الكورة .. الحماس .... و الانبراش!

[SFS]

ما لك الا تلبس كسارات..وتريح نفسك..

أو اذا واحد دخل عليك دخلة قوية ما لك الا تقلد توتي..











والنهاية:



وطبعا أنا الأعب قلب دفاع..وصار لي فترة مو لاعب..

واذا أبي العب قدم ألعب بملعب صابون..

وأيام الثانوية كنا نلعب بملعب صالات..ووقتها حماس..وأنا مثل ماتيرازي أطق اي واحد ياخذ الكرة..

وعلى يوم مصختها..والشباب تحلفوا فيني..فكل مرة يطقوني ما يحسبونها فاول..

وأنا رديت الصاع صاعين..

وأنا بطبعي أحب الألتحامات ...لكن الخشونة ما استملها الا ضد الربع..

أما اذا لعبنا ضد ناس ما نعرفهم فما استعملها..

[Electro M]

جولدن
اصلا ما خرب المنتدى الا سيرة جدجد حقتك
بعدين انا اتكلم ان دورها في ذا انسايد مان كان اي كلام <=== ناوي يخرب موضوعه
و تصورك بعيد عن الواقع انا رجال رياضي
كرة قدم, كرة تنس طاولة, كيرم
كله احتراف

غريب
يا رجال المشكلة ان في مناطق تلقى فيها ملاعب بس الحنوسات - على قولة بلاك راش - يقلبونه لشي ثاني
العيب ما هو بس في الحكومة
الشعب يتحمل بعض المسؤولية في مثل هالامور
و عوض الله عليك بخصوص ال3 الاف ريال

ثريول
اجل مسوي انواع البراءة عندنا و في الواقع الحماس ذابحك
بعدين اي شيخ الله يهديك انا توني شباب

محمد
لو برسل لتكر شي ما راح يكون هالموضوع بس
برسله كتاب "كيف تتعلم الكرة خلال 24 ساعة"
لان الرجال 3 ارباع هجمات المنتخب التركي كانت بسبب اخطاؤه الدفاعية لا يعرف لا يستلم و لا يسلم و لا يراقب و لا حتى ينبرش

عبدالعزيز
سلامات لركبتك
بخصوص الNBA مرة جلست اتفرج على مباراة بين ميامي و النيكس الظاهر اللي كانت تنلعب قبل اسبوعين تقريبا
مباراة حماسية و انتهت بفارق قريب
وش صار من اللي تأهل بينهم؟

كرونو
اجل مالديني رفحا
لو يسمعها مالديني اعتزل

ssaa
من جد كان الله في عونك
اسوأ شي اصابات الركبة
هي اللي حرمتنا من ابداعاتك انت و فان باستن

لا تصدق بس

ايفلوه
انا اكره اللعب مع انانيين
يعني المرة الوحيدة الي تشوفني اتنرفز في المباراة هو لما يكون احد اعضاء فريقنا اناني
بعدين حطيت الباربي عشان الجنس اللطيف يشارك معنا بس للاسف على ما يبدو تم جحد هالجزئية جحدا اليما

SFS
الكسارات لحماية الساق ما تحميك من كل شي للاسف
بس عليك لقطة لتوتي
ياخي هاللاعب مميز بس طلعاته تخسف بتميزه بالارض
المشكلة اني شفت برنامج على ايام ابوظبي الرياضية الي يخلون لاعبين مشهورين مثل بياعين و الا عمال
شفت حلقة طلع فيها توتي كعامل محطة بنزين
بصراحة قمة في التواضع
لكن في الملعب شي ثاني

[الموهوب]

سلامو عليكم ..

الكورة وما ادراك ما الكورة .. انا لي صولات وجولات معها

الحمدلله ماقد تضررت ذاك التضرر من الكرة ...

الا سؤال على جنب :

انا كنت العب تقريبا ً الفترة اللي راحت نص ساعه كل ثلاث اسابيع اسبوعين كذا ,, وماشي تمام التمام .. بعد مده صرت العب ساعه كاملة كل اسبوعين , وتطورت كل اسبوع ’

بعد اسبوعين من اللعب ساعه كاملة

عضلات رجلي ماعد تتحمل اي ضغط .. اجلس بين السجدتين واحس اني خلاص رجلي بتتقطع

وش السالفه تكفون .. عقبها والى الان مالمست كورة والحمدلله الحين تركت الحركة ورجلي رجعت طبيعيه O_o

بس السؤال وش قصة هالألم .. اكيد مافي لياقه بتاتا بس كيف اتعود لانه بهالألم مافي امل تلعب او تتحرك حركة طبيعيه .. فـ وش الحل :S ..وخاصت(ن) بالصيفيه الإغراؤات للعب واجد

بالنسبه للإنبراشات والله صارلي موقف ماله داعي ... سحبت بواحد وناولت وراحت الكوره بعيدا ً جدا ً بعد ثواني شفت فنيلتي مسحوبه سحب شديد الا وانا طايح عالأرض ’ ليه مدري

قمت وانا مطرطع .. ياخي لو انك كاسرني وانا العب ماقلت شيء لكن راحت الكورة وتكسر ليه ّ؟؟؟؟؟؟؟؟؟؟؟؟؟؟؟؟؟؟

صار مشادات كلامية ومدري وش وعدت على خير ...

اما التكسير وسط اللعب فمانقدر نقول شيء .. هذا اللعب


والحمدلله عالسلامة للجميع مع اني ماقريت الا الموضوع

[Lezard Valeth]

الكورة ما كنت العب الا ايام المدرسة بس, ساعات دفاع ساعات حارس مرمى, ما حصل لي شرف الهجوم أبدا

وبالنسبة للمبدأ تقدر تقول اني خير الامور اوسطها ساعات أطوف للشباب وساعات احط عليهم واكسر ضلوعهم

وبالنسبة للاصابات مرة وحدة بس طحت على جتفي بسبة لاعب دفش وصار عندي شد عضلي ما راح الا بعد اسبوع

وشنو قالي يوم طيحني اتهقى؟: مو جذي الناس تتحرك تعلم شلون تركض بعدين تعال العب

وأنا على طول قمت حكيته بوكس وقلت له اتعلم اركض ها؟ يا الخرتيت انت تنطح مو تركض مكانك حديقة الحيوان مو الملعب, وبعدها فرقونا الشباب

[golden_sky]

أشوف الناس صارت قالس ومارادونا

بعدين يا إني متوااااااضع !!!

يوم إني أقول ثورام موب مشهور وعلى قد حاله <= شي معقول



ايه نسيت أقول

أنا يقالي رونالدينو

لكن مو عشان لعبي خطير

يقولون أسناني رايحة فيها مثله


إليكترا شان يو ~

تراي ما شفت إنسايد مان لكن أنت ما تفهم في الأفلام أصلاً ورأيك ما يؤخذ بيه <= واحد مقهور

بعدين أنت اسمع الكلام وشوف لها فيلم " صمت الحملان " وبتنسطل على أدائها

لكن يا خوفي بعد ما تشوفه تاخذها مني


تحريرررررر ~

توتي ( نيفر داي )

فكرتني بصاحب السحر الحلال هههه زماااااااان عنه ^_~

[Classic Evil]

توتي ( نيفر داي )

فكرتني بصاحب السحر الحلال هههه زماااااااان عنه ^_~

مسوي تحرير حقي يالنحرير ..
توتي من أي ناحية ؟
إذا بالمهارة اوكي ..
بالدفاشة ..

أما صاحب السحر الحلال ما أدري ليش يبطل هالسحر مع البرازيل, لكن فعال مع برشلونة ..

يمكن لأنه الحرز محطاي بأسبانيا ؟

ومرة ثانية, من زمان عنك جولدن سكاي ...



الكترا (كما يحلو لعزيزي جولدن سكاي) :

مب أناني بالمعني اللي تصورته...
يعني إذا فايزين مثلا ..
ثم هالحركة ما تستوي إلا مرة وبالكثير مرتين في المباراة ..
أما الأناني.. أكثر كراته لنفسه وما تهمه نتيجة الفريق

[ReD_EyeS]

نعم يالكتروا
تدابغتوا من أجل الكرة
و في دورتين و واحده في مباراة وديه

أول دورة
أقيمت في الدرعية
و خرجنا من دور الاربعة
فقلبنها مدابغ و طق يحبه قلبك
طبعاً أنا ما أدري وش القصة
كنت في خانة الدفاع و الهوشة صارت
في منطقة دفاع الخصم مع مهاجمنا
و أنا بحكم أني ألعب بروح الفريق صفقت
و دبغت مهاجمهم..
على أنه صغير سن بس كان جني كل ما طبت عليه
صفط فيني ولا فيه تقدير لكبر سني ولا شيء
قليل التربية فوجدتها فرصة لتأديبه
.
.
.
.
.
.
الدورة الثانية في منطقة العيينة
و كانت في رمضان
وصلنا لدور الثمانية و طلعنا
بهدوء لكن في مباريات المجموعة
أشتبكنا مع جماهير فريق من الرياض
و السبب يعود للألعاب النارية التي أطلقت على
أحد لاعبينا فقام هذا اللاعب بالأشتباك مع ذلك الأحمق
المتهور مطلق ( الشراخي )
ففزعوا معه ربعه و نحن بدورنا فزعنا مع خوينا بس أكلنا
ضرب يحبه قلبك
واحد نذل حذف علي بلكة وخرت عنها ( تحشيتها )
لكنها طاحت على أصبعي الدبي و عينك ما تشوف النور
قسما بالله حسيت أن روحي راح تفارق جسدي من شدة الألم

( لا أحد يقول خكري..ترى بزعل )
.
.
.
.
.
.
المباراة الودية كانت في عرقه
في بطن الوادي بعرقه
و أنا من تسبب بهذه الهوشة ( المضاربة )

أثناء سير المباراة إلتحمت مع أحد لاعبينهم
فسقط بقوة على وجه فقال لي :
وين يا أبو الشباب
فقلت له :
على البطحاء

فرد علي :
تستخف دمك أنت وخشتك؟
فشفت أن الرجال زعلان و وجه مغبر فما حبيت أطولها
و سكت.
لكن المشكلة أنه صار يستقصدني في كل كوره توصل لي
في أحداها الكورة كانت راح تطلع ضربة مرمى و أنا أتابعها
كحال أي مدافع و يجيك منطلق أبو الشباب يبي يلحق عليها
و الله لو جاب قوة أمه و أبوه ما راح يلحق عليها
المهم طلعت الكورة ما دريت إلا بركبته على ظهري
هنا قطع آخر فيوز في راسي و قلت له :
يا....؟$%^$^^%%#)!@
فمسكته من حلقه و بطحته أرضاً
و أنواع الترفس في بطنه
ففرقونا لكني أحس أني إلى الآن ما بردت قلبي منه
و أنطلق عليه مرة ثانية بأحوس مريره
و إذا بلكمة خائنة على وجهي من أحد رفقائه
فسقطت على الأرض فشتبك أصدقائي معه و أنا
تركت اللي طقني بقوس على وجهي و رحت للي مسوي
فيها باتمان على غفلة و كملت الناقص فيه
ففرقونا بعد أن كادت أن تكون جماعية عاد ذيك
الساعة من اللي راح يفرقنا في هالوادي؟!

.
.
.
.
.
.
.
.
على فكرة يالكتروا
أنا ملاحظ أنك منت حرش في الكورة
خذها نصيحة مني في عالم الكرة
يا ذهب أصفر يا دم أحمر

.
.
.

.
.
.
.
.
.
.
.
.

[Yamato]

اولا.. اخوي كسر الباربي حقتي

ثانيا.. يقولون التار ولا العار.. يا عماد الدين هريدي..

ثالثا.. انا حالي من حال انسان.. دايما اخر ناس ولا يتعازمون بعد

رابعا.. اخر مرة لعبت الكرة كان في شهر 11 او 12 السنة اللي طافت.. اسميه اني رجعت اللي اكلته..

خامسا.. اتحدى اي راس بالويننغ اليفن <<<<< مسيطر عالقطيع تماما في الحقل

[Trapped Inside]

ياخي شوقتني للكوره يااااااخي -_- .

[Electro M]

بما اني نشرت الموضوع قبل كاس العالم
فراح ارفعه بعد ما قرب كاس العالم من الانتهاء
و عشان ما تطب علي اينجلوه او تنوضع في موقف حرج
الموضوع لما رفعته كان ما زال في الصفحة الاولى لذا لحد يسوي زحمة و الشارع فاضي

موهوبيان
بخصوص الام عضلات رجليك
فاكيد بتتالم اذا كنت تارك الكورة فترة طويلة
و جلست تلعب لمدة طويلة نسبيا
يعني حاول انك تلعب كل يوم ربع ساعة طقطقة على خفيف و تسديد و ما الى ذلك اذا كنت متحمس
حتى تتعود عضلاتك

ليزارد
وين اختفيت بعد ردك هذا ؟

جلدونة
هي اساسا طالعة كومبارس و بدور يختلف نهائيا عن ادوارها السابقة
و الفيلم بصراحة ما جاز لي كثير
يعني الاحداث ما تاخذ ساعة و مع ذلك الفيلم ساعتين و شوي

ايفلوه
ايه انا اقصد النوعية هذه
زين ما طلعت منهم

العيون الحمر
هذا ارهاب موب لعب كورة
الا وينك مختفي؟

ياماتو
وش سويت باخوك اللي كسر الباربي ؟
بعدين اكيد اذا جلست تراكض بدون لياقة بيصير لك كذا

ترابيد
ما ادري وش ارد عليك يااااخي

[الموهوب]

يعني حاول انك تلعب كل يوم ربع ساعة طقطقة على خفيف و تسديد و ما الى ذلك اذا كنت متحمس
حتى تتعود عضلاتك

انا اقصد ساعه كاملة من الركض المتواصل ..

يعني مهوب تسديدات وطقطقه , هذي ماهيب شيء &#215;_&#215; ..

ومثل ماقلت تحس نلعب انا ورجلي حبشه ’ كل ما لعبت كم مباراة جانا الألم ’ واذا تركنا الكورة طار الألم.. مدري وشهو الحل الوسط حقيقت(ن) ..

[Electro M]

انا اقول العب في البيت كل يوم ربع ساعة لعب مع اخوك الصغير مثلا عشان تتعود عضلات رجولك على هالنشاط و لو بشكل بسيط
لانك لو تبي تتخلص من هالالم نهائيا فيبيلك فعلا جدول تدريب جاد يوميا
لان الالم اللي يجيك هو الم عضلات لانها تتعرض لنشاط ما تعودت عليه

[Yamato]

ياماتو
وش سويت باخوك اللي كسر الباربي ؟
بعدين اكيد اذا جلست تراكض بدون لياقة بيصير لك كذا

عماد الدين كورة..
متزاعل معاه للحين على سالفة الباربي
واما للركض بدون لياقة.. -____-!
شو تتوقع من شخص.. لا يمارس الرياضة ابدا ابدا ابدا.. ومكملها بالدواخة.. وكمان يحب القعدة.. يعني ما اتحرك كثير.. الا بالدوام فقط.. يمكن هناك اضربلي كم كيلو باليوم الواحد مشيا.. وبعدها فترة ركود لاسبوعين -___-!

بودي اروح الصالة هناك.. بس متعايز -__-!

[Classic Evil]

انا اقول العب في البيت كل يوم ربع ساعة لعب مع اخوك الصغير مثلا عشان تتعود عضلات رجولك على هالنشاط و لو بشكل بسيط
لانك لو تبي تتخلص من هالالم نهائيا فيبيلك فعلا جدول تدريب جاد يوميا
لان الالم اللي يجيك هو الم عضلات لانها تتعرض لنشاط ما تعودت عليه

أسبوعين لك في النادي و صرت كبتن يا عماد الدين كوستا

[Yamato]

أسبوعين لك في النادي و صرت كبتن يا عماد الدين كوستا

ايه والله.. نفس ما صار ينتقد ذوق الواحد في الافلام.. بس علشان انه شاف كم فيلم معتبر