شرح مصور و كامل للاكس بوكس لايف عيديتي للمنتدى (متأخرة)!!!

[The X Bros]

تفضلوا يا شباب هذي هي الصور و راح أحط الصور و أشرحها شرح كامل طبعاً هذي الاكس بوكس لايف مو مالتي لكن مالت صديقي في السكن الجامعي (أنا قاعد أدرس صيدلة في جامعة ميشيغن ادعولي يا شباب أرد بالسلامة و جايب الشهادة معاي لأني مليت من القعدة هناك)........نرجع لموضوعنا الأساسي بدينا.......يالله............:

هذي الاكس بوكس مالت صديقي اللي أقوله مشكووور و Happy Valantines Day Marcus مثل ما تشوفون الايثرنت كيبل اللي لونه ما يعجبني لأنه نفس لون غريم الاكس التقليدي و اللي الشباب هني بأمريكا طايحين في سب ليمن الراس عرفتوا طبعاً البلاي 2.

هذي صورة المودم ADSL اللي أحسد ربعنا الأمريكان عليه لأنه مريح جداً و الصراحة صاحبنا ذبحني مع لعبته NFL Fever 2003 اللي أعتبرها مو شي تقدرون انكم تدشون فيه على اللايف على طول : رعصة وحدة و انت تدخل على الطول و مرة صاحبنا قاعد يلعب كان أقوله شحقه متعب نفسك و جايب هالأغراض كلها و موصله على الكمبيوتر و مادري شنو يبا Dial-Up كافي كان يقولي Dial-Up Is Sux بغى يعطيني كف من سبة هالسالفة و مثل ما انتوا شايفين المودم ADSL موجود فوق كمبيوتر العبقرينو ماركوس .

هذا هو الHUB اللي لازم يكون عندك علشان توصله باللايف بدون USP مع اني ماني فاهم شنو USP لكن هذا أريح هو مركبه في السكن الخاص و تحديداً بالطوفة و الله عجيب.... .

و هذا شرح مسويه ماركوس ببرنامج الــ Paint Brush يوضح جميع الحاجات (رسم كروكي)!!!!

و ان شاء الله الموضوع يعجبكم لأنه خطير..........و مفيد بنفس الوقت!!!

و مشكورين على المتابعة باااااااي تونس هالأشكال هذي...:6 :6 :6

[The X Bros]

و الأهم من هذا كله الايثرنت كيبل و هو موصل بالاكس بوكس........ .

باي يا شباب المنتدى.........":" ":" ..........أشوف وشكم على خير.

[Perfect Chaos]

مشكور أخوي
ولكن الحيش شكلي بأصبر كم شهر على نصيحة أخوي Hercules
و بأركب قطعة الى ان يحلها ألف حلّال :0)

[axxys88]

والله شغل عجيب LIVE بس الطريق بنسبه لنا طويل مع شركات الاتصالات ( شركات الانقطاعات ) :"
DSL حلم عندنا تحقق لغيرنا :":
الصبر يارب
________________

[DeadLy_]

مشكور يالغالي موضوعك الصراحة حلووو مرة

[aszx]

مشكور على الموضوع وننتظر موضوعك المصور عن تجربتك للإكس بوكس لايف

[DeadLy_]

الرسالة الأصلية كتبت بواسطة aszx
مشكور على الموضوع وننتظر موضوعك المصور عن تجربتك للإكس بوكس لايف

اي و الله خلنا نتحمس ..

[The X Bros]

مشكوورين على الردود شبابز و على فكرة أنا الاكس بوكس لايف مو مالي مال العبقرينو ماركوس و أنا أقولكم هذا كافي لأنه يبيكم تتقطعون من الداخل >>>>>>> مع انه أنا ما بي تصير لكم هالشغلات :": :": :": :":

The X Bros Says : See You Later Alegator!!!

[The X Bros]

لكن علشانكم بأحط أجدد الصور لألعاب ماركوس اللي يمكن تعجبكم و أعتقد انكم جربتوها:

[The X Bros]

اللعبة الأولى ماركوس أكد علي ان اللعبة لازم تكون NFL Fever 2003 هي حلوة و خاصةً الرسومات و لكن ما اعجبتني أما اللعبة الثانية فهي لعبة بطولة أنريل اللي أعتبرها أقوى ألعاب الاكس بوكس لايف تفضلوا الصورة :

[The X Bros]

و هذي اليدة الجديدة اللي شريتها أمس علشان نلعب أنريل لأني مليت كله ألعب باليدة الكبيرة و ماركوس أول ما شافها كان يقولي Let Me Try It Please! (طبعاً تعرفون شنو سويتله أنا) ":" ":" ":" اليدة اسمها S-Controller

[The X Bros]

هذي صورة الحبيب الغالي الاكس بوكس لايف و على فكرة يا شباب ترى الاكس بوكس لايف اللي راح ينزل هالصيف ترى لازم اللي ناوي يشتريه يكون عنده كارد علشان يسجل عند مايكرزسوفت و هذا طبعاً على قولة ماركوس

[The X Bros]

هذي آخر لعبة و اللي أنا أحبها وايد و هي صج فنكي توي جام و ايرل

[Prozac]

هلا با لدكتور و لاباقي.... يالله انشاء لله ترجع لنا بالسلامه وبلا ميكانزم اوف اكشن او كونترا انديكيشن !!! فاهمني طبعا;-)

بس عندي سوال " ادري السبلنج خطى " ماعندي كيبورد عربي !! :"
المهم نزل الاب جريت مال البروجكت جوثم لللايف عندكم بميشيجن ولا لاء ؟

و تسلم يا فارما

[DeadLy_]

ما شاء الله مووضووووع كافي ووافي .. كل شيء فيه حلو يا حلو ..