السلام عليكم و رحمة الله و بركاته
نبذة اليوم عن مسلسل فاجأني بقصته الجديدة, اسلوبه, و نوعية المشاعر اللي يحملها.
المسلسل جديد و من انتاج 2007.
من الصورة و القصة اللي تم عرضهم في موضوع الاخت Sakura.A.S انشديت للأنيمي بس ما حصلت وقت أنزله. من بعد ما سافرت اليابان جفت وايد ملصقات و دعايات للمسلسل بالاضافة طبعا لمسلسلات مثل كلايمور, نانوها, روز اوف فيرسايز الفيلم, بوكيمون و ناروتو. قررت انزله اول ما ارجع, و فعلا من الحلقة الحلقة الأولى المسلسل كان ممتاز و اتوقعت انه مستواه ينزل, على العكس, فاجؤوني بأفكارهم و قصص الشخصيات و اللي فعلا اتخلي الواحد يتفاعل معاهم بقوة.
الخلاصة اني قررت أسوي نبذة سريعة عنه لأنه فعلا يستاهل.
BOKURANO
الاسم: Bokurano
النوع: خيال, خيال علمي, (و من متابعتي درامي)
سنة الانتاج: 2007
الشركة المنتجة: GONZO!!
و استغربت صراحة لانه عندهم مسلسل روميو و جولييت القوي, و كون عندهم مسلسل قوي ثاني بمستوى الاول و يمكن افظل شي غريب (و خصوصا انه مسلسلهم الثاني كازي نو ستيجما ما كان بالمستوى المطلوب).
و المسلسل قوي من كل النواحي, القصة, الرسم و الاصوات و الالحان و الشخصيات.
.
.
القصة:
القصة تتكلم عن خمسة عشر طفلا من البنات و الاولاد من مدارس مختلفة يقضون العطلة الصيفية في مخيم صيفي. في يوم عادي يدخلون كهف محلي على ساحل المدينة اللي عايشيين فيها بهدف الاستكشاف. طبعا اتوقعوا الكهف يكوون صغير لكن اتسغربوا كون انه كبير و يتوغل للداخل. المهم, استمروا بالتوغل الين ما وصلوا تجويف فيه كمبيوترات و طبعا استغربوا. دخل عليهم ريال يشبه العالم و قال انه بيعلمهم لعبة:
15 مخلوق بيهاجمون الأرض, و هم بيدافعون عنها من خلال ادارتهم للآلة.
طبعا معظم اليهال استانسوا و فرحوا.
بدا اليوم الأول و ظهرت آلة شريرة بتدمر مدينتهم , فدخلوا الآلة اللي بيستخدمونها, و راواهم العالم كيفية ادارة الآلة عن طريق التفكير, و هزم لهم الوحش الأول.
بعدها اختارت الآلة او الروبوت اسم الطيار او القائد اللي راح يستخدمها المرة الياية. و تبدأ القصة. . .
طبعا ممكن حد يقول شو الحلو بالقصة, انا اقولكم. الصدمة الأولى, بعد استخدام الولد الأول للآلة, راح يموت!! طبعا هذا راح انعرفه من الحلقة الثانية. فاتوقعت انا انه المسلسل راح يكون عبارة عن قصص مصطنعة او عن حياة اليهال و كيف راح يواجهون الموت. حتى مجريات الأحداث اتوقعتها اتكون على نفس المنوال. لكن اللي فاجأني انه جميع قصص اليهال كانت اتبين كأنه حقيقية و مش محاولة فاشلة من الكاتب انه يخلينا نتفاعل مع الأطفال و قصصهم, حتى مضمون القصص كان قوي نوعا ما و ذكرني نوعا ما بنوعية العلاقات اللي جفناها بجانجيتسو.
الخلاصة, المسلسل أعتبره أحد أقوى المسلسلات اللي جفتها, فكرة و قصة. ممكن البعض يشبهه بinfinite ryvuis او neo ranga بس المسلسل جدا مختلف و غالب عليه طابع الدراما أكثر.
.
.
لمشاهدة أغنية البداية:
لمشاهدة أغنية النهاية:
الأولى
الثانية
.
.
.
أخيرا, أتمنى أني ما طولت عليكم بالنبذة و اسمحولنا لانه الموضوع مش flashy و فيه حركات و بانرز. و ان شاء انجوف بالمستقبل حد يكتب عن هذا المسلسل الجميل و يعطيه حقه.
و أختم بموقع التنزيل
و السلام عليكم و رحمة الله و بركاته
رد مع اقتباس
"
