سالفتي والدريول وصديقه في شهر رمضان وسرقتنا(ضمان لكم ان كل واحد بينقع من الضحك ادخلوا
<<<<<< داخل عرض بدون سلام
خلونا ندخل في السالفة
يوم من ايام رمضان السنة الي طافتانا كنت ساير بيت يدتي ( جدتي )
المهم سرت دخلت وسلمت عليهاوسلمت على الدريول (السائق)
بعد السلام يدتي قالت لي ابغيك تسرق لي حصى ويا الدريول <<<<<<< يدتي تحب سوالف السرقة
المهم عند بيت يدتي فيه بيت قيد البناء
ويدتي تبغي حصى ( حجر ) من البيت الي يبونونه
انا قلت لها اوكي المهم طلعت وقلت لدريول يلا انشوف شغلنا <<<<<<<< في رمضان وبعدهم يحبون السرقة
انا والدريول رحنا عند البيت الا اشوف الدريول ساير اييب لي ربيعه <<<< اتخيلوا انا المواطن والباقي هنود
سرنا نسوي عملية السرقةوكنا ثلاثه انا والدريول وربيع الدريول الهندي
ونحنا مثل الخبايل الساعة 1 يالسين نسرق وفرحانين ونوصل السرقة بيت يدتي
الي نسرقه حصى ( حجر بناء البيوت )
ونحنا كنا نوصل في العربانة مال الاسمنت والحجر
الا ربيع الدريول طاحت عليه الحصى واستوى نزيف ودم وحالته حاله
الدريول الغبي ركب الهندي على العربانه
انا قلت للدريول منودي الهندي العيادة الي في الفريج قال اوكي
ونحنا في الدرب نقلص الهندي وهو راكب على العربانة شفنا دريول جيران يدتي ياي في السيارة مالهم قلنا له وصلنا العيادة قال هذا خايس دم وبيخيس الموتر <<<<<<< الي كان ينزف كان ربيعه الوفي ونساه وقت الشدة
المهم ونحنا في الدرب قلنا للهندي الي ينزف اذا خبرت على عملية السرقة مانوديك العيادة ومنهدك منخليك اتموت
الهندي كان خايف يقول لنا ( لالالا مافي قول جلدي جلدي )
وصلنا العيادة انا قلت للدريول انت دخل الهندي وانا بيلس برع انتظركم قال اوكييلست انا اوني حزين <<<<<<<< الا بعد شوي اسمع يدتي تتصلي وحارقة التلفون علي
يدتي: الو الو الو وينكم انتوا اتأخرتوا
سوبر هنتر : والله نحنا صوب البقالة ( السوبر ماركت ) نشرب بارد <<<<<<< قصيت عليها
يدتي : زين ياوليدي اول ماتوصل ابغيك اتيب لي رمل ( تراب احمر ) <<<<<< نحنا وين ويدتي وين
سوبر هنتر " حاضرين على رأسي<<<<<<<<< جدته كان مسكرة الخط
( يدتي تحب تسكر الخط وماتقول باي ولا مع السلامه
المهم الا اشوف الدريول قال لي الحين الممرضة يالسة تكشف على الهندي الي ينزف دم <<< لاتفمون غلط
المهم بعد ماكشفت عليه قالت لنا هذا لازم تنقلونه بأسرع وقت الي المستشفى لان ريله خاست وخاس العظم
سوبر هنتر في قلبه يقول انا : السالفة استوت خطيرة لاحول لا اله الا الله
المهم انا ويا الدريول شلينا تكسي وركبنا الهندي وصلنا مستشفى كبير كان شهر رمضان والمستشفى كان متروس ناس
اول مانزلنا من التكسي العالم كانوا كلهم يشوفونا وانا كان ويهي احمر كانوا بنات في المستشفى
<<<<< الهندي رجله تنزف دم وانا افكر في سوالف الشباب <<<<< لاتفهمون غلط
المهم دخلنا قسم الحوادث <<<<<< كان فووول بنات وشباب وكان وجهي احمر
المهم انا دخلت اكلم الدكتور واقول له سالفة جذب :
الدكتور : شو بلاه هذا شو استوى فيه
سوبر هنتر : والله هذا ربيع الدريول كان يشتغل في بيت ينقل الحجر من مكان الى اخر وطاحت عليه الحصى
الدكتور : جزاك الله خير يابني <<<<< الدكتور كان مصري
سوبر هنتر : كل يوم تعال
ويلست اقول للدكتور باقي التفاصيل
بعد ماخلصنا قال لي كم رقمك انا عطيته رقم يدتي <<<<< مايخصني مشاكل
المهم انا والدريول بعدين طلعنا برع المستشفى
الدرويل : انا في سير سوق
سوبر هنتر : ياريال الحين الساعة 2 ونص وانت تبغي تسير السوق باجر يصير خير ولاتنسى نبغي نروح نتسحر << شهر رمضان
الا بعد شوي الربع يتصلون لي
خالد : الو الو وينك انت ياخي نترياك وين سرت
سوبر هنتر : والله استوت سالفة وياي وبقولك يوم بشوفك
خالد : اوكي رصيدي بيخلص يلا باي <<<<<<<<< بخيل
سوبر هنتر : اوكي باي <<<<<<<< مالحق يقول باي الا اتسكر التلفون
المهم انا والدريول خذينا تكسي ورحنا البيت
انا رحت بيتنا
والدريول سار بيت يدتي لانه السائق
الا بعد شوي يدتي حارقة التلفون علي
يدتي : وينكم انتوا هالكثر في الدكان ساعة كاملة
سوبر هنتر : ربيع الدريول طلع منه الدم وخلي السائق يقول لج السالفة
يدتي كان تتحرطم : الله يلعنهم يتصلون علي المستشفى مادري شو يبون مني وانا اسكر في ويهم
انا قلت لها : احسن خليهم يولون <<<<< يدتي تحب السب
المهم بعد كم يوم رحت بيت يدتي وقلت لها السالفة
انا بعدين مادري شو استوى في الهندي خليته يولي مافي شغل اسئل عنه<<<<
---
شورايكم في سالفة رمضان تراها سالفة حقيقة
اول مووضوع لي في الترفيهي
الي حب السالفة يصوت لي
انتظر ردود الجميع كل الي حب القصه يكتب اي شي اان في الانتظار
؟؟؟؟؟؟؟؟
رد: سالفتي والدريول وصديقه في شهر رمضان وسرقتنا(ضمان لكم ان كل واحد بينقع من الضحك ادخلوا
