الكل يدخل الموضوع يفيدني ويفيد غيري نبغى ناس تساعد

[co0o0oc]

معلومات المتقدم بالاستفسار :
العمر : 18 , الجنس : ذكر

الطول :186 متر
الوزن : 127 كيلوجرام

نسبة الدهون : %40

و الاستفسار كالتالي :
السلام عليكم ورحمة الله وبركاته

مثل مانتو شايفين

العمر:18
الوزن:127
الطول:186
نسبة الدهون:%40


ابغى حل لأنقاص الوزن

اللياقه عندي حلوه
لاكن جربت
كم نظام غذائي عشوائي ولا نفع


ابغى منكم تعطوني نظام غذائي + التمارين + ذا فيه حارق دهون يناسب عمري

[co0o0oc]

معقوله منتدى كبير ومعروف ولا يفيد الاعضاء ؟

[ابو دانا الحربي]

منتدى كبير ومعروف ويوجد فيه عشرات المواضيع التي تختص بالتغذيه والتمارين والمكملات .. كل ماتحتاج منك انك تتعب نفسك شوي وتبحث عنها وتقراها ..

بالتوفيق ..

[co0o0oc]

منتدى كبير ومعروف ويوجد فيه عشرات المواضيع التي تختص بالتغذيه والتمارين والمكملات .. كل ماتحتاج منك انك تتعب نفسك شوي وتبحث عنها وتقراها ..

بالتوفيق ..

والله يأخوي دورت بس المشكله عمري 18 يعني ماعقتد القئ حارق دهون يناسب عمري يعني القى نظام غذائي لاكن مضاف له حارق دهون
اتمنى ان الفكرة وصلتكك

[ابو دانا الحربي]

طيب بالنسبه لحوارق الدهون .. اذا على العمر .. مافيه شي علمي راح يمنعك تستخدم أي حارق .. تقدر تستخدم اللي تبي .. ولكن شخصيا لاانصح أي احد بالحوارق ليس لمضرتها (إن وجدت) ولكن لضعف وانعدام فائدتها ..


لاتجعل عدم قدرتك الحصول على الحوارق باب لعدم تقليل وزنك .. غيرك بالملايين قدر ينزل وزنه فقط بالتغذيه والرياضه .. اقرأ وافهم بعدها سم بالله وتوكل .. ومايردك الى وانت وزنك في الثمانينات إن شاء الله ..

[Strong Muscle]

السلام عليكم

تخلّص من عاداتك السابقه السيئه واستبدلها بنظام جديد تلتزم به لفتره تحددها مثلاً سنه ..
الحوارق والانظمه الغذائيه للريجيم غير نافعه ابداً للاسباب الاتيه:
الحوارق تستخدمها لفتره قصيره وبعدين تتركها ويرجع الوزن بسرعه وازود من قبل !! ليه؟؟ لانك تجبر جسمك الى تغيير نظام الحرق الطبيعي وعمل الهرمونات الطبيعيه وبمجرّد ما تترك الخارق ياخذ جسمك وقت طويل لاعادة الضبط على وضعه قبل الحارق وفي هالفتره تزيد الدهون وتهاجمك الالتهابات والامراض لا سمح الله ...ودوامه ما تنتهي

انظمة الريجيم تجبرك على انك تترك عناصر على حساب عناصر اخرى وكلها مهمه للجسم وتركها او زيادتها يسبب خلط في عمليات الهضم والتمثيل الغذائي وباقي عمليات الجسم الطبيعيه التي اودعها الخالق سبحانه لكل انسان حسب قدرته فيبدأ الجسم باطلاق صفارات الانذار والخطر ويصبح صعب انك تتحكم به فيحبس الدهون ومعها سموم ويطلق العنان للفوضى داخل الجسم لاستهلاك العضلات والانسجه التي يحتاجها للجسم اصلاً لتنظيم الاكل والشرب وتدخل في دوامه العن من دوامة الحوارق..

الحل:
قالها سيد الخلق عليه الصلاة والسلام نحن قوم لا نأكل حتى نجوع وإذا اكلنا لا نشبع)

اجلس على الاكل وانت تشتهيه وقم من على السفره وانت تشتهيه ....وهناك فرق بين ان تشتهي الاكل وبين انك تبي الاكل ..

إذا قدرت تطبّق القاعده اللي فوق لمدة شهر سيصبح عندك نوع العاده ويتواصل إن شاء طريقك من غير تعب ولا رياضه ..شوف موضوع الاخ ابو دانا الحربي في العام عن هل احتاج الى رياضه لانقاص وزني..


تحيه واحترام

[كلاااش 1403]

افضل حل

ارسم لك جدول بسيط غير متكلف وغير متعب

فكر على المدى البعيد ,

اقترح عليك , انك تنقص كل شهر من 1 كيلو الى 2

احسبها في السنه , تطلع 12 الى 24 كيلو

ممتاز , اذا نقصت 12 او 24 كيلو في سنه , يعني جسمك راح يتغير تغيير جذري

وغير كذا نفسيتك ماراح تتعب , كثير من اللي يبون ينحفون , يدخل جدول تمارين وغذاء قاسي بحيث ينقص شهريا من 4 الى 8 كيلو , وبعدها بشهر يقطع الجدول ويرجع وزنه مثل ما كان وازود