اذا دشيت نادي شنو اركز باللعب وشنو الجدول اسويه

[بندر الهاجري]

السلام عليكم



اخواني الاعضاء والمدربين خاصة ارجوا منكم ان تساعدوني وترد علي موضوعي لاني محتاجكم جدا


انا مقبل علي زواج بعد شهرين وابي ادش نادي حديد والسبب ان وزني الان هو 75 وطولي 172 وعندي كرش ولياقة صفر وتعرفون مجهود المتزوج يبي مجهود كبير


وانا اهني ابيكم تساعدوني

اولا اذا دشيت نادي شنو اركز باللعب وشنو الجدول اسويه وهل العب سويدي يوميا مع الحديد

ثانيا ابي تمارين تقوي الرجل من ناحيه الظهر وقدرة تساعده علي قيام بواجبات الحياة الزوجية بوناسه وثقة

وثانيا شنو اكل مكملات غذائية او شيء ثاني


وتكفون ابي مساعدة

ويقدر يعطني جدول اوكون شاكر لك وما تقصروا يااااخواني
بالعلم جسمي مترهل وليس شاد ولياقة صفر ونسبة الدهون حوالي 23 بالمية

وشنو افضل استخدم اذا دخلت نادي امينو او بروتين واي وياليت تقولي لي افضل منتجات الضخامة الجسم لاني شكلي نحيف وليس عريض البنيه

[أبو حـنفي]

أول شي مبرووووكـ ألف ألف مبروووكـ عقبال عندي ان شاء الله
اذا دخلت نادي راح تلعب شامل لمدة 3 اسابيع أو شهر يعني ماتستخدم فيها أي مكملات اهم شي تعتمد على تغذيتكـ وتكون 5-6 وجبات وقليلة الفات وبعد ماتنتهي من الشامل تبدأ في المكلات
انا اشوف الوقت ضيق
لكن انصحكـ بالسباحه راح تقسم جسمكـ ويطلع على كيفكـ

وراح يفيدونكـ الشباب أكثر

بالتوفيق لنا ولكـ

[بندر الهاجري]

مشكلة مااااعرف اتسبح والله


وابي نصائح السويدي بعد

[ابو مهاا]

انا انصحك دام فتره شهرين صعبه تبني فيها ,, مستحيل
وانت تبيها لياقه وتقوي الاعصاب والارجل عليك بالمشي نص ساعه وراها سويدي حصه كامل راح تحس بألم بس لا توقف خلها 6 ايام بالاسبوع ويوم راحه وطبعا بعد كل اسبوع تزيد 5 دقايق مثال اول اسبوع 30 الثاني 35 الثالث 40 الرابع 45 وتستمر عاد عليها لي الشهر الثاني خل الحديد بعدين ان شاء الله
وسولك رجيم مضبوط في مواضيع للأخوان بخصوص شهر رمضان واستغل هل فرصه عشان تشيل الكريشه لانها وزن من الجسم وراح تحس بخفه وفرق ان شاء الله واخير وليس اخر مبروك ان شاء الله وعسى الله يوفقك بزواجك ودنياك واخرتك اللهم امين

[THE CAST]

السلام عليكم

وعليكم السلام ورحمة الله وبركاته

اخواني الاعضاء والمدربين خاصة ارجوا منكم ان تساعدوني وترد علي موضوعي لاني محتاجكم جدا
انا مقبل علي زواج بعد شهرين وابي ادش نادي حديد والسبب ان وزني الان هو 75 وطولي 172 وعندي كرش ولياقة صفر وتعرفون مجهود المتزوج يبي مجهود كبير
مبروك
وانا اهني ابيكم تساعدوني
اولا اذا دشيت نادي شنو اركز باللعب وشنو الجدول اسويه وهل العب سويدي يوميا مع الحديد
ثانيا ابي تمارين تقوي الرجل من ناحيه الظهر وقدرة تساعده علي قيام بواجبات الحياة الزوجية بوناسه وثقة
اولا العب شامل لمدة شهر تقريبا
لكن قبل لاتدخل للتمارين مارس الكارديو لمدة 45 دقيقه
(دقيقه مشي ثم دقيقتين مشي سريع ثم دقيقه هروله ثم دقيقه جري )
وثانيا شنو اكل مكملات غذائية او شيء ثاني
المكملات خليها بعد شهر من دخولك للنادي
حاليا ركز على غذائك والافضل تقسمه ل5 او 6 وجبات يوميا
وابتعد عن الدهون والسكريات والغازيات ...واهتم بالاسماك والدجاج وبياض البيض
والسلطات و العسل على الريق(ملعقة فقط)
وتكفون ابي مساعدة
ويقدر يعطني جدول اوكون شاكر لك وما تقصروا يااااخواني
بالعلم جسمي مترهل وليس شاد ولياقة صفر ونسبة الدهون حوالي 23 بالمية

وشنو افضل استخدم اذا دخلت نادي امينو او بروتين واي وياليت تقولي لي افضل منتجات الضخامة الجسم لاني شكلي نحيف وليس عريض البنيه

الضخامه خليها لوقتها الان خسس وشد جسمك الاول
ولاتنسى تهتم بتمارين القطنية مهم للظهر

ولاتنسى تراجع قوانين القسم حتى لايغلق موضوعك

بالتوفيق

[يوسف404]

اول شهر ألعب لياقه

ثاني شهر العب حديد وشيل الذي تقدر عليه

واهم شئ اترك التدخين نهائيا اذا كنت مدخن لانه سبب المصايب (مشاكل جنسيه)

ومبروووووووووك

[بندر الهاجري]

اشكركم جميعا علي الردود وماقصرتوا يا اخواني



والله يبارك فيكم يارب

[بندر الهاجري]

للرفع الي عنده نصائح لا يبخل علينا