شرح طريقة الدخول الى الانترنت بالدريم كاست

[ريفالدو]

شفت إن الكثير من الاعضاء يطلبون الطريقة إلي من خلالها يقدرون يشبكون على الانترنت من الدريم كاست

عشان كذا حبيت أكتب الطريقة بإختصار شديد و هيا بسيطه جداً وما تحتاج لأي جهد أو فيها أي مشكلة

الادوات المطلوبة
1- سي دي تعريف الانترنت و هو يأتي مع الدريم كاست لونه أزرق فاتح (طبعاً هذا الموجود عندي )

2- خط إنترنت تشبكه في الدريم

3- يدين بشريه و يد التحكم الخاصة بالدريم

4- إذا توفرت قطعة تشغيل الكي بورد ممتاز و إذا ماتوفرت مافي أي مشكلة

نبداء الطريقة

في البداية نحط السي دي في الدريم كاست و لما يشتغل أضغط على ستارت
تيجي لوحه فيها أربع خيارات إختار الخيار الموجود على اليسار فوق و هوا
Internet connection و إذا ماكان موجود أضغت على ستارت تيجي لوحة صغيره فيها خيارات كثيره خذ منها الخيار الموجود في الاسفل جهة اليمين و هوا OPTIONS و بعديه إختار Internet connection

دحين تيجي صفحة فيها ثلاثة أيقونات فوق في الايوقونه الاولى أكتب في الفراغ الاول إسمك
و في الثاني اليوزر نيم حق الانترنت
و في الثالث الباسورد
و في الرابع في مكانين للكتابة أكتب في المكان الثاني الكبير رقم تلفون الشركه مقدمة الخدمه لك

و دحين إنتقل للأيقونه الثالثة الاخيره و إختر Yes و أكتب في الفراغ الاول البروكسي الخاص بك المقدم من الشركة و المنفذ في الفراغ الثاني

و إذا ماكنت تعرف البروكسي و المنفذ إختر أدوات من الإكسبلور و خيارات إنترنت و فيها خذ الاتصالات و فيها خذ إعدادات تلاقي مكتوب الملقم الوكيل و فيه مكتوب العنوان و هوا البروكسي و المنفذ

و بعدها أخرج من هذي القائمة بالضغط على OK و أرجع للصفحة الاولى تلقى فيها مكتوب كونكتد و بعدها أشبك و إستمتع بالإنترنت


ملاحظة:ماتقدر تفتح المواقع العربية لانه يجيبها خرابيش و مايقدر يقرائها لكن المواقع الإنجليزية فهيا بوب البومب يعني 100% تمشي


****الموضوع هذا كتبته مراقبتنا العزيزة جيل******


جرب وشوف

امس ضرب علي الاكسبلورار وكنت زعلان احسب ان المشكلة من الشركة مو من مني المهم مشيت حالي بالدريم كاست الى ان صلحته

بصراحة تصفح الانترنت بشاشة 29 بوصة شيء في غاية الروعة!!!

[شاريزار]

السلام عليكم يأخوي الله الي عندي دريم كاست ياباني والمودم ما أدري عنه بس سيدي التعريف موجوة بس بالياباني هذه هي المشكلة ولونه أصفر

[DK]

شكرا ريفالدو كثر سألوني عن البال بالذات.لانه اشتكوا من البال وللاسف ما قدرت اجيب بروزير للبال,لكن بفضلك ان شاء الله يستفيدوا.

[Guilty Gear X]

هاهاااا
انا اقدر اللعب وايد اللعاب اونلاين!!!
تقريبا كل الالعاب اليابانية اقدر العبها اونلان بس لازم ادفع فلوس بافيزا!!وانا ما عندي وحدة
وانشالة راح اطلعلي وحدة
اما الالعاب الانلاين المجانية اقدر اللعبها اونلاين
مثل هندريد سورد اليابانية
وجميع الالعاب الامريكية(جهازي ياباني)

[bond 007]

أرجو المساعدة او الشرح في الدريم كاست البال لأني حاولت عدة مرات و لكن بلا فائدة . فأرجو الشرح الوافي يا أخوان .

[hattawi]

انا عندي خط isdn مب خط عادي ,ينفع؟؟!!

[GS3000]

مشكور أخوي ريفالدو كده المواضيع المفيدة والا بلاش.

[sonicteam]

?: ارجوكم ساعدوني بسرعة
انا عندي جهاز دريم كاست ياباني
عطوني معاه سيدي الانترنت بس للاسف هو بالياباني و موعارف كيف اتوصل على النت
و لا تعتبوا علي علشان انا شريت الياباني لاني شريت الدريم كاست بداية نزوله و ما كان فيه اصدار امريكي من الديم كاست ذاك الوقت....

[ريفالدو]

شكرا يا شباب على ردودكم الجميلة........

اما بالنسبة لاخواننا اللي عندهم جهاز ياباني اقولهم ترى الطريقة مرة سهلة بس انت ركزو شوي

حاولو واذا ما قدرتم اشتروالعبة كويك3 (او استعيروها من اي شخص مع انها لعبة ما تتفوت) واختارو طور اللعب عن طريق الشبكة وراح تفتح صفحة تحط فيها البروكسي وجميع البيانات وراح تتخزن اوتوماتيكيا البيانات في الجهاز بعدين شيلو السي دي حق كويك3 وحطو السي دي حق الانترنت وشغلوه و سوو كونكت وسلا متكم

[sonicteam]

شكرا يا ريفالدو على هذي المعلومة الجميلة
1-استفساري الثاني هو كيف ممكن اوصل اللعبة على النت
قصدي لازم استخدم الدريم باسبورت الاول ( سيدي الانترنت ) .. ولا من اللعبة مباشرة؟؟؟
و اذا كان من اللعبة مباشرة انا ما قدرت العب سيجارالي 2 على النت فممكن تقولي الطريقة؟؟
2-و ستريت فايتر الفا 3 يقول اني لازم اسوي رجست بس انا مو عارف من وين اجيب الداتا .. هل هوة من طور الوورلد تور ولا من الاركاد ولا من الديناميكال ؟؟؟
تسوي خير لو ترد علي..
انا عارف اني مصختها لاكن مخي متروس استفسارات اخرى مثل:
3-هل في موقع اقدر اني انزل منه اللعبة (الدريم كاست ) و انسخها على السيدي ليكون عندي نسخة كوبي؟؟
( انا طبعا ما اتكلم عن الرومز الي تسمحلي من لعب العاب الدريم كاست على الكمبيوتر)
4- انا نزلت مرة فايل من الانتر نت للعبة فايتنج فورس بس ما عرفت كيف انقله على الميموري كارد فهل عندك جواب؟؟؟؟

سامحوني على كل هذي الاستفسارات .. بس انا كنت مسافر للدراسة ( طب بعيد عنكم ) و ما كنت متفرغ للالعاب او بالاحرى ما كان في دريم كاست في المكان الي ادرس فيه (مصر)
فانا متعطش للالعاب زيادة عن اللزوم لدرجة اني ما اعرف اي شي عن لعبة شينمو الا من اخوي الصغير و اريد اشتريها قبل الاصدار الثاني

[ريفالدو]

احرجتني بأسئلتك يادكتور


تقدر تلعب على النت بدون السي دي التعريف حق الانترنت طالما ان اللعبة تخدم اللعب عن طريق الشبكة بس يكون السي دي اصلي بالنسبة للألعاب والله ما عندي ولا لعبة من اللي ذكرتها عشان اجربها واقولك الطريقة ....اما انك تنزل لعبة من الانترنت فهذا مستحيل

[شاريزار]

يا ريفالدو أرجوك ساعدني في دخوال الدريم كاست بالإنترنت وإنت قلت لازم لعبة كويك 3 هل لازم هذه اللعبة ؟
ولا في لعبة ثانية والمشكلة أنا ساكن في ينبع البحر ولا يوجد سوى محل واحد يبيع ألعاب الدريم كاست وإن كنت تعرف محل ثاني لا تبخل علي ؟

[ريفالدو]

ياهلا بالينبعاوي(انا ادرس في الكلية )


شكلك فهمت غلط انا ما قلت كذا

اذا كنت تبغى تتصفح الويب سوي الاعدادات اللي مكتوبة فوق

واذا كان جهازك ياباني او ماعرفت تسويها بالطريقة اللي انا ذكرتها(والله سهلة) حط لعبة كويك3 وبعدين حط خيار اللعب عن طريق الشبكة تجيك صفحة حط فيها البوكسي والبورت والرقم حق الشركة والاسم والرقم السري وراح تتخزن اوتوماتكيا في الجهاز.....حلو...طيب حلو.....شيل السي دي حق كويك3 وحط بداله السي دي اللي يجي مع الجهاز وحط كونكت وتصفح وانت مبسوط

مو لازم لعبة كويك3 بس انا قلتها كسبيل المثال وكمان لان طريقة الاعداد فيها سهلة جدا


اما اذا كنت تقصد تلعب على النت فهذا على حسب اللعبة في العاب كذا وفي العاب كذا

والله ما ادري عن ينبع بس اللي اعرفه هو العاب طوكيو اللي في سوق ينبع الدولي

بما انك ينبعاوي عندك موقع للأغاني الينبعاوية!!!!!!!!

[hattawi]

بس ما جاوبتني يا أخ ريفالدو أنا عندي خط isdn و كيف اسويها؟؟!!!؟؟

[ريفالدو]

والله ما ادري