الرياضه والحديد في رمضان @@ انت كيف ؟؟
اولا اسئل الله ان يبلغني واياكم شهر رمضان ويجعلنا من عتائقه من النار .........امين
الحديد في رمضان ,,,,,وما ادراك ما الحديد في رمضان (احلى ) . والله يا بعض الشباب الله يهديهم يقولك اللحين رمضان يجئ ويخرب علي الجدول والنظام الغذائي وما ادري ايش ... وخذلك عاد من هذا الكلام .
هو صح انه هناك بعض الصعوبات في رمضان قد نواجهها لكن نقدر نتكيف مع هذه الظروف ونستفيد من هذا الشهر الكريم .
اولا : الصيام
الصيام فرصه ولا احلى لتنظيف الجسم من المكملات الي هرينا الجسم بها طيب
كيف تقضي وقتك اثناء منتى صايم !! انا اقولك اذا بعد الفجر اقرى وردك عشانن ربي يبارك لك ويوفقك ورمضان شهر القران (وزبطلك جدول للقران والعباده زي مانت قاعد تدور وتزبطلك جدول لجسم بياكله الدود في الاخير ) بعد كذا ارمي راسك على المخده اذا عندك دوام الله يعينك زي حالتنا تروح للدوام وبعد ماتجي ريح كمان بس لاتنام عن الصلاه المقروضه اهم شيئ الراحه لان الاغلب سهراااااااان في الليل ونسى الركن الثالث من اركان رياضة كمال الاجسام الي هي الراااااااااحه لان العضل ماينمو الى اثناء راحة الجسم . اوكي اتفقنا ياحلوين الراحه .
ثانيا : التغذيه
بما انك تلعب حديد ومسوي رياضي ويعنيني وحش الصاله (ربي يحفظك ويكفيك شر نفسك وشر الناس ) لازم تتهم
بالركن الثاني من اركان رياضتنا الحبيبه كمال الاجسام الي هو التغذيه .
بس انتبه من السعرات النوويه للأكل في رمضان !!
راح اديك موقع فيه جدول لكل السعرات الحراريه بس مافيه شئ ببلاش ياعيوني
(ودنا في دعوه لاتحرمنا الله يرضا عليك)
موقع السعرات الحرارية
http://ashefaa.com/files/Calories.html
اكيد جسمك بعد النهار الطويل ذاا لازم تكرمه وافضل ماتبدأ التمر الرطب والماء لانه راح يمدك بالطاقه الي تحتاجها والكريات والاملاح واهتم ايضا بالماء اروي جسمك كاستين ثلاث اربع وقوم صلي المغرب مع المسلمين مو جمب السفره عشان تدي جسمك يحرك الاكل الي في بطنك بعد كذا انت مخير اما تأخذ البروتين حقك او تبدأ بالشوفان والفاكهه والبروتين الطبيعي وخذ الملتي فتامين وزيت السمك . وهذا الي افضله انا طبعا يكون اكلك معتدل وحسب هذفك في رمضان ومافي شئ صعب وحجي للنقطه ذي في قدام شوي بس شد حيلك معاي وكمل قرايه اللحين.
بعد ساعتين وقبل ماتروح لصلاة العشاء والتراويح سوي الخلطه حقتك البروتينيه واشربها بعد التمرين كمان زبطلك خلطه واشربها .
انا افضل تكون المرتين كلها مع الماء عشان سرعة الامتصاص للبروتين بعد التمرين ونص ساعه من شرب الخلطه خذلك موزه او ثلاث حبات تمر .
بعد نص ساعه كمان خذ وجبة العشاء واهتم باللخضار المطبوخه او المسلوقه والسلطه والبروتين الطبيعي اموت في الطبيعي طبعا تزبطها حسب هدفك اذا تنشيف خفف الكارب فيها واذا تضخيم زود الكارب فيها بعد كذا ريـــــــــــح.. الى السحور السحور قريب من العشاء لكن ياليت يكون فيه شئ من هذه الاشياء كارب معقد شوفان رز مكرونه سمراء افضل او العادي حقنا جبن اريش فول يعني شكل وبعدها قبل الامساك الخلطه البروتينيه حقتك .
ثالثا : التمرين
لاتمارس اي تمارين مجهده وانت صااااااايم لاتقول ابغى انحف وانزل وزن انتبه من الي ينزل لانه عضل لان الكارب والطاقه الي في الجسم ذابة ويبداء الجسم بعد الانقطاع الطويل من تفتيت العضل واخذ الطاقه منه !! لذا خليك ذكي مو زي لعض الشباب تجي تنصحه يقولك مو مشكله فات ولا عضل ولا عظم (افدغ ذا) اهم شئ انزل وبس .
لكن تقدر قبل الاذان حق المغرب تمشي 20 او 30 دقيقه لو كان عندك وزن زايد بشرط تكون من الناس الي ماعنده ذاااك الكرف في النهار عشان تقدر تنزل الفات ولا شئ غير الفات .
بعد التراويح الرحله الطوووووويله الى النادي (من الزحمه ) تبدا تمرينك لكن اهم شئ الذكاء في التمرين لانك في شهر رمضان ويدوب تلقى جهاز فاضي تتمرن عليه
10 الى 15 د تسخين ولايكثر بعدها 45 الى 60د في الحديد ولايكثر وبعدها 20 الى 45 د على الكارديو يعني لاتطول مافيه فايده من التمرين الزايد الى اجهاد العضله وحرقها ومستحيل تكبر حطها في بالك العضله تنمو في الراحه مو في النادي لذا نصيحه للي يبغى يضخم ويحافظ على جسمه اربع ايام مره كفايه في الاسبوع ولازم يكون بينها راحه وماتكون ورى بعض والي يبغى ينشف 5 ايام وبينها راحه التمرين الزايد ضرره اكثر من نفعه خاصه في رمضان .
اما الاخ الي وزنه زايد فرصه رمضان والله فرصه بس لازم يهتم براحه يعني لايكثر ابدا عن 6 ايام مثلا اربع ايام حديد ويومين كارديو وتمارين هوائيه .
والله ياخوان لست بالخبير ولا ذاك الخبره لكن هذه بعض المعلومات الي استفدها وحبيت انفع نفسي واخواني بها .
اكيد عيونكم طلعت من ابو الفلسفه ذا لكن مشو حالكم قلنا ندف موضوع يمكن نحصل من وراه دعوه تنفعنا والموضوع بين ايديكم قابل للزاياده والتعديل والنقاش عشان الفايده تكمل ونكمل نقص بعض ولاكيف !!
اخيرا
(رمضان شهر عظيم وفرصه لتحسين علاقتنا بربنا ويمكن يكون اخر رمضان للواحد فينا وكل يوم تنرفع اسماء ناس تتعتق من النار وربي راضي عنهم ايش ناقص الواحد فينا ما يكون اسمه بينهم )
فيه هناك موضوعين على كيف كيفك موضوع للكابتن تركي(toto jeddah)
http://www.montada.com/showthread.php?t=711781
وموضوع للكابتن Hearbeat
http://www.montada.com/showthread.php?t=711987
ورمضان كريم
المشاركة الأصلية كتبت بواسطة wolf167
