امينو2222 أو أكستند

[bagshiah]

معلومات المتقدم بالاستفسار :
العمر : 30 , الجنس : ذكر

الطول :165 متر
الوزن : 100 كيلوجرام

نسبة الدهون : 39

و الاستفسار كالتالي :
السلام عليكم شباب كيف الحال ابي مساعده وستشاره

كان وزني 145 ونزلته إلى 100
والأن بدخل مرحلة شد الجسم ومدربين نصحوني بي امينو2222 وفي ناس نصحوني بي أكستند
للبناء انسجه عضليه
عطوني رايكم

تحياتي لكم
وأرجو الإفاده

[071071]

تبي الصراحة وانا أخوك كلهم مايصلحون لك .. نسبة الدهووون عندك عاااااااااااااااالية وبالنسبة لوزنك مقارنة بطولك محتاج تحرق دهون .. اتمنى تشد حيلك وهذول المنتجين ممتازين ولكن توك عليهم .. ركز باكلك الصحي ضاعف جهدك بالتمرين عشان تقدر توصل للوزن المناسب وبعدها فكر تبني عضل

تحياتي لك ..

[bagshiah]

يعطيك العافية صحيح الكلامك
لكن أنا في مرحلة شد وهم نسبة العضل عندي ضعيفه

شتنصحوني فيه اي واحد فيهم

[Exy]

اخوي نصيحة نزل الدهون ع الاقل لي 20% او 15% صدقني بتضخم وانت مرتاح
اما لو انك تبي تبني عضل من احين ماينفع لانه نسبة الدهون بتغطي ع العضله وبتزيد عندك الدهون مع التضخيم
الافضل نزل وزنك ونسبة الدهون وبعدها ضخم
نزل لحد 75 وضخم على راحتك
انا نفس طولك , كنت 85 ونسبة الدهون30%
واحين 76.6 ونسبة الدهون 15%
والعضل الحمدلله موجود
واضخم على راحتي بس احاسب على اكلي

[bagshiah]

اوكي حلووووو

بس ابي اعرف اي واحد أفضل من الثنين
بي جواب اسؤال

[071071]

أخوي الأفضل تحدد لك هدف واحد فقط وان تجمع بين حرق الدهون وبناءء العضل فهذا شي صعو ومرحلة متقدمه تحتاج خبره وممارسه سنين باللعبة ..

أرى ان هدفك المناسب في الفترة الحالية هو ان يكون خسارة الدهون وحرقها .. وبعدها فكر ببناء العضل لأنك لو فكرت الحين تبني عضل بيزيد وزنك ولو كسبت عضل ماراح تستفيد لان عندك دهون عاليه والعضل اللي بنيته لن يكون واضح وباين زي ماتتوقعه بسبب دهون جسمك بالتالي لو جيت تنشف بتخسر ولو جزء من التعب اللي تعبته وبنيت فيه عضل

مووووووووفق يابطل

[071071]

بالنسبة لسؤالك انا جاوبت عليه :

المنتجين ممتازين

[bagshiah]

أوكي انا بسمع كلامكم ونصايحكم مابخذ اي من هذيلي الثنين وبجلس احرق دهون
لكن حالين انا استخدم أوكسي ليت برو حارق دهون باقي 15 يوم وخلص السيركل حقته لكن المشكله لي ثلاث اسابيع الوزن ثابت فتحت في الأكل يومين نفس المشكله خلال اسبوعين من فتحي للأكل بعدها مو راضي انزل حدي كيلو فيها

طبعا تماريني تدبدا بحصة لياقه وبعدها ساعه ونص مشي وبعدها سباحه نصف ساعه يعني حرق في حرق طبعا اريح يوم الجمعه

عطوني نصايحكم هل اقلب احرق بالحديد واغير التمارين شوي ممكن جسمي يحرق للمعلوميه انا نازل 40 كيلو

[bagshiah]

لل رفع ممكن مساعده على ردي الأخير