سؤال للخبراء..هل يمكن اضافة يوم راحة في التغذية في برنامج التنشيف..؟
السلام عليكم و رحمة الله و بركاتة
يا اخوان انا بديت تنشيف و لله الحمد..
لكن اللي خايف منه ان جسمي يتعود على السعرات الحرارية اللي آكلها و بكذا يقل مستوى الايض
و اذا قل..و انهيت برنامج التنشيف..و رجعت لأكلي الطبيعي..راح اكسب دهون بسرعة بسبب ان مستوى الايض منخفض
و تعرفون بعد تغذية التنشيف مو زي تغذية التخسيس اللي يكون جدولها الغذائي 7 ايام كل يوم مختلف عن الثاني
جدول التنشيف كله يوم واحد و تكرره يوميا...يعني الواحد حدة صدور دجاج و حليب منزوع الدسم و بياض بيض
و قليل من السلطة و الفاكهة..و هذا الشي يتكرر يوميا بنفس الكميات..
هل الاستمرار على هذا الشكل بدون يوم معين لكسر الروتين الغذائي..ما يأثر على الإيض..؟
علما بان برنامج التنشيف يستمر لمدة 45 يوم
امر آخر و هو ان تغذية التنشيف..الواحد يتناول فيها كمية قليلة من الكربوهيدرات
و مثل ما انتو عارفين الكربوهيدرات هو غذاء المخ..و أنا واحد كل ما أجوع..
أفهي..و يقل تركيزي..و أصير اسرح كثير..خصوصا ان اخر شهر لي قضيتة في فترة التضخيم..قضيتة كامل من دون ما أجوع ولا مرة...عشان كذا الجوع الحين يأثر علي و يقلب مزاجي و يحوسني..
و خايف ان قلة التركيز اللي تجيني..تستمر و تأثر علي..مستقبلا..
عشان كذا أقول..وش رايكم..هل اضيف يوم أكسر فيه الروتين و أتناول فيه قدر جيد من الكاربوهيدرات
بالاضافة للبروتين..؟
ولا اضغط على نفسي و استمر 45 يوم..؟
و شكرا مقدما
المشاركة الأصلية كتبت بواسطة fares allil
يعني تاكل زي ما تبي حتى تكسر روتينك ولا تحرم نفسك وايضاً تستفيد من الدهون والاحماض الموجودة في سائر الاطعمة ... وانا ماشي على هالنظرية واوشوف انها ممتازة ...