منو عنده اهتمام في Flight Simulator 2002 ؟

[RichMan]

السلام عليكم

منو من الاخوان بالمنتدى عنده اهمام باللعبه هذي ؟

علشان نفتح لها موضوع ونتناقش فيه ونتعلم من بعض ونستفيد ... واهم شي نتبادل خبرات في مابينا.



بالتوفيق

[aldanger]

انا .. انا عندي رغبة في الحصول على وصلة لتنزيل اللعبة :" :"

اذا عدكم عطونا :6

[Hornet]

انا الحمد لله عندي خبره بسيطه

و اللي تأمر فيه أنا حاضر

[RichMan]

اخوي aldanger

ما اعرف رابطة للتحميل سوري

ما تقصر يالغالي ...Hornet

انا سويت رحله من مطار الكويت الدولي لمطار القاهره على مدى يومين - اخزن وبعدين اكمل - وكانت رحله موفقه وناااجحه والحمدلله

اليوم اكتشفت شي جديد - بالنسبة لي طبعا - بعد ما تلتقط الطائرة ترددات المدرج المصرح بالهبوط فيه واذا قربت من المدرج نفسه اضغط على APR وهذا يوجه الطياره بالضبط في مواجهة الـRunWay المدرج ... عاد انت الباقي عليك Full Flaps ويعتمد على طول المدرج ونزل الاطارات واذا احتاج الامر - خاصة في B 747-400 - استعمل الكابح الهوائي - اضغط على - / - بالكيبورد هذا يساعد على تخفيف السرعه .... طبعا سرعة الهبوط 140 - 170 .


في برنامج لقيته بالانترنت يساعدك على التحكم الصوتي بالطائرة ! باستعمال المايك طبعا واهو بمثابت مساعد طيار يعني ... تقوله مثلا Set Gear يرفع الاطارات واذا كنت بوضع الهبوط ينزلها .. تقوله Full Flaps ينزلها لك وبعض الاوامر الثانيه انت تقول الامر واهو يردد الامر بعدك وينفذه

وهذي صورة من رحلة القاهرة اليوم

http://www.arab3.com/upload/images/N...Man_KUWAIT.jpg

اي شي بالنسبة للي قلته فوق انا حاضر

بالتوفيق

[Hornet]

السلام عليكم


يعطيك العافيه اخوي RichMan

اول شي حمد لله على السلامه

:0)

انت قلت

( بعد ما تلتقط الطائرة ترددات المدرج المصرح بالهبوط )

هذي الشغله اسمها ILS طبعا اول ما تقرب من الهدف تشوف الخريطه و تحول الراديو على موجه الطقس و بعدها تأخذ اذن من برج المراقبه على اي مدرج ، طبعا على حسب الجو و الريح و قوتها و الزحمه اللي بالمطار راح يبلغك اي مدرج

و بعدين لازم تشوف الخريطه و تشوف تردد الاي ال اس و تحطه



اتنمى اني اكون ما اطلت عليك

و على فكره تقدر تضيف الطيارة اللي تبيها و تطير فيها


و السلام عليكم

[RichMan]

الله يسلمك

هذي الطيارة اللي استعملتها بالرحله واهو من نوع DC-9

http://www.arab3.com/images6/55722359.jpg

بس باكثر الاحيان المطار ما يوفر لك ترردات الدرجات فيه ! شنو الحل اهني ... تضطر طبعا تسوي فيجوال لاندنج .... اغلب هالمطرات في الشرق الاوسط

ما جربت الـ ADD-ons للعبه؟

ما ادري اذا كانت الـ ADD-Ones المخصصة لل2000 تشتغل على 2002 او لا ؟

بالتوفيق

[محمدS.M]

lytical لديه اهتمام كبير بالعبه .....وانا مستغرب لماذا لم يتم تثبيت موضوع للعبة Flight Simulator 2002 !!!
اسمحلي بتثبت الموضوع ولكن ارجوا ان تستمروا به

[Hornet]

السلام عليكم




الله يعطيكم العافيه

اللعبه جميله جدا في نظري و تستاهل التثبيت

جربت realworld weater

انك تحط الجو الحقيقي

من المطار اللي طرت منه الى المطار اللي انت رايح له

راح تتغير الاعدادات مالت الطياره و البرج راح يعطيك مدرج ثاني و اهم شي

الضغط الجوي

:6

و شنو قصدك بال AAD ONes

[RichMan]

هلا اخوي محمد


اللعبه هذي مشكلتها انها مو لعبه اصلا ... اهي Simulator يعني محاكي للواقع ... فتلقى اغلب الاعضاء يمل منها لانه يمكن يحس انه ما انجز فيها شي ... خاصة انها لايمكن لايمكن انك تتعلمها عن بالطريقة البدائية الفعاله - النجربة والخطأ -

يعني لازم تقرى وتتطلع علشان تقدر تفهم الاساسيات والمشكلة انها كلها باللغه الانجليزيه ....


الاخ lytical انا شخصيا استفدت منه استفادة كبيييره ما تتصورها ... انا اخذت الاسياسات منه اصلا وبعدين بديت اطور نفسي يعني على الخفيف ... واذكر الاخ كونان بعد تكلم عن اللعبه والحين الاخ Hornet اثبت انه مطلع على اللعبه بشكل كبير - ILS - <--- هذي ما يعرفها مبتدأ ابدا

بالتوفيق

[محمدS.M]

RichMan
صراحه...لعب الطائرات لااحبها
خلينا على الارض احسن :6 :6

[RichMan]

لا ما جربت الـ Real Wether .... بجربه ان شاء الله


الـ ADD-Ons هذي اضافات للعبه مثل طيارات جديد او رحلات او مغامرات او مطارات جديده

زور http://surclaro.com/nuke/html/index.php

فيه اضافات كثيره للعبه
http://surclaro.com/nuke/html/module...e_Kuwait_2.JPG

[Hornet]

على قوله احوي richman ان flight simulator مو لعبه

مشبه طيران


و صعب للي ما عنده فكره عن الطيران

المهم بالنسبه لل add ones انا مره دشيت سايت متخصص للإضافات

و مصنف ال 2000 في جدول و ال 2002 في جدول بروح

لو انهم يمشون مع بعض ما فرقهم

المهم انا مره لقيت سكاي هوك كويتيه مكتوب فوق الجناح free kuwait

مرت عليك ؟

[RichMan]

انا الحمدلله بالارض وبالجو

Need For Speed Hot Pursuit 2 بالارض



تصدق يا محمد ان شركة مايكروسوفت منزله تحذير من عدم الاعتماد بالخبره فيها في الطياران الحقيقي وانما للتدريب ولزيادة الخبره فقط !!

لانها بالفعل تحاكي الطيران الطبيعي بنسبة كبيره

واللعب الجماعي فيها بعد روعة ... اذكر دشيت مره Room للعب الجماعي وعطونا السيرفر اللي نشبك فيه من اللعبه .. وكان المكان مطار في اليابان ولما تجمعنا بالمطار اختاروا مطار في مدينه ثانيه وقرروا الطيران باتجاهه ... وبالدور نسوي TakeOff وتشوفهم حوالينك مثل السرب لكن الاحراج صراحه اذا قربت من مدرج الهبوط يصير الهبوط بالدور واحد واحد ... يعطونا رقم المدرج وسرعت الريح ويلا شوف شغلك

لما وصل دوري وعطوني الاذن بالهبوط قلت اخاف تطيح الطياره الحين احراااااج منهم لكن الحمدلله الله ستر - اشوى اني عملت حسابي واخترت طياره من نوع سيسنا - والا كانت فضيحة

اللعبه تستاهل التجربه فعلا

بالتوفيق

[RichMan]

اي اكيد مرت علي

هذي صورتها

http://www.arab3.com/images6/60294460.jpg

اهني موجود طيران عربي

http://arabia.simflight.com/arabic.html


وهذا موضوع الاخ lytical وفيه رحله كامله بكل تفاصيلها من مطار الملك خالد الى مطار الكويت الدولي.

http://www.montada.com/showthread.ph...hreadid=114828

واهني تلقى احلى الطيارات

http://www.abra47.ch/~sys_abra47/the...ator_Bonus.htm

بالتوفيق

[Winning Eleven 2000]

صراحة شريتها وياليتني ماشريتها يعني لعبة ما فيها اكشن او دافع علشان تستمر تلعبها................
وانا حسب اعتقادي لو تستطيع تاسس لك شركة وتحمل ركاب وتنظم رحلات للركاب ويمكن تنجح او تفشل الشركة اللي انت سويتها بكيذا يمكن تكون اللعبة ممتعة ومشوقة.........................:غضب: