السلام عليكم
أخي
OctoBot :
السبب, بسيط. كل ما نبني شارع ما نفكر كيف ممكن يخدمنا لمدة 50 سنة, نفكر هل يوجد احتمال أن يخدمنا الآن لو ضغطناه شوي؟, كل الشوارع ضيقة و مكسرة, لأنها تفكير الآن.
ايه والله إنك صادق
40% من سكان السعودية تحت سن الـ12, و لمن يوصلون سن 17 أو 18 نصهم بيصير يسوق (النص الذكر, و الله أعلم عن الإناث ما ندري إيش يخبي المستقبل, و عدد منهم بيجيب سواقين), فاللي يدور عالطريق المختصر بيلاقي الزحمة في وجهه -بكل المعاني الممكنة للجملة-.
معظم الشباب لما يوصلون الثاناوية يصير عندهم سيارات ، أما الإناث عندهم السواق ، والسواق عبارة عن سائق يقود تحت أمر المرآة ، يعني كأنها هي تسوق بس عن بعد.
الحل هو المواصلات العامة, نبغى باصات كفاية, و لازم نبدأ البنية التحتية للقطارات (مو لازم قطار تحت أرضي, مثلا صعبة في جدة و الشرقية لأن الأرض غير مناسبة, لكن ممكن القطار العالي اللي ينبني مرتفع شوي) قبل ما تبدأ تتعقد الأمور و يصير مستحيل (هو شبه مستحيل أصلا).
بس ياخي أنا عندي سؤال : خل نقول لو حطينا باصات ونظامها ممتاز يعني لو الواحد يبي يروح مشوار يقدر يستخدمها ، هل الناس بيستخدومنها ؟ ولا ليس بيعتمدون على سياراتهم ؟
لأن لا تنسى السيارة أريح بألف مرة وتكون تحت تحكمك انت. أنا عن نفسي لو دعت الحاجة بستخدم الباص وما عندي أي مشكلة.
بالنسبة للقطارات ، من زمااان وهم قايلون أنهم مسوين دراسة عن هالموضوع ( مدري متى بدت هالدراسة ومدري اذا انتهت) ، وسمعت أنا أقول عن إنه بيكون فوق الأرض. اذا أمداهم يسوون هالشي، هذا بيكون حل ممتاز للزحمة ، وبيكون عامل في تخفيف عدد السيارات في الشوارع ، وكذا يمديهم يشتغلون على الأنفاق والجسور.
غلط تقول الزحمة في مدينة معينة أو مفرق معين, أتوقع خلال 20 إلى 30 سنة الوضع بيصير ما له حل, بيصير التنقل بواسطة السيارات مستحيل, بيصير ما فيه فايدة للباصات لأن الشوارع مسكرة أصلا, و يصير عمران المدن يخلي بناء قطارات مستحيل, يعني بنعيش أصعب من نيويورك و طوكيو, لأن عندنا زحمة و ما عندنا قطارات و لا عندنا باصات.
يعني.. ما أدري.. إيش ممكن يكون فيه نتائج زيادة من انعدام المواصلات داخل المدن؟.
لا أنا داري إنه كل الرياض زحمة ، أنا بس طرحت بعض الأمثلة المشهورة.
ياخي خوفتني ، تقول بنصير زي tokyo أو new york ، أعووذ بالله
الله يعينا بس
أخي
ماسنيسا :
هذا الي ما حبه أنا ، الاعتماد على الغرب
أخي
Black Box :
إذا كانت الشوارع محفرة ومكسرة وما تتصلح إلا إذا بتمر شخصية كبيرة على هالشارع.. هذا إيش يدل ؟! ما فيه أمانة .. الشعب يروحون بحريقه أهم شيء الشخصيات الكبيرة ما تحس بمعاناة الشعب ويشوفون الواقع كما هو ..
المشكلة إن الشعب هم أكثر ناس استخداما للشوارع
نعود للموضوع 
, الحلول كثيرة.. بس قبلها لابد يكون فيه إخلاص للوطن ورغبة حقيقية في خدمة المواطنين من قبل المسؤولين عن تنظيم وهندسة الشوارع + ما تكون فيه واسطة بمثل هالوظائف + يكونون أصحاب هالمناصب عندهم كفاءة تؤهلهم لتنظيم الشوارع.. ومو كل من عنده شهادة هندسة يعني انه مهندس..
هذا شي حنا المواطنين العاديين ما نقدر نسويه في شي، الفساد إداري يبيله إصلاح بشكل كبير ، بس ما يمدينا نسوي شي
الشيء الثاني أنه الشعب السعودي لازم يعود نفسه على المشي.. والدراجات الهوائية (السياكل) , عندنا الواحد ما يطلع رخصة إلا والسيارة عنده.. والسيارة يستخدمها الشعب حتى لأبسط الأمور , فيه ناس المسجد خطوتين قدام بيتهم ويروحون له بسيارة 
هذي مشكلة ثانية بعد ، اذا كان الأمر يتطلب إرادة وتطوع من الشعب نفسه ، انسى...
الواحد من أول ما ينولد في السعودية عنده شغالة تسوي له كل شي وسواق يجيبله كل شي ، كيف ما تبيه يصير عجاز أو كسول ؟
بالنسبة للسيكل ، أظن قصدك بس داخل الحواري ، لأن في الشوارع الرئيسية ما يمديك.
< ===== الله يسهل عليك يا د.فصيل 
خبروهم انه ما معي وقت 
