واحد من الشباب في "وظيفتي الجديدة"
< المباركون يدخلون من الباب الي وراء و الشامتون يتفضلون من المدخل الرئيسي =)
هاي فايف شباب وطس اب؟ إفري ثنق از جوود؟
يسلم عليكم واحد من الشباب و يقل لكم سهرة الويكند الجاي عنده ، يبي يسوي سيليبريشن يوم يجيب بي بلص بالأنجليش
و تراه بجيب دينر على حسابه و الدرينك عليكم، بس لاحد يجي تو ليت الله يخليكم، نبيها سهرة صباحي و نبي السلبريشن يكون شيء!تيك كير جايز. سي يو ليتر.
مع تحيات واحد من الشباب
تحذير حكومي: السالفة يبي لها جلسه، الي مستعجل أو المود عنده ضارب يجينا بكره ما بنقول لا
أول 10 ردود لهم ترشيح و الي يبي فلوس لا يرد لأن ما عندنا تغطية
لقيت نفسي فاضي منذو كم شهر خلال هالسنة المباركة و قلت خلينا نستفيد مادام قدامنا أربع شهور بلا مشاغل..
نعوض خسائر و نسجل سمستر بدون ما نعيش حياة تقشف و تطلع ريحتنا.
و بما أني مو ناوي أصير شغالة عند أبوي شهرين متواصلين يوم يدفع الأقساط زي كل مرة
و بما أن المبلغ الجاي يعادل ثلث ثروتي قررت أتلاحق عمري و أشوف لي وظيفة ثانوية أو حتى إبتدائية و أدبر عمري فيها.
فكرت ثم فكرت و لقيتني متنح و مو طالع معاي شيء، قلت نستشر و ماخاب من استشار
رحت عند واحد من الشباب سألت: وش رايك في عاطل عن العمل و فلوسه طايحة بالأسهم و مولاقي ياكل؟
قال: رأيي يا أنه سعودي يا انه فرنسي
قلت: سعودي و عرفنا ليش بس فرنسي شكو؟
قال: ايه انا قايل... من يوم ما استلمهم سوكريه "يعني ساركوزي بالمكسيكي" و هم رايحين وطي و هذا وجهي
اجل فيه رئيس يلعب برجلينه زي العيال عالمراجيح ! هذا و هو بإجتماع مغلق بعد!
قلت: الحين هو اجتماع مغلق انت وشلون وصلت؟
قال: ايه الي كان مستضيفه واحد من الشباب، بيننا معرفة و هو قال لي! حتى شف الصورة بجريدة يوم ذاك اليوم إذا منت مصدقني.
<<<<ياأخي اللغة العربية تستغيث من بداية هالموضوع.. ارحمها
قلت: ايه زين.. هو سعودي مو فرنسي عموماً، وش عندك من أفكار تطلعه من ضائقته المالية؟
قال: والله إقتصاد العالم كله طايح لذلك أقترح أن يلاقي له حفرةن واسعة يتمدد فيها لين الله يكتبها.
قلت: وش هي الي لين الله يكتبها؟
قال: منيته!
وجع!
كان بيدي آيس تي أشتهيت اصكه بوجه بس استخسرت... حرام شاري الصندوق ب 46 ريال!
يا اني مو صاحي.... وشلون طاوعتني نفسي و اشتريته مدري.. كان باقي لي هلل بعد و مارجعوه عيال الذين!بس عطوني علك نوفا نعناع هدية مجانية مع الشروة
مسوين سياسة نذلة، يحط لك السعر و جمبه كم هللة و ياخذ البقيه عليك و تالي الليل يروح شاري فيهم سندويتش و بيبسي هو و خوياه < يعني عشى علي حسابي أنا و أشكالي
المهم اني مشيت عن ذا المنتهي و رحت استشير جماعة النت.
دورت منتدى بيزنس و عرضت القضية، جات وحدة حاطه صورة خوية بطل سلسلة أفلام ماتريكس و هي لابس النظارة و ملامحها متجهمة
ودي احط صورتها بس الحكومة مشددة علينا هاليومين و أنا الضرائب كاسره ظهري.. مابي اروح فيها مؤبد
أنا من شفتها قلت بس! هذي عندها الحل! تجيبه يعني تجيبه!
طلعت مخ بيزنس هندي ما شاء الله عليها! عطتني لسته من هنا لباب البيت كلها اعمال حرة تحر الحسود
من لستة الأعمال الحرة بضم الجيم -"ولا نزعل اللغة"- عجبتني فكرة:
مدرس خصوصي خخخخخخخ لايقة علي بدلة و كم كتاب و نظارة طبية لزوم الوظيفة
أم مخ هندي كاتبتها بشكل مغري يعني توافق عليها و كأن أرامكو الي تكلمك مو حي الله شي
"راحة بال و عمل مختصر و في مكان مريح و بلا تعرض لتغيرات الطقس المباشرة: مدرس خصوصي و الحساب بالساعة"
ايوا... يعني إذا الي تدرسه صطل تروح تمط الوقت معاه و تاخذ إضافي
و هو أكيد بيكون صطل لأن الشطار ما يبون مساعدة صديق و في أسوء الأحوال بيقرون كتب و يمشون أمورهم
بس جماعتنا و الي رزقنا جاي من وراهم يعجبونك! ما يفتحون كتاب ولا يحركون ساكن،
تدخل و تطلع من عندهم و فمهم مفتوح من و إلى و عيونهم مسنتره و ماتدري إلى أي عالم واصلين
رحت نزلت عرض أن فيه مدرس خصوصي للمراحل الدراسية الإبتدائية، المتوسطة، الثانوية و الجامعية
المواد المتاحة: لغة أنجليزية، لغة عربية، رياضيات، حاسب. <<< قلت هذول عليهم طلب اكيد بيجي رزق.
للحجز دق على 059******* << الحكومة مانعه الترقيم و كلنا فداء للوطن والي يبي يتهاوش يجيني بعد الدوام بالساحة الي وراء و بيده رجل دجاجة
و طبعاً ذيلت الإعلان بالعبارة السحرية "خدمة متميزة بأسعار مغرية!"
و لصقت هالإعلان على ابواب المدارس و الجامعات و علقت صورتي و كتبت تحتها Wanted
يوم... أثنين.... ثلاثة.... محد سأل.. قلت هذي لو فيها خير كان حطوها بطلة فيلم .. عاطينها مساعد بطل اكيد ما منها فايدة...
اجل حد يقترح وظيفة "مدرس خصوصي" خلصت الوظايف ولا خلصت الوظايف؟؟
المهم اني نسيت الموضوع و مضت ايام مدري كم عددها و ذات يوم دق هاتفي النقال ابو شريحة زين عالم جميل، رديت: مرحبا ً.
رد علي واحد من الشباب: السلام عليكم، اقول يا بو! ه انت تعطي دروس عنجليزي لمرحلة اول جامعة ابتدائي؟
سألت مستوضحاً: سنة أولى جامعة؟؟
قال: هيه هيه هذي الي أنت قلتها
طقيت أصبع! قلت: ايوا وصلت خير، تحب نتفق؟ <<
قال: شف انا عندي اخو ميح بالعنجلش، و ابغى تعلمه أ ب ت بس بالعنجليزي و خروفي خروفي بالياباني إذا يمدي بعد
ابيه يصير يتكلم زي اوباما و كوندليزا رايس خلال شهر!
قلت: اوباما مره وحده! بس هو تماشيه هيلاري هاليومين.. وراء تبي كوندليزا؟؟؟
قال: هيييه انا ضد العنصرية لأني و ادافع عن حقوق المرأة العربية الوسطى.
قلت: اها أنت من الحزب الديموقراطي
ايه مو مشكلة بس نتفق عالمكان و الزمان و مايصير خاطرك إلا طيب.
قال: كل يوم من 3-5 المساء و ابيك تشد عليه و ابي اشوف نتايج ترى عنده واجبات و كويزات و مسائل حساب كثيرة.
قلت: خلاص مو مشكلة بس على طاري الحساب أنا حسابي بالساعةو باخذ باليومية
قال: الي تبي بنعطيك بس ابي هالهيس يصير دفره شرواك .
ابشر.
اتفقنا على كل شيء و جيت من أول يوم مزبط عمري و لابس مثل ما تقدم وصفه سابقاً، أنظر الكتاب ص 1.
تعرف الواحد لازم يلفق حتى بالسيرة الذاتية عشان يعيش
دقيت الباب فتح لي واحد من الشباب اشك ان طوله مترين او مترين و نص
يعني أنا حسيت بأني واقف جنب عمارة طابقين و فيها جهاز الصواعق و مهبط طائرات مروحية
جلست اناظر... قلت: انتو... متفقين معاي... ان ... اعطي ولدكم... المحروس.. دروس..
قاطعني و هو يبتسم، قال: ايه اخوي.. تفضل حنا جهزنا غرفة لكم..
حمدت ربي ان هذا مو الي بدرسه كنت مجهز خطة للهرب و راسمها على جسمي للطوارئ بس الحمدلله ما احتجتها
قبل لا ادخل الغرفة جاء عندي واحد من الشباب معتدل القامة (أهم شيء) و وجهه مبتسم و اللبس مدري شلون (كأنه رايح الكورنيش أو يب يطب في بركة) شورت عريض و فانيلا بألوان الطيف بس دقتها عالية .. لو تطفي النور تولع
قال: ماي نيو تيتشر! هاي تيتشر! هاو ار يا؟
رديت: و عليكم السلام ، الحمدلله .. كيفك؟
رد علي: ام كووول!
ناظرني اخوه و قال: شفت هو عنده خلفية باللغة بس يبي له كم درس.. ياللا بخليكم.
أول ما جلست قال لي: هاه تيتشر؟ نبدأ على طول ولا على عرض ها ها هااااااي حلوة حلوة
ابتسمت.. قلت: ياللا نبدأ، ارجيني كتابك. << مسوي جاد ينقال ابترك إنطباع حسن
صرت اتصفح الكتاب... كويس المنهج تافه يمدينا نتكسب.. هو شكله عنده إقبال عالمادة يعني ما بتعب معاه.. و ..
قاطع حبل افكاري الثمينة قائلاً: تيتشر انت كم عمرك؟ شكلك مره يووونج!
أنا: اه احم... أنا شكلي يعطيني عمر صغير لا تدقق......... لا يجيك بكص يغير ملامح وجهك..
قال: هاو اولد ار يو طيب؟؟ تل ميي!
رديت: يعني لازم.... طيب كم تعطيني؟
قال: اصغر مني.. 20 - 22 سنة مي بي!
قلت: اوف.. مره صغير... لا أنا فوق 32 سنة
قال: وااااو!! ايمبوسيبل! شكلك مره يوونج!!!! يونج ولا يانج ها ها هااااااي حلوة حلوة
قلت: خلينا في الدرس.. ببدأ معك بالضمائر بعدها بنبدأ نكون جمل ، اوكي؟
قال: جمل و لا عنز ها ها هااااااي حلوة حلوة
قلت: اها........ اقول ..اقول المفروض اكلمك انجليزي بس بقيس مستواك و بعدين بشوف ايش يناسبك، خلاص؟
قال: هع سبيك انجلش عادي .. كول وذ مي، كول ولا هت ها ها هااااااي حلوة حلوة
الزبدة أني توهقت مع مخفه .
المهم رحت أشرح له أول درس و أندمجت و صرت ماخذ على حالي و جالس أشرح من قلب
و أنا مسترسل في الموضوع و أفحط وإلا الأخ متبطح عالكنبة و متكي و يناظرني و كأن في وجهي شيء غلط!
سألته: ايش فيه؟ تعبت؟؟ تحب ننهي درس اليوم؟؟
قال: نو نو! بليز كمل شرح!
قلت: طيب اجلس صح.. كذه ما بقدر أركز..
قال: كذه افهم عليك أكثر، زي لما اتابع موفيز! اجلس كذه و اندمج معاهم! ات از كوول! جرب تيتشر جرب تشرح و انت نايم.. كووول ثينج!
قلت: لا مشكور أحب أسولف صاحي،، امري لله... بحاول اتقبل هالجلسة لان شكلك مو ناوي تعدلها<<< ياعمي محتاج الفلوس وش اسوي اتهاوش معه يعني
كملنا أول جلسة على خير و أستلمت المقسوم
من فرحتي رحت عبيت خزان السيارة فل و شريت ست علب آيس تي ليمون
البقية بعد الفاصل، ما بنطول زي ام بي زفت
سو، دونت بانيك يعني لا تخافون
يمديك أنا قبل كم يوم كان عمري 32 سنة وش المشكلة 
بارزني يا ابن الملوح 
و ذا الوجه لا آخذ ليلى منك غصب عن خشمك يا ابن الذين! 
بحلقت عيوني من هول ما سمعت حتى كاد حلجي أن ينشق!: زهيد!!! ليش كم ياخذون عيال الذين؟؟؟ 
شو جابك عالترفيهي؟ 
المشاركة الأصلية كتبت بواسطة LongJohnSilver
