محتار ادخل الكرياتين في الكورس القادم والأنيمال ستاك للي بعده ؟

[متعطش]

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 60 كيلوجرام

نسبة الدهون : 8%

و الاستفسار كالتالي :
السلام عليكم ورحمه الله وبركاته

خلصت كورسين ضخامة كانوا اب يور ماس وسيرياس ماس وكازيين .. بعدها جلست العب بالنادي شهرين بدون مكملات بس مع تغذية ممتازة والحمدلله النتائج ممتازة

الآن بشتري سيرياس ماس + سوبر جينرز فيول برو + يمكن برو كومبلكس جينر أو ترو ماس + ملتي فايتمن + فيش اويل ..

صارلي بالجيم 4 أشهر .. محتار ادخل بالكورس كرياتين مونوهيدرات .. واحد يقولي الكرياتين راح يحبس الماء في عضلات صدرك واذا تركت النادي لأي سبب من الأسباب وترك النادي وارد .. راح صدرك يفش ويتشوه .. ما مدى صحة هذي المعلومة ؟
وهل بدري على الكرياتين ولا هذا وقته ؟

بعد هذا الكورس الي بالأعلى ممكن حق شهرين أو شهرين ونص .. بعدها بستخدم الأنيمال ستاك مجرد تخطيط ، بدري على الأنيمال ستاك ولا أجل موضوعه بعد سنة أو 6 أشهر ؟

نوروني ..

[Dr.H.A.E]

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 60 كيلوجرام

نسبة الدهون : 8%

و الاستفسار كالتالي :
السلام عليكم ورحمه الله وبركاته
وعليكم السلام ورحمة الله
خلصت كورسين ضخامة كانوا اب يور ماس وسيرياس ماس وكازيين .. بعدها جلست العب بالنادي شهرين بدون مكملات بس مع تغذية ممتازة والحمدلله النتائج ممتازة

الآن بشتري سيرياس ماس + سوبر جينرز فيول برو + يمكن برو كومبلكس جينر أو ترو ماس + ملتي فايتمن + فيش اويل ..
الأفضل انك تاخذ التالي :
واي بروتين + سيرياس ماس او بروكمبلكس جينر + اوميقا 3 + كازين
الواي بعد التمرين مباشرة ,, السيرياس قبل الفطور , واذا ذاك اليوم اكلت وجبه جيده كملها بالسيرياس ,, والكازين قبل النوم
صارلي بالجيم 4 أشهر .. محتار ادخل بالكورس كرياتين مونوهيدرات .. واحد يقولي الكرياتين راح يحبس الماء في عضلات صدرك واذا تركت النادي لأي سبب من الأسباب وترك النادي وارد .. راح صدرك يفش ويتشوه .. ما مدى صحة هذي المعلومة ؟
لا مو صحيحه ,, الصحيح منها انه يحبس ماء في العضل ,, بس مو لدرجة انه يفش على قولته ,,
اذا حبيت خذلك كرياتين مونوهيدرات ,, ويكون طريقتة التالي :
اول خمسة ايام تسمى ايام التحميل ,, تاخذ 20 قرام مقسمه على اربع فترات يعني,
5 قرام بالصبح و 5 قرام قبل التمرين و5 قرام بعد التمرين و5 قرام في الليل ,,
وبعد هذي الخمسة ايام ,, تاخذ في اليوم فقط 5 قرام ,
قبل التمرين فقط,
و5 قرام = ملعقة شاهي صغيره
وهل بدري على الكرياتين ولا هذا وقته ؟
ان شاء الله مو بدري
بعد هذا الكورس الي بالأعلى ممكن حق شهرين أو شهرين ونص .. بعدها بستخدم الأنيمال ستاك مجرد تخطيط ، بدري على الأنيمال ستاك ولا أجل موضوعه بعد سنة أو 6 أشهر ؟
الأفضل انك تأجله وانا اخوك
نوروني ..

واذا احتجت شئ لا تتردد وانا اخوك

[متعطش]

شكراً بحجم السماء أخوي Dr.H.A.E
ماقصرت ..

[بردان1]

بس تصحيحا لمعلومة اخي
الكرياتين بعد فترة التحميل الخمسة قرام تصير بعد التمرين مباشرة مهو قبله

وماقصر جزاه اخير موفقين الجميع

[Dr.H.A.E]

بس تصحيحا لمعلومة اخي
الكرياتين بعد فترة التحميل الخمسة قرام تصير بعد التمرين مباشرة مهو قبله

وماقصر جزاه اخير موفقين الجميع

اهلين عمر حبيبي ,,

تحب الخير,, وتحب النصح ,, جزاك الله عني وعن كل مسلم نصحته كل خير ,,

بس حبيت اضيف على كلامك ,,

الكرياتين بعض الناس تنصح بعد التحميل ,, انك تاخذه قبل التمرين ,, عشان الباور ,, لان الكرياتين يرتبط مع الفوسفات ويصير كرياتينوفسفات ,, ويرجع الفوسفات المفقود من ال ATP ( مصدر الطاقه )

ويرجعها من ADP الى ATP

وفيه ناس تنصح انك تاخذه بعد التمرين عشان الإستشفاء العضلي ,, والسبب نفس الي ذكرته سابقاً ,,

ويوم انحاسوا لاعبين كمال الأجسام بشكل خاص و الممارسين للرياض بشكل عام ,, طلعت فئه ثالثه ,, تقول

ناخذه قبل وبعد التمرين وانا اخوك ,, عشان تكون اخذت نصيبك من الطاقه قبل التمرين , وعطيت نصيب العضله من الإستشفاء بعد التمرين

فعشان كذا ,,

معلومتي و معلومتك ماتحتاج تصحيح ^_^

شف الي يناسبك وامش عليه

[Dr.H.A.E]

شكراً بحجم السماء أخوي Dr.H.A.E
ماقصرت ..

العفو وانا اخوك ماسويت الا الواجب ,,

بس فيه خطأ صدر مني ,,

انا اقصد اذا ذاك اليوم ما اكلت وجبه جيده وكانت ناقصه شويتين ,, كملها بالسيرياس ماس ^_^

[بردان1]

جزاك الله خير وكلام رائع


وانا ابحث عن الفائدة
لكن بما علمت وانه يساعد على نقل البروتين وغيره حبيت اصحح ضنن مني ان ماكتبت سهوا
واذا كذا جزاك الله خير والمعذره ع التدخل

موفقين

[Dr.H.A.E]

جزاك الله خير وكلام رائع


وانا ابحث عن الفائدة
لكن بما علمت وانه يساعد على نقل البروتين وغيره حبيت اصحح ضنن مني ان ماكتبت سهوا
واذا كذا جزاك الله خير والمعذره ع التدخل

موفقين

وهذا اكثر شئ معجبني فيك وانا اخوك ,, حبك للفائده ,, وانك تفيد ,

غيرك لو شاف خطأ سكت عنه بعداً عن الجدال ,, لكن انت حبيت تصحح وتفيد ,,

ولو ياكابتين عمر ,, ما استغني عنك ولا عن نصايحك وتوجيهاتك الله يحفظك ,,

[skeeth]

السلام عليكم ورحمة الله وبركاته

اخوي كل شخص وله رئيه الخاص وانا رئي

لو تريد تزيد وزن معا قليل من الفات استعمل منتجات جاينر

بدون اي بروتين اثاني مثل سيراس ماس او بروكلومبس جاينر و كرياتين اخذ السيراس ماس

الصبح وبعد التمرين لا تضف ملتي فيتامين ولا تضف امينو لئن السيراس ماس يحتوي

على فيتامين و امينو كافين ابعد عن المحفزات بصوره عامه لهذا الوقت اهم شيئ

التركيز على الغذا البروتين هو شيئ استثنائي لا اكثر يغذي العضل اما

الضخامه بصوره عامه تجي من الاكل احس اني اعيد الكلام

نفسه بس نسيت شقلت بعد لا تنسا النوم والراحه

و التمرين اما في حال زيادة عضل صافي اخذ

واي بروتين و امينو و ملتي فيتامين و

كرياتين بس انصحك بل جاينر

زيد الوزن بعدها نشف

موفق اخي

[متعطش]

الله يعطيكم العافية ياكباتن ..
أنا قررت اخلي الكرياتين والمحفزات بعد سنة إن شاء الله .. طرحت السؤال على منتديات أجنبية وإن لي 4 أشهر بالجيم .. قالوا أول شي خلي جسمك يتعود على التمرين ومكملات البروتين .. وخلي الكرياتين والمحفزات بعد سنة .. والكرياتين للمحترفين مو للمبتدئين ..
حبيت اضيف هالنقطة لإفادة الجميع .. احنا بس خذ وكل أمرك لله .. الحرص و اجب .. والسلام عليكم