعلبه فيها 6 حبات )
بيضه واحده(تعرفون البيصه اكيد مو لازم اشرح يعني شنو البيضه:6 <<زوله)
علبه حليب مركز (نستله عندنا بالسعوديه ويمكن بالخليج مدري شنو بس هو عباره عن حليب مركز محلى جدااااااا زايد حلاه <<<مثلي طبعا)
<<<شايفه عمري صح؟ ماعليه نكمل )
علبه ستروبيري جاهزه مخصصه للتشيز كيك تلاقينها بالسوبر ماركت الكبيره (عباره عن مخلوط من الفراوله مثلا مع سكر ومطبوخه لحد ماصارت مثل الجلي مع مربي <<< جام يعني اقول سعرها بعد؟؟ 13 ريال هههههههه)
============
الطريقه:
اولا اطحني البسكويت جيدا وعطيه اخوك الصغير يلعب فيه لحد مايخليه دقييييييييق بس حاسبي على العبله لا تنفتح مو علشان شي بس علشان ماتجيبي المكنسه :" وتكنسين الي بينرمي بالارض منها <<لاننا ياحبيبتي زوله مثل مثل)
ثانيا ذوبي الزبده واخلطيها (افركيها يعني << حشى غسيل ) مع البسكويت المطحون لحد ماتتداخل معاه ثم ضعيها بالصينيه_يفضل ان تكون الصينيه من ذوات القاع المتحرك _يعني جدران الصينيه تنفصل عن قاعدتها وهذي موجوده بكثره عند محلات الاواني(المواعين يقالك بشخص ) وهذي الصينيه مفضله للاطباق الي تقدم بدون تقطيع لانها تحافظ على شكل الصنف
واضغطي البسكويت قليلا لحد مايتماسك(لاحظي ماتضغطينه بقوه علشان مايتحول للوح اسمنتي<<من خلال تجربه مني :" ومن بعدها حبيت الزواله وايييييد )
اخلطي بالخلاط(مال العصير اقصد ) الجبن + بيضه + علبه الحليب المركزه ثم ضعي الخليط فوق طبقه البسكويت وادخليه الفرن لمده نصف ساعه ثم اخرجيه منه وضعيه بالثلاجه حتى يبرد وبساعتها تكونين فتحت علبه الاستروبيري او حهزت لك مربي فراوله او جيلي فراوله مركز
اوووووووووو نسيت وقلت فراوله!!!
اقصد مربي الستروبيري مخفف بالماء مثلا المهم اختاري اي نوع من الفاكهه مثل الستروبري او البلو بيري(هذي جديده ,صح؟ <<مثل وجهي معليش ) اكمل الكرز مثلا او اناناس او ليمون بس احلى شي الاولين طبعا
واتركي الطبق بالثلاجه لفتره لانك من كثر الشغل ماراح يطلق عليك كسوله فخذي قسط من الراحه بعد هذا المجهود العنيف (ايه هين ياعنيف )
وقدميه بالهناء والعافيه لكل من تحبين وادعي لي
ملاحظه : تقدرين تضعين بالخلطه اقصد مع الجبن بالخلاص جيلي اناناس لانه يعطي الخليط طعم حموضه وسكريه مع بعض يعني بننافس تشيز كيك فاكتوري(هذا مطعم لتقديم التشيز كيك والظاهر انه امريكي خلونا نكسر سوقه ,تدرون انه حرامي يبيع القطعه الوحده من التشيز كيك ب 15 ريال وهي صغيره كبر بكتين دخان(اختكم خبيره سجائروش تنتظر يكفي دلال وتغلي الوقت ماهو للوصل دوم سانح:
ها الحين أنتي فاضيه ولا لأ
وش تنتظر يكفي دلال وتغلي الوقت ماهو للوصل دوم سانح:
<<ياويلكم لو صدقتوا بس اشوفه مع السائق حقنا لما يتخبى من البابا تبعي لانه يرفض انه يدخن )
وبالهناء والعافيه لكل كسوله بالمنتدى واتمنى لك حياه زوجيه سعيده بدون الحاجه لقطع غيار لك
والي ببالها طبق معين تحب تعرف له طريقه سهله تقول لي بس واذا عندي باعطيكم اياها
اختكم الزوله مع مرتبه الشرف الاولى
يارا
