السلام عليكم
الله يعطيك العافيه اخوي ناصر
والله يعطيك على قد نيتك شيء حلو منك
ودي اتكلم عن هالموضوع شوي وبما انك فتحته ان شاء الله بتستفيد منه انت وباقي الاخوه
قبل امس
جابوا واحد مادري ايش منصبه بالصحه
كان يتكلم من قلب
تمنيت ان كل الناس تشوفه
من ضمن الكلام الي قاله
ان نسبه المدخنين بالسعوديه وصلت اربع ملايين
اوك شايفين العدد ؟!!!
هذا العدد الي بالاحصائيه بس
مليون ونصف منهم رح يصابوا بالسرطان
الدوله ماراح تتحمل تكاليف علاجهم
وعلى كلام الرجال مافي دوله رح تتحمل هالكم الهائل
وقال عن علاج حلو بصراحه اول مره اسمع عنه
عندهم جهاز حق مكافحة التدخين
يرسل موجات تخليك تكره السجاير
يقول مالقينا اقبال عليه ابدا !
للاسف ماعرف اذا كان الكلام صحيح او لا من ناحيه نوعيه السجاير الي للعرب اسوء من الي للغرب
مو شرط تكون حمله يهوديه او انتقاميه مثل مايقول البعض
يمكن يكون طمع التجار عندنا مثل ماهو معروف
خذ مثال عليها الببسي الماده مضره عالمياً بس شوف السكر وغيره الي ينحط "خربان" هنا في السعوديه
واتوقع نفس الشيء بالسجاير برضو الماده بتكون مضره عالميا ومعروف ان الماده تجي لنا من بره
اما هنا تعبئة + بعض الامور البسيطه
تلقاها اسوء مايكون بسبب طمع التجار عندنا
فيزيدون الطين بله
الحمدلله احنا بشر ونعرف نميز بين الصح والخطاء
وانت محظوظ ياخوي
وبرضو باقي المدخنين الي لسى على بر الامان محظوظين
السرطان الله يكفيكم شره
مايعرف صغير ولا كبير
جدي الله يرحمه ويغفر له توفى بسرطان بسبب التدخين
من يوم مادرى ان فيه سرطان ترك التدخين بدون علاج وبدون لصقات نكوتين وبدون اقناع بس ايش بعده ؟
ندم على الساعه الي عرف فيها الدخان
ندم وترك وبكى بس اذا فات الفوت ماينفع الصوت
صح انه قضاء وقدر ولكن
لاتلقوا بأيديكم الى التهلكه
ويكفيه الندم الي عاش فيه الى اخر يوم بحياته الله يرحمه
لو سألته اول هل تتوقع انك بتموت بالسرطان بسبب التدخين ؟
اكيد جوابه بيكون الرفض والأنكار
الله يرحمه ويغفر له ويسكنه فسيح جناته ..
ولاتنسون كمان رجل مالبارو الاول اتوقع اسمه بوب
كان يعرض عن السجاير وكاو بوي وفتوه
بالأخير مات بالشيء الي كان يعرض عنه
وتغيرت دعايته الى
بوب لقد اصبت بالسرطان !
اكيد تذكرونها ..
وبث احتضاره حول العالم
للعضه والعبره
من
الى
وسوري على الاطاله ..
