88-----129 كيلو ارائكم وتعليقاتكم تهمني !!

[كاره نفسسي]

السلام عليكم ورحمه الله وبركاته

كيف الحال ياخواني



اول شىء انا عضو جديد بينكم وهذه اول مشاركه لي بهالمنتدى
واللي خلاني اسجل فيه كثر التفاعل + محبه بين الاعضاء وهذا الشىء واضح في كل الردور
وان شاءالله اكون اخو خفيف عليكم
اولا انا انسان كان وزني 88 كيلو ومرت الايام والاشهر والسنين والاكل واللقمه تكبر يوم بعد يوم
ياناس انا والله اني مستاء من حالي كان قياس الجنز اللي البسه 32-34
والحين 40-42 بالحيل ومرات اكبر
شفتوا كيف الفرق؟ لاتلوميني يوم اخترت هالنك
المهم ياخواني انا معزم وصارم اني اسوي رجيم وانا محتاج توصياتكم وخبراتكم اتمنى انكم تساعدوني بهالبلاء
انا وزني الان 129 وطولي 184 ابغي اضعف ياناس ابي اكون نفس قبل وانا حاط في بالي اوصل للوزن المناسب لي للي هوه 80 والله كريم
الهدف الاول يكون 110 والهدف الثاني ان شاءالله ع الـ 90 والثالث ع الـ 80 ان شاءالله انا عطيت نفسي جدول رجيم وراح استعمله والرجاء ان تذكروني ان كان هناك اي خطاء فيه
ممنوعه الغازات علي علمن باني واحد من المدمنين اخلص 5 علب في يوم ومدمن شاي حليب
المهم ياخوان جدولي راح يكون بهالشكل
الإفطار 2 بيض مسلوق + تفاح اخضر
الغداء دجاجه كامله مشويه او مسلوقه
وعشاء بس خضار
وان حسيت بجوع اكل برتقال + تفاح اخضر بكميه محدوده
اعرف دجاجه كامله كثيره بس هالرجيم لاول اسبوعين لين ماقدر اقلل ومن ثم ابدا بواحد بديل
ملاحضاتكم ياشباب واريد خبارتكم ووشوو تنصحوني به الله يخليكم انا والله محتاج هالنصايح من المجربين ولي عندهم خبره

[ابو مهاا]

نوع بالرجيم مابقولك رجيم معين لكن نوع بالاكل لا تلتزم بشي معين
مثلا الريوق (الفطور) يكون شوفان او كورن فلكس نخاله بصحن صغير مع حليب خالي الدسم ومعاهم تفاحه خضرا تشبع واللياف
او مثلا بيض مسلوق تقدر تاكل ثلاث بياض وواحده كامله مع توست اسمر قطعتين وعصير برتقال او حليب خالي الدسم طبيعي طبعا البرتقال
والغدى نص دجاجه مسلوقه او مشويه بدون جلد او فيليه سمك مشوي او لحم بدون دهن مثلا تطلب تكا من المطعم بدون دهن او لحم احمر صافي بالبيت مع مرق خضار وعيش مسلوق 10 قفشات تاكل منه (ملاعق)
والعشى يفضل تونه مع سلطه او سلطه مع زبادي او سلطه مع صدور دجاج مسلوق او سلطه مع بياض بيض فقط عدد 2 او 3
ابتعد عن الحلو وامسك نفسك وزنك تقريبا كنت قريب منه 125 وحاليا 89 وانا طولي مو بعيد عنك 188
لكن لاتفكر بالوقت انا عن نفسي قدرت بالدايت اوصل وزني المثالي 8 اشهر ولكن في ناس ماشاء الله ب 4 اشهر تسوي نفس العمليه مع اني ملتزم لكن سبحان الله شخص عن شخص يختلف
وانا ابيك تشد حيلك وانسى الوقت ولاتفكر وبتنزل ان شاء الله مع الالتزام والتمرين لاتفكر بتوقيت ونصيحتي لك لاتتوجه للحديد بتاتا
النصيحه اشترك بنادي وسويدي تمرن عشان يشد جسمك ومايترهل بعد ماتنزل ركز على الترهل الله يرضالي عليك لازم رياضه
ونزول يكون صحي
شوف حاول تلعب سويدي 45 دقيقه حصه كامله وراها مشي سريع مده 20 دقيقه وكل اسبوع زيد 5 دقايق لغايه ماتوصل 45 دقيقه
واللتزم اللتزام تاام بالرجيم ولاتخربها ولاتستمع للمحبطين مالك شغل فيهم
حاول على الاقل 5 ايام بالاسبوع رياضه ونوع بين السويدي والسباحه والمشي لازم كل يوم اقل شي ساعه تمرين الى ساعه ونص
ولاتستخدم حبوب حوارق دهون خلك طبيعي لغايه ماتوصل 100 على الاقل
وشد حيلك وانا ابيك تسامحنا على الاسلوب بالكتابه واتمنى انه استفدت من التجربه موفق يالغالي وان شاء الله نزولك يكون بصحه وعافيه
ولاتنسى تكثر شرب ماء وتاخذ ملتي فيتامين تركيزه ممتاز وتستخدمه يوميا حبه مع الغدى وزيت سمك حبه مع الغدى موفق

[علوطي]

اخوي اسال الله يوفقك وبعدين نكك لا يليق بك احمد ربك على الصحة والعافية وانك تقدر تتحرك وتروح وتجي يعني شايل هم المقاسات
على كلأ انا نصيحتي لك لا تشد الحبل كي لا يقطع يعني مو من اول اسبوع تقطع الصودا والفاست فود حبة حبة لإن سبحان الله النفس تواقة للشي اللي تعودت عليه
اسال الله لك التوفيق

[عباااس]

عليكم السلاااااام
اهلآ وسهلآ ومرحبا بك منور المنتدي
تصدق اعرف ثلاثة اخوان تقريبا اوزانهم زيك
المهم واحد منهم رجع يلعب رياضة وسوا ريجيم وهرولة وحوارق دهون
اخوانة لحد الأن متــــــان ودببة
هو الوحيد اللي رجع تعدل جسمة وصار رياضي
حتي انا لمن شفتة ماصدقت صورتة وهو سمين عندي
المهم انت لازم تشترك في نادي
وتحط في راسك انك تنزل وزنك لـــــ80 كيلو
وياريت تغير نكك وتسمع اغنية نانسي عجرم الحياة حلوة
الدنيا حلوة و أحلى سنين.. منعيشها و احنا يا ناس عاشقين
ننسى اللي فاتنا و نعيش حياتنا عالحب متواعدين
انسى
كل الأحبة اتنين اتنين ... متجمعين في الهوا دايبين
على ايه تكشر و ليه تفكر ده العمر كله يومين
انسى... انسى اللي راح على طول على طول ...
ما تسيبش زعلك مرة يطول
افرح شويا و اضحك شويا كده خللي روحك عالية وهاي
و يا قلبي غني كمان و كمان ... وصل غنايا لكل مكان
و أنا لو عليا دلوقتي جاية علشان أقول يا زعل باي باي
الدنيا حلوة
الحب غير معنى الكون ... خلاله شكل و طعم و لون
سكر زيادة ... لأ مش بعادة
دنا حاسا أني حاطير
انسى
احنا اللي بالحب صالحنا ... أيامنا و أرتاحت روحنا
فوت و عدي علشان تعدي و ارتاح من التفكير
انسى...
انسى اللي راح على طول على طول ... ما تسيبش زعلك مرة يطول
افرح شويا و اضحك شويا كده خللي روحك عالية وهاي
و يا قلبي غني كمان و كمان ... وصل غنايا لكل مكان
و انا لو عليا دلوقتي جاية علشان أقول يا زعل باي باي
تحياتي

[نديم الذكريات]

يالغالي الدعوة بسيطه وانا اخوك
ابو مها ماقصر معاك ( عوايد ابو مها الله يحفظه يقفل علينا مانقدر نفيد خخخخخخخخخخ (( ابو مها امون ياخوك )) دايم سباق لخدمة الاعضاء الله يكتب له الاجر

اولا شئ
يقول النبي صلى الله عليه وسلم تفاولوا بالخير تجدوه )) او كما قال

ثاني شئ اقراء عن الاعضاء اللي نزل وزنهم
هذا عندك ابو مها فقد وزن كبير
وانا كان وزني 125 والان بفضل من الله وحده 79.5 انجااااااز صح

ارسم لنفسك خطه وهدف للوصول اليه
مع الدايت
ومع التمارين
ان شاءالله راح تنزل
بس انزل نزول صحي ( اللي هو كل اسبوع من 2 كيلو إلى 3 كيلو ألإضل من ان تنزل كل يوم كيلو ولا لا يابو مها

شد حيلك وادع ربك والله يوفقك
وننتظرك تجي هنا وتكتب تجربتك بعد الدايت

[كاره نفسسي]

شكرا على اهتمامكم بالموضوع ياخوان


وابشركم اني بديت بالرجيم صارلي يوم

وشكرا على كل من رد على الموضوع وشكر خاص للدكتور ابومها والله يعطيكم الصحه والعافيه

وان شاءالله راح اعطيكم النتايج كل اسبوعين ان امكن

[Aqili]

شوف و حطلك صوره ف غرفتك كيف تبغا شكل يصير


و الشباب ما قصرو معاك

وكل ما حسيت انك طفشت من التمرين و من الرجيم تعال و تكلم معانا و انشاء الله نرفع من معنوياتك