ساعدوني وكسبو فيني اجر انا ضايع ومحتار

[قطري1986]

السلام عليكم

تحية طيبه وبعد

يعطيكم العافية كلكم ياشباب

واشكر القائمين على هالموقع واسال

الله الاستفادة من الموقع

معاكم اخوكم التعيس جاسم

حلم حياتي اضبط جسمي

وسجلت باكثر من نادي

وجربت كذا رجيم وونزلت انزل كيلو كيلوين وارجع

عمري 23 وزني 76 طولي 174

فصيلة دمي o+

نسبة الدهون بجسمي 25%

`
هذي صورت جسمي

مثل ماتشوفون

اول مشكلة عندي الدهون مجمعه مثل

الحزام حوين البطن والخصر اليمين

اصغر من اليسار

ودهون اسفل البطن

وعلى الصدر

وجوانب الفخذ

حلم حياتي يصير جسمي نفس هصورة

( تمت الازالة من قبل المشرف العام )

انا يومين امشيء

مشيء سريع من

8 الى 10 كيلو

انا متامل خير فيكم

تساعدوني وتحطون لي

برنامج غذائي وتمارين

حتى اوصل للحلمي

مثل ماتشفون فتنس بدي

يعني مش تنفيخ

جرب كم جم بقطر وللاسف

دون فايده وكل يقولي كلام

وصرت ضايع

وجربت اكثر من منتدى

يقلولي اقل سلطة واجري

فياليت تحققون حلمي

وتكسبون فيني الاجر

وللعلم انا انسان اردتي قويه

وان شاء الله بالارادة يتححق المستحيل

وهل في امل يصير نفس الجسم

ولا تنصحوني بعملية جراحية وشفط وشد

وانا مارجح هالاختيار

ياليت تساعدوني

واعرف املي بعد الله فيكم

اخوكم جاسم

[عاشق لياقه]

سبحان الله نفس مشكلتي انا حطيت موضوعي قبلك بساعه ومنتظر الرد

بالتوفيق لك

[قطري1986]

ولك ان شاء الله الشباب فيهم خير ومراح يقصرون معانا

[FinalFantasy9]

وعليكم السلام ورحمة الله وبركاته ..

هلا اخوي جاسم ..

بالنسبة للمشي الي قاعد تسويه فهذا جيد لان جسمك بيكون جاهز للتمرين بشكل افضل من اي شخص اخر دخل مجال رفع الاثقال بدون لياقة تذكر .. وايضاً ينشط الدورة الدموية ويقوي جهاز التنفس .. بس الركض يحرق الدهون ويرفع اللياقة الجسمانية ولكن فايدته محدوده لو كان قصدك نفخ الجسم وكمال الاجسام ..

بالنسبة للدهون الي تتكلم عنها .. انا ما اقدر اشوف الصور لان سرفر الدوام يغلق الصور بالردود .. ولكن ممكن اتخيل :] ..

لاتهتم لتراكم الدهون في الاماكن الطبيعيه كثير ولاتكون همك الرئيسي .. لان مثل ما انت قلت اتوقع ممكن تكون طبيعيه .. فمع الاكل الصحي والتمرين "المتواصل بإلتزام" راح تنزل النسبة بشكل طبيعي ! ..

بعطيك نبذه عن الي حصلي وممكن تكون دافع لك .. انا دخلت الجيم في نصف 2007 وكنت اتمرن في نادي الجولد جيم في الهلال اكيد تعرفه .. وكانت نسبة الدهون عندي كبيرة وبنفس النسبة الي عندك مع ان وزني كان 53 تقريباً فقط بالرغم من طولي الي هو 173 . . ولكن بعد سنة من العمل المتواصل والتركيز صار وزني فوق الـ 70 ونسبة الدهون بين 7% الى 10% وماتزيد عن ذلك وكل هذا بعد اتباع تعليمات المدرب واصحاب الخبرة من النادي نفسه :] ..

ركز على التمرين بالجسم بالكامل وابني عضلاتك ولكن تأكد ان بعد كل تمرين ان تمشي وتجري على التريدميل او الاجهزة الاخرى الخاصة بالحرق لمدة 15-30 دقيقة وقبل التمرين سخن 10 دقايق مشي خفيف .. الا في يوم الرجل لا تجري لان ممكن تصيدك اصابة .. ووزع تمارين البطن على الاسبوع بالكامل بشكل متساوي لانها مهمه لتقوية الظهر والضغط على البطن واظهار العضلات فيه .

انا ماني محترف تمرين ولكن ولله الحمد في يوم من الايام وصلت لجسم ماكنت اتوقع اوصله وفي سنة ونصف فقط وحبيت اسرد الي اعرفه :] .. ولكن للاسف وقفت التمرين والعضلات خفت شوي ولكن الى الان ظاهره بشكل واضح وبإذن الله قريباً برجع مع النادي الجديد في منطقتي .. بالتوفيق واتمنى لو كلامي يعطيك ولو شوية امل :] .

[قطري1986]

مرحبااااااااااا اخوي تسلم فديت على مرورك الكريم

والله كلامك يرفع المعنويات والله

انا المشكلة جربت اروح 4 نوادي الجم الي بنادي القولف والقولدن جم وفندق الموفنبك
والشاطي ولكن للاسف مافي فايدة غير التنفيخ ويزدون حم الشحم عندي وبروتين ووزاد وزني

واحس هاي الي دمر جسمي انا ابي فتنس بدي عضلات خفيفة واحرق كل الدهون الي بصدري

وبطني وحولين خصري واطراف فخذي مع العلم ان اطرافي ضعيفة

وتسلم لي على المعلومات ويعطيك العافية

بس مازل سؤال هل ممكن اوصل لي هذا الجسم ام مستحيل

وكم المدة المحتاجها وماهو النظام الغذائي المناسب وتمارين

وحاب اعتدم على نفسي

[FinalFantasy9]

انا المشكلة جربت اروح 4 نوادي الجم الي بنادي القولف والقولدن جم وفندق الموفنبك
والشاطي

ليش كل مره تغير النادي ؟ .. لان واضح انك جربت اندية كثيرة وبعيدة عن بعضها واشوف هالتصرف ان فيه نوع من التملل من التمرين او عدم راحة للتمرين بشكل عام .. لان شخصياً انا ما غيرت النادي ابداً وكنت مرتاح جداً في الجولدن جيم لان فيها مدربين كثر وكلهم مهتمين بالمتدربين بشكل كبير وخصوصاً لو تتعرف عليهم وتسولف معاهم شوي بتلاقيهم يمشون معاك من اول ماتدخل لين خروجك من النادي ..

ولكن للاسف مافي فايدة غير التنفيخ ويزدون حم الشحم عندي وبروتين ووزاد وزني

ليش تاخذ بروتينات في هالفترة دام ماودك تزيد .. خل عنك البروتينات او اقتصد في تناولها اللحين، وركز على التنشيف شوي وتأكد ان مهما زاد وزنك ان بالمقابل نقص الدهن لان وزنك قريب من الوزن الطبيعي لطولك فمافي مشكلة .. فلو كسبت كيلو فأكيد خسرت دهون وكسبت عضل ..

لازم ماتستسلم بسهولة ترى التمرين محتاج طول بال وراحة نفسيه .

واحس هاي الي دمر جسمي انا ابي فتنس بدي عضلات خفيفة واحرق كل الدهون الي بصدري

دهون الصدر ماعندي خبرة كبيرة فيها لان ما واجهتني مثل هالمشكلة لان بالسابق صدري كان شبه معدوم وحالياً هو كتلة عظل بدون دهون حسب ما الاحظ .. باقي الاخوان بيفيدونك ان شاء الله بالنسبة للامور الثانية .

ولاتنسى تسوي بحث في قسم اللياقة حول المواضيع الي تكلم فيها الاعضاء عن دهون الصدر .

[اللورد الأحمر]

ان شاء الله تحقق مرادك وبالعزيمة والاصرار كل شىء يصير....تحياتي اللورد الأحمر

[قطري1986]

ليش كل مره تغير النادي ؟ .. لان واضح انك جربت اندية كثيرة وبعيدة عن بعضها واشوف هالتصرف ان فيه نوع من التملل من التمرين او عدم راحة للتمرين بشكل عام .. لان شخصياً انا ما غيرت النادي ابداً وكنت مرتاح جداً في الجولدن جيم لان فيها مدربين كثر وكلهم مهتمين بالمتدربين بشكل كبير وخصوصاً لو تتعرف عليهم وتسولف معاهم شوي بتلاقيهم يمشون معاك من اول ماتدخل لين خروجك من النادي ..

ليش تاخذ بروتينات في هالفترة دام ماودك تزيد .. خل عنك البروتينات او اقتصد في تناولها اللحين، وركز على التنشيف شوي وتأكد ان مهما زاد وزنك ان بالمقابل نقص الدهن لان وزنك قريب من الوزن الطبيعي لطولك فمافي مشكلة .. فلو كسبت كيلو فأكيد خسرت دهون وكسبت عضل ..

لازم ماتستسلم بسهولة ترى التمرين محتاج طول بال وراحة نفسيه .

دهون الصدر ماعندي خبرة كبيرة فيها لان ما واجهتني مثل هالمشكلة لان بالسابق صدري كان شبه معدوم وحالياً هو كتلة عظل بدون دهون حسب ما الاحظ .. باقي الاخوان بيفيدونك ان شاء الله بالنسبة للامور الثانية .

ولاتنسى تسوي بحث في قسم اللياقة حول المواضيع الي تكلم فيها الاعضاء عن دهون الصدر .

تسلم لي ياخوي وكلامك على عيني وراسي وبحطة بعين الاعتبرا وتسلم لي

بس بسالك قولدن جيم للحين فاتح سمعت من بعض الشباب انه سكروه

[قطري1986]

ان شاء الله تحقق مرادك وبالعزيمة والاصرار كل شىء يصير....تحياتي اللورد الأحمر

تسلم فديتك على تشجيعك "وبالاراد تحصل المعجزات"

[FinalFantasy9]

تسلم لي ياخوي وكلامك على عيني وراسي وبحطة بعين الاعتبرا وتسلم لي

بس بسالك قولدن جيم للحين فاتح سمعت من بعض الشباب انه سكروه

الجيم تصكر من شهر 5 تقريباً للاسف .. ولكن في نادي جديد للماسة بيتم افتتاحة قريباً في الروضة (الثمامة) بجانب محلات رامز ..

بالنسبة لما حدث في الموضوع .. يعذرني الاخوان لو شفت شي مخالف كنت بتدخل مباشرة ولكن ما اقدر اشوف الصور في الدوام وانا دخلت الموضوع من المكتب وذكرت هالشي بردي بالاعلى يوم كتبت (بالنسبة للدهون الي تتكلم عنها .. انا ما اقدر اشوف الصور لان سرفر الدوام يغلق الصور بالردود .. ولكن ممكن اتخيل) .

بالتوفيق .