هل تزحف فاينل فانتسي 10 - 2 متأخره إلى المنصات الامريكية !!!

[تايدوس إمبرطور ال RPG]

أعلن موقع gamers.com عن موعد غير رسمي لصدور فاينل فانتسي 10 - 2 في امريكا الشماليه و إلي هو الرابع من نوفمبر من عام 2003 م يعني بعد 9 شهور تقريبا :! :! :!
الله يخلي النسخه اليابانيه ... كلها شهر
!@#$%^&*)( بس سؤال ... مين الي راح يلعبها يابانيه ... و مين الي بينطر الامريكيه ؟؟؟

[D2D]

السلام عليكم

اخوي تايدوس إمبرطور ال RPG

شف والله لو هي باللغه اليونانيه او المريخيه

لاعبه لاعبه يعني لازم انجليزي انا لاعب فاينل فانتسي 9

بالياباني وعند النهايه وصل وشف فيها اذا كانت باللغه اليابانيه عادي

بعدين احسنلك اذا كانت بالياباني من اجل انك تتعلم اللغه اليابانيه


تحياتي

لا تزعل اخوي

[shagy-boy]

أنا مع كل كلمة قالها الأخ DVD أقعد أستنا 9شهور عشان تنزل امريكانو لا وألف لا وزي مايقول المثل المصري خد القريب وماتخدش البعيد

[blank]

بانتظر النسخه الامريكيه حتى لو ماتنزل الا السنه الجايه اهم شيء اني افهم القصه والحوارات ولاوش الفايده اذا مافهمت شيء ?:

[master seymour]

بالنسبة لي انا بلعب اليابانية و بقطعها ويوم بتنزل الانجليزية بشتريها وبقطعها هي الثانية .... انا لاعب فف 10 مرات وايد يعني ما بلعب هذي 1000 مرة

[أبومروان]

اسمحوا لي إني أعارض هذي الفكرة ، أنا اللعبة أحكم عليها أول شيء م ناحية القصة و الحوارات الي فيها ..... بعدين احنا ورانا إيه؟!!!

أنا اشتريت فف 9 بالياباني لكني ما كملت الديسك الأول لأنه ما فيها متعه إطلاقا ، انتظر الإنجليزي أحسن...

[THE_ZODIAC]

بشتري اليابانية

كوبي دي في دي

اذا ما في شريتها اصلي

[RPGgirl]

ثانكس على الموضوع ^_^

اوف كورس بشتريه ياباني حتى لو اصلي

[Yuna]

بشتريه اصلي ياباني في الأول

هذا آخر يوم وان شاء الله ارجع للمنتدى مره ثانيه ..

؟؟؟ ويش المشكلة اختي RPGgirl

[SINVER]

انا بأشتريه باالياباني نسخه اصليه ...مافيني استنى 9 شهور....يصير لما تنزل النسخه الأمريكيه نشوف بنشتريه ولا

؟؟؟ ويش المشكلة اختي RPGgirl

ايه صح وش حاصل اختيRPGgirl ؟!مايكون شر انشاالله تراك ماتهوني علينا

[Mesharey]

عاد بصراحة انا قلت اني بشتريه ياباني والعب فيه من ست ساعات إلى سبعة ...


بس الظاهر راح تصير من ست ساعات إلى 16 او 26 :": ...


إنشاءلله انزل الانجليزية بعد 5 شهور على الاقل من اليابانية :": ...


لو الواحد يتعلم ياباني مو احسن >_< :":

[VINCENT 2002]

وش المشكلة نشتري ياباني وانجليزي بعد 9 اشهر بس اكيد الانجليزي افضل بس وش تسوي اكيد ما بتقدر تتحمل تصبر مدة 9 اشهر على ما يتكرموا حضرتهم ويترجموه لنا .

[تايدوس إمبرطور ال RPG]

D2D :
ليه الزعل اخوي ... حياك الله ... انت قلت رايك وهو يهمني
بالنسبة لي انا راح العبها راح العبها إن شاء الله
سويت لها طلبية من احد المواقع الي تصدر الالعاب اليابانيه الى الخارج
لان شركات بيع الالعاب اليابانية عبر الانترنت اغلبها يبعون الالعاب داخل اليابان
لكن في شركات ثانيه تصدر هذي الالعاب لبرا
المهم انا ارسلت لهم ايميل عن اذا كان بامكانهم انهم يصدرون فاينل فانتسي 10 - 2 الى السعوديه في الوقت الي انا ابيه ...
ردوا علي أمس بقولهم :
Hello, we expect to restock FFX-2 within the next 1-2 weeks
and we can ship all orders to Saudi Arabia. Thanks for checking
with us.
اسبوع او اثنين ما فرقت على الله توصل لين عندي
انا سويت الطلب و ما لقيت عروض خاصه حلوه علشان كذا شريت كل غرض بغيته بشكل متفرق ...

shagy-boy :
المثل المصري هذا عجبني ":"

blank :
9 او حتى لو 6 شهور ... صعب تنطر كثير ... على الاقل حتى لو تجرب اللعبه

master seymour :
خخخخخخخخ كنت متوقعها منك ... بس تدري انا بس ابي اعرف وش قد نوجي نذل علشان احط حرتي فيه لما يسمح لي بالقتال ضده

أبومروان :
صحيح فيه ناس يفقدون لحظات المتعه في القصه اثناء لعبهم في النسخ اليابانيه
لكن فيه ناس يقدرون يدبرون عمرهم بترجمه الحوارات سواء بخلفيته الممتازه للغه اليابانيه او استخدام القواميس اليابانيه (( احس انه هذا راح يجن قبل لا يخلص اللعبه )) أو يدخل على احد تلك المواقع الي تترجم حوارات اللعبه و تحطها في الموقع

THE_ZODIAC :
العاب سكوير سوفت ... أصليه و أصليه فقط ":"

RPGgirl :
العفو اختي ... اشوف نسبه الي بيلعبوها ظادت كثير

FFX-YUNA :
مشكوره على الرد اختي ...

SINVER :
هي اليابانيه و الامريكية راح اشتري الاثنين اصليين بعد

Mesharey :
من كثرة ما تسمع اغاني البوب اليابانيه و تشوف افلام الاينمي اليابانيه راح تخطو خطوات كبيره في اللغه بدون ما انت تدري ... فكيف لو انت تستخدم هذي المساعدات بالاضافة الى انك جالس تتعلم هذي اللغه ... اكيد لعب اللعبه يابانيه ولا امريكيه ما فرقت ...

VINCENT 2002 :
كله واحد

[NsaN]

الرسالة الأصلية كتبت بواسطة blank
بانتظر النسخه الامريكيه حتى لو ماتنزل الا السنه الجايه اهم شيء اني افهم القصه والحوارات ولاوش الفايده اذا مافهمت شيء ?:

Exactly

الصراحة احب اتمتع في اللعبة و انا العبها...مب كل شوي اييب القاموس و اترجم. او اني العب و لا داري شو السالفة...بموت غصة...فأحسنلي ارتياها بالانجليزي و اريح عمري...و انا شوراي....ان شاء الل تنزل بعد قرن ...الله يخلي باقي الالعاب اللي قاعد العبها الحين

و مشكووووووووووور اخوي الامبراطور على الموضوع

[SUMMONER HERO]

انا ما عندي بلاستيشن 2
بس لو كانت عندي اكيد حانتظر النسخة الانكليزية:6