أي سؤال عن برنامج الابتعاث الجامعي CPP تفضل

حياك الله اخوي روين :) :

1- بالنسبه للدراسه في السعوديه زي ما قلتلك تعتمد على التخصص ورغبة الدائره الي انت عليها
يعني اذا الدائره ما عندها مانع تدرس بالسعوديه لك الحق انك تختارز
بس اذا رفضت ما لك إلا تجيب استثناء من مسؤولك بالدائره.

2- الجامعه الوحيده الي تبعث لها ارامكو هي جامعه البترول بس.

3- المكافأة الي تاخذها اذا درست في البترول هي 3500 .

4- اذا جلست في البترول تروح عنك السنه التحضيريه الاولى

5- بالنسبه للاختبار فهي مكون من 3 اجزاء سابقا ( قسم سرعه , قسم انجليزي ، قسم رياضيات )
بس حاليا على ما اعتقد انهم حذفوا السرعه وعوضوا عنها بدرجه القياس ( الانجليزي والرياضيات لهم نفس الاهميه والاثر على درجه الاختبار )
وهذا لنك ممكن يفيدك فيه الكتيب حق الاختبار.
https://www3.aramco.com/arabic/Prog_...05_booklet.PDF

بالنسبه لهندسه البترول والهندسه لكيميائية والله ما عندي معلومات دقيقه عنهم لكن تقدر تطلع على اي موقع جامعه وتعرف اكثر عن هالتخصصين.

وبالنسبه لرواتب المهندسين لما يتوضفون ما عندي معلومات دقيقه عنها لكن الي اعرفه انها بهالحدود.

تحياتي لك :ciao: ،،،

____________________________________________________________________________

حياك الله اخوي الزاحف :) :

البترول جامعه :D ( تتخرج منها وبعدين تقدم على وظيفه ).

cpp برنامج اعداد جامعي وبعد ما تخلص سنه فيه يبعثونك تكمل دراستك في جامعه ( داخل السعوديه او خارج السعوديه ) ( تتخرج من الجامعه وتتوظف في ارامكو ) .

تحياتي لك :ciao: ،،،

طيب هو في امكانية ان الواحد يدخل تخصص في الكمبيوتر طبعاً دراسة لغات في بداية دراسته الجامعية اذا كان متخرج من الثانوية بمعدل فوق التسعين علمي :)

الله يجزاك خير اخوي ويوفقك ويرجع لنا سالما غانماً علماً ومعرفة وأخلاق ويثبتك

اشكرك على سعة صدرك ...

طيب << قايل لك هالانسان قلق

انا ادري ثالث وش تنصحني اركز عليه هالسنة ؟؟؟؟؟؟؟ يعني شي تحسه بينفعني في السي بي سي

علما اني جبت 79 بالقياس شرايك ؟؟؟؟؟ اعيده وإلا كافي

اقتباس:

---

المشاركة الأصلية كتبت بواسطة رويـن

الله يجزاك خير اخوي ويوفقك ويرجع لنا سالما غانماً علماً ومعرفة وأخلاق ويثبتك

اشكرك على سعة صدرك ...

طيب << قايل لك هالانسان قلق

انا ادري ثالث وش تنصحني اركز عليه هالسنة ؟؟؟؟؟؟؟ يعني شي تحسه بينفعني في السي بي سي

علما اني جبت 79 بالقياس شرايك ؟؟؟؟؟ اعيده وإلا كافي

---

اخوي روين

نصيحتي تقول لك ركز على المواد العلمية وركز بشكل كبير على الانجليزي لأن بدونه مافي امل تدخل وانا لما اقول لك ركز مااقصد بها اهمل الباقي

و79 بالقياس وعلى حسب كلامك انت طالب بتروح ثالث انا اشوفها درجة ممتازة
لكن لاتقنع بأقل من 90 لأني مستواك راح يتحسن مع الوقت وبقى قدامك فرصتين
لاتفوتهم وحاول تجيب فوق 90 ولك مستقبل ان شاء الله

حياك الله اخوي Devil ONE :



ما ادري وش تقصد بالضبط ب ( في بدايه دراسته الجامعيه ) لكن البرنامج يشمل تخصصات علوم الحاسب وهندسة الكمبيوتر.



تحيااتي لك،،،

_______________________________________________________________



حياك الله اخوي روين:


ابو وضحى ما قصر بالنسبة للقياس ما راح يضرك شي اذا اخذته مرتين او ثلاث

بالنسبه للمواد الي تاخذها ارامكو بعين الاعتبار اذا جو يحسبون نسبه المواد العلميه هي

الرياضيات، حاسب آلي ، فيزياء ، جيلوجيا ، احياء ، كيمياء

واللي اعرفه انها ا تغيرت

موفق اخوي انشااء الله

،،، :ciao: تحياتي لك

الله يجزاكم خير جميعا ويوفقكم

ماقصرتوا والله

اخوكم ريان

طيب ما يقبلوا فيه بنات
خخخخخخخخخخخخخخخخخخ

لا والله اختي للاسف ما يقبلوون بنات :D :biggthump

حياك الله اخوي

انا سجلت في برنامج التدرج الوظيفي واختبرت في الظهران في 23 اغسطس بس ما أدري متى موعد النتايج وكيف اعرفها ...

;)

هلا والله اخوي صياد القلوب

والله لاسف ما اقدر اخدمك

لكن ارامكو عاده ترسل لك ايميل او يتصل عليك احد الموظفين في مكتب توظيف السعوديين

اذا انت موجود في الشرقيه او حولها رح لمكتب التوظيف واسئلهم <<<< قل قسم :D :D

ودي اساعدك اخوي بس والله ما عندي خلفيه

اقتباس:

---

المشاركة الأصلية كتبت بواسطة اغاريد

طيب ما يقبلوا فيه بنات
خخخخخخخخخخخخخخخخخخ

---

يا أخت أغاريد ,فيه بعثات للبنات بس عن طريق وزارة التعليم العالي

و هذا موقعهم http://www.mohe.gov.sa

طيب يا أخوي أنا عندي سؤال

ما الفرق بين

برنامج الابتعاث الجامعي لحديثي التخرج من الثانوية (CDPNE)
&
برنامج التدرج لخريجي الثانوية والدبلوم (APNE)

و أيهما أفضل ؟