فطوري مشاركه و افاده + صوره

[Nas Fitness]

السلام عليكم

الصراحه استفدت الكثير بهالقسم من فوائد ..

فحبيت اشاركم في فطوري او اول ما اصحى من النوم





قبل ما ابدا فطوري اخذ مثل مانكم شايفين بالصوره : حبه فيتامين سي + ملتي فيتامين + حبوب زيت السمك

الفطور 1: احضر طبق بيضاوي الشكل اسكب فيه حليب قليل الدسم او خالي الدسم و احط فيه على حسب قطعتين شوفان weetabix او حبه على حسب و اضيف شوي كورنفلكس نستله fitness مثل اللي شايفنه بالصوره + ملعقه صغيره نسكافيه + سكر قليل الدسم اخلطهم مع بعض و بسم الله ..

طبعا النتيجه : كافيين من النسكافيه + بروتين و كاربوهيدرات من الشوفان والكورن فلكس+ كالسيوم و... من الحليب ,, من الاخر يطلعك طرزان هالفطور لامم ع كل اللي تحتاجه ليومك وتمرينك من طاقه وبروتين و كابز

الفطور2: ثلاث بيضات ام عيون ههه اشيل عينين واترك عين وحده يعني صفار واحد لول احطهم بسلايس اسمر + نسكافيه او حليب قليل الدسم

الفطور3 : شوكلاته البندق اللي عاليمين بالصوره بسلايس او خبر اسمر + حليب او نسكافيه اسود او شاي اخضر

----

احيانا لو التمرين قوي وحاس بقوه وابي افجر بالجيم اخذ حبه ثانيه من الملتي فيتامين و زيت السمك و فيتامين سي في الوجبه الثانيه او اللي قبل التمرين بساعتين

زبده الفول السوداني ايضا خيار حلو للي يحبه انصح فيه كذلك
واللي عنده اي اضافه ممكن يفيدنا كلنا لاحد يبخل علينا

[abu kinan]

الله يعطيك العافيه
بس ترا فطورك ما ينفع للي يخسس او ينشف لأنه من فترة انتقدني المشرف الأخ تركي ( توتو جدة ) بموضوع الويتبكس والكورن فلكس حتى لو لايت

[saasoo]

فطور متعوب عليه بس
ماتحس الفطور الاول فيه شغلات كثير < < < غير اقتصادي ..,

6بيضات + توست بالجبن مع القشطه

وفك نفسك ..,

تحياتي ..

[fares allil]

فيه شي لفت نظري في الوجبة الأولى..

"سكر قليل الدسم"..!!
من متى السكر فيه دسم..؟

[goo baby]

مشكور اخي
لاك انا بعد اول مره اسمع بسكر قليل الدسم !!!!!!!
يمكن تقصد سكر قليل السعرات ؟؟

[Nas Fitness]

السموحه سعرات اقل قصدي

ابو كينان ": شلون انتقدك من اي ناحيه موب زين للتنشيف؟ قريت كثير عن الشوفان وبالعكس يشبع ومايسمن

[abu kinan]

السموحه سعرات اقل قصدي

ابو كينان ": شلون انتقدك من اي ناحيه موب زين للتنشيف؟ قريت كثير عن الشوفان وبالعكس يشبع ومايسمن

تفضل طال عمرك والشوفان شئ والكورن فلكس شئ آخر

http://www.montada.com/showthread.ph...458&highlight=

[Nas Fitness]

ادري اخوي كل واحد شي ..

بس وين اثبات كلامه مع احترامي له .. نسبه الدهون المشبعه والغير مشبعه اللي فيه ماتتجاوز ال 1.5 غرام فقط ! شي طيب واحب هالمناقشات اللي ترجع بالفايده بالجميع

[abu kinan]

كلامك صحيح 1,5 جرام بالسيرفينغ اللي هو غرشه على ما اعتقد يعني ممكن توصل الدهون في فطورك الى 7 او 8 جرام والشباب قالوا انه في حاجات أولى الواحد يفطر بها وبشكل عام ما ينصحون بالكورن فليكس حتى لو قليل الدهون
ليش بالتفصيل والله ما عندي فكرة

[uahr]

اخوي تفطر نوتيلا ماهي مضرة ؟

[sami1989]

الفيتامينات وزيت السمك بعد الاكل تااخذه وليس قبل !

بلتوفيق لك

[Nas Fitness]

بخصوص النوتلا هاي سناك تقدر تقول مع خبز اسمر بعض الاحيان

الملتي فيتامين و زيت السمك كما قرأت في التعليمات بكلا العلبتين قبل الاكل مباشره عندما تكون المعده خاليه ..

[Broken Sword]

الكورن فلكس مليااان سكر وهذي المشكلة الوحيدة فقط..

[Nas Fitness]

صدقت ! بس انت تاكله الصبح واكيد مع مرور الوقت يحرق لانك تمشي وكذا فلو كان بس هاي نسبه السكر باليوم اشوفه عادي