تجربتي للشراء من موقع muscleandstrength + وصول المكملات لي بالخطأ !!n

[hisham0101]

غالي والله ضعف السعر الي اخذه من هينا

مستحيل السعر يكون أغلى من اللي هنا , تأكد من الأحجام اللي أنا كتبتها لك والأحجام اللي تاخذها انت ..

[Evil ghost]

اي ماليقيت اوكسي لايت اخدت هيروكي كت . وطلبت من عندهم وخصمو المبلغ وانشالله توصل
بس الشحن 71 دولار fedex international priority . والله يعين. انشالله ماتتاخر بسالفه العيد والعطله وهكدا

الهدروكسي سعره35 دولار تقريبا عند جي ان سي قبل امس كان 350 ريال.
اسعارهم ارخص من بدي بيلدنق

اخوي مبلغ الشحن ثابت مهمها كانت الكميه ولاكيف

[Kurapica33]

يختلف حسب البطاقة اللي بتشتري منها , غالبا اضربها في 3.82 , يعني تطلع لك حوالي 345 ريال سعودي (طبعا هذا غير سعر الشحن)

345 كاملات تقصد الهيدرو +الانيمال ؟

مستحيل السعر يكون أغلى من اللي هنا , تأكد من الأحجام اللي أنا كتبتها لك والأحجام اللي تاخذها انت ..

شوف انا الهيدرو اخذه من ارمال بعد التخفيض 360 حجمه واحد
والانيمال 44 باكت 170

انلحس مخي بالله شوفي الهيدرو والانيمال سعرهن بالوقع وكم يطلع سعودي احسبهن صح اذا ماعليك كلافه

[hisham0101]

أبشركم وصلني رد منهم اليوم

طبعا في البداية اعتذروا على اللي صار وانه نادرا ما يحصل الشئ هذا منهم , وانهم راح يبذلون قصارى جهدهم انه هالشئ ما يحصل منهم مرة ثانية

والمهم في الموضوع , قالوا لي انهم راح يرجعون كامل مبلغ الشراء للفيزا والأغراض اللي وصلتني بالخطأ أحتفظ فيها لنفسي ..

وبعد هذا كله قالوا لي اذا كان في أي شئ زيادة ممكن نسويه لك لا تتردد في طلبه ..

من جد بعد ما قرأت الايميل جلست أتخيل ان اللي صار هذا صار لي مع أحد المواقع العربية ههههههه وش راح يكون ردهم !!

موقع muscleandstrength أنا معجب فيه من زمان وبالأشياء اللي يقدمونها والحين كبر في عيني أكثر والله ..

تحياتي ..

[Evil ghost]

يالغالي لاهنت كم تكلفه الشحن وهل هي ثابته او بكم للكيلو

[Kurapica33]

^
نوع الفيزا الي تستخدمها
اذا مادقر بالجمارك ابطلب منهم

[hisham0101]

345 كاملات تقصد الهيدرو +الانيمال ؟



شوف انا الهيدرو اخذه من ارمال بعد التخفيض 360 حجمه واحد
والانيمال 44 باكت 170

انلحس مخي بالله شوفي الهيدرو والانيمال سعرهن بالوقع وكم يطلع سعودي احسبهن صح اذا ماعليك كلافه

شوف أخوي ..

اذا بتطلب الهيدرو والأنيمال بس من الموقع فأفضل لك تاخذه من جي ان سي لأنك ما راح تلاقي فرق كبير بالسعر بعد ما تضيف مبلغ الشحن ..

بس اذا بتطلب أكثر من 4 أو 5 أشياء فراح يفرق معك كثير المبلغ وكل ما زادت طلباتك راح يفرق معك السعر أكثر ..

ومثل ما قلت لك , الهيدرو والأنيمال يطلعو عليك بـ 345 ريال تقريبا بدون سعر الشحن ..

[hisham0101]

يالغالي لاهنت كم تكلفه الشحن وهل هي ثابته او بكم للكيلو

تكلفة الشحن تختلف حسب حجم ووزن الطلبية ..

[رحال الجنوب07]

اي ماليقيت اوكسي لايت اخدت هيروكي كت . وطلبت من عندهم وخصمو المبلغ وانشالله توصل
بس الشحن 71 دولار fedex international priority . والله يعين. انشالله ماتتاخر بسالفه العيد والعطله وهكدا

الهدروكسي سعره35 دولار تقريبا عند جي ان سي قبل امس كان 350 ريال.
اسعارهم ارخص من بدي بيلدنق

جميع المواقع سحبت منها الاوكسي ايليت من ضمنها البدي بلدنق والاسترينقث
حار ق الدهون الاوكسي ايليت يوقف دوليا ويحذر منه

http://www.montada.com/showthread.php?t=774333

[Kurapica33]

شوف أخوي ..

اذا بتطلب الهيدرو والأنيمال بس من الموقع فأفضل لك تاخذه من جي ان سي لأنك ما راح تلاقي فرق كبير بالسعر بعد ما تضيف مبلغ الشحن ..

بس اذا بتطلب أكثر من 4 أو 5 أشياء فراح يفرق معك كثير المبلغ وكل ما زادت طلباتك راح يفرق معك السعر أكثر ..

ومثل ما قلت لك , الهيدرو والأنيمال يطلعو عليك بـ 345 ريال تقريبا بدون سعر الشحن ..

فهمت عليك المشكلة انا ماخذ غير المكملين ذولي ف مثل ماقلت اخذهن من هينا افضل
الي خلاني اسئل انا من الحفر ولا في عندنا جي ان سي لازم اضرب مشوار لرياض
اجيب بروتين واحيان احصل احد يجيب واحيان انا اروح

[مشعل320]

فهمت عليك المشكلة انا ماخذ غير المكملين ذولي ف مثل ماقلت اخذهن من هينا افضل
الي خلاني اسئل انا من الحفر ولا في عندنا جي ان سي لازم اضرب مشوار لرياض
اجيب بروتين واحيان احصل احد يجيب واحيان انا اروح

الله يهديك انا من نفس المنطقه ولو ادري طالب لك معاي انا طلبيتي وصلت الرياض اليوم ..

[Kurapica33]

جزاك الله خير والحمد لله طلعت قريب مني
اجل ان بغيت شي برسلك

[adel1992]

بطلب منه قريب وان شاء الله توصلي طلبيه بالخطا

موفق يابطل

[hisham0101]

طبعا حصل معي شئ غريب جدا ..

أنا كنت كاتب نفس هالموضوع في منتدى ثاني , وحصلت الشخص اللي راحت له طلبيتي بالخطأ

وأرسل لي طلبيتي وأرسلت له طلبيته ..

بس الآن ما أدري , هل المشكلة كانت من الجمارك في الأساس والموقع ماله أي دخل في الخطأ اللي صار !!

هل أراسل الموقع وأخبرهم باللي حصل ؟؟

بس أخاف ما يصدقون الفيلم الهندي اللي صار , ويقولون هذا شكله لعب علينا وما عاد أقدر أشتري أي شئ من عندهم بالفيزا اللي عندي

وش رأيكم يا شباب ؟؟

[Kurapica33]

لا خلاص لاادخلهم بمتاهات معك
انت راسلتهم وعرفو الغلط ومكملاتك رجعت مالها داعي تخبرهم
فكر شوي