واع واااع وااااااع ... <----آخر صيحات الموضة في الأكلات
السلام عليكم ورحمة الله و بركاته , بركاته بركاته بركاته <--لا تخاوفون هذا صدى ...
إشحالكم ......؟؟
عساكم بخيـرين :6 ....
بصراحة هذا الموضوع مادري إش يبي :": ....
بس حبيت أعرف إذا هالشي موجود عندكم و لا لاا ....
أذكر لما كنت صغير ( ياهل ورع )....
كنا نتريق * خبز و جبن و حليب ... و كنت أسوي سنتدويتش (هذا إذا تتسمى سندوريتش لانه خبز وجبن ) وحطها مع الحليب ويطلع طعهما لذيـــــز ":" ........!!
لكن إعيال الحين تغيروا ....
بالأمس أشوف أخوي يسوي له جبنه ...
و بدل ما يغمصها* بالحليب يغمصها بالتانج..( Tang ) .. يعني مع عصير برتقال ?: ...
يقول أحلى ... لكني ما جربت :6 ....
وخالي جاي أمس يحط السفن أب مع حليب المراعي :! ....
ويقول طعمها لذيز بعد ....
و أنا أحب آكل شيبس عمان مع لبن .....
أحس طعمها عجيب.....
لكن في ناس تمصخها .... هوامير يخلطون أي شي مع كل شي ....
عنبوا ... كيف يستسيغونه مادري :! ...
يعني مرة شفت واحد ياكل تونا و بيض ...
و الثاني يشرب لبن وبيده ياكل موز ...
يع كيف جذي
و الحيييين حبيت أعرف إذا عندكم هالشي و لا بس في بيتنا
ملاحظة : للعجم اللي ما يفهمون معنى الكلمات :
نتريق = الريوق طعام الإفطار
يغمص= يعني يحط ...
سندوريتش = لفافة من الخبز بها مواد للأكل ...
وبانتظار سماع تخبيصاتكم :6....
...
