لو غرفتك فيها كل هذا شنو يكون شعورك؟

[البيكهام هام]

والله كل اللي قلته حلو .... واايد

بس الصراحة انه عندي اقعد مع الربع ووناسة وضحك احسن اني محكوور بغرفتي والعب بس .. !!!

لان راح يجيلك يوم ... راح اتحس ان في شي ناقصك ... وتفكر واتطالع بغرفتك تقول كل شي عندي بس ليش ماني حاس بوناسه ؟؟


لمن تطلع مع ربعك وتستانس معاهم مثلا البحر او السينما وتضحكون على فيلم شفتوه والاكشن الرخيص اللي فيه ... هذه تسوى كنوز الدنيا


نصيحة :: لا تحكر نفسك بس بغرفتك ... لانني جربتها وشفت مامنها اي فايدة ... ولمن كسرت الروتين حسيت بالراحة والوناسة .... دايما اكسر روتينك اليومي يعني كل 3 اشهر

لايبا شنو احكر نفسي انا عندي ربع واطلع معاهم دايما بس اقولك اذا كنت بلعب العب بغرفتي وحتى مع ربعي العب معاهم اون لاين واكلمهم هذا الزمن زمن الاونلاين تلعب مع ربعك وتلعب مع ناس جدد يعني انا بغرفتي ولا كأني بغرفتي فهمت علي؟
وبالنسبه للسينما انا كل اسبوع لازم اروح للسينما واروح مجمع الرحاب مع ربعي يعني بسوالف الطلعات لاتخاف

اصلا ربعي الخاصيين مايجون عندي الديوانيه لانه ماياخذون راحتهم بسبب اخواني وربع اخواني عرفت

[البيكهام هام]

شدعوة كل 3 اشهر
كل اسبوع .. ولو يحصل لك كل يوم وترك او كل يوم ^^
انا شغلي كله بالدوانية

انا كل يوم اطلع اروح للنادي الصحي
والديوانيه انزلها كل يوم العب بالدوري الياباني عالبلاي2 دايما اكسر رؤوس اخواني وربع اخواني هم اسبانيين وايطاليين وانا وواحد انجليزيين عشان جذيه حاقدين علينا خصوصا لما نلعب انا والانجليزي بفريق ضدهم ندش دوره ثنائيات واكثر شي ناخذها لووووووووووول

همسه:راح ينتهي الجيل هذا مع نزول الدوري الياباني عالبلاي3 وكان منتهي بس رد للحياه بعد ماصكوني باند ب360 اللايف متعه اكثر

[البيكهام هام]

اخوي اذا انا غلطت حقك علي والسموحة منك يمكن تسرعت في الرد

واسف مره ثانيه

لا عادي لا تتأسف ولا شي حصل خير

[ballamco]

البيكهام هام:

الله يخليك ويفجيم ومايوريك الشر انشاء الله انا اشتغل بشلمرغير للتنقيب على النفط في الكويت وسنغافورا والولايات المتحده بتكساس اذا كان عندك شهاده دبلوم او بكلوريا في اي قطاع بالهندسه وبتقدير متياز الشركه نفسها ما طوفك لانها محتاجه والمعاش يا اخوي تراه مو هين بالنسبه للشغل الي تشتغله كد اهو بس المعاش والميزات ما هي قليله اناعندي دبلوم بالهندسه المدنيه ودرست هندست كمبيوتر في جامعة UCLA في لوس انجلوس وعمري احين 28 سنه انا مدير قطاع الكمبيوتر وملحقاته في سنغافورا والكويت اما في الولايات مستشار ثاني للتعبيد الطرق التنقيب والصراحه انصح اي واحد له في الهندسه يروح للشركه بدون لا يراجع نفسه لانهم يقبلون اي جنسيه في العالم المهم انك فاهم ودارس وتعطي بس الي اقوله انه شغل اربع وعشرين ساعه يعني عادي تضل اربع ايام مو نايم بس كل شي بسعره يعني معاش اول ما تتعين عندهم 5600 دولار اذا كنت دبلوم ولا بكالوريا او ماجستير او دكتوراه كلهم طقه وحده ) بس بعد الخبره والترقيات من جهدك طبعا كثر ما تعطي يعطونك وحقك ما يضيع انا تعينت قبل ثلاث سنوات الحين انا مدير بجهدي وكثر ما تعطي يوصلونك وكثر ما تنام يهدونك ممكن يوم من الايام يكون معاشي 20 الف دولار لانه ماشاء الله المعاش المدير دبل ونص معاش التعيين والله يوفقك واتمنا تكون احد ستاف شلمبر غير.

ZnT:

حبيبي يا اخوي ومشكور وبالنسبه للرسيفر صح كلامك مافي قنوات تشتغل على سقنل التش دي بس اهو موجود بالكويت عند وكيل الهيوماكس الي صوب محلات الستلايتات فيحولي الي صوب المطافي انتا اسأل عن الوكيل اهم يدلونك وحبيب مره ثانيه

7mood1:

حبيبي اخوي حموووود اي انا عندي كل هذا بس تبي الصراحه انا اشتري واخش ما العب وايد لانه شغلي ما خذكل وقتي والسفر بعد بس انا مو جود باللايف على الكسبوكس 360 والبلايستيشن 3 والوي على اسم (طبعا كلهم) mo ballam فاذا لاعب جيرز اوف وار او ويننج الف 2007 على ال360 اكيد لاعب معاي او شايفني و حبيب

والسلام ختام

اخوكم بلامكو

[البيكهام هام]

مشكور اخوي بالامكو والله يوفقك بشغلك قول امين

ياشباب توى جتني فكره انه اذا وصلي التلفزيون HD اشتريلي كيبورد ويرليس وماوس ويرليس واتصفح عن طريق المكان اللي العب فيه اللي هو قدام الشاشه بالقنفه ولا انتوا شرايكم؟محد قالي شلون تصفح الانترنت بالتلفزيون هذا؟

واذا عندكم اي اقتراح ناقصني وانا ماانتبهت له غير كل اللي قلته قولولي

[Snake-87]

واذا عندكم اي اقتراح ناقصني وانا ماانتبهت له غير كل اللي قلته قولولي

- نظارات للعيون
- أريكة إلي تنسدح وتتحرك وين ما تبي (متنقلة)
- قراءة المعوذات

[البيكهام هام]

8
8
ههههههههههههه

1-لاتخاف ماراح اقعد طول الوقت العب انا طبعي جذيه العب ساعتين او ثلاث ساعات واريح نص ساعه او ساعه يعني مااحتاج نظارات

2-ايه اكيد هذه هي القنفه مالت المكاتب عرفتها؟

[][-][Mr.ZeNoN][-][]

بيكهام

نصيحة لوجه الله أنتبه تشتري كيبورد وماوس وايرليس

أنا شريت وحدة وشوف بسبب الذبذبات اللي ترسلها وتستقبلها للجهاز سبب لي آلام عضلات

تراه خطر على صحتك

[البيكهام هام]

بيكهام

نصيحة لوجه الله أنتبه تشتري كيبورد وماوس وايرليس

أنا شريت وحدة وشوف بسبب الذبذبات اللي ترسلها وتستقبلها للجهاز سبب لي آلام عضلات

تراه خطر على صحتك

تسلم اخوي عالنصيحه

بس بسألك غريبه ليش يدة الاكس بوكس360 ويدة البلاي3 ماتسبب شي والكيبورد والماوس تسبب الام بالعضلات

[][-][Mr.ZeNoN][-][]

لان يد البليستيشن بلوتوث والبلوتوث ذبذباته مو قوية (يستخدم موجات الراديو)

والإكسبوكس إنفرارد وليس وايرلييس إذا ماخاب ظني (ياليت تصحيح من الشباب)

[Snake-87]

لان يد البليستيشن بلوتوث والبلوتوث ذبذباته مو قوية (يستخدم موجات الراديو)

البلي والاكس بلوتوث وماله شغل بموجات الراديو

والإكسبوكس إنفرارد

الأكس بوكس أيضا بلوتوث إذا ماخاب ظني ومتأكد 1000% انه مو إنفرارد
وكلمة (وايرلس) تعني لاسلكي . اي انه البلاي والاكس كلهم وايرلس ولكن الناس بالخليج مشت عليهم كلمة وايرلس انه IR (الاشعة تحت الحمراء) التي تستخدم بالريموت مال التلفزيون . وايضا يستخدمون كلمة الوايرلس ويقصدون فيها الـwi-fi طبعا كلهم وايرلس ولكن الإستخدام يفرق ^^

[q8pro]

ZnT:

حبيبي يا اخوي ومشكور وبالنسبه للرسيفر صح كلامك مافي قنوات تشتغل على سقنل التش دي بس اهو موجود بالكويت عند وكيل الهيوماكس الي صوب محلات الستلايتات فيحولي الي صوب المطافي انتا اسأل عن الوكيل اهم يدلونك وحبيب مره ثانيه



والسلام ختام

اخوكم بلامكو

السلام عليكم

اليوم انا كنت بحولي
وسألت عن الجهاز
لقيته سعره 150
بس يقولي ماراح تحس بالفرق
اذا القنوات ماتدعم HD
انت شنو رايك
تحس فيه فرق على القنوات العاديه
يعني اخذه ولا
ومشكور على سعة صدر

[Lord of Angel]

كل شيء قلتى مبقى الى تتحكم بلقمر صناعي علشان تضرب اي واحد يسرقك ههههههه

ما شاء الله هذه غرفة الأحلام

ومشكووووووووور على الموضوع

[البيكهام هام]

كل شيء قلتى مبقى الى تتحكم بلقمر صناعي علشان تضرب اي واحد يسرقك ههههههه

ما شاء الله هذه غرفة الأحلام

ومشكووووووووور على الموضوع

هههههههههههه حلوه منك خلاص مابقى الا الاكسسوارات بالنسبه للويي عندي كل اكسسواراتها وريموت الاكس بوكس360مامنه فايده الريموت ويبيله بعدين سكان الاكس بوكس360 وننطر اي اكسسوار ينزل للبلاي3 عشان ننقض عليه

انا خربتها خلاااااااااااااص بمتع نفسي عالاخر مع الجيل الجديد من الاجهزه

[البيكهام هام]

ونسيت اضيف بعد كل وايرات الhd للثلاث اجهزه موجوده عندي بس ناطر التلفزيون يوصل عشان اوظفهم قولوا ماشاءالله