قهوة WoW .. :P

[Karazhan]

ابك انا مايدور عندي ويك اند

انا دوامي فلاتي ومجابل الكمبيوتر24 ساعه

ماتشوفني طايح بجبدك

شوف الحين الساعه 10 بالضبط توقيت الكويت

الداون لود وصل عندي حده , باقي 260 ميجا وتنزل اللعبه

كلمت رفيجي اللي عروقه بالماي , قالي انا نفسك قاعد انزلها الحين وشريت الكي من اوفجيمز , قلتله شلون عرفت اوربي او امريكي ؟

قال انت نزلها الحين وبالكي تحدد اوربي او امريكي , فأنت اشتر الكي اوربي وتصير اوربي

قلتله اكيد , يعني اشتري الكي اوربي واصير جنوب افريقي ؟ صج انك ملك وعروقك بالماي لكن ساعات تصير غبي

المهم دقيت عليه عشان اسوي اكاونت وقالي

دقيت عليه عشان بعض الامور


بالنهايه دقيت عليه على سالفه الكي وبعد ما جاوبك قالي لا عاد تدق علي مره ثانيه وان دقيت كسرت اصابعك

الظاهر زعل عشان قلتله غبي

بس الحين رفيجي اللي عروقه بالماي قاعد يراسلني يقولي شنو تبي شخصيه ؟ قلت ريببلك ترووبر لأني شفت افلامه وكلاس حلو

قالي تبي ريببلك او امبيار نفس الهورد والالاينس قلت ماادري بس اللي معاهم ريببلك ترووبر قالي انت غبي بعد , قلت ليش قال من اسمه ريببلك ترووبر يعني مع الريببلك

قلت عادي على الصبح اثنينا نصير اغبياء

عاد انت الحين شنو امباير او ريببلك ؟

[Jeremie]

مافي إلا انا وأنت في القسم مسوين شات............... بقي لي ساعه ونص علشان أكون أونلاين....

أنا Empire

إلي أعرفه بس Jedi = allince و Seith = Horde

http://www.torhead.com/ لمزيد من المعلومات

برسل لك النيك نيم حق السكايب على الخاص............... وش فيه المنتدى نايم........ مو قادر أحفظ إسم باللعبه حتى الريس

التروبر عندهم كومندو في الباتل لعبو فينا كيرم كلهم هيلرات ومن جهتنا أنا طبو فيني طب.. فازو بالراحه.

فيه ميزة عندنا بال Seith نسوي كيك مثل الشامان والدرويد............... فله بال BG.s

[Karazhan]

والله ياخوك انا ماادري لما الحين

يعني مااقدر احدد واقولك عن اللعبه وانا مالعبتها

خلني انزلها الحين وادخل واشوف الوضع والمناظر والحركات وحركه الشخصيه وبعدين لما اعرف شنو اساسيات اللعبه وطريقه اللعب والدنجن والباتل جراند و بعدين اشوف الكلاسات

يعني يبيلي وقت على مااعرف عنها نفس ووركرافت شلون العب وانا مغمض وافتي للناس بالامور

لكن الحين بعد مانزلت اللعبه طلعلي داون لود ثاني 4 جيجا بعد وقاعد انزله الحين باقي جيجا و 8 ميجا

السالفه الظاهر مطوله

شريت من اوفجميز الكي الاوربي ودخلته بالحساب في موقعهم وكل شي تمام

قالولي عندك 29 يوم مجاني و مجمده لازم تشترك عشان تتفعل اما انك تشتري جيم كارد او فيزا

انا رحت اوفجيمز وشريت جيم كارت شهرين عشان يصير عندي 3 شهور لكن طلعتلي مشكله

لما حطيت الفيزا وشريت جيم كارد قالولي الفيزا مافيها فلوس , رحت حطيت فيها فلوس ولما سويت اعاده للشراء انخصم المبلغ ولكن ماوصلني الجيم كارد

وهذي تحصل معاي دايم اذا الفيزا مافيها فلوس و بعدين حطيت فيها و سويت اعاده شراء , المفروض قالولي مافيها فلوس اكنسل المعامله واشتري من جديد

الحين كلمت خدمه العملاء وقلتلهم السالفه وناطر

[Karazhan]

ماعندي سكايبي ولا اعرفه

انا حدي شات

يلا باقي 1 جيجا

ان شاء الله مايطلعلي داون لون ثالث


شرايك ماكو الا احنا بس , واستحليني القهوه بعد


اريح ياعمي من شباب الرياض وجده , هواش ومسوين روحهم اقوياء وهم بالحقيقه نووووبات

تدري ليش ماتشوف ولا سعودي ؟

لأن قبل اسبوع قلت كلاش راح يشبك بالقسم هني , لما سمعوا اسمه انحاشوا

بس مايبون يخلون الناس يعرفون انهم خايفين فيقولون ان المنتدى محجوب

واهو لا محجوب ولا شي , رفيجي سعودي من ثاج والثاني من خميس مشيط كل يوم يشبكون ومافيهم الا العافيه , لكن هذوله من جماعه كلاش يعني لهم الامان

اما الشباب اللي كل واحد يعني جنغر شوفه الحين ماله حس عشان بس سمع اسم كلاش

[Karazhan]

دزولي الكرت

صار عندي الحين 89 يوم لعب مفتوح

ان شاء الله بالفتره هذي اسوي شخصيه واوصلها الكاب واشوف العالم كله واعرف اساسيات اللعبه

[Jeremie]

سجلت شي سويت شي

[Karazhan]

باقي على الداون لود 74 ميجا :)

هانت مابقى الا القليل

[Jeremie]

أنا في السكايب وأهم شي تعرف النيك نيم حق الشخصية بالجيم

[Jeremie]

بعد الصلاة إنشاء الله................... يوشي لما يرجع ويشوف الموضع قلب شات ..............

[Karazhan]

انا نزلتها ودخلت وطلعولي سيرفرات

ماكو سيرفر اللي تقول عنه

[Karazhan]

اي طلعت ادور بالامريكي

طلع الامريكي والاوربي بنفس المكان اللهم بس تحت تغير اوربي او امريكي

الحين لقيت السيرفر بشوف انت شنو مع اي جماعه وبسجل معاك

[Jeremie]

إختر الأسم وبتلقاه رابع سيرفر بالأوربي


Bao-Dur EU

[Jeremie]

قلبنا الموضوع شات شوف لك حل أسرع.............. أنا في الهورد............. تعال السكايب إذا عندك

[Karazhan]

انا خزنت اسمك بس مو موجود

انا اسمي zoom وين مكاني ماادري

عالم جديد علي مااعرف شي

[لوعةالفرقا]

ياويلكم من يوشي هههههههههههههههههه

والله حمستوني للعبه بس طفراااان

هب عليه ياولد بطنها معاك فيزا ولا اول ماخلصت على طول شحنها وش ذي الكشكشه خخخخأ

خلاص نقلب اسمه القسم إلى ستار وورز وان شاء الله بعد سنه ألحقكم عشان تفزعولي قولدات وبوستات وتدخلوني ريدات خخخخخـ

[Jeremie]

شكله هذا إلي بيصير

[Warchif]

لعبه سخيفه ماتتقارن بواو والأسخف اللي يلعبونها ومسوين لها موضوع هنا <------ يقلد اسلوب بوحه خخخخخخخخخ

لا عاد شباب معقوله بتلعبونها انا شفت لها كم جيم باليوتيوب بس ماخشت مخي وخاصه المحادثات اللي تختار وش تقول اكره شئ عندي
ياخي انا ابي العب مو اقعد احلل واضيع وقت في السوالف

بس عاد نشوف وش أخرتها معكم يمكن نطقطق وياكم

[Jeremie]

أنا أون لاين مع ولد بطونها

[Karazhan]

انا نفسك ماكانت
داخله مزاجي وشفت افلام حسيته عاديه

لكن لما بعتها واشتركت شفت انها ممتعه خصوصا لما تحس انك نووووب مره وحده وقاعد في مكان جديد عليك

ونيسه اللعبه بصراحه

شكلي ماراح اجدد اشتراك في واو :)

نظام انك تختار الاجابه هذا احسن لأنك تختار القصه او مجريات الاحداث اللي راح تصير , يعني مو مثل وركرافت انت مجبور تمشي على قصه والكويستات اذبح خنازير و فيران ولما توصل 85 تروح تدخل رايد

يعني تحس ان من 1 الى 84 مالك اي معنى مجرد انك تذبح بالحيوانات

وبعد 85 تبدأ معاك القصه وتدخل تذبح البوسات

هذي لأ , من لفل 1 تحدد مجريات الاحداث وتمشي مع القصه لغايه النهايه وبعدين لما توصل الكاب تبدأ مرحله جديده

طبعا انا ما تعودت على اللعبه لما الحين واحس ان الرسم بلي ستيشن لكن بصراحه ممتعه


انا مابي احد ياخذ بكلامي ويروح يشتريها وبعدين ماتعجبه ويحط الحره فيني

لاتشتريها اذا ماكنت مقتنع بالتغيير وتبي شي جديد تبدأ فيه من جديد

انا اقتنعت بالتغيير والفكه من ووركرافت على امل نزول جيلد وور 2 ولكن مالهم حس ولا خبر قلت اغير واروح ستار وورز امشي فيها لغايه ماتنزل جيلد وور


ابشركم وصلت لفل 3 :)

[لوعةالفرقا]

خلاص اجل لاعاد اشوفك توطوط هنا مره ثانيه هذا القسم مخصص لواو :D

[Warchif]

ولد بطنها كمل وعطنا رايك
دامني معك متفق في اغلب امور اللعب فا أكيد راح نتفق عليها :D

[Jeremie]

لعبه سخيفه ماتتقارن بواو والأسخف اللي يلعبونها ومسوين لها موضوع هنا <------ يقلد اسلوب بوحه خخخخخخخخخ

لا عاد شباب معقوله بتلعبونها انا شفت لها كم جيم باليوتيوب بس ماخشت مخي وخاصه المحادثات اللي تختار وش تقول اكره شئ عندي
ياخي انا ابي العب مو اقعد احلل واضيع وقت في السوالف

بس عاد نشوف وش أخرتها معكم يمكن نطقطق وياكم


إشتقنا لبوحه.....

انا طلقت واو بالأربع مو بالثلاث من الأزمة إلي صايرة فيها................ كنت هيلر في ديث وينق ومعاي شامان بس إحنا إلي نهيل الريد كله أصابع تفككت مافي سي دي ماستخدمته 57% هيلنق دون في رايد 25 ولما سدحنا ديثوينق جا واحد من الهيلارات يقول Back......... ويطيح سلاحين للهيلارات ويفوز فيهم إثنينهم وانا كنت إلي بعده في الرول بالإثنين.... واحد أخذة والثاني عطه للهيلر خويه إلي رجع بعده.............. أول شي أستغربت يعني كيف هيلر وكم قطعه تانك على دب أس ورحت فتحت تيكيت لبليزرد وأخرتها يقولون الأسبوع الجاي يمكن تطيح لك...... ولا تنسى تصوت لي.............. وما خفي أعظم........ 6 سنين من المعاناه. وكم مرة أنطرد بس علشاني قلت بروح أصلي....

وأنا أريد ب 5 شخصيات ونفس المشكلة .............. البقات ماتخلص واهم شي عند بليزرد....... تراه دافع عادي خليه .... وفي مرة من المرات كنت بي سيرفر إنجليزي و95% من الريدات لازم تتكلم اللغه الفلانية واللغه الفلانية ..... والشات ماتقر إلا كلمتين إنجليزي WTS & LFM ولما فتحت تيكيت يقولون لي روح كلمة بادب وقوله Plz can u speak English ...... هذي هي بليزرد أهم شي هو دافع مثلك ولا يفكرون بشي إسمة هو بيطفش وتخسرون لاعب وهذا إذا ماكان عندة أكثر من أكاونت.....أنا لحالي عندي 3 أكاونتات والوحيد إلى بقى يلعبها من الشباب لسى مقاوم... ويبون اللعبه تنجح..... تسويقهم غبي.. .. حتى لعبه لول عندي أحسن من واو..... تلعب ببلاش وتجدد وتستمتع بدون فارم مهن ونينجا ........... الخ.

يازين ستار وارز بس اللوت بالكويستات لك أنت مو 4 قطع ولا تقدر تستخدم وحدة منهم ..... ولما تسوي كويست تاخذ بادج تقدر تبدلة بقطعه بسلاح بكيفك وتقدر تحصل على البادج باللوت.... وفي الدناجن القطعه 95% لما تطيح قطعه على الأقل واحد منكم يقدر يستخدمة .... تروح رايد ويطيح Leather للروج ولا فيه احد يستخدمة...

أنا أصلاً مأدري عن اللعبة فجاءة طلعت قدامي من كم أسبوع ولما شفت عروض الفديو 99% كنت أدور على الريدات هذا إلي أستفدنا من واو اللعبه في أخر لفل... وشفت نفسيي بدون لعبة قلت أشتريها توني مستلم الراتب..... والحمد لله الامور ماشيه بس خلهم سصلحون نظام الشات معوق عندهم ما نسخوة صح من واو...

وفيه شي يفرق عن واو هو نظام تصميم الشخصية ... الملامح تفرق حتى مع حجم الشخصية .... كان نفسي أشوف blood Elf دب... أبد كلهم مسويين رجيم .... والريدات تعبنا ناكل Mage Food الكرش ماطلع...

وعلى طاري Mage Food بستار كل شخصية عندة حركة ترجع كل الطاقة برى الكومبات وكل Classعندة حركة خاصة فيه مايحتاج تفتش بالشنطة على أكل ولا تطر الميج علشان يعطيك أكل. ولا تلقى نفسك بين امرين ترمي Food Buff ولا قطعه EPic

[Jeremie]

السؤال إلي يطرح نفسة وين الشباب ................ هذي مو أول مرة ينقفل المنتدى على الأقل www.montada2.com (http://www.montada2.com) لسا شغال اللينك............... أنا في مكتبي 100% شغال

[Yoshi]

وبعدين مع الحجب هذا ..................................

[Karazhan]

انا طلقت واو بالعشره

لووووووووووووووووول


والله طلعت ونيسه اللعبه ماهقيتها جذي

اهي صج عقدتني و استجنيت فيها وشلون احل الكويستات ولكن بعدين عرفت ان كل شي بالخريطه يلمع يعني كويست او حل له او طريقته حله , يعني تفتح الخريطه ماتشوف شي بس تشوف سهم يقولك ان هنا مدخل بيت او كهف , اذا قاعد السهم يلمع او يكبس يعني داخل البيت او الكهف الحل

انا الحين في نفس السيرفر ولكن دخلت مع رفيجي اللي عروقه بالماي واهو قاعد يتعبث بالكلاسات وانا اخترت ترووبر , ركب مركبه فضائيه ورحت سفينه فضائيه الكبيره , ماادري اهي المدينه الرئيسيه او لأ لكن قبلها لما وصلت لفل 10 رحت للقاعده والضابط عطاني pet لكن البت هذا مو نفس ووركرافت وبتاتهم اللي مادري من وين

هذا رجال حاله من حالك وماسك سلاح احلى من سلاحي بعد , والميزه فيه تقول رفيجي مو بت , عنده بفات و حركات قويه , فوق هذا تعتبر انت الضابط عليه وتخليه يروح يجيب العيال من المدارس , قصدي يروح يبيعلك الاغراض الرماديه اللي ماتحتاجها , وفي بعد اشياء يسويها بس الظاهر بعدين مو الحين

الاخ جيرمي شفت عنده اثنين قالي الرجل الالي هيلر والبنت الثانيه تصير تانك

شوف انا اول مالعبت حسيت الرسم بلي ستيشن بصراحه , شوي شوي تعودت يعني بنفس اليوم , تعودت وشفت ان مافي عيب وصار حلو الرسم الحين , خصوصا وانت تدري انك تلعب ستار وورز يعني مخلوقات فضائيه ومركبات فضائيه

عكس ووركرافت اللي ماتدري شنو جنسهم , تشوف هيومن و بقر و شفاطين نمل و جن و قرود , ماتدري من وين مجمعينهم ولا تدري انت وين تعيش

عموما اللعبه جميله ولكن فيها تعقيد , انا وصلت لفل 10 اخذت البت ورحت المركبه الفضائيه , هناك اخذ مهمه يقولي روح للمدرب , لما رحت قالي راح نعطيك تالنت واختار , انا بدأت dps وتوقعت اظل عليه على طول , طلعت التالنت اختار اني اكون dps and tank او dps and healer

مو نفس ووركرافت تختار شغله وحده حدك , هذا يعطونك اثنين وماينقص من الدمج شي , يعني لو تكون هيلر في ووركرافت ماتقدر تدمج او اصلا الدمج مالك ماله معنى عشان جذي ماتفكر تدخل عشان تكون دمج واذا دخلت شافوك ضعيف واطردوك , شنو اللعبه اللي كل شوي طارديني لول

حبيبي قول للشباب

ووركرافت طالق بالعشره

اشيفمنت عشان تروح رايد

اشيفمنت 2700 عشان ناخذك باتل جراند وارينا , اغلبهم ماعندهم الاشيفمنت اللي يسألونك عن الاشيفمنت طبعا

الجولد بالحسره الا اذا عندك بوت والاغراض بالمزاد غاليه

انطر جروب عشان تروح دنجن او رايد خصوصا تانك و هلير

ستار وورز الحلو فيها مع اني ماجربت الدنجن الى الان ولكن الحلو فيها ان كل الشخصيات تصير تانك , يعني تانك هيلر dps موجودين 24 ساعه , لازم تحصل تانك وهيلر لازم

وركرافت التركيز على المدن الرئيسيه واغلب وقت بآخر ايامي كنت صاير ابو الهول ثابت في اورقمار

الحين ديره جديده ومهمات جديده وكل شي جديد , والله ياجماعه وانا العب اتذكر اول ايامي في ووركرافت لما كنت اشوف المناظر واستغرب والحين اقول ليت الايام تعود

بما اني لعبت ستار وورز مع اول الناس وبما انها لعبه جميله شكلي بظل عليها وراح ينزل باتشات وهالسوالف وتتغير وتتحسن اذا فيها عيوب وبعدين بوصل لفل عالي , بعدين بتذكر اول ايامي واقول ليتها تعود

انتوا لما الحين ووركرافت ؟

LF DS normal we need tank healer and 2 dps
link achiv or no invite
لووووووووووووووول

خلكم فيها نصيحه , اقعدوا مع الحراس اللي في اورقمار والمدن الثانيه , ماكو فرق بينكم وبين الحراس اثنينكم 24 ساعه في اورقمار

عموما انا توني قاعد من النوم ومشتاق والله اني العب واكتشف المزيد خصوصا التالنت

يقولون سوفتي مسوي شخصيه تشابهه , انا سويت شخصيه واعتقدت انها تشابهني ولكن بعدين من بعيد تشوفها تقول مسلم البراك 100% والله نسخه منه يعني لو يشوفني يرفع علي قضيه تشهير


يلا ياجماعه برب

[Jeremie]

ولد بطنها خلني أرجع البيت إنشاء الله قبل الساعه أربع أسويلك بوست في Black talon و Hammer Station عطوك رجال .... حرام أنا معطيني وحدةة مسويه لي فيلم رعب... تانك بس تقهر كل إلي يمشون معاهم مساعده تفتح النفس وأنا عندي وحدة قرعه......... وتخوف.


يوشي لازم تكتب ( عدنـــــــــــــــــــــــــا )

[Warchif]

بل بل

اللعبه شكلها حلوه وحليوه وتونس
ودامها رجعت لولد بطنها ذكرياته اول مره بواو اكيد اللعبه تستاهل ونص
شكلي بلحقكم شباب
انا ناوي على سيث انتم من هالجهه اللي هي هورد والا الجهه الثانيه الالينس
وضحوا عشان اليوم ان شاء الله احملها واخش باكر دام حجمها 20 جيجا يبغالها يوم كامل تحميل
عطوني السرفر واسامي شخصياتكم

[Jeremie]

ولد بطنها في شي بعد كتبت عنه من قبل المساعد يفرم ويسوي عنك المهنه بعد...................... روح سوي BGS وريد وباللك مرتاح...
أفتح الخريطة في المحطة الفضائية ودور على Crew Skill بتلقى المهن هناك تعلم مهنة و شف وش أفضل مهنة ثانويه لها...........

المحطة الفضائية = Dalaran فيها المدربين وال Flashpoints وال PVP والبنك وال Black market وموقف مركبتي...

يوشي نبي قسم لستار ورز أو غير إسم هالقسم.............

[Jeremie]

Seith is here

[Jeremie]

واراشيف والله فلة وين تلقى كلاس يختفي ويهيل بعد.............3v1 ................Holy paladin+rogue+hunter

[Karazhan]

اي انا تعلمت 3 وظائف بس لما افتح الوظائف اشوف صوره المساعد مالي , عرفت ان الوظيفه اهو يقوم فيها بدالي

خصوصا لما دزيته يبيع اغراض مابيهم وانا كملت اخلص كويستات ولما باعهم رجعلي وكملنا المهمات

انا لما الحين ماعرف اللعبه عدل , يعني ادخل مكان تكون البوابه بنفسجيه ولما دخلت شفتهم كاتبين بالشاشه هيروك ايريا , واشوف الناس يكتبون هيروك عرفت اني دخلت دنجن بالغلط اظن اسمه elesse وشفت اللي داخل ايليتات

قلت شكله الهيروك يعني دنجن , بس وناسه بجد استانست فيها , ماتوقعتها جذي ولو اني بالبدايه قلت فاشله بس لما قعدت اخلص مهمات واشوف الوضع عرفت ان المرمجين ما قعوا 8 سنوات يطورون فيها الا لأنها تسوى , خصوصا انها من شركه بايو وير , قلت صعبه هالشركه تسوي لعبه فاشله

بس انا عندي اغراض مااقدر البسهم وعندي اشياء ماادري شنو اسوي فيهم بالشنطه

لكن كلنا ننتظر الملك رفيجي اللي عروقه بالماي يتعلم بسرعه ويفيدنا خصوصا انه لفل 5 الحين وعقبال مايصير ملك اللعبه بعد

بس بسألك الحين في اماكن بالارض ؟ يعني اول شي انا بالارض وقواعد عسكريه ولما خلصت رحت مركبه فضائيه وهناك طلعت شفت العالم ناطحات سحاب ومركبات فضائيه نفس السيارات تطير و انبهرت من المنظر

بس ابي اتمشى بالاسواق وبالشوارع

مثل ماتقول بطلع من ستورم وند و بروح بوتي باي

بس لحد يشتريها نصيحه , اذا انت تحب ووركرافت لا تشتريها لأنها ماراح تعجبك او راح تقارنها بووركرافت وتشوف انها مختلفه عليك وصعبه وراح تقول ارجع لوركرافت ابرك شي اعرفه

بالحاله هذي لاتشتريها , اشترها اذا انت ناوي التغيير و تبي شي جديد بدون ماتدخل وتنتقد او تقارن

تفسي جذي , دخلت ابي التغيير بدون ما اتحيز للعبه معينه او اقارنها بلعبه ثانيه , لأن كل لعبه ولها طريقتها و اسلوبها و قصتها

والحمدلله جازتلي اللعبه وان شاء الله بستمر فيها لغايه ماتنزل جيلد وور 2 واشوف اذا اتركها عشانها او استمر فيهم اثنينهم

لكن ووركرافت انسى ارجع لها خلاص واذا رجعت بوت بس لين يحكوني توقيف

[Jeremie]

فهد قلبنا الموضع شات وعن لعبة ثانية انا راسل لك النيك نيم حق السكايب على الخاص تعبت أسوي تحديث للصفحه

[xX JUBA Xx]

السلام عليكم

أخي Jeremie & Karazhan

كيف انزل اللعبه انا دخلت على الموقع وسويت داونلوود والانستول بس بعدها مافي شي صار انا اباها تسوي داونلوود لل 20 جيجا وبعدين بشتري السيدي كي والشهرين اشتراك من اوف قيمرز

بس ماصار اي داونلوود لل 20 جيجا

[Karazhan]

http://www.swtor.com/

هذا تدخل تشوف تحت داون لود جيم

تنزلها بس

[Karazhan]

ياحبيبي ياجيرمي ماعندي سكاي بي والله

توني خلت باتل جراند لفلي 14

الهيلث 1500 يمكن ولما دخلت الباتل جراند صار الهيلث تقريبا 12 الف والدمج زاد بعد وداخل مع لفلات 30 و 25 ومخلطين بس لما اتهاوش مع لفلات عاليه مايذبحوني من اول ضربه

يعني اسوي شي للقروب , هذا نفس ماكنت اقوله عن ووركرافت , لما قلت تدخل وعليك 3 ماتسوي اي شي من البدايه لي النهايه ستنات وهالخرابيط وتموت ولما يجي واحد بعد يشوف ماسويت شي لل3 اللي عليك فياخذ فوق تحت وينحاش

هذي لفلي 14 وادخل اسوي شي واللي يجي بعدي يشوف اني سويت شي , ولكن في نصهم لابسين صح مايتأثرون بالدمج كثر مااضربهم . الظاهر تخصص تانك + دي بي اس

واللي شفته بالباتل جراند ابو المدافع ان كل الكلاسات متساويه , يعني ماكو كلاس احسن من كلاس كلهم سواسيه , اللي يمسك رشاش نفس اللي يمسك سيوف

لاتقولي الوورلوك عقدته الروج و كل وورلوك يتمنى يدخل باتل جراند مافيه روجات

هذا ماعندهم هالخرابيط , تدخل باتل جراند ولا تقوم بأي انجاز للقروب حتى ما تنقص هيلث الواحد اقل من الربع

هذا الحاصل في ووركرافت , واذا دمجت دخل هيلر ماتدري من وين ورجع الهيلث لصاحبه فل ورجعلك ويذبحك ويوقف فوقك يضحك يعني شوفني ذبحتك واهو كان منحاش لوله الهيلر

هاللعبه مافيها المهزله هذي

لا تنادوني ياجماعه خلوني قاعد الفل وبوصل لفل 50


جيرمي ابي الحين مافي lfg اذا بروح دنجن ؟ انا عرفت شلون ادخل باتل جراند من الايقونه صوب الخريطه بس الدنجن مادري من وين , بس اشوف الناس تكتب بالشات

اذا في طريقه تماتيك ياليت تفيدني فيها , بشوف نظام الدنجن الحين شلون , مع اني دخلت بالغلط وشفتهم موبات نفس اللي بره بس elite وماادري اذا في بوسات داخل او لأ , لأن عندي كذا كويست داخل الدنجن

[Jeremie]

سوييت لك لنك سيرفر فينت................. شخصيتك أوفلاين وين رحت

[Karazhan]

بيني وبينك انا سويت شخصيه تروبر بنفس السيرفر لكن مع الفاكشن الثاني

رفيجي اللي عروقه بالماي هاوشني وقالي تعال سيرفر بي في بي وبعدين سويت وورير نايت هناك ولفلته لغايه 3 وقلتله يبا خلنا نرجع السيرفر القديم

قال خلاص والحين انا رجعت لنفس السيرفر واسمي new


طبعا الاسماء مفتوحه وكل شوي ماخذلي اسمي جديد شكلي بعدين ببيعهم

انا الحين سيث مسوي شكلي مثل كيل جايدن اللي في سن ول بس شنو كلاسي بس ماسك سيف

[Jeremie]

فتى الجبل أريد الأتي:-

1. سوي لك اكاونت في السكايب ترى الاكاونت ببلاش قلبنا المنتدى شات يوشي يخطط الحين لما يفكون الحجب بيسوي فينا كوارث طبيعية.
2. الوظائف الثانوية تلقها في معلومات الوظيفه كاتبين الأفضل .
3. مساعدتي تبي عريس قلت أشوف مساعدك يرضى فيها ويفكني.
4. في شي لاحظته انا إلا الحين ماشفت عدو ولا مريت في منطقه لهم... تعودت في واو أمر بس لازم أخلي ال PVP toggle شغاله إذا بغيت أسوي شي ولا عادي يمر من جنبك بس في ستار ولا حولك احد لما تكون في منطقه الهيرويك تشغل تلقائي مأدري PVE من جد PVE يمكن لسا ما مريت على مجرتهم. بس مناطقهم كبيرة مرة يمكن هذي السبب.

[Karazhan]

انا ادري اننا ضايقنا الشباب

لكن هذي دوانيه بعد يطردونا من الدوانيه وين راحت المرجله والدله والامور هذي

شوف انا مازلت في الكوكب مالي و كواكبنا كبيره الى الان ماادري وين كواكب الاعداء

ولا ادري اصلا وين كواكب الكلاسات الثانيه , انا سويت كيل جايدن وطلع كوكبي بالصحراء بين جبال عجيبه نفس اللي شفته باليوتيوب لما قلت شفت واحد يلفل بالبر

طالعت فوقي وله اشوف كواكب كبيره وصغيره وسفن فضائيه حسيت اني بستار وورز "اجل انت وين"

الحين اخذت مساعد في لفل 8 وطلعت بنت بعد بس جيكره ومجرمه تمسك الموبات صح , افضل مني لما اكون تانك في ووركرافت

عموما احنا لازم نسوي سيرفر pvp لأن يمكن هناك تخالط الريببلك بما اننا سيث

رفيجي اللي عروقه بالماي قالي تعال سيرفر niman وهذا pvp


يعني خلنا نجتمع بسيرفر كلنا واي شخص تعجبه اللعبه ويدخل معانا يكون بسيرفراتنا

واحنا سيث اللي علمهم احمر واللي يعتبرون مثل الهورد


بس يااخي سالفه المساعد عجيبه بصراحه لو مسوينها بليزرد في لعبتهم ووركرافت

تقعد تخلص شغلك واهو يا تانك او هيلر او تخليه يكرف بالوظيفه


بس الحين عرفت كل شي عن الكويستات وشلون احلهم وعرفت ان الhearthstone مو نفس واو تختار مكان ترجعله , عندهم عده امكنه تختار بينهم

طريقه الress جميله يا انك تحيا من المكان نفسه وهذي نفس طريقه لما تحيا في الباتل جراند او تروح القبره وتحيا منها على طول

المهم نورمال بسيرفرنا نسيت اسمه

او pvp سيرفر niman مو تنسى وخلنا نسوي جيلد وناخذ اسم دام الاسماء مفتوحه

[Jeremie]

انا أقر الرد وقاعد أفكر بالتلفيل مرة ثانية.....حرام لسا مافيه نقل بين السيرفرات........... وصلت 28.5 ... إنشاء الله إسمي متوفر مع إني عارف إنه محجوووز

[Karazhan]

انا لفلت 4 شخصيات

لو اني مركز على شخصيه كان الحين لفل 50

تعرف الواحد وده يكتشف ويشوف كل الكلاسات


الحين روح سيرفر نيمان بي في بي وابدأ تلفل هناك بعد شتسوي و النورمال هذا حطه بين فتره وفتره , انا الحين وصلت لفل 10 بالوورير وشكلي برجع سيرفر البي في بي

FOR THE SITH

[Jeremie]

الإسم طلع محجوز................... Fahad الحين

[Karazhan]

funfire

هذا اسمي

بصراحه كنت بكتب sunfire بس شلون صارت funfire ماادري

[Jeremie]

فكر بالسيرفر الأول أحسن وأحسن

[Jeremie]

فكر بالسيرفر الأول أحسن وأحسن

[Karazhan]

niman

انا الحين مع الريببلك اللي علمهم ازرق لأن هم اللي عندهم تروبر

خلنا نبدأ هني ونجمع الشباب معانا ونسوي جروب نروح دنجن وهالسوالف


ادري جننتك لكن رفيجي جنني بعد كل شوي يقولي تعال عندي

الحين خلاص سيرفر نيمان ومع الريببلك مو السيث

[Karazhan]

انا اللي عندي مايبون نورمال

يبون بي في بي عشان يفكرون بعدين بالبيع

الحين انا استسلمت لهم لأن قالولي اذا ما سويت معانا الدوانيه تتعذرك لا عاد تجينا

انا اسمي moonfire تروبر , انت مو مجبور اذا عاجبك السيرفر النورمال مالك شغل فيني

لا يكلف الله نفسا الا وسعها , اذا مرتاح خلك فيه واذا ماتصبر على بعدي بعد شسويلك تعال عندي

احنا راح نستمتع الى ان تنزل جيلد وور 2 وبعدها هناك نشتغل صح

ياجماعه اللي يبي يدخل اللعبه يقولي عشان احجزله مكان بالجيلد واحفظ له سبوت بالرايدات , لازم ادونات ولازم فنت ولازم اشيفمنت ولازم تعرف التكتيك ولازم اكتف ولازم ماكو لاق ولازم جهازك يتحمل

كل اللازم هذا عشان تروح معانا رايد نورمال لوووول

امحق لعبه اشتريلها كل هذا عشان العبها

ووركرافت استريحي بس

[Jeremie]

وصلت لفل 6 وش مسوي لك...................

[Karazhan]

انا لفل 4 :)

شنو نكك

[Jeremie]

أنا تعبت اسوي لك ويسبر

[Jeremie]

www.torhead.com (http://www.torhead.com)

[Karazhan]

يحليلهم نفس واو هيد

بقعدله اليوم بالليل بقزر عليه واشوف المساعدين والجير شنو يفرق ان كنت دارك او لايت

يعطيك العافيه


شوف انا لي نظره و نظرتي ماتخيب , و السيره الذاتيه لنظرتي ان قلت هالرجل راح يفوز بالانتخابات الامريكيه واللي اهو اوباما

قالولي انت مجنون ؟ هذا رجل اسود و امريكا عمره مانجح عندهم اسود وانت تقول راح ينجح , وبالنهايه نجح لأن نظرتي ماتخيب

وانا اشوف انك راح تصير ملك ستار وورز , فأرجوك ان صرت الملك خلني مندوبك

[Jeremie]

هل سأصبح الملك............ هذا ماسنعرفه بالحلقة القادمة من مسلسل الجميلة و Thrall ?

ولد بطنها قررت أرجع Seith في سيرفر ال PVE للأسباب التالية:

1.عوالمها ليست مثل واو تسوي كويست و ما تلقى نفسك إلى جنب Stromwind كبيرة وواسعه وأكثر بكثير من واو ما راح تشوف أحد. حتى المحطة الفضائية مثل سفينة الألاينس غير ...
2. كويستات ال Jedi مرة محترمة والمساعد إلي شفته أمس إلي كأنه جودزيلا مسوي رجيم حاد وعيونه إلي ماتشبه بعض وصوته لما يتكلم يعور البطن ولا بترجمة بعد ماتفهم علية .... من جد ماسوت علي إنقذة.
3. الFlashpoint أمس غير الSeith وهذا شي حلو بس أرشح الSeith .
4 . كويستات الAgent قتل في قتل إجرام على الأخر تحس كأنك هورد من قلب..... وفيه كويستات إذا ماغزلتها ماراح أمشي بالكويست لا وفي بعضهم وصلت بأنه ضاع لي شي في وجهها وش نسوي لازم الكويست يمشي. والمساعد كل شوي متهاوشين والريبتوشن بالسالب حياة حلوة.

هذة الفقرة برعاية ولد بطنها للعطور.....

أسئلة للقراء:

1. هل تقدر في أيام السبعين بأنك تسوي الكويستات بدون عمو google .
2. هل في يوم قررت تقرأ الكويست مو علشان تدري وين تسوية.
3.لما فكرت تلعب واو وجاك واحد يقول لك لفل هنتر أسرع بالتلفيل وأنت تلفل الهنتر بدون نفس علشان توصل أخر لفل.
4. Chain Quest هل في يوم من الأيام حسيت أنها مثل كذ كويستات متتابعة.

العذر والسموحه أحنا مانقول واو لعبه سيئة بس نقدر نقول كانت في يوم من الأيام أحسن السيئين . ماكان في شي يقدر يسيطر عليها حت ستار وارز بل الأمكانيات حقتها وحتى أنا بنفسي ماصدقت بأن ستار وارز تصير MMO RPG وتقدر تعدي واو بس إستهتار الشركة وعدم التنويع وعدم الإنصاف والتسويق السيئ هو السبب إلي يخلي الاعبين القدماء ينسحبون أول مرة يخلون الريد فيه شويه حماس البوس الأول في ulduar علشان كذ صار العالم يقلون أحسن ريد Ulduar والمفاجئة السارة علشان يخلون الناس تبقى باللعبه الباندا وكل سبيل محجوز لسبيك معين و Pokemon بالإيطالي سلمو لي على ال PVP رقعهوها شوي التلانت PVP وتوجهم PVE. أنا أشوف بستار معظم اللعبين قدماء في واو أو أول مرة يلعب MMO . إذا تبي تعرف قصة واو روح شوف ال Lore . والي يقول القصة بالريدات جرب ICC البوسات معظمهم هورد وتعال عند Deathbringer كا ألاينس أبد ماتستمتعت بس أقتل واللووت ولا تنسى Rebuff . ولا أحد يقول البروفيسور ألاينس. وبس خلاص onixya إلى متى نشوفها أتوقع لفل 90 بتكون Nuture خضراء وبدون قرون.


صارت واو مثل الكافتريا عندنا بالشركة نفس الشي طول هل السنين ( والشباب يقعدون يتشوفون وش يكلون اليوم 4 سنين نفس الاكل فطور و إلي بقى تلقاه غداء )
أنا مألوم إلى لعبة Titan .......

[ميكافلي]

الله يرجكم ياشباب

هيضتوني عليها

توني شاري السي دي كي والشحن

بس يبيلي ارجع للبيت عشان احملها

[لوعةالفرقا]

الله يرجكم ياشباب

هيضتوني عليها

توني شاري السي دي كي والشحن

بس يبيلي ارجع للبيت عشان احملها

ودي اسألك بكم شريتها (بالريال السعودي او الدولار ^___^) ؟

ومن وين ؟

وياليت يا ولد بطنها تجاوب انت بعد ^^

[Yoshi]

انا مثلكم ........... شكلي بشتريها

لان ماعندي وقت العب واو+حسيت بطفش كبير في الإكسبانشن الأخير .. وزي ماتعرفون الواحد لازم يجلس عليها اقل شي 5 ساعات في اليوم او 4

طيب شرايكم نجتمع في سيرفر واحد ونلعب مع بعض PVP + PVE وكل شي مع بعض شرايكم ؟ ونفس السيرفر :ponder:

[Warchif]

ياسلام الشباب شكلهم اتفقوا
والله حمستوني بزياده
انا معاكم
وياجيرمي يارجال خلك سيث انت هوردي ماعليك من المتلون ولد بطنها الخاين خخخخخ
انا ناوي سيث اساسين ابيك تقول لي وش اهم مميزاتها
قاعد اشيك في موقع تورهيد
ياخي والله انهبلت وضاعت علومي من كثر المعلومات اللي احاول استوعبها بسبب انها جديده

هي خاربه خاربه

[لوعةالفرقا]

اما يا يوشي انا قلت الحين بتشرشح ولد بطنها و جريمي اكثر من 10 صفحات وكلها عن ستار وورز

واثر انك تبي تنظم لهم وانا اقول وش فيك ساكت ما كلمتهم :\


اجل يا ويلكم من فلوتا ههههههههههههههههه ^__________^


لاتنسوني تعطوني اسعار اللعبه خلنا من جد نقلب القسم ستار وورز بلا واو بلا هم خخخخخـ

[ميكافلي]

ياخوي لوعة الفرقا أنا شريت السي دي كي بالاضافة الى شحن 60 يوم كلها بمبلغ 328 ريال من موقع اوف قيمرز


انا ياشباب هوردي ،، والسيرفر قد أخترته مسبقا حيث أنه سيرفر pvp بس جالس يحمل بالبيت

وسبب الاختيار اني اعرف شباب هناك يلعبونها مثلكم وشرواكم

اذا تبون اعطيكم اسم السيرفر اذا رجعت ونلفل مع بعض ،، ماعندكم مشكلة

[Jeremie]

المشكلة هي المفروض نكون متفقين من اول .................... وصلت الماين 29 في سيرفر PVE لانه ولد خالي موجود إيام البيتا هناك. وبصراحه مأحس أنها تفرق زي واو حتى لو تلعب بسيرفر نورمال..... اليوم الساعه 4 بتقويت مكة المكرمة نشوف التصويت على السيرفر....... For the Seith .

[Jeremie]

يوشي وقت إختفائك صادف عندي واحد بالسيرفر بنفس الإسم..... العرب بالسيرفر من الرياض فقلت 100000% انت..

[Jeremie]

بصراحه ودي بشغلة أسفر البريست حقي برى المجرة واجيبه في ستار وارز بلود إلف مايفرق معاه............... بشيك على الموقع حقهم أشوف فيه نقل من سيرفر لسيرفر......

ميكافيلي أكتب إسم السيرفر لناااااااااااااااااااااااااااا نبي سيرفر واحد..... والنكهه تبقى,,,,,, لوعه الفرقا ................. إحتمال فلوتا يلعب فيها الحين...

أنا في سيرفر PVE إسمة Bao-Dur ........

لوعه الفرقا بكم منتدى أنت موجود توني مار على ADSLgate والقاك هناك

[Warchif]

شباب لازم اليوم بعد المغرب نكون اتفقنا على السرفر لأني اليوم بشتريها مع الشحن ومابي كلام من هنا ومن هنا يفيد بإختلاف الرأي لازم تحدون موقعم من الإعراب وخاصه انه مافيه نقل ومن هالكلام فلازم يكون فيه تأكيد تام على السرفر
ولا يجي واحد يقول لا ماقدر قريبي في السرفر الفلاني
وخويي في السرفر الفلاني
وجدتي في السرفر الفلاني
خليكم حلوين ومتفقين وعلى يد وحده <--- ياقوي


واتوقع اننا كلنا متفقين على الريس السيث ..... ياحبي للشر


جيرمي ياخي قلت لك عطنا شوية معلومات عن الريس سيث اساسين بحكم انك ملفل واحد
يحمس
خطير
حركات
ماعنده سالفه
مضروب

[ميكافلي]

والله وانا اخوك باقي ماعرف اسم السيرفر

لازم ارجع البيت عشان اكتبه بالظبط ،، بس اسمه اكاي او شي مثل كذا

ساعة ان شالله وانا بالبيت وباكتبه بالظبط لكم

[Jeremie]

أنا ملفل Oprative Agent تقدر تقول Hunter+Rogue+Hpaladin في واحد...... الكويستات لما تسويها في شي لإسماه Light and Dark للريبتوشن إلى الحين مافهمتها. ساعه بكون بالبيت بعد.

وارأشيف نزل اللعبه مو مهم تكون شاريها يمديك...

أول يوم كان فيلم هندي تخش الموقع تصير على ال Queue بعد 1/2 ساعه قدرت أحط السي دي كي.... وبعدها بساعتين قدرت أحط الإشتراك... من جد فيلم هندي..... زحمممممممممممه.

أحب أتقدم بالشكر للأخ مشاري صاحب موقع www.cd-k.com (http://www.cd-k.com) على الخدمات إلي يقدمة والثقه ومساعدته لي علشان أخش اللعبه قبل ولدبطنها..


يوشي لازم تغير إسم القسم خلاص ودع الدرويد لما ترجع البيت...............

[Jeremie]

The Shadow Runner PVP
صوتوا

[Karazhan]

السلام عليكم


شباب انا في سيرفر niman بي في بي واهو سيرفر مرات يصير هيفي ومرات فل , لأن عارفين اللعبه جديده والناس قاعده تدخل


بخصوص هورد والاينس

ياجماعه ترى ماكو فرق بينهم , ولكن التخصصات تفرق , يعني انتوا ضايعين على ووركرافت ان اشكالهم مختلفه

الريببلك و السيث نفس الشي , يعني مثل ماتقولون الهورد معاهم هيومن و نايت الف وباقي الفاكشنات و الالاينس معاهم تاورن و اورك

يعني مكس ولكن انا ورفيجي اللي عروقه بالماي اخذنا هيومن لأننا ناوين ننقذ البشريه

انا الحين تروبر لفل 16 يمكن وصاير تانك و جيرمي مادري شنو اسم كلاسه صعب ولكن يقدر يصير هيل



ياجماعه للأمانه اللعبه ماراح تتحسف عليها خصوصا انك تشتريها ومع اشتراك شهرين غير الشهر مع اللعبه واللي يكون مجمد الى ان تشترك يصير عندك 3 شهور لعب كل هذا طلع علي تقريبا ب26 دينار


ياجماعه اللعبه مجرمه , كل ما عرفت اكثر كل ما طاحت من عيني ووركرافت وكل ما انبهرت من ستار وورز

دخلت بي في بي باتل جراند وبصراحه شي يفرح الواحد وحتى لو يموت يكون مبتسم , ماكو لطم وليش انك طقيت الترينكت بوقت غلط وجاك ستن من روج , مافي الخرابيط هذي


امس دخلت دنجن واحد مع جيرمي وكلنا 4 اشخاص , لما دخلت الدنجن طقيت على راسي

تقول رايد مو دنجن , لدرجه اني قلت اصحاب اللعبه مسوينها عشان الدنجنات بس مو عشان الكويستات والسوالف اللي بره الدنجن

ولكن لما تشوف بره الدنجن شنو تتعقد , تقول شلون جهازي قاعد يتحمل كل هذا , مع اني اصادف تقطيع بالشاشه , لأني حاط كل شي high ولو اقلل تصير زينه لكن اهو هاي وزينه

بس الدنجن ياجماعه كبير و تروح مركبات فضائيه تحارب الفاكشن اللي ضدك , وتشوف الجرافيك والخلفيات ماتصدق

لدرجه اني وقفت عند دريشه ربان السفينه وقعدت اطالع السما واشوف جدامي مركبتا الام واللي احنا نلعب فيها ونخلص كويستات ومنها دخلنا مركبه فضائيه صغيره ورحنا للسفينه اللي تحاربنا واللي احنا فيها , قعد اشوف حجم مركبتنا وشكلها واهي بالفضاء قعد ابجي

قلت انا شنو مهبب بعمري ويني عنها من اول يوم نزلت فيه

انا لما الحين ماشفت الدنجنات الثانيه , ماودي ادش عشان ماودي كل شوي اقعد وابجي

تقييمي للعبه 9.5 من 10

واذا قلت قيم ووركرافت اعطيها 7 من 10

هاللعبه صخر , والله مو حسافه فيها 26 دينار 3 شهور

[Karazhan]

ياولد ماكو تصويت

niman وبس

مالي خلق الفل بعد تعب واذا رحتوا سيرفر ثاني ماتشوفون شر

انا زهقت الفل لي 10 او 15 وبعدين اغير



لا يبا تعالوا نايمن مع الريببلك وتحصلوني

تعالوا المركبه fleet وتقهو عندي , تمر من بلوتو و بن من زحل

[ميكافلي]

هلا والله اخوي فهد

الله يوفقكم ياجماعة الخير ولكم الخيار

انا السيرفر اللي بكون فيه kai-kan EU PVP

وبصراحه انا مرتبط فيه لأني أعرف تقريبا 6 من الربع بالريل لايف هناك ،،، وعلى راحتكم بالخيار

انا باقي احمل اللعبة

[Karazhan]

شوفوا اذا نزلتوا اللعبه وعندكم اي فون ادخلوا ابل ستور ونزلوا البرنامج اللي يعطيك رقم سري

والباسورد لازم اول حرف كبير وبعدين صغيره

انا لما سويت اكاونت وكتبت الباسورد يقولي غلط وحاولت 100000000000000 كله يقول غلط , بالنهايه قرأت السبب قال لازم عالاقل حرف كبير , لما حطيت اول حرف كبير شبك

اذا صارت معاك حط اول حرف كبير والباقي صغار

خلكم ريببلك لا اصطركم

تعبت الفل والله , ونفس ماقلت سكان الكواكب كلها مخالطين الفاكشنين , يعني تشوف هيومن مع الريببلك وتشوفهم مع السيث

لما نخلص ونوصل لفل 50 ان شاء الله نتفق على سيرفر او بنفس السيرفر نصير سيث ونبدأ من جديد


على فكره اذا تبي تكون شرير هذا يوقف على اجاباتك , يعني في 3 اجابات و ساعات يحطون بالدائره نجمه لونها ابيض او اسود , اذا اخترت اجابه عليها نجمه بيضه يعني انت جاوبت اجابه طيبه واذا اخترت اجابه عليها نجمه سوده انت جذي جاوبت اجابه شريره , عاده ماتكون قتل اللي معاك

يعني نفس وحده قالتلي زوجتي اخذ ولدي وابيك تروح تجيب ولدي

انا رحت وشفت الاب مع الولد قلتله الام تبيه قالي راح يكون معاي وانا احميه , حطولي 3 اجابات منهم اني اقوله كلمه طيبه واخذ الولد او اذبحه واخذ الولد و اخلي الولد معاه

اقوله كلمه طيبه واخذ الولد اكون طيب وعلاقتي تصير لايت

انا اخترت اني اذبحه واخذ الولد ماعندي جبن معجف ولما ذبحته اخذت علاقه دارك والولد قعد يبجي على ابوه , قلتله قوم لا تكون التالي , قال اوكي بقوم

طبعا الكويستات كلها مقاطع فيديو يعني تتكلم ويكلمونك , مو نفس ووكرافت تاخذ الكويست تضغط accept وتروح تخلصه وترجع

لا هذا مقاطع فيديو وسوالف تصير وتحديد اجابات ويا انك تكون طيب او شرير , يعني ماكو فرق عن الفاكش , لكن اللي يتغير حسب ماسمعت ان الجير شكله يتغير باللون

يعني اذا طيب تاخذ الجير لونه ابيض واذا شرير اسود , طبعا لما تشتري الجير يقولك لازم لفل 50 و لازم تكون دارك او لايت

جذي يعني


برب بلعب اشتقت :)

[Warchif]

ههههههههههههه ولد بطنها انت لوحدك حكايه

ياشباب مايصير
حرام تفرقونا وتوزعون
لاتنسون انه مع بعض التلفيل بيكون أحلى
ولاتنسون انه اللي يلفل مع ربعه من الريل لايف راح يطنش ربعه اللي من الفيك لايف XD
اخرتها شكلي بلفل لوحدي واسوي كل شئ لوحدي مثل حياتي بواو

عموما بعد ماخلص التحميل بشوف وس السالفه
وابي اكون سيث الاسم وحده له شخصيه خخخخخخخخ

عاد شباب لا يكون حالكم اتفق العرب على ان لا يتفقوا
مره وحده في حياتكم اتفقوا

[Jeremie]

أنا الطاسة عندي ضايعه وين نروح قايل من أول سكااااااااااااااااايب تيم سبيك إي شي....


عرب مانتغير

[Warchif]

شوف اخوي جيرمي
خلينا نشوف باقي الشباب اللي لسه ماسجلوا باللعبه مثلي
نتفق بينا وان شاء الله كلنا في سرفر واحد
اخونا ولد بطنها عنده ربعه
واخونا ميكافيلي عنده ربعه
باقي احنا بنحاول نزبط الوضع
انا اول شئ باخذ سيث
السرفر ودي pvp الحين ماتشوف احد لانه اللعبه جديده بس بعدين لما تصير الزحمه بتلقى كثير بس ماعندي مشكله الفل في سرفر pve معك ومع الشباب لانه اقدر اشبع حاجتي للتدمير والقتل في الباتلجروب خخخخخخخ
ويمكن بعد شهرين تنزل جيلد وار 2 ونسحب كلنا على ستاروزر :)

[Jeremie]

وار اشيف أنا بأبدء ألفل بي سيرفر The Shadow Runner PVP

Seith

لو ألعب 10000 لعبه مأقدر أصير ألاينس....


السيرفر حق ولد بطنها كأنه Frostmane & Revencrest مليان Empire

توني أدري إنه ألاينس........ علشان كذا مايقدر يلعب هورد < Seith >
جيلد أوف وار ون ماعجبتني وأخاف الجديدة تحكمها يكون معوق

بكون في إنتظارك هناك أنا عندي أحد من العائلة يلعب بس دائماً أرشح الشباب ..

[Karazhan]

تعالوا نايمن لا اصطركم


انا بروحي العب ورفيجي 24 ساعه اوفلاين

تعالوا نايمن لا تبطون جبدي جم مره يعني بلفل ؟ زهقت من المكان الاول والحين انا بالسفينه اللي مادري متى بخلصها , كل شوي اكتشف طريق جديد و كويستات

تعالوا نايمن كلكم سيرفر شبه مليان و الباتل جراند زين والدنجن زين , خصوصا اذا كنا ربع راح ندخل كل وقت دام قروبنا موجود , ثاني شي الجروب 4 لاعبين بس ومااقدر اطلع المساعد لأن يقول القروب فل

الظاهر ان كنتوا 3 يطلع مساعد


عمرك شفت بت معاك اذا خلصت من قطعه من جيرك وبدلتها بجديده تعطي القديمه البت

خوش شي والله


كل مااحل كويست ويعطوني قطعه البسها واعطي المساعد قطعتي القديمه

نايمن لا تنسون و نكي moonfire ريببلك

[Jeremie]

رجعت... كنت AFK ......

For the Seith With love

أنا ولد خالتي يرجع الساعه 1 بالليل ................. فهد تراها خربانه تعال السيرفرإسم السيرفر في الموضوع أعلاه وأفتح صفحه جديدة حتى يوشي تراه هورد ويبي يصير Bounty Hunter لأنه يحب يأكل Bounty

مو علشاني علشان وارأشيف .. إلي عروقه بالماي ماشفته بس وارأشيف بتشوفه

الكويستات عند ال Seith إجرام لأبعد الحدود الهدف هو U will Pay إذبح أسرق غازل أهم شي فيها فلوس ... مايخدم بخيل.. أنا الحين وصلت 2 وبعد الصلاة بكمل ..

[لوعةالفرقا]

والله خلاص الحماس وصل عندي فل

المشكلة اني طفران بس ان شاء الله ينزلون مكافأة السنه خلال اليومين هذاي واشتريها اما اذا مانزلوها الله يعينا لآخر الشهر :(

ولد بطنها اللعبه مو راضيه تتحمل بدون ما اشتريها يقولي سجل دخول ومو راضي يبدأ التحميل !! وانا ما ابي اسوي اكاونت لاني اخاف انساه ولا تدري خلني بس اسوي الاكاونت دامني فاضي في الدوام ^^


على فكره يا شباب إذا بلعبها وقتي بيكون من 9ونص الليل بتوقيت السعوديه

اي واحد اكثر وقت دخوله من 9 ونص الليل وطالع بسجل في السيرفر إللي هو فيه عشان فرص تقابلنا تزيد ^^

طبعا الخميس والجمعه الوقت مفتوح عندي :)

[Karazhan]

انتوا مالك حل

ياليتي رئيس دوله كان سويت سجن نفس سجن تازمامار بالمغرب وقطيتكم فيه مثل الخفافيش

انبح صوتي وانا اقول تعبت الفل وانتوا تقولون تعال سيرفر كذا

يبا روحوا كيفكم انا تعتب مااقدر بعد الفل , بظل على شخصيتي لغايه ما اوصل 50 وبعدين بسوي سيث

[Jeremie]

أفا هان عليك وارأشيف ................... لاتخاف وارأشيف أنا بكمل معاك Seith بالسيرفر إلي كتبته على طلبك PVP

[لوعةالفرقا]

طيب ردو علي من يلعب بالليل اكثر شيء بعد 9ونص عشان انشب له اول ما اشتري اللعبه

[لوعةالفرقا]

بصراحه ودي بشغلة أسفر البريست حقي برى المجرة واجيبه في ستار وارز بلود إلف مايفرق معاه............... بشيك على الموقع حقهم أشوف فيه نقل من سيرفر لسيرفر......

ميكافيلي أكتب إسم السيرفر لناااااااااااااااااااااااااااا نبي سيرفر واحد..... والنكهه تبقى,,,,,, لوعه الفرقا ................. إحتمال فلوتا يلعب فيها الحين...

أنا في سيرفر PVE إسمة Bao-Dur ........

لوعه الفرقا بكم منتدى أنت موجود توني مار على ADSLgate والقاك هناك

ايه ادخله عشان قسم الاكس بوكس نشيط فيها اما بالنسبة كم منتدى لو اقعد من اليوم إلى بكره ما اخلص بس المتواصل فيها يوميا هذا والبوابة الرقميه و مكسات

[Jeremie]

مكسات طلعت منه عام 2005 والإكس بوكس علشان الريدات بطلنا أنا ألعب من بعد صلاة العشاء إلى 1 بالليل

[Karazhan]

انا موجود 24 ساعه

ايام ووركرافت و الحين ستار وورز

انا خفاش ماتشوفني موجود الا بالليل , والحين توني وصلت لفل 17

وقاعد افكر شلون اروح ديره اللي ضدي , شكله مايصير اروح ديرتهم لأن ماشفت بالشات مكتوب fleet under attack او اي مدينه فيها هوشه معاهم

اشك ان محد يقدر يوصل الثاني الا بالباتل جراند ويمكن حتى بالباتل جراند مايصير , كلنا فاكشن واحد


والله مدري لما الحين انا بأي مجره و الاعداء بأي مجره


بس عيب اللعبه ان مافيها summon stone يعني اذا تبي تروح دنجن مع الشباب لازم تطقها ركض

قلت بالشات المفروض المبرمجين يسوون سومون ستون او حركه تسوي سومون للشباب بالقروب , رد علي واحد كأنه عرف اني من لعيبه ووركرافت وقالي ايام ووركرافت بالبدايه كان مافيها شي وكنت لازم تطقها ركض

الظاهر ان اصحاب اللعبه يبون الناس يركضون عشان يشوفون الدنيا والتصميم وبعدين لما تمل الناس يحطون اشياء تسوي سومون من خلالها , نفس ووركرافت حطوا سومون ستون , بعدين have group will travel وبعدين تختار الدنجن و اهو من نفسه ينقلكم اذا كمل عددكم 5 وتدخلون الدنجن

الظاهر هذي بتصير جذي , يبونك تطول شوي باللعبه وبعدين يسهلونها


348704

348705


عاش الترووبر

الجندي المجهول

[Karazhan]

توني قلت وصلت لفل 17

رحت اخذت مهمه قالولي روح المكان اللي تهبط فيه المركبات الفضائيه

رحت والمهمه داخل مركبه فضائيه , قعد اسولف مع الريبوت الالي طلع هذا يخدمني داخل المركبه , علمني على المركبه وين غرفه االنوم و البنك اللي احط فيه اغراضي

جيرمي قالي عن هالشي لكن ما فهمت كلامه , الحين فهمت شنو يقصد

قلت قبل شوي ماادري وين مدن الاعداء , لما ركبت المركبه هذي فيها عده اشياء من الاشياء اني اضغط على مثل كمبيوتر يفتحلي خريطه كبيره واهي خريطه المجره واسمها جالكسي

والمجره هذي مقسمه عده اقسام واللي اهي درب التبانه , مقسمه حسب اللفلات يعني تحط على قسم يقولك هذي من لفل 10 الى 15 و تحط على قسم يقولك من لفل 30 الى 40 وهكذا

في سفن طائره تشوفها ولما ضغطت عليها قالولي تبي تروح تحارب , الظاهر ان باتل جراند بالمركبات الفضائيه

المهم ضغطت ورحت , وياليتي مارحت

لحظه انا لازم ابجي على تعاسه حظي في ووركرافت

يوم رحت صارت مثل بلي ستيشن , اتحكم بالمركبه و اقعط اطلق الصواريخ على مركبات الاعداء , مهمتي اني احمي السفينه الكبيره

يعني مثل مركبه فيغا الكبير و احنا اليوفو نساعدها من اليوفو ملات الاعداء . و ايضا الاعداء لهم سفينه كبيره ويحطون عليها نياشين عشان تطلق عليهم

انا شفت السما والمركبات الفضائيه واليوفو وشفت الارض و كوكب زحل لأننا بينهم بالفضاء الفسيح , قعدت ابجي

رفيجي عندي يقولي حارب اطلق دمر الاعداء وانا ابجي يقولي ياولد وقف بجي وحارب بعدين ابج على كيفك

وانا مو قادر امسك نفسي وابجي واببجي وابجي وابجي لين الدموع صارت دم

بجيت اكثر من لما اكون بحسينيه ولطمت اكثر من لما اكون بحسينيه وضرب نفسي بالسيف اللي كنت خاشه لعاشوراء القادم وكنت مودينه حداد عشان يسنه لي

ياجماعه في لفل 17 تاخذ مركبه ومنها تروح لكل الاماكن بالمجره ومنها بالمركبه تحارب اذا مالك خلق تلعب دنجن او باتل جراند تروح تحارب فيها وتنبهر وتبجي وتضرب نفسك بالسيف اللي خاشه لعاشوراء لما تشوف اللعبه وتتذكر ايامكم في ووركرافت و خرابيطها اللي مالهم اي متعه والله

تدخل بأعصابك وتطلع زعلان شاللعبه اللي جذي


انا الحين عندي مركبه فضائيه وبروح افتر بشوف مكان لفل 40 شنو وشنو يحاربون او يلفلون شلون


انا ماراح اقول شي بعد

انتوا اكتشفوا بنفسكم , ولكن كثروا من السيوف

[Warchif]

هلا اخوي جيرمي
خلاص الوعد ان شاء الله السرفر اللي حاطه بس اخلص التحميل وادش وراح اعطيك النك نيم بعد ماسجله
راح اكون سيث اساسين ان شاء الله اذا ما خربتها واخذت كلاس ثاني
انا دوامي الليلي مفتوح من بعد صلاة العشاء إلى الفجر حسب التوقيت المحلي لمدينة الدمام خخخخخخ لا يعني ان شاء الله اقدر اتحكم بالوقت لإني ايام واو كنت 12 ساعه مجابل اللعبه
واذا عجبتني ستارورز للدرجة اللي عجبت ولد بطنها متأكد إني بكون مجابلها 24 ساعه وبنحاش من الدوام مرات عشان افلها والفل بسرعه خخخخخخ ياويلي جات ايام التعب والسهر لوووول

اخوي فهد عطنا معلومات اكثر والله ياهو بنحوس فيها ونضيع نبي احد يرشدنا في هذه المتاهه الكبيره
مجرات مره وحده
اهو 8 سنوات برمجه للعبه جابت نتيجه شكلي احيانا بطقها كعابي واقعد اتفرج على هالكون اللي تعبوا عليه مبرمجين اللعبه

اخوي جيرمي
لو طلعت جيلد وار 2 تحكمها نفس الجزء الأول انا طالق بالثلاث لأني ماقدرت العب الجزء الأول بسبب تحكمها المعوق خايف الأستايل الأسيوي الكوري يكون هو الغالب في الجزء الثاني على الأقل تكون مثل Aion
بس مالاحظت الشئ هذا من خلال الفيديوات فإذا طلعت كذا ابي اعرف من الحين عشان اكنسل الطلب

تحياتي للأخوة الجيمرزيه

[Jeremie]

أيون التصميم أحلى بكثير بس من جد معوق التحكم...... الساعه 1 بتوقيت الخبر أكون على المخدة............

[Karazhan]

انا من كتبت الرد قبل ساعتين وانا قاعد ابجي

خلوني ابجي 8 ايام بعد وهي الايام اللي متردد فيها اني اشتري او مااشتري ستار وورز

توني تعبثت وفتحت الصفحه اللي تشوف شخصيتك و تشوف الجير مالك , تحت مكتوب المساعد تشوف الجير ماله وتحط قطع اذا تبي تخليه قوي اكثر ويعتبر مثل قوتك

الحين في اختيار جديد طلع اسمه ship لما دخلت وله تضبط مركبتك الفضائيه , تحطلها صواريخ وجهاز شيلد وسرعه وماادري شنو بعد

السالفه طويله , الظاهر في معارك تصير بالمركبات الفضائيه

ياعمي خلني ابجييييي


توني رحت ارض , قبل كنت بعد ماوصلت لفل 10 رحت سفينه فضائيه فيها دنجنات و كويستات وقعدت اخلص لغايه ماوصلت لفل 17 واخذت المركبه الفضائيه واللي من خلالها سافرت بالمجره , اعتقدت قبل المركبه ان هذا اقصى اللعبه من ناحيه الجرافيك والرسومات , واعتقدت ان هني كل شي

وقلت شلون نهجم عليهم او يهجمون علينا اللاعبين الصجيين , يعني ماكو مداخل او مخارج الا من الرصيف الجوي وهذا يتسكر مثل الزجاج لونه احمر محد يقدر يدخل

بعد المركبه اتضح لي الامر , الحين رحت كوكب ماادري الارض او غيره بس لما شفت الرسم طقيت على راسي , طلع الرسم بالمركبه الفضائيه ولا شي , ياولد اذا الشجر يتحرك , اوقف واطالع السما تحت الشجر اشوف غصون الشجر تتحرك , مو مخلين شي الا مسوينه

لما شفت الكوكب هذا واهو مخصص حق لفل 16 الى 20 يمكن او 25 , لما شفت المناظر طاحت من عيني بليزرد ولعبتها , مركبات فضائيه مدمره والشجر وقطع السكراب منتشره و موزعه صح بالارض , احسن مافيها الممرات واسعه , يعني تبي تروح تحل كويست تشوف موبات بالطريق ولكن تقدر تتخطاهم الا نادرا ما تحتك معاهم

مو نفس الالعاب الثانيه غصب تتهاوش عشان تطوف المكان

يااخي شي مو طبيعي , والحلو فيها ان كل الشخصيات اجسامهم هيومن , يعني تلبس قناع مايعرفونك شنو هيومن او غيره , والاجسام طبيعيه مو تاورن واورك و ترول اللي من شكله لو يلبس مليون قناع تصيده

هذي اجسام الشخصيات طبيعيه وتلبس جير يطلع حلو عليهم نفس الصور اللي فوق حاطهم , هذا كلاسي اللي اخترته

تروبر تحصله مع الريببلك بس

انا ادري اني بوصل لفل 30 ان شاء الله واغير الكوكب واروح كوكب ثاني وبعدين بطق على راسي واقعد ابجي

ولفل 40 نفس الطريقه بطق على راسي وابجي و 50

انا برجع الفل توني وصلت 18

[Jeremie]

أنا بوصل 10 الشخصيات القديمة بخليها..................... علشان وارأشيف بقعد....... واسطة طلع من الدمام......... مواليد الدمام

[Jeremie]

فهد شفت الغرف إلي بالمركبة

[Karazhan]

ياولد انا ماشفت غرفه

انا مبحلق عيوني من المنظر

هاللعبه بتخليني اقعد ابجي لما اوصل لفل 50

قولي شلون اصور سكرين شوت عشان احط الصور يشوفون اللي شفته وماكنت متوقع نهائيا اني اشوف هالشي او يكون حقيقه الا يوم جربت وليتني ماجربت

قعد ابجي


شلون اصور جربت الطريقه اللي اسويها في ووركرافت بس ماصور

[Karazhan]

انا شفت منظر مركبات فضائيه وقلت اكيد مجرد خلفيات للمنظر بس

لكن شفت خلفي رجل آلي نفس الفلاي بوينت عنده وينقلني بين مركبه ومركبه

انا بدايه الامر قلت مستحيل ان ينقلني على طول , اكيد راح يطلع ديمو او صفحه داون لود وبعدين تفتح واشوف نفسي في المركبه الثانيه

شوفوا شنو طلع

348706

348707

348708

348709

[Karazhan]

طلع يركب المركبه الصغيره هذي ويتنقل بين السفن الكبير وتشوف الكواكب حولك والمركبات الثانيه وتشوف مركبات بعيده

طبعا ماكو شي مجرد خلفيه ثابته , الكواكب قاعده تدور والمركبات البعيده تمشي تقول صج

انا اول ماطلعت من سفيه لي سفينه صكتني ام ركب على بالي صج انا بطياره لأني اكره المرتفعات

[Jeremie]

المحطة الفضائية لها 3 اقسام تقدر تتنقل بينهم بس الرصيف في المحطة الرئيسية.................
سوي كويستات الدايلي تعطي EXP وكريدت وكويستات السفينة تعطيك تطويرات...... تبيني إرجع Empier مستحيل.... لوتينيت................. العميل لها طعم أحلى.
صحيح إني لفلت 30 من قبل والحين الفل من جديد بس أسويها بسرعه لأني عرفت وش أسوي............... إبي أعرف كيف سويت سكرين شوت دائما شاشة سودة...

[Yoshi]

سؤالين سريعه

كم سعر اللعبه ؟ وهل فيها إشتراكـ شهري

انتم اي سيرفر وش اسم الكلاسات حقتكم

بجي معكم

[Warchif]

سعر اللعبه 325 تقريبا شامله بطاقة شحن شهرين يصير الشحن عندك 3 شهور شهر من اللعبه وشهرين شحن
لازم تشتري شحن معها هذي الحركات الوصخه اللي ماحبها بس امريكان وش ترتجي منهم

أنا إن شاء الله بكون مع اخونا جيرمي بسرفر the shadow runner وراح نكون سيث يعني هورديه زي كذا
اخونا فهد يلعب الالينس تروبر في سرفر مع خويه الشاطر حسن
اخونا ميكافيلي عنده ربعه في سرفر ثاني ويلعب بالسيث
اخونا لوعة الفرقا ينتظر المكافاة الشهريه وبيلحقنا قريب ان شاء الله واتوقع انه معي انا وجيرمي واذا جيت معنا حياك لاننا متفقين ان شاء الله على نفس السرفر

[لوعةالفرقا]

وارشيف انا مليون في الميه معاك لاني راح اكون وحيد :(

كل ما اقول لواحد من اصحابي ب330 تفريبا يبلع العافيه ويغير الموضوع

وان شاء الله اني بنظم لكم قريب بس هالله هالله الاشياء إللي تكتشفوها متأخر ولو اكتشفتوها بدري كان بتفيدكم كثير ياليت تذكروها عشان مانعاني كلنا

مثل ولد بطنها قال اكتشف ان المهمات تجي تلمع في الخريطه ومدري ايش يعني تدخل كهف << ادري كلامي طلاسم بس لاني انا فعلا ما ادري عن ايش بالضبط كان يتكلم وفي نفس الوقت حسيت انه شيء مهم ومفيد لو كنت تعرفه ^^


مكسات طلعت منه عام 2005 والإكس بوكس علشان الريدات بطلنا أنا ألعب من بعد صلاة العشاء إلى 1 بالليل

مكسات انا مسجل فيه عام 2002 المشكلة صارو كلهم مبزرة تحت 15 سنه بس صرت ادخله عشان كم عضو متواصل معهم من سنين وعشان احمل الانمي فقط لاغير لكن اني اشارك وردود مافي اامل :\

[Derover]

شنو هالفوضة هذي؟ وين المشرفين؟؟

الموضوع قهوة WoW والسوالف عن لعبة ثانية

هذا آخر تحذير لكم وبعده راح نتخذ الإجراءات اللازمة

رجاءً شوفوا قسم ثاني يختص في لعبتكم

[Jeremie]

يوشي نزل اللعبة وسوي لك الاكاونت تقدر تشحن وتشترك في إي وقت.............. إذا ماعندك فيزا الأخ مشاري بالخدمة على موقع www.cd-k.com (http://www.cd-k.com)
وارأشيف تجهز لما نشوف ولد بطنها قدامنا في BG طنش إي واحد قدامك ووراه.
Derover (http://www.montada2.com/member.php?u=775593)
إذا كان خصمك القاضي فمن تقاضي................. يعن تبي مشرفين يوشي مو مالي عينك ولا خلاص على كلامك رافق رفقاء السوء شكلك بتصير الوحيد إلي يلعب واو.

ولد بطنها شوف الحين.................. وارأشيف , يوشي, لوعه الفرقا وانا = إربعه = فريق كامل لل Flashpoints & HC Flashpoints & HC quests
وأنت لوحدك تتنظر خويك إلي عروقه بالماي يصير أونلاين....... متى بس نشوفك تمر من قدامنا في الباتل جراوند.

[ميكافلي]

ياشباب أنا أنصحكم تجون عندي

انا مابسحب عليكم عشان فلان و علان ،، المقصد الجمعة ونلفل سوا

وفوق كذا فيه فينت ودق حنك ،،، والشباب اللي عندي رجال مثلكم و شرواكم ،،، وناس تبخص من ايام البيتا ،، ويساعدونكم بالمعلومات اللي تحتاجونها

حتى فهد الله لايهينه بيجي وهو ابو لفل 17 اللي مستانس فيه ،، يلفل من جديد معنا ويعتبرها نقطة بداية جديدة

[Jeremie]

تعبنا من التلفيل و ولد بطنها يبي Tropper وانا أبي Agent ونانسي عجرم تبي Assassin Seith الشباب إتفقوا نكون لحالنا ولا نجي لأحد يطلع لك مثل ولد خالتي إلي ماتشوفه ولا إلي عروقه بالماي أوفلاين 24 ساعة ................. بصراحه أنا كنت واقف بين عدة نيران.
1. وارأشيف شرقاوي.
2. إسمي فهد.............. ولولد بطنها بعد.
3. For the Priest
مادري وين أروووووح..................................

[ميكافلي]

طيب حتى لو جيتم عندنا بالسيرفر وعلى قولتكم سحبت عليكم ،،، ان لقحت ولا ماضره الجمل ،،، أنتم مجتمعين كذا ولا كذا

بالعكس كل مازاد العدد كان احسن

بعدين وشو تروبر و ايجنت

انا خبري جيدي و سيث

[Warchif]

وينها نانسي عجرم وفي أي سرفر
عجلوا بالله خلونا نلفل معها
خخخخخخخخخخخ

والله بتصير معاناه
وش قلت جيرمي انا ماراح اغير عن كلامي انا معك في السرفر اللي انت فيه إلا اذا بتغير لسرفر اخونا ميكافيلي
انت قرر لاني معك وخوينا لوعة الفرقا بيكون معنا وان شاء الله فهد (يوشي) معنا
شوف انت نسق مع ميكافيلي اذا عجبك الوضع حولنا ماعجبك انا معك لا تخاف

[Warchif]

طيب حتى لو جيتم عندنا بالسيرفر وعلى قولتكم سحبت عليكم ،،، ان لقحت ولا ماضره الجمل ،،، أنتم مجتمعين كذا ولا كذا

بالعكس كل مازاد العدد كان احسن

بعدين وشو تروبر و ايجنت

انا خبري جيدي و سيث

كلاسات
التروبر هذا زي الهنتر بس حق الالينس وله اسم ثاني وحركات مختلفه عند الهورد

شكله عقدة الهورد والالينس تجري في دمنا من واو
عز الله قلبنا مواطنين هورديه

[Warchif]

أقول ولد بطنها شكله لسه يبجي واهو يلعب ومشغل المساحات خخخ

[Jeremie]

اليوم نلفل في سيرفر ميكا إسمي المعروف محجوز هناك..... بطلع من الدوام مبسسسسوط و مصدع حدي

[Warchif]

جيرمي
وشهو سرفر ميكا
انت سحبت على سرفر شادو وبتلفل في سرفر جديد لا عند ميكافلي ولا عند ولد بطنها
علمني ابي افهم الحين اي سرفر ومنهو فيه عشان تسحب على باقي السرفرات ؟؟
اذا بتلفل من جديد خليها مع ميكافيلي مو أحسن ؟؟

هههههههههههههههه توني افهم انه ميكا يعني ميكافيلي هههههههههههههه
الله يهديك بس

[ميكافلي]

هههههههههه انا اقول بعد وش سالفة سيرفر ميكا هذا

عموما انا أسمي Greatman هناك في سيرفر KAI-KAN

[Derover]

أنا من رايي نغير اسم القسم كله نخليه Star wars بدال World of Warcraft

ولا شرايكم شباب؟

[Jeremie]

شباب نانسي تعتذر اليوم عن الجية للريد تقول عندها حفله مفاجئه ,,,,,,,,,,,,,,,, بس تقول إذا تبون السيلانية حقتي تخش عني ترها وحش باللعبه ...

[Karazhan]

انتوا ناس خونه امبرياليه مع الاستعمار

اي واحد يستعمركم تسكتون وتمشون معاه

كل يوم اتكلم عن اللعبه ولفلت شخصيه وقاعد الفلها لغايه ماوصلت لفل 21 وبعدين تقولون تعال سيرفر ثاني

انتوا على بالكم التلفيل نفس ووركرافت ؟ اللي بساعه توصل لفل 20

هذي التلفيل فيها مغرز , نفس ووركرافت ايام لفل 60 و 70 اللي ماعندك شي يساعد على التلفيل

تقعد يومين على ماتوصل لفل 20

والحين تقولون كل واحد بسيرفر

انا لفلت 4 شخصيات وكلهم بعد مااوصل لفل 10 يجيني واحد يقول غير سيرفرك

ترى ماكو فرق بين ريببلك والامباير , يعني لا تحسب ان فرق الاشكال هني غير و هناك غير

اللهم بس الكلاسات تختلف , يعني نفس كلاسي ترووبر ماتحصله في الفاكشن الثاني

انت لا تغصب نفسك بالبدايه وتقول بصير مع فاكشن معين , انت اول شي جرب الكلاسات كلهم وبعدين قرر شنو الكلاس اللي تاخذه , يعني الفاكشن انساه الحين وشوفلك كلاس

[Karazhan]

واقولكم بعد لا تضيعون على لعبه ووركرافت ان الكلاسات موجوده مع الطرفين وانك تختار تقول ابي هورد وتروح تسوي كلاس نفس اللي عند اللاينس

هاللعبه مافيها نفس ووركرافت فاكشنين والكلاسات نفس الشي

اللعبه كل فاكشن وله كلاساته الخاصه فيه , فيهم تشابه خصوصا الmelee لكن الاسماء تفرق و الحركات بعد تفرق


يعني اول شي شوف كلاسك اللي تحب تلعب فيه شنو بعدين شوف مع اي فاكشن

[Jeremie]

مشوف أنا وصلت 30 وتقول لي تعال السيرفر عندي والحين غيرت الموضوع............... حرام عليك

[Warchif]

يومين التحميل والمفروض خلصت لكن لما اترك التحميل وارجع وانا واثق انه خلص القى فيه خطأ واصلح الخطأ ويرجع يحمل 11 جيجا
مرتين صارت الله يقلعه من لانشر

المهم باقي تقريبا 3 جيجا
كلها كم ساعه واخش اللعبه وابتدي ابجي واشغل المساحات مثل اخونا ولد بطنها خخخخخخخخخ

[Jeremie]

انا مع STC كان وقتها 440 KB والحمد لله بدون مشاكل أنا الحين بسيرفر ميكا.................. لازم مأكون مع فهد بنفس الجهة أبي أبرد قلبي شوي

[لوعةالفرقا]

يوشي وش رايك تخليهم يفتحون قسم لـ star wars قلهم انها مثل واو وراح يصير في اقبال للقسم خصوصا انه بيكون اول قسم عربي مخصص للعبه يعني راح يكون فيه اكبر تجمع ممكن من اللعيبه ^^

اما المكافأه إللي ابيها عشان اشتري اللعبه ...اوراقها واقفه عند نائب المدير العام مو راضي يوقعها في مشكله في بعض الاوراق << طبعا رحت عند خويي في قسم الحسابات وقلت له وراكم تأخرتوا علينا وعطاني السالفه ^^

نقول ان شاء الله بكره تتوقع ويصرفونها خلاص ماعاد عندي صبر ابي ألعب << العبه احملها من يومين وتوه باقي 8 قيقا عندي خلال الشهر إللي راح النت زفت الله يعين لا يكون لاق في اللعبه

ودي اعرف ليش حنا مانعرف نوفر إللي راتبه 2000 وإللي راتبه 10000 لازم آخر الشهر يتسلف خخخخـ والله حاله

على العموم جايكم جايكم بس المشكلة الحين نسيت اسم السيرفر اذكر ان فيه كلمة shadow بس وش الباقي مدري :\

[Jeremie]

the name is Kai -Kan
مأدري أحس إنه كوري

[لوعةالفرقا]

اهم شيء PVP

[Karazhan]

kai بالتايلندي يعني دجاج

[Derover]

يوشي وش رايك تخليهم يفتحون قسم لـ star wars قلهم انها مثل واو وراح يصير في اقبال للقسم خصوصا انه بيكون اول قسم عربي مخصص للعبه يعني راح يكون فيه اكبر تجمع ممكن من اللعيبه

لا شدعوة القسم قسمكم انتوا تقعدون واحنا الي نطلع افا عليك افا عليك
احنا الي المفروض نشوف لنا قسم ثاني عشان ما نزعجكم بلعبتنا السخيفة WoW

[Warchif]

جيرمي حاولت اضيفك بس يقول مافيه احد بالاسم اللي عطيتني
ميكا انا اضفتك خخخخ

انا الحين لفل 7 سيث اساسين بسرفر كاي كان
صراحه اللعبه ممتعه لغاية الآن وبدينا نفهم اسلوبها
واحلى شئ انه الاستايل في الحركه مثل واو يعني ماتحس بغربه او ضيق

[Karazhan]

كلكم تعرفون مدينه tanaris اللي جنوب kalimdor

معروفه لأن هناك الكهف اللي يعبرك الزمن وتسوي دنجنات ورايدات بالزمن الغابر لبعض البوسات

في مدينه اسمها gadgez مادري اذا الاسم صح او لأ ولكن معروفه هالمدينه اللي تابعه للgoblin

اول مره دخلت المدينه استانست منها , لأنها تدل على الصحراء و افرح لما اتواجد فيها , ماادري هل لأني بحياتي الاخر قبل ما اكون انسان كنت ضب

المهم شفت الرسم فيها و حبيت المدينه خصوصا لما تحط كل شي high


الحين طاحت من عيني تاناريس هذي , ليش ؟ سألتني ليش

سؤالك جميل و طرحك اجمل , وعلى فكره سؤالك جدا صريح و بنفس الوقت مهم


ركبت السفينه الفضائيه الخاصه فيني وقلت بفتر بالمجره بشوف مكان على الارض الفل فيه بدل ما كنت متواجد بالسفينه الام

قلت بمشي عالارض عالاقل بشوف الدنيا

ركبت ورحت كوكب نسيت اسمه بس بدايته tatooie شي جذي بس tato فيه وانتوا اذا كبرتوا وطلعتوا رخصه قياده مركبه راح تشوفونه , المهم انا لفل 24 وقلت بشوف كوكب على لفلي , وفعلا هالكوكب اللي ذكرته على لفلي

لما شفت المنظر نفس كل مره قعد ابجي

بعد البجي صورت هالصور وانا ماكنت مفكر اصور وله كان صورت البدايه من المكان اللي نزلت فيه على القاعده مالتنا , ولكن وانا امشي و الفل تذكرت التصوير وقلت خلني اصور عشان اللي ما شرى اللعبه يروح يشتريها

348749

348750

348751

شوفوا تموج الرمال صوب النزله , كأن واحد كان ماشي قبل ساعه والرياح غطت خطواته وتركت اثر ان واحد كان قاعد قصدي ماشي

شوفوا التفاصيل شلون تاعبين عليها مو ووركرافت السكه اللي لو متزوجها كان عندي ولد عمره 10 سنين الله يقطعها ضيعت شبابي عالفاضي وخربت سفراتي كلهم

شوفوا بس التفاصيل واحكموا لا اصطركم لما الحين plz inv me to DS ill pay

لما الحين عايشين على امل

داخل لعبه تدفع لها شهريا عشان تعيش على امل

[Jeremie]

جيرمي حاولت اضيفك بس يقول مافيه احد بالاسم اللي عطيتني
ميكا انا اضفتك خخخخ

انا الحين لفل 7 سيث اساسين بسرفر كاي كان
صراحه اللعبه ممتعه لغاية الآن وبدينا نفهم اسلوبها
واحلى شئ انه الاستايل في الحركه مثل واو يعني ماتحس بغربه او ضيق


Jeremie أنا ضايف ميكا بعد

الEmpire بالسيرفر أقوي .......نتفونا بال BG

[Warchif]

Jeremie أنا ضايف ميكا بعد

الEmpire بالسيرفر أقوي .......نتفونا بال BG

أفاااااااااااااااااااا
يعني رحنا وطي وماراح نستمتع بالـPVP
لالالالا لازم نشوف حل
كل هالتعب وبعدين نصير ملطشه للأمباير كان لازم نشوف سرفر جماعتنا فيه أقوى
وش الحل الحين
اذا كانوا اكثريه واقوى يعني حتى في الكويستات والرحلات بره بنكون تحت رحمتهم

المهم اسمي شخصيتي Hellish

ولد بطنها الصور حلوه وتحمس
انا الحين واصل 9 ورحت السفينه الفضائيه وعقبها وصلت الغابه اللي اسمها kass بس المشكله الكويستات يقولك لازم تيم ورك وجروبات والفلاش بوينت وانا ابي ادق لفل 10 بسرعه عشان اجيب المساعد وانبسط معاه
الله يعيين بس
امس خشيت 2 دناجن هيروك كبدايه خخخخخ

[Jeremie]

الهيروك مثل واو أخر لفل..... أنا أضفتك وبعد الصلاه نشوف

[Karazhan]

اوف لاين

ارحم والله , خلوني ارتاح شوي وله من نزلتها وانا مجابل تقول اطالع هيفاء وهبي بالحلم

انتوا الحين كل واحد راح بحاله ؟ قبل لاتشترون اللعبه واحنا نقولكم و لما شريتوا نحشتوا


قبل شوي لما نزلت الصور كنت مع رفيجي بالدوانيه , وقاعد اخليه وين وصلت التكنلوجيا , قالي يقولون جيلد وور راح تكون اقوى منها , قلت هذا اللي سامعه

رفيجي هذا كان يلعب معاي ووركرافت بدايتها وكان تقريبا ثاني نينجا بعمر اللعبه بعد اول نينجا بالعالم رفيجي اللي عروقه بالماي

هذا رفيجي عليه من الله ظلال يعني مو صاحي وترك اللعبه وتزوج والحين يربي غنم

لما صورت الصور فوق ونزلتهم رحت اتمشى بالمكان واشوف المناظر , لما رفيجي شاف منظر من بعيد جبل و حيوان آلي اللي تشوفونه بأفلام ستار وورز و شاف البر والمناظر الظاهر تحطم حده و لأن راعي غنم الظاهر اخذه الحماس وبدل مايقول شنو المناظر هذي قعد يبنبع

يعني صار خروف من اللخبطه وقال مااااااااء , المسكين يبي يعبر بس ماعرف شلون , اظن تعرفونه رفيجي السلم او سالم نلقبه السلم او سلوم الكافر من وحشيته واهو اللي قلتلكم عنه قبل يوم اول ما سكن بيتهم بمنطقته حرق بقره عايله عراقيه بشارعنا ولما قالوله ليش قال بثبت وجودي

عاد شكله يبي يبيع الغنم ويشتري اللعبه لأن تحمس حده عليها , هذا ايام ووركرافت كان معروف بالسيرفر كله من وحشيته وما يقول 2 او 4 او 10 جدامه , لو يشوف مليون واحد يهجم عليه واقل شي يذبح منهم 60 واحد

اهو فنان بالوورير ويعرفه عدل زين والكل يخاف منه وسمعته واصله الهورد قبل الالاينس

كان فنان و لاعب خطير وكل شي

بس اهو حمار تركها على ايام عز لفل 70 لو ناطر كان شفنا العجب منه واستمتعنا واهو يذبح الهورد , يمكن نصكم مايدري شنو هورد

الهورد مجموعه من السحالي يطلقون عليهم اسم ترول و مجموعه من البقر و الثيران ويطلقون عليهم تاورن و مجموعه من القرده يطلقون عليهم اورك و بلاد الف من الجن

يعني مجموعه حيوانات متجمعه تحت قياده القرد الكبير او القرد الاخضر واللي اهو ثرال , لكن هذا المجنون تزوج اخر عمره وصار خروف و ترك القياده للقرد الثاني جاروش القرد الاحمر

هذوله الهورد للي يبي يعرف منو الهورد , يعني اذا شفت واحد يقولك سلام عليكم انا هورد , قوله من اي الفصائل بالهورد , راح يستحي ويقولك استح على وجهك شنو الكلام هذا , ويدق عليك الثقل

واذا كان مايصيدها واهي طايره تقوله انت هورد ؟ يقولك اي انا انا هورد والله هورد فور ذ هورد

قوله ماشاء الله هورد اشهد اني تحطمت فيك , من اي الفصايل ؟ يقولك بدون تفكير من البقر حبيبي او من القرود او السحالي شفاطين النمل

قوله ماشاء الله , زين عندك سلف ؟ يقولك لا والله الحاله كسيفه ولد عمي ماعندي الا نص دينار بشري بطاط وفلافل 2 و بيبسي

قوله صج انك ثور

يقولك استح على ويهك ولد عمي ليش الغلط عشان ماعندي سلف ؟ يبا عندي بس مابي اسلفك

قوله لا مو سلف ولكن انت قلت انك من البقر وانا قلتلك ياثور وزعلت . مو انت تقول انك من البقر بعد ليش تزعل ؟ يعني اقولك يا بقره مؤنث عشان ترتاح ؟ يقولك لا انا بقره باللعبه بس جدامك ادمي

قوله اي خلاص انا اقولك ياثور باللعبه

هذا الهورد واللي يحب يعرف الهورد


الحين قفل السيرفرات وانا بنام الحين سهران وجوعان والبوك مافيه الا ربع دينار و باكيتي فيه زقارتين بس مادري شلون راح اتحمل وانا باليوم اقل شي 3 باكيتات اسحك

قبل امس مسلف واحد 20 وقالي باجر ارجع من الدوام واردهم لك

وهذا وجه الضيف

مااقول الا

قالت بس كفى بنساك ,, قالت بمحي كل ذكراك

حبنا عند كل الناس .. يكفي ما جرى وياك

ليش اتعب روحي واكتب ؟ اضغط على السايت بتوقيعي وفكني

ترى اللي يغني رفيجي , يعني اقعد معاه واعرفه شخصيا , من شله رفيجي اللي عروقه بالماي , اللي يبي توقيع او يقعد معانا بسمره عدنيه حاضر

20 دينار الفرد , العائلات فوق 5 اشخاص الدخول مجاني , مو كلهم , يعني اذا 6 مع بعض يدفعون 5 والسادس يدخل ابلاش

تحت 12 سنه مجانا

يعني بأعتقادي 90% منهم راح يدخلون مجانا ههههههههههه

شفيني قفلت وقمت اخورها

يبا بروح انام لا تدقوني سلف واخربها معاكم خصوصا وانتم خونه امبرياله

مختارين الامبراليه اكيد معاهم ومع افكارهم , والاخ يقول اذبح عشان فلوس

ومايدري ان دستور الامبرياله الخفي يقول :القتل مباح من اجل المال:

مصيرك يوم تذوق الحب
تذوق عذابي تذوق قهري



سلملم

[Jeremie]

For the Seith

فهد إنت المفروض تفكر تفتح مدونه واحد مثلك حرام يحبس التاليف والإبداع في قلبة........................... أخر مرة قفلو السيرفرات بالموت فتحوها العشاء......................... فهد إلف قصة وماتدري يمكن بدل الربع دينار بالبوك يصير عندك 100000 دينار

[Karazhan]

انا طلعت بس شفت كتبت قلت ارد عليك واطلع

تقول أؤلف قصه

خصوصا وانا ملم بالكتابه , يعني مثلا لو تقول حق وورشيف اكتب كلمه اؤلف راح يكتبها االف او ئألف جذي عرفت

اما انا لا اكتبها صح أؤلف جذي ليش سؤالك جميل لأني انسان مثقف رزين ولد بطنها من داخل السور كويتي اصلي طرحي جميل صوتي يوصل ارفع راسي لأني كويتي يعني كل الصفات هذي مجتمعه فيني شلون ماتبيني اكون عارف الكتابه والقراءه ؟

يعني مثلا تقول حق ديروفر اكتب قراءه راح يكتبها قراه او قرائه على باله صح غلط يا استاذ تنكتب قراءه

ليش مع ان كويتي ليش يكتبها غلط ؟ من خارج السور طرحه مو جميل صوته ماوصل

عرفت شلون , فأنا لو اؤلف كتاب محد راح يشتريه الا انا واهلي وربعي يمكن , يشترون عشان بس شوف ترى شرينا كتابك ونبي نربحك

وتقول افتح بوكي فيه 100000 دينار الله يهداك , انا خلني اطلع 100000 كريدت بالاول , توني دافع 40 الف للتدريب على المونت و دافع 8 الاف اشتري مونت , وقعدت من تعاسه حظي اشوف الجير عند البياع وضغطت كنترول مع يمين كلك عشان اشوف السلاح علي وبالغلط شريته مادري بكم الف

وبالغلط رجعته واخذه مني ب2000 كريدت , انا من لقافتي بعته بسرعه قبل ماافكر ان هالبياع راح يستغلني ويكسر سوقي , قلت ببيعه بسرعه قبل ما يطيح علي اني شريته

عموما انا بنام الحين و ان شاء الله لما اقعد بالليل راح اشبك لغايه هالحزه


LF enchnter ههههههههههههههههههه

plz 200g for mount

lf4m DS normal link achiv and IL +380 or no reply

lf some1 to boosr me ill pay good

الشركه المفروض تستحي على دمها وتخلي اللعبه مجانيه دام العيشه فيها مذله , او عالاقل شهر بفلوس وشهر مجاني

وله شرايك


يقول رفيجي اللي عروقه بالماي

ها خوتي ها

بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده

وانا ليش خبل اكتب ؟ سو كوبي على الجمله وبعدين بيست


بروح انام لاتكلمني ان كلمتني مااقدر انام لازم ارد

اسكت بو ساعه على ما انام بعدين اكتب , لأني فاتح الجهاز عندي بسريري وقاعد اشوف لين اخدر وانام

عطني ساعه

ساعه صمت ياشباب على روح بليزرد ولعبتها ووركرافت

ها خوتي ها

بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده
بليزرد ايامك معدوده

[Jeremie]

كنت ألعب لول كان غلطتي ماسويت تحديث ولا خليتك تنام



قووووووووووووووم فتحو السيرفرات

[ميكافلي]

ياشباب ترى احنا empire انا عند الوالد بالدمام اليوم وباكر برجع لكم موقف انا على لفل 8 وبصراحه اللعبه ممتعه باقي ولد بطنها يجينا ويوشي ميتسو

[Jeremie]

مافيه أحد فكر بي Bounty Hunter

[Derover]

توني شاري Game card 90 days من واحد بالسيرفر بـ 30,000g

حتى الـ 30K كلها جمعتها بدون ما أحس اصلاً، قبل لا أنام اشغل البوت واسحب عليه

ومضبطه اذا صاروا Full bags يرسل الآيتمز حق الـ Alt ويرجع يسوي فارم

أقوم من النوم، أتسبح، أصلي، أروح الدوام، أرجع، أتغدى، أنام، أقوم .. والبوت لي الحين شغال

والآيتمز كلها أدزها CoD حق واحد ضايفه بالفرند لست يقولي أبي كل الـ Ores الي عندك! لا تخلي شيء

[Jeremie]

Dervoer متى بنشوفك معانا...................

[Warchif]

الحين ميكافلي طلع إيمباير وهو قال لنا من البدايه انه سيث هوردي ؟؟؟

يعني ماكو فايده الحين نلعب بالسيث في السرفر ؟؟
يالله أمري لله

[Jeremie]

أنا موجود Seith بنقس السيرفر

[ميكافلي]

لا ياخوي انا سيث ال empire هم السيث الهورد و الريببلك هم ال gidi الطيبينولا انا غلطان انا سيث عموما

[Karazhan]

لا ابشرك نمت وتوني اقعد

الحين انتوا اتفقتوا على سيرفر ؟ the shadow running او غيرتوا ؟

انا مستحيل ابدأ من جديد ولكن قاعد الفل التروبر هذا عشان ان وصلت لفل 50 بروح افتر واشوف كل المجرات والكواكب والاراضي و كل شي و البس جير لفل عالي اشوف نظامه شلون اشتري و اسوي انجانت , يعني لازم استوعب اللعبه عدل وافهم لها عدل وادخل دنجن اشوف نظام الهيلر والتانك شلون

وبحول التالنت هيلر و دي بي اس واشوف الوضع وطريقه الهيلر

يعني يبيلي شهر بعد ما اوصل لفل 50


بتعرفون ان التلفيل مغرز

لما طفى السيرفر قلت بدخل اوف جيمز بشوف التلفيل وسعر الكريديت , كتبت التلفيل من 30 الى 50 تدرون جم قالولي ؟ يخلصونه بأسبوع وشي

والسعر فوق ال200 دولار , ذكرني ايام ووركرافت قبل لما كان التلفيل يبط الجبد

الحين ووركرافت من 1 الى 85 اوصله ب6 ايام او اسبوع بالكثير , هذا 20 لفل بأسبوع

الكريدت تقريبا معقول , نسيت كم بس اذكر اني قلت اشوه معقوله الاسعار


يقولون انهم راح يسوون بوت للعبه , ان صار هناك بوت لا والله كدينا خير


المهم , ابي الحين خلاصه القول انتوا اي سيرفر كلكم مو كل واحد بروحه , و عشان احجز اسم و اعطيكم تخزنوني لكن برجع للريببلك الفل التروبر وان خلصت جيتكم

[Jeremie]

Kai kun Seith

[Warchif]

أها حلو
يعني كلنا سيث

ولد بطنها احنا بسرفر Kai-Kan الأوروبي تعال وحياك

أخوي جيرمي
حاولت اضيفك يقول مافيه شخصيه بإسمك
فيه شئ غلط
انت حاول تضيفني
Hellish

[Karazhan]

و ميكافلي بالسيرفر هذا بعد او غيره

امركم عجيب


اهم شي بوحا بأي سيرفر ؟ ياليت معانا في دجاج كان


انا سويت وورير معاكم اسمي redeye يعني عين حمره

لحد يلبس جير و يحرني عشان ما اسوقه عين

[Karazhan]

جيرمي اسمك غلط او انك مسوي بسيرفر ثاني او فاكشن ثاني

انا ضفت وورشيف الحين و طلع موجود الساعه 3 الا ربع

روح نام ارحم نفسك

[Jeremie]

Jeremie نفس الإسم.......... بس غريبة مافي أحد يصيدني أنا ماكون على Stealth لما أسوي خروج من اللعبة

[Karazhan]

شالسوالف

وين اهل ووركرافت عنكم عفستوا قسمنا بلعبتكم هذي

وين البسطويسي عنكم اهو اللي يعرف علاجكم

داخلين علينا بلعبه جديده وتخربون قسمنا علينا , ترضاها احد يدخل قسمك بلعبه غير لعبتكم ويتكلم عنها ؟ ماترضى اكيد

بس ترضاها بأقسام الناس

[Jeremie]

القسم ميت من مواضيع واو....................... وهذي قهوه غيرنا الموضوع وصرنا نحش بشي ثاني

[Karazhan]

الكريديت سهل

انا ذبحت واحد قبل انام وعطاني 500 كريديت , وكان لفل بحدود 27 رير , بس يوم ذبحته قلت لازم احفظ المكان عشان اشرف عليه لما اصير لفل 50 واقزرها فيه كل مااذبحه 500 , يعني مرتين 1500 ؟ اكيد مرتين 1000 مايحتاج تفكير

بس المشكله قعدت من النوم ونسيت مكانه

يمكن في كوكب تاتو اللي بالبر , تشوفونه لما تختارون جنوب المجره


احفظوا لا تنسون نفسي

احفطوا اي موب يعطي 500 كريدت وفوق عشان التفريم بعدين , لأن في جير بالفلوس و خوش جير بعد

[Jeremie]

ال AH حق اللعبة معوق حدة مأدري كيف تقدر تشتري منها يغثك غث كأنك تدور درايف في موقع

[Karazhan]

عاد سهل اشوفه

اول شي حط القطعه اللي تبيها ان كانت سلاح او جير بعدين اختار شنو المطلوب سيف او بندق او جير

الناس ماعندهم كلوذ و ليذر و ميل و بليت

الجير كله ميديم و هيفي و لايت

يعني انت تانك اخذ هيفي ديبي اس اخذ ميديم و لايت اذا هيلر او ديبي اس كاسر

يعني انا الحين تقريبا من ملوك الاكش هاوس وان شاءالله اصير ملك اللعبه واطنش الملك الاصلي ولعبته السكه ووركرافت

المسكين لما الحين لفل 6 يقولي شلون اعدي المكان هذا تعال ساعدني , جان اصكه بلوك وافتك من شره

نسى قبل يوم كنت اسأله يقولي لا عادج تدق علي , وكان يذلني

الحين اذلك يا جليل الحيا

هذا دقني لو مشيت ومصيرك ترجع للسكه يا سكه ومسمي نفسك ملك اللعبه وعروقك بالماي وانت جحش ماتعرف تخلص كويست لفل 6

اهو كان ذكي قبل بس ماادري شفيه انقلب حمار , الظاهر ضربت فيوزاته لما غير اللعبه وماعرف يتحكم بعقله

برب تلفيل

[Warchif]

سلام
اها ولد بطنها شفتني يعني خخخخخخخ
لعبت إلين الساعه 10 الصبح عشان اوصل 14
رجعت ايام واو ههههه
بس اللعب ممتع صراحه كأنك تلعب بلايستيشن على قولتك المهمات واستايل اللعبه ممتعه جدا
حتى الكومباين اللي معك يونس ياخي يصير تانك يصير دي بي إس وفوق كذا يزعل عليك مرات ويهاوشك وانت خلك دبلوماسي ويصير مبسوط معك هههههه وأحلى شئ لما تتعبى الشنطه تصارخ عليه رح بع الأغراض وارجع واهي كلها فضيت الشنطه ويرجع لك بعد دقيقه ومعه الفلوس
اغراض تراش جابت لي 500 كريدت
والحين عندي تقريبا 6 الاف كريدت غير اللي مضيعهم هههههههههه

انا الحين سيث اساسين يصير تانك ودي بي إس لكني بلفله دي بي إس ومسوي التالنت ديسيبشن اهو حق الدامج وكأنه Sub في روق واو
والداركنس اهو حق التانك تحمل بدون دامج
والمادنس كانه وارلوك افلكشن تصدقون خخخخخخ

[Karazhan]

اي شفتك ودزيتلك قلتلك بليز 1 جولد جان تدق علي الثقل

وانتوا البخل حتى بالالعاب ؟ يا ساتر

خلك تانك و شوفلك مساعده هيلر و استعمله دايم

انا بالتروبر تانك و طلعت مساعد آلي يمشي على 3 رجول واهو تانك بعد لكن اموت واجد

قلت خلني اشوف البنت يمكن افضل لأنها هيلر , ولما طلعتها صار الامر سهل اهي هيلر وانا تانك

في مساعدين بعد انطر عليهم لما ترفع لفلك يطلعون , شوف الهيلر وخله على يمناك زي ابو شنب

ووفر فلوسك للمونت , ترى ب40 الف تتدرب من المدرب وبعدين تشتري مونت ب8 الاف

يعني 48 الف , بس لاتخاف راح تعوض , انا لما شريت المونت والتدريب في لفل 25 وبقى معاي 5 الاف يمكن , الحين لفل 29 وعندي 115 الف

الظاهر الكريديت امره سهل باللعبه

[Jeremie]

فهد تعال عندناالسيرفر نبي مساعدة بسيطه

[Karazhan]

اليوم تهاوشت معاهم

سبيتهم سب من اكبر موظف الى اصغرهم وماكو احد يرد علي من الشباب الا سبيته

ما وقفت الا يوم حكوني توقيف

ابلشوني رحت وانا تروبر تانك وكلكم تعرفون طريقه التالنت الحين ان اول شي تروح للمدرب او مادري منو يقولك شنو تبي ؟ مثلا تروبر يقولك تبي فان جارد او كوماندو

فان جارد اهو التانك والكوماندو الهيلر


لما تختار مثلا فان جارد يعني تانك يفتح معاك التالنت نفس مال ووركرافت 3 مستطيلات وتختار شنو

انا اخترت التانك واللي يكون يسار , بالنص ويمين dps

الديبي اس ضعيف شوي لأن لما رحت موقع تور هيد وشفت التالنت شفت ان الكوماندو ان صار دي بي اس الدمج عالي والحركات بالتالنت اقوى

رحت على فالي للمدينه وعمل reset للتالنت عشان اختار الكوماندو

والصدمه ان مايصير اختاره , عملت اعاده نقاط بس اما التالنت اهو اهو , قلت ياجماعه شلون اغير التالنت كله ؟ هذا بس شالي النقاط

قالوا مايصير الا انك تسوي شخصيه جديده وتختار كوماندو من البدايه , قلت من صجك انت ؟ قال هذا اللي اعرفه

ردوا علي ناس قالوا صح مايصير خلاص

جان اشتغل سب

ماكو احد تكلم الا سبيته , طبيت باللعبه طب نصه يكفي لين اطردوني :)

[Karazhan]

نرجع ووركرافت ابرك

عالاقل عندي تالنتين واختار بينهم على كيفي ووقت ما ابي

شاللعبه اللي ان اخترت ماتقدر تغير الا تسوي شخصيه جديده

[Jeremie]

فهد إنت تتكلم عن كلاسين مو تالنتين...................... بالإيطالي أنت ماتلعب مثل واو على طول الكلاس............ هنا غير لما توصل 11 تختار وش تبي وبعدين لما تختار يمديك تغير بالتالنت............. يعني في واو يمديك تسويها مستحيل... نفس الشي بتروح تسوي شخصيه ثانية.... أنت الTropper كأنك بين شيئين لما توصل 11 ياتكون شامان إو ديث نايت مثلاً ... تبي تبدل بين كلاسين......... أنا الحين ألعب opraitve ...Rogue أروح أصير هنتر Sniper متى مأبي... فهد كل شي يصير بالقصة بعدين أنت تفكر وش تسوي تهاجم تدافع ... واو خش على طول عرض الفديو الكل يشوفه بعدين رح ضف لك كم كويست ولفل ولا سوي زيي خويي ميج جاهز عند الباب في منطقة التلفيل Portal من هناك ل Thunder Bulff وبالدباب وصلني لمنطقة التلفيل حقت الثيران.. ومأشوف بالشات إلى شي واحد We have Gay elf lvling here. بالفرنسي عندك بدل ال 8 كلاسات صارو 4 إقنعني وش الفرق بين الواريور والديث نايت نفس الشي بس الفرق الواريور يمسك شيلد لما يصير تانك .

[Karazhan]

انت شامان ولما اخترت رستو عطوك 20 نقطه قالولك وزعهم على كيفك

وزعتهم ولكن في حركات ودك عليهم والنقاط ما كفو

قلت خلني اصير انهانسمنت يومين وبعدين ارجع رستو واحط النقاط بالحركات اللي ابيهم

رحت للمدرب قلتله شيل النقاط ولما شالهم وتبي تصير انهانسمت قالك مايصير حبيبي

احنا شلنا النقاط من الرستو ولازم ترجع تحطهم بالرستو , جذي السالفه

يعني انسى ان كنت تانك تصير هيلر


واسمك غلط يا حبيبي

شوف اسمك شنو واكتبه هني

[Karazhan]

عندي سؤال

الحين انا تعبثت بالاكشن بار مالقيت حل

شوف البارات عندك يكونون مستطيل واحد وتضغط على + يفتح معاك بارات تحت

ابي احط البارات اللي تحت f1 f2 f3 f4 وهكذا

لكن مالقيتها , مع اني اشوف افلام ناس حاطينهم

تعرف شلون ووين اروح بالضبط او نووب بعد

[Jeremie]

مأدري وش المشكلة مع إسمي متأكد 1000000% إنه صح وأنا ضايفك redeye مرة رابعه Jeremie .... إسأل الشباب نفس الإسم ... تقدر تغير في نفس كلاسك تانك تصير DPS . أنا طلعت من واو بس أستخدم ال TAP وال مؤشرات بس..... هينا ماجربت بس في صفحه للمفاتيح جربها وشوف....

[لوعةالفرقا]

شباب ان شاء الله انا اليوم اول ما ارجع افرمت الجهاز واشتري اللعبه واجيكم ماشيء مليون اذا مو اليوم بكره بالكثير ان شاء الله وانا داخل اللعبه

وابشركم اللعبه خلاص حملتها جاهزة ناقص السيريلات بس قبل لازم افرمت الجهاز واشتري كاسبر سكاي جديد لان إللي عندي بقاله 8 ايام بس :\


ووش مشكلة التالنت ياجماعت الخير على العموم اسعفوني انا ابي كاستر + هيلر << ينفع ولا لأ
يفضل انه يكون كاستر مثل الوارلوك ^^
ياليت تنصحوني من الحين وتقولون لي وش تالنته بعد عشان لا اتوهق مثل ولد بطنها المسكين ههههههههههههه

[لوعةالفرقا]

يا شباب يأنكم ملخبطين يا اني انا مضيع

الحين انا دخلت موقع torhead.com قلت خلني اقلب في الكلاسات

فجأ ما اشوف قاكشن اسمه سيث

شوفوا الصورة


http://store1.up-00.com/Jan12/F6e19753.bmp (http://www.up-00.com/)
http://store1.up-00.com/Jan12/F6e19753.bmp

يعني اي واحد بيقول ان الفاكشنات هم Empire و Republic

والارجح ان الـ Empire هم الاشرار

الشيء الثاني إللي لاحظته ان كل كلاس يتفرع لـ (فرعين)

مثل إللي في الصورة الكلاس (bounty hunter) انقسم لفرعين وهي (mercenary و powertech)

وكل فرع له له 3 شجرات تالنت مستقله يعني كأنه كلاس كامل !!

عشان توضح خلينا بدال مانسميها فرع نسميها خبرة

يعني في واو التقسيمة تكون
الفاكشن >> الكلاس >> التالنت

اما في ستاروارز
الفاكشن >> الكلاس >> الخبرة >> التالنت

فالسؤال هنا يا مستر ولد بطنها وش هو إللي مايمديك تغيره الخبره او التالنت !!؟

طبعا اذا قلت التالنت يعني خلاص يلزمني على شجرة تالنت وحده فقط ما اقدر اغير بين الثلاث شجرات حق التالنت

يعني ياليت توضحون اكثر ما ابي ابدأ بدايه غلط

[Derover]

مبروك تم تغيير اسم الموضوع إلى قهوة Star Wars وقريباً اسم القسم.

[Jeremie]

ما تغير شي نفس الإسم....

بالنسبة لل Seith والJedi نفس الOrc وال بشر .. والباقي معاهم..

الفاكشن >> الجهة >> الكلاس >> التالنت


تبي كاستر مثل الوارلك مو مرة فيه مو شغل واو سحر وشعوذة..... Bount Hunter حلو بمسدسين ويجي Range وهيلر عاد أنت شوف.... يمدحون الهيلر فيه..

نوعيت الكلاسات Tank -DPs أو Healer DPS أنا ألعب ب Imperial Agent ك Opretive ( Healer & DPS ) .. أول شي أكون هيلر السبيك الثاني Rogue . السبيك الثالث أكون هنتر........ ولا يمدحونه بالهيل لإنه غريب.........ز متعودين على HOly light & Flash heal ... بهل الكلاس شغل إبر و أجهزة .... Star wars style والBounty hunter بدل ما يعطيك Renew في واو .... يطلق على بالمسدسين ... يرشك رش...........

..>>>>>

STC إذا كنت مشترك أفاق شامل DSL يعطونك إشتراك سنة بالكاسبر ...

[لوعةالفرقا]

مبروك تم تغيير اسم الموضوع إلى قهوة Star Wars وقريباً اسم القسم.

توك انت تلعب واو ؟
ترى خلاص العالم بطلتها :\

[لوعةالفرقا]

ما تغير شي نفس الإسم....

بالنسبة لل Seith والJedi نفس الOrc وال بشر .. والباقي معاهم..

الفاكشن >> الجهة >> الكلاس >> التالنت


تبي كاستر مثل الوارلك مو مرة فيه مو شغل واو سحر وشعوذة..... Bount Hunter حلو بمسدسين ويجي Range وهيلر عاد أنت شوف.... يمدحون الهيلر فيه..

نوعيت الكلاسات Tank -DPs أو Healer DPS أنا ألعب ب Imperial Agent ك Opretive ( Healer & DPS ) .. أول شي أكون هيلر السبيك الثاني Rogue . السبيك الثالث أكون هنتر........ ولا يمدحونه بالهيل لإنه غريب.........ز متعودين على HOly light & Flash heal ... بهل الكلاس شغل إبر و أجهزة .... Star wars style والBounty hunter بدل ما يعطيك Renew في واو .... يطلق على بالمسدسين ... يرشك رش...........

..>>>>>

STC إذا كنت مشترك أفاق شامل DSL يعطونك إشتراك سنة بالكاسبر ...

تراك لحست مخي حبه حبه في كلاس الحين ال Bounty Hunter مو كلاس طيب انا اشوفه في تورهيد انه ينقسم إلى (mercenary و powertech) وش يعني هذا ويوم ادخل للتالنتات اشوف كل قيم له 3 تالنتات يعني لازم احدد اما mercenary أو powertech صح ؟

طيب وش إللي ما اقدر اغيره شجرة التالنت او (mercenary و powertech) او كلها ؟

وانا بصراحه حاط عيني على Sith Inquisitor وراح احدد Sith Sorcerer طبعا وش رايك فيه ؟


اما الكاسبر سكاي انا من زمان مشترك مدري هل يعطون كاسبر كل سنه وكيف آخذه ؟

[Jeremie]

تراك لحست مخي حبه حبه في كلاس الحين ال Bounty Hunter مو كلاس طيب انا اشوفه في تورهيد انه ينقسم إلى (mercenary و powertech) وش يعني هذا ويوم ادخل للتالنتات اشوف كل قيم له 3 تالنتات يعني لازم احدد اما mercenary أو powertech صح ؟

طيب وش إللي ما اقدر اغيره شجرة التالنت او (mercenary و powertech) او كلها ؟

وانا بصراحه حاط عيني على Sith Inquisitor وراح احدد Sith Sorcerer طبعا وش رايك فيه ؟


اما الكاسبر سكاي انا من زمان مشترك مدري هل يعطون كاسبر كل سنه وكيف آخذه ؟

يعني مثلاٌ كلاس Melee إنت تبي Melee ......... لما تختار Melee وتوصل لفل 11تقدر تختار واحد من الإثنين مثلا Warrior & Rogue قبل ما تختار هم يعطونك خيار تشوف إي كلاس تبي و تشوف التلانت إذا عجبك إي كلاس إختاره وروح تعلم كل شي عنه.... وواصل مشوارك.. وتقدر تعدل وتغير السبيك .. مثلاً لو اخترت mercenary كأنك مختار Druid في واو كلاس كامل ولك السبيك الخاص فيه.....

طبعاً اللعبه Copy Paste نظام التالنت وتوزيع الكلاسات نفس نظام Rift تقريباً 4 أقسام ولها تفريعات و تصميم الشخصيات تقريباً Mix بين واو و إيون .... أنا ماشفت Rift بس يمكن مرة وحده Rift .

أرشح ال Bounty hunter لسببين :

1. مافيه أحد من الشباب يلعب فيه.
2.يمدحونه بالهيل ( الموقع مايفتح عندي بالشركة . مأقدر أقولك مين الهيلرفيهم انت إقراء التلانت وشوف ).

وبالنسبة للكاسبرسكاي إذا انت مشترك معاهم خش على الدعم الفني بالموقع وقول له أبي أجدد الكاسبر ويرسل لك ال CD Key الجديد.

[Karazhan]

شوف لوعه الفرقا

اخذها مني , من شخص صارت فيه وابتلش نهايه عمره لما وصل لفل 31

لما توصل لفل 10 تروح للمدرب , يقول عندي اختيارين , اما تكون هيلر و دي بي اس او تكون تانك و دي بي اس

انت فكر واخذ وقتك لأنك ان اخترت تالنت معين ما راح تقدر تغيره الا اذا نزل باتش جديد يسمح لك بالتغيير , اما كبدايه اللعبه والى اليوم هذا ماكو تغيير

انت فكر وشوف انت شنو تحب تكون , تانك اوهيلر ؟ و اثنينهم dps بعد

اذا اخترت تانك راح يفتح معاك تالنت جديد و 3 مستطيلات تحط فيهم النقاط , والهيلر انساه خلاص

اذا تبي تغير التالنت لا تفكر انك تروح المدرب وتشيل النقاط ويقولك ها حبيبي تبي تانك او هيلر

راح يشيل النقاط وتظل تانك و دي بي اس , التخصص خلاص انتهى وانت عيش على التالنت اللي اخترته تانك و دي بي اس

نفس الصوره اللي انت حاطها يقولك الكلاس عنده تالنتين واحد ميرسلس والثاني سنايبر , اذا اخترت واحد منهم خلاص ماكو خط رجعه , وراح يفتح معاك تالنت نفس التالنت اللي تعرفه في ووركرافت عباره عن 3 مستطيلات وتحط فيهم النقاط , اما تانك او دي بي اس

تبي ترجع قري اكثر للتخصص مايصير , عيش عمرك مع تخصصك عشان تعطي مجال للبونتيه يكونون تانكات و هيلريه

يعني انا اطالب الملايين من الصحرا الى الصحرا

انك اول ماتوصل لفل 10 فكر بالتخصص وشوف الحركات وكل شي قبل ماتختار

يعني شوف تالنت الهيلر شلون الدي بي اس فيه قوي او لا وشوف تالنت التانك قوي او لأ


انا لما اخترت تروبر واخترته تانك شفت ان الدمج قليل ولما رحت موقع تور هيد شفت ان التالنت الخاص للهيلر الدي بي اس فيه اقوى ولما رحت اغير طلع مايصير وابتلشت

لأن انا استخدم gun وحركاتي اغلبها بتالنت التانك melee و مسافه 4 امتار , المفروض اكون من بعدين لأني شايل رشاش , ولكن طلع تالنت التانك جذي من قريب عشان يمسك الموبات , وان الهيلر اهو اللي من بعيد ويستخدم رشاش مضاد للطائرات يمسكه بأدينه الثنتين , اما التانك ماسك كلاشنكوف

للعلم اني مااقدر امسك اي رشاش كبير حدي كلاشات واسلحه خفيفه , ولما اشوف تروبر ماسك رشاش كبير اللي يكون ماسكه بأدينه الثنتين يطلع هذا كوماندو واللي اهو تخصص الهيلر

يعني راح علينا والتعب راح عالفاضي



اوف جيمز

[Karazhan]

انا الحين مسوي بونتي هنتر بسيرفركم

اسمي fahad اخذت الاسم منك

توني بدأت فيه لما حبطني التروبر

ناوي اقرأ التالنت بتمعن في موقع تور هيد واشوف الدمج اذا صرت تانك واذا صرت هيلر منو اقوى عشان ما ابتلش بعدين

مالي خلللللللللق اعيد التلفيل

[Karazhan]

تراك لحست مخي حبه حبه في كلاس الحين ال Bounty Hunter مو كلاس طيب انا اشوفه في تورهيد انه ينقسم إلى (mercenary و powertech) وش يعني هذا ويوم ادخل للتالنتات اشوف كل قيم له 3 تالنتات يعني لازم احدد اما mercenary أو powertech صح ؟

طيب وش إللي ما اقدر اغيره شجرة التالنت او (mercenary و powertech) او كلها ؟

وانا بصراحه حاط عيني على Sith Inquisitor وراح احدد Sith Sorcerer طبعا وش رايك فيه ؟


اما الكاسبر سكاي انا من زمان مشترك مدري هل يعطون كاسبر كل سنه وكيف آخذه ؟

شوف ميرسناري اهو هيلر والباورتش تانك

يقولك تبي هذا او هذا ؟ وراح يعطيك نبذه عنهم يعني تختار واحد تشوف التالنت وشنو فيه واذا عجبك تضغط اوكي وتاخذه واذا ماعجبك كنسل وترجع تشوف الثاني

لما تختار واحد منهم خلاص لا رجوع الى الامام

ان اخترته يفتح معاك تالنت نفس التالنت اللي تعرفه في واو وتبدأ تحط فيه النقاط , اليسار كله عن هيل واليمين واللي بالنص دي بي اس وبعض حركات الهيلر

الحلو فيه انك توزع نقاطك على ال3 مستطيلات عادي , مو نفس ووركرافت لازم تحط 31 نقطه بعدين تقدر تحط بالثاني

انا راح اختار الهيلر لأن الظاهر اهو القوي عن التانك من ناحيه الdps ولأني شفت التالنت وقارنتها بالحركات اللي عندي القويه شفت ان كلها تزيد قوتها بتالنت الهيلر او الميرسناري

حبطني التروبر صارت فيني عقده

ابك جيف اشيل بندق وحركاتي ميلي وشارج و بوكس

[لوعةالفرقا]

بعد قراءه في تور هيد

ونصائحكم اني احدد وش ابغى من لفل 11 قررت انا اختار واحد من الثلاث هذي (نبغى مشورتكم)

Sith Inquisitor >> Sith Sorcerer
او
Imperial Agent >> Sniper
او
Sith Warrior >> Sith Marauder

ان شاء الله راح اكون واحد من هالثلاثه بس ياليت تقولولي وش الكلاس إللي ماحد اخذه << طبعا بعد مايحدد التالنت

يعني لو احد اخذ Sith Warriorوحدد تخصصه
Sith Juggernaut مو مشكلة لاني انا اذا باخذ Sith Warrior راح اتخصص Sith Marauder وطبعا في اختلاف بينها

وياليت لو واحد يكتبلي كل اسماءكم في اللعبه والله مشوار اقعد اقلب في الصفحات ^^

[Karazhan]

والله لو نكتب ماراح نخلص وانت عارف اللعبه كبيره و جديده يعني مو عارفين عنها الكثير , مازلنا بالبدايه

ولكن انت لازم تدخل اللعبه اول شي وتختار كلاس معين وتشوف شنو فيه و شنو العيوب ان كانت هناك عيوب

ولكن اعتقد والكلام مو مكفول ان الهيلر او اذا اخترت التالنت اللي يكون فيه الهيلر راح تكون dps افضل من dps التانك , لأن حسب ماشفت من التروبر اللي وصلته لفل 31 وتعلمت وعرفت كل حركاته ان التالنت اللي فيه التانك يكون يستخدم اسلحه خفيفه و اغلب الحركات من مسافات قريبه , هذا ان كنت dps

يعني بالتالنت الخاص للdps يوم غيرت من التانك وحطيت النقاط عشان اصير dps شفت حركه بالتالنت اسمها gud يمكن , حركه من 3 حروف , وانها قنبله ترميها على اللي جدامك وحطيت فيها نقطه وطلعتها , انصدمت منها طلعت من مسافه 4 امتار لازم , عكس القنابل الثانيه اللي عندي من 30 متر

فأنت شوف اول شي تالنت الهيلر وشوف الحركات الخاصه بالdps اهي قويه ومسافات بعيده او لأ , وشوف بعد حركاتك اللي تاخذها من المدرب للدمج واللي تستخدمها دائما عشان تقتل اللي امامك , تطويرهم بأي تالنت

انا لما شفت الحركات اللي استخدمهم دايم عشان اذبح اللي جدامي تطويرهم كله في تالنت الهيلر , وتالنت التانك اطور الحركات اللي مااستخدمهم اصلا , واغلبهم من مسافات قريبه و نصهم مايفتحون الا ان كان مثلا التارجت ينزف bleed او لما يطلع chance

يعني مالهم اي معنى بمشواري التلفيلي , ومااستخدمت ولا حركه من اللي طورتهم

انت لا تسوي شي قبل ما تسوي شخصيه و توصلها لفل 10 , لما توصل لفل 10 شوف الحركات اللي تستخدمهم بالاكشن بار شنو , واذا كانوا عاجبينك و حركات قويه لكن يحتاجون تطور للكريتيكال او الدمج زياده ادخل التالنت وشوف تطويرهم بأي تالنت بالضبط

ان كانوا في تالنت التانك اختاره وان كانوا في تالنت الهيلر اختاره

للعلم ان الحركات قليله , يعني لاتفكر نفس ووركرافت انك راح تاخذ حركات جديده في لفل 20 و 30 و 40 , انا لعبت بالتروبر لغايه لفل 31 وكل لفل اروح للمدرب يعلمني شي جديد , ولما اخذت الحركات كلهم تقريبا في لفل 15 والحركات كانت عاديه عكس الحركات اللي كانت معاي من البدايه واللي مازلت استخدمهم لقوتهم

بعدها ماشفت شي جديد , نفس الحركات ولكن يختلف الرانك لهم , يعني لفل واحد تكون الحركه rank 1 وتوصل لفل 30 rank 8 مثلا , يعني الحركات تتطور من المدرب وانت تزيد تطويرهم بالتالنت , اما حركات جديده لا تفكر انك راح تاخذ شي جديد

الا الحركات اللي تاخذها من التالنت نفسه , يعني بالتالنت تحط نقطه على جركه وتاخذها , اما المدرب ماعنده شي


لذلك يا عمري سو شخصيه ووصلها لفل 10 وشوف الحركات اللي عندك واللي تحس انهم حركات قويه وين تطورهم , بالتانك او الهيلر , وبعدين اختار التخصص , لا تختار وانت مغمض

[لوعةالفرقا]

اوكي فهمت عليك وان شاء الله انا بقعد اقرأ في التالنت لين ارسالي على كلاس وتالنت محدد

اما البونتي هنتر ما خش مخي مدري ليه :\


والله قهروني اوف قيمرز دفعت وكل شيء ومنتظر الكود عطوني الكود حق اللعبه اما كود القيم كارد ما ارسلولي اياه

رحت كلمتهم وقالي خلصت وقال تحتاج يوم إلى يومين عمل وتكون عندك يعني نقول ان شاء الله بكرة وانا معكم ألفل :(

مالي نصيب ألعبها اليوم :(

[Karazhan]

شوف انا بونتي هنتر لفل 9 الحين

شفت واحد لفل 24 يمكن سألته قلت متى امسك مسدسين ؟

قالي لفل 10 ولازم تكون ميرسناري واللي اهو الهيلر

انا من خلال تجولي بالتروبر وتخليص كويستات و الاسلحه اللي تطيح من الموبات شفت ان في سلاح shotgun مااقدر استعلمه , ولا شفت احد يستعمله ماادري ليش

توني طلعت من موقع تور هيد وشفت التالنت وقرأت وقارنت مع الحركات اللي عندي في لفل 9 واللي اغلبها بالمسدس وصواريخ وكلها حركات قويه , بحثت عن تطويرها بأي تالنت وشفت ان التطوير في تالنت الميرسناري

شفت الميرسناري يقول عن المسدسات والسوالف هذي ولما فتحت التالنت شفت الصواريخ والمسدسات او الحركات القويه اللي عندي كله تزيد قوتها بالتالنت هذا , ولما شفت التالنت الثاني باور تش ماشفت يتكلم عن المسدسات , وقلت اكيد اهو اللي يستعمل الshotgun ماكو غيره ان كان تانك

وقرأت عن الباور تش شفت يتكلم عن القوه والتحمل , والتالنت كله عادي عن حركات عاديه وبعض الحركات القويه ولكن في حركات مثلا يقولك تقفز على العدو وتعطيه بوكس

انا شبي فيها اقفز عليه واعطيه بوكس وانا عندي سلاح , الظاهر ان الحركات المخصصه للتارجت القريب , لأن الحين رحت المدرب وعطاني حركه جديده rocket punch وهذي تعطي بوكس اللي جدامك , وحركه flam thrower هذي تطلع نار من ايدك مثل ماتقول تسوي channel تحرق اللي جدامك مسافه 10 امتار

يعني هذي الحركات اللي تطورها بالباور تش لأنها راح تكون للتانك ولازم التانك يكون قريب من الموبات

هذي الخلاصه من البحث , يعني ميرسناري هيلر و دمج عالي من بعيد والباور تش دمج متوسط وتانك وقوه تحمل

مع العلم ان شفت مشاركات لناس في الموقع تقول افضل ميرسناري لأن ان كان هيلر مايحاتي الهيت ويعطي هيل سبام بدون مايحاتي شي نهائيا ودائما مايكون المطلوب الاول بكل قروب

يعني مثل ماتقول رستو شامان ويهيل الناس بدون مانا

الهيت هذا عباره عن بار تحت الهيلث , كل ماتطلق صواريخ او حركات خاصه يزيد حسب الحركه يعني حركه تقولك نسبه الهيت 10 و حركه تقول نسبه الهيت 20

الهيت يعني heat مو هيت راتنق لاتضيع , حراره يعني

فأنت لما تطلق صاروخ يزيد الهيت عندك والحد الاقصى 100 اذا وصلته ماتقدر تطلق صواريخ او حركات فيها هيت الا انك تنطر ينزل , وفي حركات ماتحتاج هيت , مثل اوتو اتاك ومادري اذا في بعد واكيد في حركات راح تطلع جديده , غير اذا بعد حطوا حركات تقلل الهيت

انا اشوف الميرسناري افضل واهو اللي راح اختاره ان شاء الله بعد لفل واحد

عطيتك الزبده بالنهايه تقول مادخل مزاجي

اجل ليش مخليني ابنبع من الصبح

[Jeremie]

مأدري ليش كلاسي مافيه أحد يحبة.......... وش أسوي يعني لازم تكون حركة الهيل عندي مثل Holy Light & Flash heal ملينا نبي نشوف شي جديد..

لما أرجع من الدوام بحط راسي على المخدة.... لي إسبوع ماتجي 9 بالليل وال DC عندي شغال ... كوارث أسوي بالجيم. مأقدر أكمل الكويستات عندي كويست معلق فيه لإني مأقدر أركز.... كنت مرة أتنك Sindragosa 25 كماين تانك ولا صحيت إلى الصبح..... وما خفي أعظم..

أنا جربت الجيداي بالهيل نفس الشي مايحاتي المانا بس ال Opretive إذا صارة الدمج عالي فيلم رعب مافيه Energy لازم Skill علشان أرجع شوي بس... تقريباً ال Medicine كأنه هولي بلادين وهو الكلاس إلي من إسمة تقول هيلر......... ال Sith Sorc كانه Disc Priest يعطي Sheild أنا تعجبني ال Hot عند ال merc hunter يطلق عليك رصاص.... أنا الHot إزعاج أستدعي أجهزة وتصير Stuck على التارقت..


إنشاء الله لما نوصل ال50 ونبدأ نسوي ريدات ونكون أول جيلد عربي في ستار وارز يسوي First Kill ....
ولد بطنها كأني لما كنت أطوف المجرة لمحت Outland >>>

[لوعةالفرقا]

ما شاء الله يا جيرمي قدك وصلت لفل 50

خشيت اوف قيمر قلت خلني اشيك وصل القيم كارد ولا لا طلع لسى ماوصل !!

المهم خلني ادخل اتصفح في تور هيد يمكن نغير رأينا عن سيث سورسرر ^^

ولد بطنها ترى انا اكره شيء اسمه هنتر حتى في واو خخخخخـ

[Warchif]

أنا اخذت السيث اساسين
مع انه تانك لكن التحمل والدامج كويس
بس تالنت الديسبشن يقولون عليه دامج مرعب يعني مو شرط اذا انت ماخذ تانك يعني دامجك ضعيف هو يطلع زي الواريور والديث نايت ياتتنك يا تدبج
هذا من ناحية السيث اساسين وهو الكلاس الوحيد عند الايمباير اللي يستخدم سلاح الدبل بليدز ياخي مميز جدا ومايخذه الا اذا كان اساسين خوقاقي شكله خخخخخخخخخخ طبعا الريببلك عندهم الجيدي يستخدم نفس السلاح بس اللي مميزه عند السث انه السلاح لونه احمر والجيدي ازرق
وفوق كذا عنده تالنت اسمه المادنس اخره فيه حركه تسوي فير يابلاش يعني كانه افلكشن يسوي دامج اوفر تايم + يهيل نفسه من الدامج

السث السورسر داش مخي بس بخليه بعدين الفله وبحجز له اسم من الحين حق قدام خخخخخخخخ
لانه كل ضربه من بعيد وهيلر

[لوعةالفرقا]

أنا اخذت السيث اساسين
مع انه تانك لكن التحمل والدامج كويس
بس تالنت الديسبشن يقولون عليه دامج مرعب يعني مو شرط اذا انت ماخذ تانك يعني دامجك ضعيف هو يطلع زي الواريور والديث نايت ياتتنك يا تدبج
هذا من ناحية السيث اساسين وهو الكلاس الوحيد عند الايمباير اللي يستخدم سلاح الدبل بليدز ياخي مميز جدا ومايخذه الا اذا كان اساسين خوقاقي شكله خخخخخخخخخخ طبعا الريببلك عندهم الجيدي يستخدم نفس السلاح بس اللي مميزه عند السث انه السلاح لونه احمر والجيدي ازرق
وفوق كذا عنده تالنت اسمه المادنس اخره فيه حركه تسوي فير يابلاش يعني كانه افلكشن يسوي دامج اوفر تايم + يهيل نفسه من الدامج

السث السورسر داش مخي بس بخليه بعدين الفله وبحجز له اسم من الحين حق قدام خخخخخخخخ
لانه كل ضربه من بعيد وهيلر




بدينا بالتقليد :\
لا اشوفك تقرب من السيث سورسرر هذا محجوز لي

ان شاء الله اوف قيمر اليوم يرسلولي القيم كارد وادخل اللعبه

وإلا انت يا وارشيف وش اسمك في اللعبه انا قاعد اسجلها عندي عشان اضيفكم

ولو عندك اسماء باقي الشباب ياليت تسردها هنا ^^

[Jeremie]

إحنا بطلنا نلعب ستار وارز ...ز نلعب الحين بالوت 2000 ............. War ما كأنك قريت شي....... إنشاء الله اليوم أوصل 21 علشان نروح Athiss لإنه صعب البوس الأخير إذا ما معاي Of healer

[Karazhan]

يا ويلي على البوت للباتل جراند

اكس بي + كريدت + نقاط = لاعب شرير


متى بس يسوون بوت

[Jeremie]

فهد قول إنشاء الله نصير أول جيلد عربي والأقوى في PVE and PVP
وبعد إبي منك مساعدة كبيرة عندنا واحد من الشباب متورط مايقدر يهد WOW ويبغى أحد يفطمه عنها ( عضو بالمنتدى تحتفظ الجريدة بإسمه) شوفه حل تكفى.

الشركة لسا مانزلت التطبيقات علشان الإدونز ........... نفسي يسون شي الترتيب حق ال UI علة أنا مأقدر أنزل الشات تحت وال UI ق الفريق موجود ومن جد لازم أدون لل CD


WTB healbot

[لوعةالفرقا]

اما مافي هي بوت اجل اني انا دي بي اس فقط لحين توفره على اللعبه ههههههه

يا شباب وش الهرجه مع اوف قيمر من امس وحالة الأولدر حقي Processing ماوده يصير كومبليت :(

حماسي كله راح وانا منتظر القيم كارد معقوله يوم كامل ماقدروا يدبرون قيم كارد وش ذي الحاله إلى الآن مادبروا قيم كارد الحل يا شباب



ومن جد يا شباب ضروري شيء اسمه ادون الحل ياولد بطنها كلم ملك اللعبه خله يتوسط لنا ويعجلون في الادونات !!

يالله نقول ان شاؤء خلال الساعات الجايه يرسلون القيم كارد :\

[Karazhan]

اي قصدي هييل بوت صح صح

متى يسوون هييل بوت ناطرينهم

----------------------------------


اللعبه جديده ياجماعه انطروا عليهم مو كل شي بسرعه , اذا حطوا كل شي بسرعه راح تنتهي اللعبه بسرعه


اي لعبه جديده بالعالم شنو يكون جدامها ؟

انوار براميل لمبات

وشنو بعد ؟

يكون قدامها حصى


^^^

شلون قال حصى ماني عارف




المهم اللعبه جديده ماصارلها شهر 1


انطروا كل شي بالهداوه , الحين يبون الناس رجلي عشان يشوفون التعب اللي اتعبوه وبعدين يحطون مونتات طيران وبعدين يحطون ادونات و هالسوالف

لأني انا شخصيا ابي البارات اللي تحت احطهم حروف اف 1 و اف 2 ولكن تعبثت بالضبط ولا صارت , مع اني اشوف افلام شباب حاطين , ودي اسأل باللعبه شلون بس مااعرف انجليزي ولا ادري شقول

واحد فيكم يدخل انت جيرمي ادخل واسأل بالشات شلون احط البارات اللي تحت اف 1 و اف 2 وقولي


وقولي منو اللي تبيه يلعب اللعبه ؟ يمكن وده بس ماعنده فلوس يشتريها


لوعه الفرقا انت سالفتك سالفه , اللي اعرفه ان كروت الشحن يكتبون تحت وقت التوصيل عالطاير , يعني تشتري مني يوصلك مني


شوف انا مره شريت منهم كرت شحن وقعد يومين ماوصلني ولما دخلت موقعهم و دخلت عمليات الشراء عشان اشوف انا شنو شاري , يحطولك الرقم اللي اهو رقم العمليه واللي اذا تبي تكلمهم يقولولك جم رقم الطلب مالك

المهم يوم شفت الطلبات وشفت الطلب ذغطت على الرقم ودخلت اشوف شنو صار عليه , الا اشوف كلمه hide وضغطت عليها جان يفتح ويطلعلي رقم الكرت , طلعوا دازينهم بس الموقع حاطلي مازالت العمليه جاريه او بروسسد هذي اللي كاتبها انت

المهم ادخل الطلب واضغط على الرقم وشوف طلبك يمكن واصل وانت ماتدري

[Karazhan]

الجو عجيب

توني طلعت بروح المطبخ اشوف اكل "مالقيت نفس العاده" وانا اتمشى بالحوش شفت الجو مو طبيعي

غيوم صك والارض مبلله وقبل انام الظهر اسمع صوت رعد "مو خالي رعد اقصد الرعد اللي بالغيوم يصير"

والحين اسمع صوت رعد بعد وانا اكتب الكلام هذا


ان شاء الله في فقع هالسنه او نجيكم السعوديه نسرق فقعكم

[Karazhan]

ابشركم كلاش معانا باللعبه

توني بالباتل جراند شفته بعيوني



خوش باتل جراند من لفل 10 الى 50 خلط والكل له نفس الهيلث والتحمل ولكن اللي لفلهم 50 يتحملون اكثر اذا كان الجير في اكسبرتيز لأنه يقلل الدمج نفس الريسايلنس في ووركرافت

يعني لفل 10 و 50 نفس الشي الا اذا لفل 50 اخذ الجير اللي فيه اكسبرتيز , يعني تخيل كأنكم تلعبون مفاصيخ واللي يملك الاكسبرتيز اهو اللي يتحمل الدمج

القصد ان الكل يستمتع بالباتل جراند مو واقفه على ناس وناس

اول مره ادخل باتل جراند واموت وانا اضحك , اول مره ادخل باتل جراند بدون الطم او اطلع سيفي من غمده

[لوعةالفرقا]

لوعه الفرقا انت سالفتك سالفه , اللي اعرفه ان كروت الشحن يكتبون تحت وقت التوصيل عالطاير , يعني تشتري مني يوصلك مني


شوف انا مره شريت منهم كرت شحن وقعد يومين ماوصلني ولما دخلت موقعهم و دخلت عمليات الشراء عشان اشوف انا شنو شاري , يحطولك الرقم اللي اهو رقم العمليه واللي اذا تبي تكلمهم يقولولك جم رقم الطلب مالك

المهم يوم شفت الطلبات وشفت الطلب ذغطت على الرقم ودخلت اشوف شنو صار عليه , الا اشوف كلمه hide وضغطت عليها جان يفتح ويطلعلي رقم الكرت , طلعوا دازينهم بس الموقع حاطلي مازالت العمليه جاريه او بروسسد هذي اللي كاتبها انت

المهم ادخل الطلب واضغط على الرقم وشوف طلبك يمكن واصل وانت ماتدري

ايه عارف
تراني قولد ممبر (عضو ذهبي) عندهم وكلمتهم مره ثانيه قالي مافيه مخلصه راح نرسلك الكود بتاريخ 10 من هذا الشهر قلت له طيب ابي اكنسل الطلب متى ترجعون فلوسي قالي بعد اسبوعين

قلت اجل سلامو عليكم خخخخخـ اول مره يرتفع ضغطي من اوف قيمر دايم اتعامل معهم وكانو على طول في نفس اللحظة يدزون الكود

وبعدين صح العمليه بروسسسين ولكن خشيت على الطلب ولقيت الكود حق اللعبه اما كود القيم كارد موجود وحاطين ملاحظه تحت انه مخلص !!!

يالله نقول خير حبيت استشيركم وش رايكم ابي اسمي شخصيتي LightningStorm << طويل شوي بس مناسب للسيث سورسرر << مدري كذا اسمه ولا لأ

[لوعةالفرقا]

شف الصور هذي عشان تفهم اكثر مافي إلا كود واحد غللي هو حق اللعبه باقي حق القيم كارد

http://store1.up-00.com/Jan12/wtr52712.png (http://www.up-00.com/)
http://store1.up-00.com/Jan12/wtr52712.png

طبعا هي سعرها اللعبه + القيم كارد بـ 89 دولار للأعضاء العااديين

وانا عشان حسابي قولد يجيلي خصم خاص صارت بـ 84.54 دولار + الضريبه حق الفيزا :\

[Karazhan]

مشكله جذي اذا الكرت مخلص

شوف احد عندكم في ينبع يعرف واحد يبيع كروت او محل عنده كرت اللعبه يبيعه اشتر ابو شهر وانطر كرت اوف جيمز يوصلك لأن انا متأكد انك راح تقعد باللعبه 5 سنوات

زي رفيجي وورشيف اللي كل ماادخل اشوفه موجود

ليل صبح عصر ظهر مايطلع الا اذا يبي ينام

وان شاء الله لما تصير عضو بلاتيني نفسي مع اوف جيمز تاخذه ارخص بعد

والاسم طويل يتعبك ولا تنسى ان اللعبه فيها القاب وكل لقب اطول من الثاني

ادخل تور هيد واختار التيتل وشوف الالقاب طبعا كل كلاس وله لقبه الخاص

انا الحين اطمح اني اخذ لقب الهنتر Grand Champion of the Great Hunt

يعني يصير اسمي كذا

Fahad, Grand Champion of the Great Hunt

ياعيني

راكب صح


طبعا نفس ماقلت كل كلاس له القابه الخاصه فيه يعني محد يشاركك باللقب من الكلاسات الثانيه الا اذا كان نفس كلاسك

وهالالقاب تاخذها من تخليصك للكلاس كويست كل كلاس له كويستاته الخاص نفس السلسه تاخذهم طول التلفيل و كل ماتخلص مرحله تاخذ لقب و مساعد جديد

ادخل تور وشوف المساعدين و الالقاب وشوف المساعدين كل واحد شنو وظيفته وشنو الناس اللي واصله لفل 50 تقول عنه

يعني مثلا يقولك واحد ان عنده مساعد معين ممتاز للتانك وتاخذه بعد ماتوصل للكويستات المعينه هذي , او يقولون هالمساعد ممتاز بالهيل , انت شوف التانك وحطه بوجه المدفع و خلك هيلر , واقعد هيل فيه ودمج معاه

على فكره لا تضيع على البت اللي في ووركرافت , يعني تقول شلون وورلوك يخلي البت يصير تانك و يذبح الموبات ماتصير

باللعبه هذي المساعد يعتبر لاعب ثاني حاله من حالك , من ناحيه القوه والحركات والدمج والهيل , كل شي ممتاز ماتقول انه مجرد مساعد بس منظر نفس ووركرافت

يعني بالتروبر كنت تانك والمساعد هيلر وكنت ادخل على الامباير واطشرهم كلهم , اتحمل الدمج والبنت اللي معاي الهيل قوي وتعطيني هيل اوفر تايم و كاست هيل وادخل المناطق اللي تكون بين الريببلك و الامباير وماكو امبايري الا واكله

فأنت شوف المساعدين وشوف منو اللي يثنون عليه واخذه دايم معاك ويفضل يكون تانك وانت هيلر , لأن لو كنت هيلر تقدر تدمج عالراحه واهو تخليه على يمناك زي ابو شنب

والاسم كيفك لكن شوفلك اسم مجرم يركب على الالقاب اللي راح تاخذها في كلاسك

يعني رفيجي اللي عروقه بالماي اسمه باللعبه بالبدايه كان الثور او Al'thor قلت شفيك استخفيت شنو ثور الله يهداك

قال لأن الثور يتحمل الضرب و الاوزان الثقيله وانا بخلي اسمي الثور عشان اتحمل دمج واكون تانك باللعبه واتنك الرايدات واصير اول واحد يتنك الرايد و اول نينجا في لعبه ستار وورز

قلت كلامك مو منطقي اللي يتحمل الاوزان والضرب اهو الحمار , ليش ماتخلي اسمك الحمار احسن او الجحش هم نفسه يتحمل الضرب والحمل الثقيل

قالي تتطنز ؟ قلت الله يهداك الثور شتبيني اقولك , قال عشان اخذ لقب لورد اصير lord althor

اهو صج ساعات يكون اهبل انا ماادري شلون صار ملك ووركرافت

عموما انت شوفلك اسمك يركب على لقبك , عشان لما تدخل الامباير فليت الكل ينحني اكراما لك

مو تدخل وتطلع محد درى عنك نفسي , كل من شافني قال fahad ? انت عربي ؟ اقوله لا مسكيكي

يعني تشوف الاسم فهد شنو تتوقع ؟ انا ماادري هالعالم شلون شرت كمبيوتر

يقعدك من النوم عشان يسألك فلان نايم ؟ تقوله اي

يقولك يلا مع السلامه

او يقولك جوعان ؟ تقوله اي والله حدي

يسكت


انت تستغرب تقوله فلان جوعان ؟ يقولك لا والله توني متعشي بالبيت وجايك

اجل ليش تسألني اذا انت مو جوعان


مو معطل العرب من التطور الا هالاسأله اللي مالها اي معنى

[Jeremie]

فهد بختبر اللغة الإنجليزية عندك.....
ترجم الأتي:

قوم خلنا نقعد نمشي أبرك لنا........

[Jeremie]

خلاص بتغير المنتدى..................ززز فيه واحد يبي يبيع اكاونتين ستار وارز في موضع البيع والشراء

[The Slim Shady]

http://store1.up-00.com/Jan12/wtr52712.png

ترا باين الكود .. ضلله زيادة ^_^

[لوعةالفرقا]

باركولي اخيييييييييرا وصل الكود حق القيم كارد

يا اني بفلها اليوم اول ما ادخل راح اعطيكم خبر بالاسم وعاد هالله هالله نبي فزعتكم شباب عشان ألفل بسرعه ونخش ريدات وابي قولدات بعد << عز الله راحت عليكم خخخخـ

دارك ايرور اذا تبي الكود حلال عليك ^^ انا قاصد اخليه باين شوي للإثاره هههههههه
اذا قصدك الاوردر نمبر باين مومهم
اما اذا قصدك إللي تحته باين برضوا مومهم لاني قد استخدمته :)

[The Slim Shady]

^
^

ههـ مشكور بس خلني احمل اللعبة اول xD
وش تحس فييه انت ؟ اثارة لـوووول P:

[Warchif]

سلملم

سويت لي سيث سورسر وحجزت له اسم مميز خخخخخخخ
دامجه قوي بتالنت المادنس قريت في موقع يقولون عنه بالعربي ( إنه التجديف والهرطقه إنه المادنس ) خخخخ عشان دامجه عالي
طبعا هو كاستر + هيلر جربته ولفلته إلين 11 وصدقوني لفلته في ظرف ساعتين فقط اول مره قعدت يوم عشان اوصل 7 بس

المهم
Hellish هذا السيث اساسين تانك + dps
Devilry السورسر الهيلر + dps

طبعا بعدين راح اكمله او اذا حبيت اطقطق شوي بالكاستر

اخوي لوعة الفرقا مبروك التايم كارد
خلنا نشوفك بالجيم على سرفرنا واي مساعده بهيروك او كويستات انت بس تامر
بس طبعا فيه كويسات حق الكلاس نفسه هذه ماحد يقدر يساعدك فيها تسويها بنفسك
ولا أوصيك حاول توصل لفل 7 وانت مسوي كل الكويستات الخاصه بالكلاس عشان يجيك الكويست الخاص بالمساعد وتروح تاخذه لأنه زي ماقال ولد بطنها ممتاز جدا يساعدك كأنه لاعب ثاني
ولما كنت تانك كان يدبج اعلى مني والحين حولته تانك وانا قلبت dps واهو يمسك الموبات بشكل ممتاز واحلى شئ لما يقرب يموت يقولك كلام مثل انا خلاص رحت فيها ماقدر اكمل هههههههههههههههههه
السث اساسين مبدع جدا وماراح يندم من يلفله اذا يحب الروق في واو وفوق كذا قريت انه احسن تانك باللعبه ياسلام اول مره اشوف لعبه الروق اللي يلبس لايت ارمر يتنك احسن من الهيفي ارمر

[لوعةالفرقا]

وارشيف ايها اللص

لي اسبوع وانا اقول بلفل سيث سورسر والحين انت لفلته هذي سرقه علنيه لحقوق افكاري وابحاثي المكثفه عن السيث سورسر

انتظر شوي انت بس وبتجيك شكوى من المحكمه لتعديك على حقوقك الآخرين


بالنسبه للروق التانك انا ايام ليتش كينق ايام باتش الشابين << الريد إللي فيه 5 بوسات كلهم في مكان واحد يطلعون ورى بعض المهم

المهم ايامها ربك رزقنا بقير محترم كنت ادخل هرويك واتنك بالروق طبعا هذا إذا كان التانك نوب او قيره اخضر وازرق حتى مره طردنا تانك من كثر ماهو نوب جيت كملت اتنك الهيلر يقولي تتنيكك (صح الكلمة من اي قاموس جايبها) افضل من النوب إللي قبل شوي ههههههههه

غير كذا الدودج اذكر اذا ماخانتني الذاكره اكثر من 30% تقريبا وغير الحركة حق 50% دودج خلاص وضعك في السليم يابطل ^^

المهم ماعلينا لاتحاول تقنعني بالأساسين ماني ماخذ غير سورسر ورجاءا احذف شخصيتك السورسر قبل لا اقاضيك واطالبك تعويض مليون قولد (قولد حق ستار وارز)

اليوم الليل ان شاء ابدخل واسويلي شخصية وحده كتكوته مثل البلود إلف عشان نخقق الخرفان ونشحت قولدات وبوستات هع


وعلى فكر يا وارشيف عطني اسماءك في اللعبه والسيرفر بالله وش قلتولي اسمه كون كان ولا وش هو ؟

[لوعةالفرقا]

ههـ مشكور بس خلني احمل اللعبة اول xD
وش تحس فييه انت ؟ اثارة لـوووول P:

ترى اللعبه مو واو هذي لعبه جديده مالها شهر من نزلت وكلهم حولو لها

ايه اثاره بالله ماحسيت بالاثاره يوم قزيت الكود باين شوي ههههههههههههه :d

على فكرة كيف الاختبارات معك اشوف العالم ازعجتني عندي اختبار عندي اختبار في المنتديات والفيس بوك مافي إلا هنا ماحد جاب طاري الاختبارات بالعكس فاليين امها مع استار وارز هههه من جد شيبان

[Jeremie]

وارأشيف ترانا ما أتفقنا على كذا ........ شلون تخلي توقيعك For the Horde >>>>>>>>>>>

Plz

For the Empire

أنا بس أوصل 50 ...........زز بلفل اللتويكس هنتر حقي كا هيلر طبعاً إسم فهد إنحجز سميته Austin ............... نفسي بالريس الفضائى إلي كأنه ترول يجي تويكس هنتر ............... مافيه إلا سيث اسسيسن . لوعة عليك بهل الريس رهيب كا Female أحسن من الهيومن.

[Warchif]

جيرمي خلي المنتدى يتعدل حاله بعدين نفكر نغير التوقيع

لوعة الفرقا زيادة الخير خيرين خخخخخخخخخ

[The Slim Shady]

ترى اللعبه مو واو هذي لعبه جديده مالها شهر من نزلت وكلهم حولو لها

ايه اثاره بالله ماحسيت بالاثاره يوم قزيت الكود باين شوي ههههههههههههه :d

على فكرة كيف الاختبارات معك اشوف العالم ازعجتني عندي اختبار عندي اختبار في المنتديات والفيس بوك مافي إلا هنا ماحد جاب طاري الاختبارات بالعكس فاليين امها مع استار وارز هههه من جد شيبان

أي اللعبة @@" ؟؟

ههههههه بصراحة يب .. عشان أعلمهم وأخرب عليك P:

الحمدلله الى الحين ماجبت العـيد لوول
بس انشاءالله بتنتهي الأختبارات الأحـد ^^

[Jeremie]

ياليتني ادرس ولا على حافز..................... من الساعة 7 الصباح شغال رايح جاي و إلى الحين في المكتب ماخلصت.................... تعب والله ......... متعودة دايماً

[لوعةالفرقا]

ايه والله ياليتني ادرس ايام الكليه كنت العب واو والله فلله قسم بالله الحين دوام وقرف خلوها بالنيه بس

المهم انا عطيت اخويي الاكاونت قال يبي يجربها واختار بونتي هنتر وقلت له يدخل سيرفنا يمكن يفيدكم بعدين في حال عدم تواجدي ^^

وانا كعادتي على الساعه 9 وعليها بيكون راح ادخل اللعبه وابدأ المغامرة :)

بس الحين إللي اعرف اسماهم في اللعبه Jeremie و Fahad باقي انت يا وار شيف وش اسمك و ميكا بعد وش اسمه لازم

وإللي يبي يضيفني على Skype هذا اسمي skawsss << موجود في البروفايل ^^


دارك ارور اللعبه اسمها Star Wars the Old Republic اختصارها swtor عادي هذي مو زي واو يمديك تجربها 10 ايام

لازم تشتري على طول مع كرت شحن يعني يطلع عليك 330 ريال تكردها الله لايهينك اذا تبي تلعب ^^

وخلك من المنتدى مهب طاير ركز في اختبارات قسم بالله ماحد يفيدك في هالدنيا إلا نفسك << خلك نصراوي وصير صديق نفسك ههههههههه

بس من جد خلك من كل شيء جانبي وركز في اختبارات كله اسبوع إلا وانت مخلص :)
وبالتوفيق ان شاء الله تحقق النتيجه إللي ترضيك ^^

[لوعةالفرقا]

شباب اسمي Skaw في اللعبه ^^

[Karazhan]

انا بطلب من كنكاتي احد يبي

لا تصيرون نفس رفيجي يقولي شنو عندهم

ماكو الا دجاج بعد شنو يبيعون ؟ حاشي و محاشي

قولوا لا تقولون نبي نفسك نفس رفيجي الثاني , اطلبوا انا ماادري شنو ابي اصلا متوهق

[Karazhan]

المطعم مسكر يقول صايدينه يغش الناس

بس ما قالي شنو الغش المستخدم

خلنا نشوف غيره

[لوعةالفرقا]

يارجال خشيت وتوهقت مت يمكن 17 ألف مره ههههههههه

وصلت لفل 7 بالموت وش ذا يا انها صعبه حبتين ولا انا ما عرفت للكلاس زيين ^^

[Karazhan]

شوف ترى اغلب الموبات اما rare او elite

الrare مو نفس ووركرافت انهم اذا ذبحتهم يعطونك شي نادر , لا يعني اقل درجه من الelite

elite والشعار اللي على صورته ذهبيه

rare والشعار فضي

والموبات العاديه

الrare معناته انه موب عادي لكن قوي ويكتبون تحت اسمه strong يعني دير بالك منه لا تستهين فيه

واللعبه مكثرين هذا النوع عشان يصعبونها شوي ويخلون الواحد يموت اكثر من مره عشان يطول بمشواره التلفيلي

كلمت رفيجي اللي عروقه بالماي توني بالواتسب

قالي اللعبه نفس ووركرافت قبل , ماكو شي يختصر , لازم تركض عشان تروح للدنجن او تحل كويستات وكل شي صعب الموبات قويين و دايم تطول باللعبه عشان بس تروح هنا وهناك , يعني لو تحسب المسافه اللي قطعتها كم كيلو و تضرب عدد الكيلوات ب2 وتقسمهم على 3 وترجع لأبوك فلوسه وتقط نصهم بالبحر وتطرح 3 على 1 اكس بي

راح يطلع الناتج الله يسلمك 30 لفل

يعني لو المسافه اللي تركضها عشان تحل كويستات بس كل 20 خطوه 5 اكس بي جان يوصل لفلك 30

كل كويست تخلصه يعطيك عده جوائز تختار منها , حاول انك تاخذ القطع الخاصه بالجير غيره لا تاخذ عشان تقوي نفسك زي حليب السعوديه بالضبط شفت شلون انت قوي ومخوف عرابجه الرياض لأنك كل صبح تشرب حليب السعوديه وانت صغير

الحين اخذ الجير بس غيره لا تاخذ , حاول كل مدينه تروح لها عشان تخلص كويستات يكون لفلك اعلى من الموبات حبتين , لما تشوف الكويست لوق وتشوف الكويستات عندك راح تشوف فوق اسم الكويست كم اللفل , حاول انك تكون اعلى منه يعني ان كان لفل 20 انت خلك 22

يعني حاول تلفل بالمدن وتخلص كل الكويستات فيها ولما لفل يسمحلك تروح مدينه ثانيه وهذا لما تفتح الخريطه في مركبتك الفضائيه راح تشوف كل مدينه وكم لفل المطلوب من 10 الى 15 و كوكب ثاني من 16 الى 20 وهكذا

انت حاول تكون دايم اعلى وبعدين تروح , يعني احلب كويستات المدينه كلها ولما ما يبقى ولا كويست غير كويستات الهرويك اطلع منها اذا ماحصلت قروب للهيروك وبالطريقه هذي كل مدينه تدخلها راح تخلص كويستاتها عالراحه

نفسي بالضبط انا سويت هالطريقه والحين وصلت لفل 22 وقاعد الفل في كوكب لفل المسموح فيه اعلى شي 20 , وقاعد اخلص كويستاتها بالراحه بدون مشاكل او اطلب مساعده

[لوعةالفرقا]

المشكلة المنطقه إللي انا فيها ماني عارف شلون اغيررها << مدري يمكن لفلي لازم يكون اعلى من 7

اما الموبات لاحظت الإلت شفت حولين صورته برواز ذهبي اما الرير لاحظت بعض الموبات اقوياء ما ما انتبهت جمب صورته وش في :\

على العموم اذا يمديني اغير المنطقة وانا بلفل 7 قولي اشلون تكفى كل المهمات إللي معي حق لفل 8 واذا كان حق لفل 7 تلاقي مليان مومات واكثر اعلى من لفلي

ومتى يعطوني المساعد حقي وكيف آخذه ؟


شباب اسمي في اللعبه skaw كنت بختار وحده كتكوته بعدين قلت شلون كتكوته وابي اصير دارك جيت قلبتها جيكره خخخخخـ

[لوعةالفرقا]

ونسيت اقولكم بعد المهم شلون ومن وين آخذها ؟ ووش المهنه إللي تدخل فلوس << مايهمني تناسب كلاسي او لا المهم القولدات ^^

[Warchif]

لوعة الفرقا
عشرين صفحه وانا حاط اسامي شخصياتي
شكلك ماتقرا الردود أبدا
وامس هبلت فينا في شات الجيلد
أنا وجيرمي نهلي فيك وهلالالالا وغلالالالا ويا فلان وياعلان وانت معطينا اشكل ولا كنك معنا بالجيم خخخخخخخخ

السث اساسين Hellish
السث سورسر Devilry

بس طبعا الاساساسين الماين واللي بلعب فيه إلين اوصله 50 وبعدها ربك يفرجها عشان نلفل السورسر وغيره
انا شكلي بلحق اسوي شخصيات ثانيه بس عشان احجز الأسامي خخخخخخخ

اقول فهد ياولد بطنها شلون الميرسانسي حق البونتي هنتر كم مره اكلمك بالشات اقولك شلونه وانت صافط شكلك لسه تبجي ومشغل المساحاات عشان كذا ماتشوف خخخخخ

[لوعةالفرقا]

امس حذفت الشات بالغلط صارلي اكشن وخشيت الاعدادات واحاول واحاول وماقدرت جحدته وكملت تلفيل وبالصدفه عرفت انه من فوووق في الزاوية على اليسار في زي المثلث من هناك اسويله اظهار واخفاء واكتشفت ان في اشياء كثير فوق مادريت عنها ههههههههه

المعذره والله وبعدين انا امس اضفت Hellish واليوم ان شاء الله بضيف Devilry بس عاد نبي هيروكات وفله وانا من الحين dps lightning

يا شباب عشان ما اكره الكلاس المهمات صعبه ولا كلاسي صعب ؟ والله تبهذلت غير المشورة رايح جاي والموبات طفشوا كثر ما يذبحوني صرت امر من جمبهم يقولون خلوه هذا نوب ههههههههههه

على فكرة اضيفوا baqis في القيلد هذا صاحبي بس تراه يلعب بحسابي يقول يبي يشوف كيف اللعبه ويختبرها :\

[Warchif]

يارجال انت بس تآمر
اي كويست صعب عليك دز لي مسج واجيك على طول ان شاء الله
بس الكويستات حق الكلاس هذه ماحد يقدر يساعدك فيها

المهم
اذا طلعت المساعد اهو راح يتنك وانت تدبج وراح يصير اللعب اسهل ان شاء الله
بس اهم شئ اذا تبي مساعده عطني خبر

[Karazhan]

والله انا ماانتبه للشات , حتى ميكافلي يقول اكلمك و ماترد علي , ماانتبه والله

البونتي هنتر جازلي اكثر من التروبر , انا قلتلكم ان الميرسناري اهو بس يحمل مسدسات بكل يد اما اذا كنت تانك يحمل مسدس واحد

وظيفته حسب مااشوف انه قاتل مقابل الفلوس , اي واحد يدفع اكثر اصير معاه , حتى ان بنت في كوكب اللي شادا كانت طول الفتره تعطيني فلوس وتقولي روح اذبح فلان , بالنهايه تقابلنا انا معاها والبوس مال الكوكب اظن وصارت مشكله وقالي اذبحها واعطيك فلوس , قلت شلون اذبحها واهي تدفع فواتيري ؟

قال اعطيك زود واخليك معزز مكرم بالكوكب بس اذبحها , عاد انا ماصدقت على الله جان اذبحها

وصار معاي دايم اروح اذبح ضباط تابعين لنا و اذبح ضباط تابعين للريبلك , بالعربي قاتل مأجور منو يدفع اصير معاه

نص ضباط الامباير جار عليهم

والهيل ماله شفت بالباتل جراند كم واحد هيلر , والله زين يمشي حاله وتقريبا نفس الشامان في ووركرافت , اللي يعطي نفسه شيلد الصخر اللي كل ضربه دمج تصير عليه تنقلب هيل اسمها kolto shell مكتوب ان تصير عليك 10 مده 5 دقايق واي دمج عليك تهيلك كذا

يعني شامان ستار وورز

بس طولت على المساعده اللي معاي والحين لفل 24 ومازالت معاي وغيرها الاهبل الثاني اللي تاخذه لما تاخذ المركبه الفضائيه واللي ماله اي خانه

والحين انا في tatooine وحسب ماقرأت ان لما اخلص الكلاس كويست بالمدينه هذي احصل مساعد جديد ويكون dps وماادري هل اخذه معاي واغير التالنت هيلر او اظل مع الكيكه تكون اهي الهيلر

شكلها تايلنديه 100%

حبيت الشخصيه بالبدايه 50% ولما شفت التايلنديه معاي حبيتها 100%

وذكرتني بأغنيه الحراميه

احنا الاوباش الحراميه

محبوسين ميه لميه

خوش شي

لوعه الفقره المساعد يمكن تاخذه بلفلك الحالي 7 روح شوف الكويستات اللي مخلصها يمكن منهم , انا المساعد اخذته بلفل 7 و التروبر اخذت المساعد بلفل 10

انت قريب اذا مو 7 يعني 10

اي كويست صعب طنشه وشوف غيره , واللعبه مصممين اماكن الموبات صح , يعني معطينك مجال انك تتحاشاهم انت حاول انت توخر عنهم وتروح للكويست طوالي تحله

[Karazhan]

المنطقه اللي انت فيها تغيرها بعدين , انت لما توصل لفل 10 كل شي يتغير المناطق والدمج والحركات

بس انت شد حيلك واوصل لفل 10

[لوعةالفرقا]

اهاا اوكي ان شاء الله خير

وارشيف بصراحه عندي مهمتين مكتوب جمبها هرويك +2 << بديهي ان +2 يعني لاعبين او اكثر :\

اذا تقدر تساعدني فيها اكون لك من الشاكرين

بس ماودي اخليك تضرب مشوارعلى مهمتين ^^

ولكن دامك فتحت المجال راح اكلمك وان شاء اذا وصلت لفل 10+ يتحسن وضعي وألفل بسرعه عشان نروح هرويكات ونلعب PVP ونفلها وننسى الايام الخوالي مع واو

طبعا اذا بكلمك بيكون بعد الساعه 9 الليل


ولد بطنها إللي فهمته من كلامك اني اذا غيرت المساعد ما اقدر ارجعه يعني بإختصار مايمديني ابدل بي المساعدين ؟ وكيف اعرف ان هذا المساعد تانك وهذا هيلر لاني انا محتاج مساعد تانك او دي بي اس << وهذا وانا توني ما طلعت المساعد ^_^


واخيرا الاستيت حق القير وش الزين لي.. إللي عرفته انا ان الـ willpower زين للـ سورسر بس الاشياء الثانيه ماني عارف وش غيره يفيدني وحاولت اقرأ عنها في تورهيد بس مالقيت شيء :\


واعذروني احس ان نشبت لكم اليومين هذي خخخـ

[Warchif]

انا الحين لفل 25 وتغير المساعد لواحد dps وصراحه خوش عليه دامج صح احسن من التانك ويذبح الموبات بسرعه وعجبني
المنطقه اللي اسمها تاتون زي كذا منطقه حلوه صحراويه مثل منطقة تناريس في واو
العروبه تلعب دور في حب الصحراء خخخخخخخخ

لوعة الفرقا المساعدين تقدر تبدل بينهم على كيفك وتقدر تخليهم يرفعون لك مهارة الكرافت وتقدر بعد تخلي المساعد اللي معك اذا تعبت الشنطه عندك يروح يبيع الأغراض ويرجع لك
واذا وصلت لفل 17 بتصير عندك سفينه فضائيه خاصه بك تتنقل فيها بالمجرات اخر حلاوه وتقدر تطورها وتركب عليها اسلحه لانه في كويستات تلعب بالسفينه وتحارب بالفضاء

انا اللعبه كل يوم تحمسني اكثر واحبها اكثر
وقاعد افكر الحين لو طلعت جيلد وار 2 وش بسوي

[Jeremie]

For guild invite
\ginv name

[لوعةالفرقا]

على شباب وش اس القلد تصدقون خشيت ولا ادري وش اسمه خخخخخـ

[BlackJack]

لاااااااا SKAW يلعب ستار وارز وفي سيرفري بعد , ويش هالصدف :) .. ضيفني عندك اذا تبي اي مساعده انا حاضر لفل 45 ازبطك :P اسمي بالقيم arurian

[Jeremie]

the name of the guild is


Galaxy Pirates

http://images.wikia.com/powerrangersfanfiction/images/1/10/Power_rangers_time_pirate.jpg

[Karazhan]

اليوم احد التلاميذ "خارج المنتدى" ارسلي رساله بالواتسب

تعرفون شنو واتسب ؟

هذا برنامج بالايفون

تعرفون شنو ايفون ؟

جهاز تلفون ذكي كأنه لابتوب زغير والواتسب تراسل الناس وتدز صور منه كله ابلاش

ان شاء الله لما تنزل قروض السكنيه تروحون تشترون ايفون او جالكسي او اي جهاز بدل اجهزتكم النوكيا ابو ليت

المهم دزلي موقع يقولي شوف وين وصلوا الشيعه وكاتب كلام بالرساله بنقلها حرفيها

--

فقط ضع اسمك و خدام الحسين في الحضره الحسينيه سيزورون عنك بالانابه - الزياره ستكون بواسطته احد خدام الامام الحسين عليه السلام , من نسل الرسول صلى الله عليه وآله . لا يسمح لك الا بأضافه اسم واحد فقط علشان جذي ارسلها لكل احبائك

www.imamhusain.org

ارسل هذا الموقع لمحبيك ومحبي محمد و آل محمد اللهم ارزقنا الاخلاص في القول والعمل

لاتنسونا من الدعاء
الرنامج خطير ورهيب الله يجازي اللي سواه
ويعطيه العافيه

-------------------


انتهى الاقتباس


الاهبل اللي قاعد ينشر الموقع مايدري ان هذا موقع بالانترنت مو برنامج

المهم

يقولك زياره بالانابه , مو حج بالانابه ولا عمره بالانابه , هالمره زياره و منو اللي يزور عنك ؟ واحد من نسل ال البيت , يعني مليون مشترك 10 ملايين مشترك 60 مليون مشترك شباب من نسل الحسين رضي الله عنه راح يزورون عنهم

يعني ماشبع السيستاني من بيع التراب للشيعه الان قام يزورون بالانابه للناس

طبعا هذا تخريف منهم ويقول اللهم ارزقنا الاخلاص بالقول والعمل , انا بعرف هل هذا عمل يستاهل الواحد يقول او يطلب من الله سبحانه ان يرزقه الاخلاص , سرقه اموال الناس و الكذب عليهم ويقول اخلاص بالقول والعمل

هذا غير شي يمكن ماتعرفونه عند الشيعه

ان اي شيعي اذا مات واهله اخذوه للمقبره يأتيهم معمم , طبعا المعممين تارسين المقابر هناك

ويقسمون بينهم وبين بعض , واللي عليه الدور يذهب الى اهل المتوفى ويقول اقرأ عليه "هدف مادي"

وبعد القراءه يأخذ المقسوم , طبعا اهل المتوفى يعرفون هالشي و مجهزين المبلغ مسبقا , يعني كأنه عرف عندهم

بعد مايرجعون البيت يذهب ثاني يوم الاب او الاخ الى السيد ويقوله , كان اخوي او ابوي "المتوفى" وكان مايصوم الا من صار عمره 30 سنه مثلا , يقول المعمم او السيد هذا احنا نصوم عنه السنين اللي مضت ما صامها

لو نقول ان حسبتهم للصيام من 10 سنوات , يطلع الناتج 20 سنه اللي ماصامهم , عاد يحدد مبلغ وقدره هذا المعمم لصيام السنين هذي , والمجنون اللي ذهب للمعمم يستفتيه يكاسر المعمم بخفض المبلغ الى ان يعطيه مثلا 2000 دينار مقابل صيامهم

يدفع ويرجع بيتهم قرير العين , طبعا المعمم ياخذ المبلغ و يحطه بحسابه وكأنه ما قابل شخص وطلب منه

وطبعا لهم مكاتب للأمور هذي بالعراق , غير الصلاة بعد , اذا قال ماكان يصلي فتره 30 سنه او 10 سنين او 100 سنه يقوله خلاص ادفع 5 الاف دينار و نصلي عنه و المتوفى راح يقابل علي كرم الله وجهه على الحوض مو طايفه فرض

المشكله ان الناس تصدقهم و تدفع

هذي المشكله


الحين زياره بالانابه وانا اقص ايدي اذا زاروا لأحد , الهم جمع الاموال لشتى الطرق لدعم الثوره الايرانيه والفقيه مالهم

لازم الدعم يكون عن طريق الافراد لأن الاموال اذا خرجت تكون عليها مراقبه خصوصا اذا كانت جميعه او منظمه او تنظيم , لذلك يستغلون مجاهيل الناس ويجمعون منهم الاموال بأسم الدين والحج والزياره والامور هذي عشان محد يكتشفهم او يقول هذي الاموال تذهب الى منظمات ارهابيه وغيره

انا مادري اذا في شيعي معانا هني , يمكن جيرمي او وورشيف او لوعه الفرقا لأنهم من القطيف يمكن او الحسا , لاتزعلون مني ياجماعه بس ابي تنوروني شوي لأني ودي اشترك وادفع عشان يزورون عني بس متردد اخاف يطلع موقع نصاب ويسرق فلوسي

ابي هل انتوا تعاملتوا معاهم وتدفعوا و زاروا عنكم او لأ , او تعرفون احد تعامل معاهم

اذا انت شيعي لاتستحي قول , ترى مافيها شي

[Warchif]

عطني 100 الف دينار وانا ازبط لك فلا بالجنه تشطيب فل دبلكس خخخخخخخخخخخخخخخخخخخخخخ

اقول خلك باللعبه ولا تشطح بعيد هذه الأمور معروفه وماهي بشئ جديد على مغفلي الشيعه

إلا أقول كم لفلك الحين
اشوفك مدرعم ماشاء الله وطلعت العشرين في 3 ايام

[Karazhan]

25 الحين ونص

وزهقت من البنت لو واحد تانك جان لفل 4000 الحين

[لوعةالفرقا]

يا هلا والله بـ Orkash وش ايامك تراني كم مره دخلت الفينت بس ما حصل نصيب وقابلتك بس كلمت ابوسعد وكم واحد من الشباب وقلت لهم يسلمولي عليك

وانا ترى من بعد ذاك اليوم ماعاد رجعت واو بصراحه طفشت من الروتين وعرفنا كل شيء في اللعبه عشان كذا بحثنا على بديل ^^

ويوم عطوني 7 ايام مجانيه دخلت لاحظت بعض التغييرات بس ماحمستني :)

المهم ماعلينا اليوم انا ان اشاء الله بضيفك في الفرند وادزلك وسبر لو كنت اون لاين تراني توني امس اول يوم ألعب وصلت لفل 7 ومسوي زحمه هههههه

اذا تبي تنظم معنا بالقيلد كلم jeremie كل الشباب حقين واو إللي هنا موجودين خخخخخـ

ترى السيرفر اسمه (كي-كان) << مدري هو كذا اولا
يمكن اشتبه عليك الاسم لان skaw اسم منطقة صغير ماحد يعرفها غيري انا وإللي عايشين فيها ههههههه

وياهلا فيك ونورتنا والله
عاد الحين تحمست زياده لستار وارز يا أنا ياذاك الموب إللي ذبحني 5 مرات وماوصلت هلثه النص ×_×


على العموم سلملي على الشباب حقين واو بالاخص زيلقادس my healmate بهذلني عنده انكريس الحظ 100% اي قطعه هيل اذا ما كانت ميل يفوز هو بالرول حتى يوم لعبنا كازنو الحظ ماشيء معه لوووول

وبالله الله لا يهينك دزلي معلومات الفينت ابي ادخل اسلم على الشعب ويمكن نحصلك لاني توني من كم يوم فرمت الجهاز ^^

[Karazhan]

السلام عليكم اخواني واخواتي

معلومه مهمه جدا

اسمي متعلق بالمنتدى مادري ليش , كل ما افتح السايت واكتب المنتدى اشوف مسجل دخولي وخالص

يعني اللي يشوف اسمي موجود لا يعتقد اني موجود 24 ساعه تقولون هذا ماعنده والي ولا شغل ولا مشغله الا المنتدى

المهم

انا توني دخلت وشفت واصلتني رساله فيها تهديد و وعيد بالضرب و التوقيف , اهو ماقال توقيف لكن اشم من رسالته ان السالفه فيها توقيف

يقول مو كافي تتكلم عن لعبه ستار وورز عندنا ولا تتمادى

يقول انا عرفتك وعرفت وين تقعد لأنك ذكرت اسماء اعرفهم مثل بندر الجبنه و ابراهيم جمبري و طماطه

(ياجماعه ترى صج عندي ربع هذي اساميهم مو قاعد اتغمشر , والله العظيم هذي اسمائهم الحمدلله والشكر)

المهم قالي بقاله صمد و حوطه ابو خليل , المهم هذا عرفني بالعربي

والظاهر ان شيش علي اخ ثاني وهددني بالتوقيف ومسح كم مشاركه ماودي اقول منو

عاد انا اقول اننا نسوي موضوع في قسم العاب الكمبيوتر ونخليه نفس القهوه هذي ونسولف بكل شي عن اللعبه , يعني مانسوي قسم خاص و مواضيع مثبته عن بعض الامور , لأننا مازلنا بالطريق وماندري الى متى نظل باللعبه

لذلك نسوي موضوع صغير على قدنا نشارك فيه عشان محد يجي ويقول ترى عفستوا القسم او ليش تتكلمون عن لعبه في قسم لعبه ثانيه

هناك محد يكلمنا لأننا في قسم العاب الكمبيوتر واللي يشمل كل الالعاب

واحد فيكم يكتب موضوع ويحط الرابط عشان ننتقل للدوانيه الجديده بلا تهديد و ضرب

اخر عمري انضرب
والله قهر

[لوعةالفرقا]

اناا اايد كلامك وبقوة بخصوص فتح موضوع في قسم ألعاب الكمبيوتر يخص بلعبة ستار وارز

لان حتى لو كنا لعيبه سابقين في واو مالنا حق نتناقش في لعبه غير واو في القسم هذا

لان موضوع القهوة لتغيير الجو حنا خليناه للعبه ثانيه مايصير ^^


وبما اني انا مؤيدك وبقوة وبما اني احس اني اكثر واحد فاضي على المنتدى لان بالدوام عندي نت .. راح افتح موضوع الآن واحاول اجمعلي كلمتين عن ستار وارز عشان مايقروشوني المراقبين هناك ونكمل السواليف هناك

برب بفتح موضوع واجي احط لكم الرابط :)

[لوعةالفرقا]

تم افتتاح موضوع خاص بلعب ستار وارز
http://www.montada2.com/showthread.php?t=730586&p=7303895#post7303895

عشان المنتدى محجوب انا استخدم الرابط montada2.com اسرع واسهل من اني اركب برامج بروكسي وحاله
يعني اتوقع لو شلت رقم 2 من الرابط عادي اذا ماكنت من السعوديه ^_^

ونشوفكم هناك وأي تعديلات على الموضوع ياليت تقترحونها علي


واهم شيء بصراحه احب اشكر الاخ warchif على جهوده ومساعدتي في انجاز المهمات وامتلاك المساعد comp
وماقصرت والله يالغالي وان شاء الله اردها لك ^_^

وبعد الاخ jeremie ماقصر وخلص لي المهمات حق اول دنجن بلاك تمب اتوقع اسمه كذا حق المركبه الفضائيه او مدري وش
المهم ماقصرت يالغالي وادري اني اتعبتك معي

والحمدلله بلغنا لفل 10 قريب 11 بفضل الله ثم جهودهم وتعاونهم


ولد بطنها مالك حس في اللعبه .؟ ترى راضي تساعدني بقولدات بس اهم شيء الدعم خخخخخـ

[Jeremie]

المنتدى URL وين بتلقى أحد يفتح لك موضوع ولا قسم ولا يشوف لك شي..... إلي يستخدم بروكسي والي يدخل ولا يقدر يعدل الموضوع إلي كتبه.

[لوعةالفرقا]

المنتدى URL وين بتلقى أحد يفتح لك موضوع ولا قسم ولا يشوف لك شي..... إلي يستخدم بروكسي والي يدخل ولا يقدر يعدل الموضوع إلي كتبه.

انا فتحت الموضوع بيني وبينك الحجب سوى ازمه في المنتدى ماكو احد صار يعني حتى لو في لعبيه يدورون على موضوع ماراح يجون هنا بسبب الحجب :\

[Jeremie]

شكراً جزيلاً لتحركك بالموضوع ولا تلوم ولد بطنها مشغول حدة يفرم علشان أشتري المونت..............

[Karazhan]

راح اكتب الرد على كلامك في القهوه الجديده

ههههههههههه

ووركرافت وقهوتها , شوف اقص ايدي اذا ما

او خلني ساكت واذكرك فيها بعدين


برب القهوه الجديده

[Yoshi]

خيانه بصراحه .. :33:

قهوهـ جديدهـ هاه

طيب مو مشكله .. لاكن لاشوف ولا واحد منكم موطوط ولا جاي تمشى بالقهوه حقكـ واو !!

كلكم برااااااااااااااا من غير مطرود :12::12:

الشرهه علي انا مخليكم تاخذون راحتكم فعلا ياليت اني سامع كلام

دريفور ومعطيكم باند كلياتكم < خخخخخ

لاكن هين هييييييييين انت وياهـ !! علاجكم عندي :biggthump

[Warchif]

سلالالالالالالالالالالالالام
جيت حبيت اطقطق شوي عليكم خخخخخخخ
شلون اللعبه وشفيه القسم نايم ؟؟؟
وين الشباب
فهد حبيبنا يوشي
وش اخبارك يالطيب ماعاد نشوف لكم حس
احنا مو خونه احنا امبراليه مناهضين لسيطرة واو على اللعيبه
خلاص طلعت اللعبه اللي تسحب سحب
سمعت انه بليزارد خسرت مايقارب 800 الف لاعب والعدد في ازدياد
الحين لقيت لعيبه من واو قدامى يلعبون ستارزوور
حتى سويفتي يلعبها الحين

[Karazhan]

ياولد لا تجمع علينا النوبات باللعبه

اذا تبي احد كلمه خاص قوله تعال معانا باللعبه و اترك ووركرافت و توب الى الله , انصحه بس مو تكتب بالعام وتجمعهم علينا

اقصد بالنوبات مو اللي مايعرفون يلعبون , اقصد اللي يدخل اللعبه ولما يوصل لفل 50 يدخل علينا بالموضوع الخاص بستار وورز واللي احنا مسوينا و بدأنا فيه من البدايه ويقول ياشباب عندي جيلد وانضموا معاي

ويعفس موضوعنا ويعفس الجيلد اللي مسوينه عشان شهواته الشيطانيه وعشان يضبط ربعه اللي معاه بنفس الدوانيه على حساب الشباب اللي بالمنتدى

ويحط شروط نفس اللي خبرك , لازم فنت لازم اشيفمنت , لازم مطلق او قاتل زوجته او عزوبي عشان يتفرغ 100% , ولازم ولازم ولازم

واهو تبحث خلفه تشوف كل العيوب فيه وان اكبر ملطشه باللعبه

لا تجمعهم انا ماصدقت ان النوبات اغلبهم الى الان مو مقتنعين في ستار وورز وهذا شي يفرحني

وان شاء الله نقضي على هالانواع من النوبات في جيلد وور


دز حق يوشي بالخاص وكل الشباب اللي تبيهم عشان ناخذ الناس اللي تعرف انها لعبه , لاتجيب ناس يشوفون اللعبه عالمهم الحقيقي

[لوعةالفرقا]

يوشي لا تستحي اشتر اللعبه وتوكل صدقني ماراح تندم !!

[Warchif]

وش اللي خليها بالسر ليه مخدرات هي خخخخخخخ
اذا هو مقتنع راح يلعبها بس شكله متردد او ماعجبته اللعبه من الأساس

بس اقول انه اللي لعب واو ماراح تكون ستارزوور غريبه عليه لانه حاجات كثيره في اللعبه تشبه واو واهم شئ الاستايل في اللعب + التحكم نفسه حق واو بإختلاف الشخصيات والحركات
الواحد يغير واللعبه مسليه

[Karazhan]

يوشي وده بس اللي موقفه شخصياته باللعبه

لفلات 85 و الجير طيب و اشيفمنت وهالسوالف , حرام يتركهم عشان لعبه جديده

هذا اللي موقف اغلب الناس

انا بالبدايه وقبل اشتري ستار وورز , كنت احرص حرص شديد على يوم الاربعا او مثل ما تسمونه بالمملكه الربوع شرايك تخلونه جربوع بعد انا ماادري من وين تطلعون هالاسماء

المهم

كنت احرص عليه , ليش ؟

سألتني ليش

سؤالك جميل وطرحك اجمل , و يعني سؤال وجيه بنفس الوقت و يتفتح عده محاور للنقاش

قلتلي ليش

لأن الله يسلمك انا اكبر نوب في ووركرافت , وكل ماادخل رايد من اول بوس يسوون تصويت للطرد و يطردوني

كنت ابكي ليل نهار , 8 سنوات عالحال هذا

بكاء وبكاء وبكاء الى ان جف الدمع , 8 سنوات دفيييع لبليزرد ولا اخذت حقي , لو اصرف على رقاصه كان مخليها الحين عضوه في مجلس الامه

شريت جولد و باور لفل واشتراكات شهريه ونقل وتغيير اسم , 70% من معاشي رايح عاللعبه

المهم

قلت ياولد الى متى هذا البكاء ؟

يعني وين راح اوصل , امسح دموعك و انتظر واصبر وصابر لأن الفتح قريب , راح ينزل باتش فيه LFR وراح تروح كل مكان

بصراحه واقولها بالفم المليان , لما نزل الباتش هذا فرحت فرح كبير , وقلت انحلت عقده الرايدات الحين , والحين اقدر اروح دراجون سول و البس جير نفس الناس , مو بس ادفع شهريا عشان اروح اشتري جولد واشتري جير من المزاد

الناس تدخل رايد وتسرق قطع وتعرضها بالمزاد ويستفيدون مني , مستفيدين روحه للرايد و مستفيدين الجولد اللي اشتريه

هذوله الناس اللي مبسوطين باللعبه مو انا وغيري النوبات اللي نشتري ونقعد في اورغمار نقزرها تصجيم او ندخل رايدات قديمه عشان قطع و نغير شكل الجير اللي عندنا السكه

كنا اخر الناس نلبس , الناس يروحون يلبسون وينزل جير جديد وياخذونه وينزل غيره وياخذونه واحنا مازلنا بأول جير

ليش يا بليزرد ؟

العاب الثانيه مافيها العبط اللي عندكم , تدفع فلوس تاخذ ماتدفع شوف لعبه مجانيه مثل سيلك رود العبها او ترافيان والشغلات اللي داخل اللعبه تشتريها بفلوس

تبي جير ادفع فلوس للشركه ويعطونك بشكل رسمي , تبي اي شي ادفع لكن الاشتراك الشهري مجاني

بليزرد انتوا تاخذون على كل شي فلوس و لما ادخل عشان اكون نفس الناس مااقدر , فتحتوا للناس اللي ماعندهم ربع باب يسيطرون على كل شي ويحطون شروط لكل شي

يعني مثلا كول اوف ديوتي لفل 1 تذبح لفل 50 بطلقه وحده , لأنها لعبه واقعيه رجل ماسك مسدس ويطلق عليك النار اكيد تموت , بليزرد لأ ماعندهم الشي هذا

لفل 1 مايتقارن بلفل 85 او خلنا نقول لفل 10

فجوه كبيره بين اللاعبين وبين كل كلاس وكلاس كل باتش ويزيد التعقيد و تزيد اللعبه انحدار

انا بعد ماشفت هذا واكثر وبعد ماشفت 13 شخصيه عندي كلهم الجير من دراجون سول وبعضهم لابس نص وبعضهم فل ومازلت ادخل عشان اللي ما اخذوا الجير كامل

قررت تركها بلا رجعه , مع اني ابي ادخل عشان باقي الشخصيات اللي ناقصهم الجير

من بدأ دراجون سول وانا ادخل بشخصياتي الوورير والديث نايت عندي 2 ديث نايت , عشان السيف من ديث ونق ولكن مايطيح قزرتها عليه 4 مرات بالاسبوع لأن عندي بالادن مو مهتم فيه لكن بعد ما ادخل 3 ومايطيح ادخل البالادن ولا يطيح بعد

وصارت السالفه عناد ما اطلع الا لما يطيح

والحين عله ما طاح ماني على منه بليزرد

تركتها بلا رجعه و الى هذي اللحظه مافكرت اني ادخل لو بس اشوف شخصياتي

من شفت ستار وورز مع اني كنت متردد فيها حالها حال ايون و غيرها من الالعاب , ولكن 8 سنوات والناس تشتغل فيها و اغلب العالم اتجهوا لها والكل يمدحها قلت بجرب واشوف مو خسران شي

بيني وبينك فكرت بال13 شخصيه حرام يروحون هدر , وفكرت بدراجون سول والتفريم عليه بالشخصيات كلها و الجولد والوظايف والمونتات

فكرت بكل شي وقلت ليش اروح واخليهم

بس رحت , ماني محسوب على بليزرد عشان اظل معاهم , ماعطوني حقي باللعبه عشان اقول ليش اروح للعبه جديده واخلي لعبه ماخذ حقي منها وزياده

يوم رحت والحمدلله اني رحت بعد تأنيب الضمير والتحسف على ال13 شخصيه , شفت اللعبه بالبدايه عاديه , المكان الاول مو متعود عليه وقلت لعبه عاديه

شفت الشخصيه انسان عادي واذا كان مو انسان يكون جسمه عادي مثل الانسان الا الوجه يختلف , يعني يلبس قناع ما تعرف ان كان انسان او نوع ثاني

شفت الحركات معقوله مافيها تعقيد و 20 الف حركه ماتدري تستخدم شنو وتخلي شنو

لعبت الى ان وصلت لفل 44 وباقي بار واحد و اصير 45 , كل لفل اكتشف شي جميل فيها , وكل ما اوصل مدينه اشوفها احلى من اللي قبل , وكل يوم يزيد حبي للعبه ويزيد كرهي لووركرافت و العنجهيه اللي كانوا يفرضونها علينا معشر النوبات

هذي اللعبه تقدر تستمتع فيها بروحك عكس ووركرافت , في كويستات اسمهم كلاس كويست ماتسويهم الا بروحك و تدخل مثل الدنجن تخلصهم فيه , عندك مركبه فضائيه تعدل فيها وتقويها وتروح تخلص مهمات بالفضاء , تشوفها ماتصدق تقول العب بلي ستيشن

الدنجن تروح كل مدينه فيها اكثر من دنجن والرايدات محد يسألك شنو جيرك او اشيفمنت او حتى اي لفل انت

ماكو تعقيد الحركات اللي استعملهم للهيل 3 والرابعه لها كول داون , والدمج 3 والرابعه كول داون , مو مليون حركه تتوهق فيهم

المساعدين يقومون بالوظائف بدل ماانت تضيع وقتك فيهم , ترسله يسوي كل شي وانت تقزرها باتل جراند او تخلص كويستات تقدر تخلصهم بدون المساعد

والمساعد يكون هيلر او تانك او ديبي اس , ماتطلب من احد يساعدك , كثر ما تعطي المساعد جير كثر ما صار اقوى , الهيلر الحين اللي معاي معطيها جير صارت افضل مني بالهيل

ياعمي شقولك بعد , لعبه كسرت سوق ووركرافت

وان لعبتها صدقني انك ماراح تتحسف عليها , وراح تنسى ووركرافت والمعاناه

الباتل جراند تدخل من لفل 10 الى 50 كلكم مع بعض , والكل نفس الهيلث ويتحمل بعد لفل 10 خصوصا ان كان تانك , اللي يفرق اهو الجير

يعني لفل 50 لابس جير pvp اهو يتحمل اكثر وماتقدر تدمج عليه الا القليل لكن صعبه تجيب كريتيكال واهو يجيب كريتيكال عليك ويدمج

انت خلنا نقول الهيلث عندك لفل 10 يكون 600 ولما تدخل الباتل جراند يصير 13 الف , حالك من حاله , الدمج عندك بره 200 وبالباتل جراند يصير الدمج 600 او اكثر , يعني حركاتك لو تحط عليها بالفاره تشوفها كأنك لفل 50

لكن الجير عندك تعبان واهو لفل 50 الجير مضبوط والحركات + زياده دمج من الجير + كريتيكال راح ياكلك , لكن تسوي شي مو نفس ووركرافت يفركونك بدون ماترفع راسك حتى

هني تسوي شغل ويمكن تذبح وتتحمل الضرب

الكلام يطول وانا اعتذر اني دخلت قسمكم وقعدت اكتب هالكلام

لكن حبيت انصحكم , واقولكم ان كل العالم انتقلوا , حتى شوف الناس اللي بالقسم واللي يكونون دايم هم هني ويتكلمون عن ووركرافت كلهم راحوا ستار

يااخي يكفي ملك اللعبه والمندوب راحوا , فما بالك بلوعه الفرقا و ميكافيلي و جيرمي و وورشيف و زيود انظم معانا امس وناطرين بوحا بس وتكمل السالفه

[Warchif]

سير ياملكنا وحنا وراك
ماشاء الله تبارك الله عليك يافهد ليت عندي نص اسلوبك في الحجي الفاضي هههههههه امزح
كلامك حلو
وكل اللي قلته صحيح وانا معك نفس معاناتك ونفس مشاكلك ماخلاني اكره Pve في واو الا الاشفمنت والناس الننجا والخايسه وهذا اللي خلاني اصير pvp لعب 24 ساعه وبرضه محيوس بسبب الاشفمنت والجير والخراط
ياخي تخيل حتى RBG يقول لازم ريتنج 1600 طيب يازفت انا توني جايب Full pvp جير الايبك من الهونور شلون اجيبلك الريتنج ابو 1600 سخافه والله
ناس غبيه في لعبه أغبى
والله لو ترجع ايام TBC نفس ماكانت اقسم بالله اول واحد يرجع
لكن ستارزوور الحين مكفيه
الاماكن ابداع وحلو نستنى الاماكن في واو
الشخصيات والحركات والجرافيك ممتع ويخليك تخش الجو
صحيح انها فضاء وخيال علمي لكن تحس فيها شئ جديد شئ مسلي يخليك تواصل اللعب فيها

اتمنى لو كان في اللعبه ترايل تجريبي عشان الشباب يجربون ولا يتوهقون لو ماعجبتهم لكن اللعبه جديده ولازم سنه على الاقل قبل مايصير الشئ هذا

عموما
فهد العجلان
لو حبيت تجرب اللعبه ابشر اعطيك الاشتراك وانت خش اللعبه
بس حمل اللعبه وارسلك الإشتراك طقق في اللعبه زي ماتبي
سوي لك كلاس جديد وجرب اللعبه إلين لفل 10 وشوف :)

تحياتي للكل

[Jeremie]

ياشباب مو كذا حرام عليكم..........................

يوشي أنت بس لما تشوف ماكو التايلندية 10000020% بتنسى واو وإلي سواها .. أنا بس مرت جنبي نسيت شكل ليش كنج بكبرة..

[Karazhan]

وورشيف انت قلت فضاء وخيال علمي

لكن من البدايه متقبل الشي و حتى بعض الشخصيات اشكالهم غريبه لكن تقبلتهم تدري ليش ؟

لأنك عارف ستار وورز وعارف انها عن الفضاء وشايف افلام او مقاطع يمكن وانت صغير عنها وعارف ان فضاء واشكال مخلوقات غريبه بكواكب ثانيه

من الستينات افلام ستار وورز وتقريبا كل العالم شاف افلام السلسله من افلام ستار وورز عشان جذي انت وانا والناس اللي دخلوا اللعبه تقبلوا الاشكال و الفكره من اول يوم

اما ووركرافت خربوطه , شخصيات ماتدري شلون تجمعت , بقر على اوادم على سحالي على قرده واقزام , من وين تجمعوا ماتدري , تشتري جير وتلبسه تشوفه مو لايق عليك كثر مايكون لايق على شخصيه معينه , مثلا تلبس جير ديث نايت على جنوم ماتشوف ملامح الجير

لكن تلبسه على ثور يصير واضح

الشخصيه المعقوله هيومن ولكن لا تشوفه واهو يركض بدون back و لابس بنطلون , شخصيات متفاوته بالشكل والطول و ماتركب مع بعض , يعني لو تقول من كواكب ثانيه معقوله لكن اللعبه مالها علاقه بالفضاء , مازالوا يركبون مونتات حصان و ذيب و مال البقر كودو , شلون وصلوا للأرض بالمونتات هذي

ان كانوا من الفضاء , شنو الكوكب مال البقر ؟ يعني كوكب كله بقر او في حيوانات ثانيه ولكن البقر اكتشفوا طريقه يروحون للأرض مع باقي الفاكشنات

يعني ماكو قصه معقوله تقول كيف تجمعوا في ازيروث

اما ستار وورز من اسمها حرب النجوم ومن الستينات واحنا نعرف انها عن النجوم والكواكب في المجره , وفوق هذا تدخل اللعبه تشوف كل شي يتكلم عن التكنلوجيا والفضاء والمجرات , يعني اسم على مسمى


فوق هذا كله جوده , من ناحيه المتعه والرسم والحركه , و لا فيها تعقيد بالحركات يعني لو تستخدم 3 حركات كافي , فوق هذا ماكو شي صعب الى الان , يعني تبي مونت مميز ادفع فلوس والفلوس سهله تجيبها , انا بس اخلص كويستات تقريبا عندي فوق ال500 الف ودافع بحدود 300 الف للمونتات

هذا وانا ما فرمت عالكريديت او استخدمت وظيفه او بوت , والمونت الغالي بمليون ونص ويقولون ان كنت vip تروح غرفه بالفليت خاصه تحصله بمليون عند البياع

بس يبيلي اعرف شلون اصير vip

لعبه سهله و محد يسألك انت جير او فاهم , ادخل باتل جراند حالك حال لفل 50 ولو انه يتحمل ويدمج لكن المتعه تحس فيها ماتقول شالمهزله من 140 الف الى 0 وانا ستن

ماكو هالخرابيط فيها , وان شاء الله ماتكون بعدين

خلنا نستانس فيها قبل مايصير شي يغير النظام , ادخل اليوتيوب وشوف افلام pvp لفلات 50 شلون يلعبون مع لفلات اقل وشلون يتحملون عكس اللي اقل

تحس بالمتعه ان كنت لفل 50 وتستانس ان شفت لفل 10 صج مايموت بس تاكله بالدمج واهو مايسويلك شي


خلني اشوف فتح السيرفر او لأ

[Warchif]

هذه ماكو التايوانيه بعد ماتعدل عليها بالكوستمز <-------- يسوي فيها إغراء لفهد ههههههههههههههههههههههه

http://tor.zamimg.com/torhead/uploads/screenshots/638.jpg

ولد بطنها انا ادري عن قصة ستارورز اصلا كنت متابع الأفلام كلها من يومني صغير وكنت احبها واتابعها
وسالفة البطل اللي كان جيدي نايت وتحول وصار دارث فادر بسبب قوى الظلام

الأفلام هذه لي معها ذكريات

بس اقول خف شوي على واو برضه هي حلوه او كانت حلوه ولنا ذكريات جميله فيها يعني لا تجحد بقوه هههههههههه

[Karazhan]

واو حلو لي لفل 70 , كل العيال يقولو كذا

المهم احنا ليش نتعب روحنا ؟ ترى كلها العاب

[Derover]

وين المراقب العزيز الحبيب المميز فلوتا ماله حس؟

لازم يرجع ويعطي بعض الناس باند لتعديهم على حرمات القسم

يوشي المسكين لعبوا بعقله وسووله mind control صار معاهم

يوشي طق Trinket !!

[Karazhan]

مايقدر

احنا صدناه واهو لابس جير pve مو لابس الترينكت

[Derover]

قالها بوحا يوماً ما ..

سيذكرني قومي إذا جد جدهم
وفي اليلة الظلماء يفتقد البدر

انتوا ما يعرفلكم إلا بوحا، محامي واو الأول ..

Cast summon BoOoOo7a/
ياويلكم انحاشوا انحاشوا ..

[Yoshi]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

[لوعةالفرقا]

من جد يا ولد بطنها استار وارز حلوه ورهيب وحطمت واو لكن هذا مايعني انك تتفلت على واو

الشيء الثاني إلى الآن ما اقدر احكم على ستار وارز لين اوصل لفل50 وشوف كيف الاوضاع كيف الريدات والهيروكات والاكشن هاوس ووو ..

وبعدين مين قالك ان اشكال واو مأخوذه من العدم على حسب مافهمته في كلامك لا ياخيو واو اشكالها من قصص واساطير معروفه ومشهورة حتى واحد خويي مطلع ومثقف وماله في القيم نهائيا يقول بعض اسماء الريسات إللي سمعها مني انها مسروقه من قصص معروفه !؟
وفي افلام فيها بعض الريسات في واو لأن اساسها قصص وأساطير

ولكن إلى الآن كلعبه ام ام او ار بي جي ستار وارز تفوقت في نقاط كثيره رغم بعض البقات

[Karazhan]

اي مالها معنى ولا تدري من وين جايبينها

رفيجك المطلع هذا قالت اسامي ريسات , على عيني وراسي

انا اقولك الشخصيات من وين مطلعينها , يعني تاورن من البقر , اورك من القرود , ترول من السحالي , و جن و انس واقزام , انا اللي اقوله ان هؤلاء جميعا من وين جايبينهم , ما اقول بعض الاسماء

اذا تبي الاسماء , اقولك مثلا هاريسون جونز , هذا هاريسون فورد بطل انديانا جونز , ماخذين اول اسم منه و اول ثاني اسم من سلسله افلامه

اظن باريس ميلتون يعني باريس هيلتون اكيد تعرفها ماكو عربجي مايعرفها , هم جايبينها

مثل مثلا اشارات على امور مخفيه مثل ما تعرف عليهم احد التلاميذ وكتب الرد في نفس الموضوع ولكن ماادري وين راح الموضوع , واللي يقصدون فيه هارون الرشيد

اترك عن الامور هذي , مو هذا اللي انا اقصده , انا اقصد شلون صار في بقر و قرود و جن و بشر و درايني وغيرهم في كوكب واحد , نص بنص هورد و الاينس اعداء , واثنينهم اعداء اللي بالدنجنات والرايدات

لو تدخل واو ويكي راح تشوف ان اللعبه مالها قصه اصلا

وان القصص طلعت بعدين , يعني تروح مثلا حق ثرال تشوف كاتبين بالواو ويكي قصه ثرال للكاتب فلان الفلاني , تدخل شخصيه مثل ارثس تشوف كاتب القصه غير عن اللي كتب قصه ثرال , تدخل غيرهم تشوف قصص مكتوبه لناس ثانيين

يعني كوكتيل السالفه , كل واحد كاتب قصه من كيفه

وانا قلت عن ستار وورز اشكالها غريبه لكن مألوفه لأن ستار وورز بدأت فيلم و العالم وانت شفت الافلام القديمه ويمكن الجديده من سلسله افلام ستار وورز , عشان جذي متعود تشوف الاشكال باللعبه , اما ووركرافت مخلوقات غريبه متجمعه في ازيروث

والمصيبه وانا قلتها من زمان , قلت ياجماعه ترى لعبه ووركرافت معكوسه , امش معاها من لفل 85 اخر بوس واللي اهو ديث ونق و انت نازل تحت , الى ارثس وبعدين كيل جايدن و ايليدن وانت نازل عاد

لأن كل البوسات ميتين بالوقت الحالي , ديث ونق ميت من زمان ترى لاتفكر ان كان مسجون وطلع الحين وقاعد تحاربه , الرجل مات وشبع موت

يعني سالفه مخربطه , تدخل واو ويكي يقولك ديث ونق زعيم ومادري شنو وحاطين الستات او مادري شنو تسمونه بس معناه مكان تواجده كاتبين غير معروف و الحاله حي يرزق

تدخل بعدين تشوف الحاله متوفى من زمان

ليش تلخبطوا ؟ لأن كل واحد يكتب قصه على كيفه

عرفت الحين , اللعبه معكوسه , يعني اي واحد فيكم يدخل اللعبه يحط براسه ان كل البوسات ميتين بالزمن الحالي , ويروح يباريهم بس عشان الناس تشوف ترى في بوس هني وله اهو ميت من مبطي

تبي بعد ؟ انا بقولك

انا مو قاعد اقارن ووركرافت في ستار وورز

انا اصلا مالعبت ستار وورز الا لأني ابي افتك من ووركرافت و اقزر فيها لغايه جيلد وور 2

هذا كل الموضوع , يعني تقولي شرايك في ستار وورز اقولك فاشله , ماعندي اي مشكله فيها وصلت لفل 50 بأقل وقت تقريبا اسبوع ويبيلي سنتين عشان اشتري جير البي في بي كامل , تبيني اقعد سنتين يعني ؟

هذا عيب باللعبه

انا ما اشوف جدامي الا جيلد وور 2 وبس

تدري ان الموسيقى في جيلد وور 2 مسويها اشهر موسيقار العاب بالعالم ؟

تدري ان اللي كاتب القصه في جيلد وور 2 شخص مع زوجته واثنينهم من مشاهير الكتاب بالعالم , واغلب كتبهم تكون مستوحاه من الخيال و تكون غالبها تصلح العاب , يعني رجل و زوجته كاتبين اللور لجيلد ور 2 كلها , مو 10 الاف كاتب كل واحد كاتب له قصه عن شخصيه معينه حتى فيران ستور وند كاتبين لهم هذا اللي ناقص بعد

جيلد وور 2 تعجر اي شركه انها تسوي نفسها بالوقت الحالي , 7 سنوات يشتغلون في لعبتهم , عندهم خبره سابقه في جيلد وور 1 واللي مازالت شغاله الى اليوم مع 5 ملايين لاعب

بايو وير اللي مسويه ستار وورز كانت تسوي العاب بس مو من النظام هذا , هذا النظام بدأت فيه سوفت اللي مسويه جيلد وور 1 والحين شغالين على جيلد وور 2 تحفه القرن الواحد والعشرون

انت لو تقعد عندي اجيبلك رفيجي اللي عروقه بالماي يسولفلك عنها تطق على راسك , شرط ان كل كلامك راح يكون "معقوله" "مستحيل" "احلف" "قل قسم"

من كثر انك مو مصدق كل هالامور في جيلد وور 2

تبي تسولف عنها رح قسم ستار وورز حاطلك فيلم للملك واهو يتكلم انجليزي وقاعد يسوي شخصيه ويلعب

الحين بحطه هناك الرابط

[Karazhan]

ازيدك من الشعر بيت

شوف تقييم جيم سبوت للعبه ووركرافت الكاتا هني

http://www.gamespot.com/world-of-warcraft-cataclysm/platform/pc/


وشوف تقييم جيم سبوت للعبه جيلد وور الجزء الاول واللي كان قبل ووركرافت كم

http://www.gamespot.com/guild-wars/platform/pc/


انت تخيل معاي , لعبه نزلت قبل ووركرافت , نزلت جزء واحد بس واخذت تقييم 9.2 من 10 وكاتبين ننصحك باللعبه

وتخيل لعبه نزلت بعد جيلد وور و شافت عيوب الالعاب الثانيه وعدلتهم في لعبتها و تطور اكسبانشن بعد الثاني الى ان وصلت الى اخر اكسبانشن واللي اهو الكاتا و الى اليوم يعدلون فيها وبالاخير تحصل على 8.5 من 10

بذمتك مو جيلد وور اثبتت جدارتها اللي الى اليوم لها شعبيه كبيره ومازالوا مستمرين فيها الناس عكس ووركرافت اللي كل يوم عدد لاعبينها ينقص


انت يمكن مو متخيل معاي

بعطيك دقيقه تفكر شوي اوكي , فكر على روائه

جيلد وور 1 اخذت الحين 9.2

ووركرافت بعد السنين الطويله من التعديلات اخذت 8.5

هذا مو كلامي , الروابط فوق من موقع جيم سبوت اشهر موقع متخصص بالالعاب

يعني انت تتوقع الشركه اللي صنعت جيلد وور 1 و قدرت تفرض لعبتها طول هذي السنين , 9.2 , طلعوا العاب واخذوا تقييم عالي وبعدين طاحوا , طلعت ووركرافت واخذت 9.5 وبعدين طاحت وطلعت العاب غيرهم و جيلد وور 1 مازالت ماسكه مكانها بدون اي زعزعه , 9.2

تتوقع هالشركه تسوي لعبه 8 سنوات عشان بعدين تطلع فاشله ؟

يعني يشتغلون بالجزء الثاني من زمان و معطين الالعاب الثانيه الخيط يستانسون بكم سنه , ووظفوا كل الامكانيات من موسيقى و قصه و كل شي عشان يطلعون بلعبه فاشله ؟ اذا الجزء الاول شوفه عينك مازال ماسك مكانه و ووركرافت طاحت صارت 8.5

بعد شنو تبي اكثر من هذا

[لوعةالفرقا]

انت فتحت 17 ألف موضوع على العموم انا عندي كم نقطة عشان ما ينخدع إللي يقرأ رد

الحين انت قلت ستار وارز ماخذين اشكالهم من فيلم طيب الفيلم من وين جايبين اشكالهم ......؟

كل الهرجه تأليف في تأليف اللهم ان هذا اساسها فيلم وهذيك قصص واساطير متفرقه !!؟


النقطة الثانيه الكتاب انا معاك كثرة الكتاب تشتت القصة ولكن حجم لعبة واو مايكفيها كاتب او كاتبين !!


النقطة الثالث والاهم التقاييم
رغم اني انا من النوع إللي مايهتم لتقاييم المواقع المهم اللعبه ومتعتها بالنسبة لي
انت جاي تقارن لي توسع (اكسبانشن) بلعبه كامله ؟؟
الاكسبانشن مجرد زيادات على جزء سابق وكلنا عارفين واو مامن جديد في كل اكسبانشن وغير كلنا نعرف ان الاكسبانشن مجرد اضافات على اللعبه الاساسية طبيعي ان تقييمها ينزل

ولكن تعال شوف تقييم world of warcraft classic إللي هي الاساس
تقييمها في قيم اسبوت << الموقع إللي انت فضلته
تقييمها 9.5
http://www.gamespot.com/world-of-warcraft/platform/pc/

طبعا 9.5 تقييم عالي جدا وصار نادرا نشوفه ^__^

[Karazhan]

نعم انا معاك وقلتها فوق ووركرافت جابت 9 ونص ولكن طاحت الحين صارت 8 ونص

وجيلد وور 1 مازالت ثابته في مكانها 9 واهي قديمه ترى ماصار عليها تطوير مثل ووركرافت , انت لو تذكر الشخصيات قبل تشوف اجسامهم مو متناسقه و تم تعديلهم بعدين و امور كثيره تم تحسينها , بالنهايه اخذت 8 ونص

كلنا حتى الغربيين يقولون افضل زمن مر على ووركرافت كان ايام لفل 70 اللي اهو بورنق كروزيد , هذا افضل شي وله قبله ايام لفل 60 كان نفس ستار وورز الحين كل شي صعب و يبيلك وقت عشان تاخذ الجير , خصوصا للناس اللي اول مره يلعبون مثل هذا النوع من الالعاب , اما انت وانا وغيرنا لما لعبنا ستار وورز كنا عارفين الطريقه

ماتعدلت ووركرافت الا بآخر باتش لها في لفل 60 , تقريبا على باتش naxx هني تغير الوضع و بعدها لفل 70 اللي كان لا يعلى عليه

هذا بأختصار

انا اكتشفت انك جاسوس كبير

[Karazhan]

شوف بقولك نصيحه وكل الاخوان بعد لهم هالنصيحه

وهذي الكلمات المعبره اللي راح اقولها مو مني , وانما من رفيجي اللي عروقه بالماي ملك اللعبه مغيره

قالها لي وانا ماصدقت , قالها ايام لفل 60 في ووركرافت والى الان كلامه صحيح


تدري شنو قال ؟ قال اي لعبه بالعالم مهما كانت جميله و قويه , اذا شفت فيها كلاسات معينه عندهم ميزه الاختفاء اعرف ان اللعبه فاشله

انا قلت معقوله الكلام هذا ؟ ووركرافت لعبه قويه و عندهم كلاسين يختفون درود و روج يعني ووركرافت فاشله ؟ قال مصيرها راح تفشل , لأن مهما كانت اللعبه قويه دام فيها ناس تختفي راح الكلاسات هذي تخرب اللعبه من اللاعبين نفسهم , يعني اللعبه قويه وكل شي لكن انت تقول اللعبه فاشله لأنك تتعرض لمشاكل بسبب الاختفاء

عندك مثلا ناس عندهم وورلوك ايام لفل 70 , احترفوا الpve و الpvp مايدخلون بالوورلوك لأن اكرهوا الباتل جراند بسبب الروجات , وهذي كانت مشكله كبيره الكل كان يعاني منها ايام لفل 70

انا الحين تذكرت كلامه في لعبه ستار وورز بعد , في كلاسات تختفي مثل ابو سيف دبل و القناص مادري شسمهم , خصوصا القناص هذا يختفي وعنده حركه يسدحك بالارض , طبعا لما يسدحك 50% من الطاقه طايره ويكمل عليك وانت طايح لين تموت

شوف اي لعبه فيها شخصيات تختفي اعرف انها فاشله


الا جيلد وور 2


يااخي هاللعبه مسكته , احاول انتقدها مو قادر , عندهم اختفاء بس بزمن معين يعني ماتقدر تختفي على طول اظن 20 ثانيه بس

[Derover]

يا جماعة ليدر القسم AFK

يلآ كلكم Votekick Karazhan

[Karazhan]

ابشرك قدمت استقاله من المنتدى


ماتشوفون شر جميعا

[zezoQ9]

خطير يا لوعة الفرقا (:
وبعين تمام كل الأجناس اللي في واو معروفة و تقريبا لا تخلو اي فانتازيا منها
وأشهرها لور اوف ذا رينقز
اغلب اجناس واو موجودة فيه

[لوعةالفرقا]

اكتشفت انك عبيط
او انك مافهمت كلامي في التقاييم

بالذات بعد ماقلت


وجيلد وور 1 مازالت ثابته في مكانها 9 واهي قديمه

يعني ودي اعرف تبيهم بعد سنه يرجعون يقييمون نفس اللعبه !! التقييم ينزلونه مره وحده أول ماتنزل اللعبه

وهذا إللي حاصل مع واو الاصدار الاساسي 9.5 وإلى الآن 9.5 << اكيد إلى الآن وإلى بكرة بعد

لكن الاكسبانشن يعتبر (تطوير) مايعتبر شيء جديد لازلت انت تلعب بنفس الكلاس ونفس كل شيء وإللي مخلي تقييمها الاكسبانشن اقل لانه هو نفس الروتين ريدات وبتل قرانك وكل شوي تير طبيعي ماتاخذ تقييم عالي لانه مافي تغيير شاسع بالاكسبانشن لانه بكل بساطه مبني على الاساس واو الكلاسك فمن الطبيعي ان مايكون هناك تغيير جذري يعني التقييم يمشي على الاساس إللي هو 9.5

يعني اشبهلك اياها مثل السيارة موديل 2004 وجاء عام 2010 وقعدت تضبط في السيارة جنوط وزينون وحركات وانواع الاضافات واي تضبيط جديد سويته << نفس الاكسبانشن

جيت تقارنها بسيارة ثانيه نفس النوع بس حق السنه يعني موديل 2010 << لعبة جديده

مهما سويت في 2004 راح يفضل الـ 2010 عليها :)

اتمنى ان الآن وصلت الفكره بشكل اكبر :\

وبعدين اذا انا جاسوس

انت عميل لدى قيلد وار ^^



مشكور زيزو على التعزيز وفي فيلم ثاني اسمه نارنيا 1 و2 بعض شخصيات واو منها ^____^
وانا اصلا اول مالعبة واو تذكرت لورد اوف ذا رينق :)